SPORTS

Tinalo ng Belgium ang Canada sa 1-0 sa Group F Match ng 2022 FIFA World Cup sa Qatar.

Pinatunayan ng Belgium ang lakas nila laban sa Canada sa laro na ginanap sa Ahmed Bin Ali Stadium.

Nagpakitang gilas si Michy Batshuayi matapos ang nag-iisang goal ng belgium sa first half ng laro.

Samantala, patuloy pa rin ang pagtatangka ng Canada sa second half ngunit naging matindi ang opensa ng Belgium.

Makailang beses na nagpalit ng mga player ang magkabilang panig subalit hanggang maubos ang oras ay hindi na nakapuntos ang Canada.

Hindi itinanggi ni Stephen Curry ng Golden State Warriors na naisip din niyang maglaro sa ibang kuponan.

Ayon kay Curry, gaya ito ng Charlotte Hornets kung saan miyembro ang kaniyang ama na si Dell curry.

Gusto rin daw niyang malaman ang pakiramdam na suot ang no. 30 jersey sa hornets.

Gayunman, sinabi ng NBA star na mahal niya ang kaniyang journey sa warriors.

Tinambakan ng Spain ang Costa Rica sa Group E-Stage Game matapos na makakuha ng iskor na 7-0 sa 2022 FIFA World Cup sa Qatar.

Mula sa umpisa ng laban ay nakakuha na ng kalamangan ang Spain nang maipasok ni Dani Olmo at Marco Asensio ang goal.

Bago matapos ang first half, nakapuntos muli ang nasabing bansa sa pamamagitan ni Fernan Torres kaya’t umakyat sa 3-0 ang iskor nito.

Sa second half ng laban, umabot na sa 4-0 ang kalamangan.

Samantala, hindi pinaporma ng Spain ang Costa Rica at magkakasunod na naipasok ng midfielder, nina Carlos Soler at Alvaro Morata ang goal.

Nagpasalamat ang 9 year old chess champ na si Bince Operiano sa mga nagpa-abot ng tulong at nagpakita ng suporta sa kaniyang naging laban sa 6th Eastern Asia Youth Chess Championship na ginanap sa Bangok, Thailand kamakailan.

Matatandaang humakot ng medalya at tropeyo si Bince na kinabibilangan ng isang gold, isang silver, dalawang bronze medals, isang trophy, at certificates.

Ayon sa ama ng atleta na si Benrose “Ben” Operiano, wala mang cash prize ang sinalihang kompetisyon ng kaniyang anak, nag-uumapaw na tulong naman ang kanilang natanggap mula sa mga taga-suporta nito.

Pinasalamatan naman Ben ang publiko partikular na ang mga sumuporta at nagdasal sa nagdaang laban ni Bince na gumuhit ng panibagong karangalan sa Pilipinas.

Natuldukan na ang longest winning streak sa kasaysayan ng UAAP SEASON 85 Women’S Basketball.

Ito ay matapos talunin ng De La Salle University ang National University na may hawak ng 108-game winning streak mula pa noong 2013, sa iskor na 61-57.

Nanguna sa pagkapanalo si fina tchuido na nakapagtala ng 14 points, 19 rebounds at 2 steals.
Sinundan ito nina Charmaine Torres, Lee Sario at Bettina Binaohan na nakakuha ng tag-10 points.

Nilampaso ng France ang Australia sa Group D Match ng 2022 FIFA World Cup na ginanap sa Qatar.

Matapos ito na masungkit ng kuponan ang iskor na 4-1.

Unang nakapuntos ang Australian Player na si Craig Goodwin sa loob ng ika-9 na minuto ng laro.

Hindi naman nagpahuli ang France at umiskor ito sa pamamagitan ni Adrien Rabiot.

Naipasok din ng striker na si Oliver Giroud ang goal kaya nagbigay ito sa kuponan ng 2-1 na kalamangan.

Naipasok din ni French Forward Kylian Mbappe para sa iskor na 3-1.

At sa pangalawang pagkakataon ay nakapasok ang goal ni Giroud para makuha ang 4-1 na panalo.

Ipinasilip sa preliminary pageant ang long gown ng mga kandidatang lalahok sa Miss Earth 2022.

Naganap ang nasabing kompetisyon noong Lunes sa City Hall ng Albay kasabay ng aktibidad ng mangrove tree planting, eco-tourism visits, humanitarian, immersion activities at ang gala night.

Tampok din sa lalawigan ang ilan sa mga tourism sites kabilang na ang Kawakawa National Park, Bambusetum, Paayahayan sa Bulod at mga local beaches.

Nabatid na sa Albay gaganapin ang pre-pageant event ng Miss Earth kung saan, nakatakadang ipakita ang long gown at swim wear attire ng mga beauty queen sa M Plaza Grounds sa Batang Village.

Pinasalamatan naman ni Mayor Fernando Gonzalez at iba pang lokal na opisyal sa lugar ang pagkakataong maipakita ng lalawigan ang natatangi nitong ganda sa mundo.

Hinikayat din ng alkalde ang kaniyang mga nasasakupan na protektahan ang kalikasan at ilagay sa tamang tapunan ang mga basura.

Nasa 18 Filipino athletes ang lalahok sa Thailand Open Track and Field Championships sa susunod na linggo.

Sisimulan ang kompetisyon sa darating na November 28 na tatagal hanggang sa December 1, 2022 sa National Athletics Center sa Samkhog District, Pathumthani Province ng nabanggit na bansa.

Matatandaang napili ang mga manlalaro batay narin sa kanilang ipinakitang performance sa finals ng Philippine Amateur Track and Field Association (PATAFA) weekly relay series na nagsimula noong buwan ng Agosto.

Layunin nitong maiuwi ng mga atleta ang mas maraming gintong medalya para sa panibagong karangalan ng Pilipinas.

Magdaragdag ng timbang ang filipino weightlifter na si Hidilyn Diaz.

Para ito sa magiging laban ni diaz sa world weightlifting championships sa Bogota, Colombia na gaganapin sa Disyembre  5- 6

Sa kalukuyan, nasa 57.5-kilogram na ang timbang ng weightlifter na malapit na sa target nito na 59 kilogram.

Tiniyak naman ni Spencer Arnold, Founder at Head Coach ng Power and Grace Performance na lugar na nagsasanay si Diaz, na palalakasin din nila ang skills at mental health ng manlalaro para sa nalalapit na laban nito.

Nakatakdang lumaban ang kuponan ng Pilipinas para sa Men’s and Women’s Division ng Volleyball World Beach Pro Tour Futures sa susunod na buwan.

Ang nasabing kuponan ng bansa ay hinati sa 3 pares na kinabibilangan nina Jude Garcia At Krung Arbasto, Ranran Abdilla at Jaron Requinton, James Buytrago at Pol Salvador.

Magsisilbi namang host ng naturang tournament ang Philippine National Volleyball Federation (PNVF)  kung saan gaganapin ito sa Subic Bay Sand Court sa Disyembre.