SPORTS

Inihayag ni Barangay Ginebra Import Justin Brownlee na handa siyang sumali at maging miyembro ng Military Reserve Force ng Pilipinas para maging naturalized Filipino.

Kasunod ito ng naging katanungan ni Sen. Francis Tolentino sa atleta kung handa nitong depensahan Pilipinas sa ibat-ibang kompetisyon at iba pang mga hamon.

Sa naging deliberation sa Senado, sinabi ng two-time Best Import Awardee ng PBA na kaniyang gagawin ang lahat, para mapabilang sa Philippine Citizenship.

Sa ngayon, inaprubahan na ng Senate Panel ang panukalang batas na magbibigay sa kahilingan ni Brownlee na magkaroon ng Filipino Citizenship.

Natapos na ang suspensiyon ni Brooklyn Nets star Kyrie Irving.
Ito ang inanunsiyo ng National Basketball Association (NBA) matapos humingi ng paumanhin si Irving at makausap si NBA Commissioner Adam Silver.

Una ng pinatawan ng 8-games ban si Irving ng nets dahil sa ginawa nito
Samantala, makakasama na muli ng nets si Irving sa paglalaro laban sa memphis grizzlies.

Aprubado na sa unang pagdinig pa lang ng Senate Committee on Justice and human rights ang panukalang batas na naglalayong pagkalooban ng Filipino Citizenship, ang Amerikanong Basketball Player na si Justin Brownlee

Hangarin ng panukala na maging kasapi si Brownlee sa Gilas Pilipinas national basketball team sa kasalukuyang laban nito sa fiba basketball world cup.

Sa pagdinig na pinangunahan ni Senator Francis Tolentino na chairman ng kumite, sinabi ng mga kinatawan ng Department of Foreign Affairs, Department of Justice, Office of the Solicitor General, PNP, NBI at Bureau of Immigration, na wala silang nakita na derogatory record o masamang report laban kay Brownlee kaya hindi sila tutol sa pagbibigay sa kanya ng filipino citizenship.

Sinabi naman ni Tolentino na maganda ang ipinakitang asal at ugali ni Brownlee, mapagpakumbaba at pwedeng gayahin ng mga kabataang filipino. - sa ulat ni Cely Ortega- Bueno (Patrol 19). 

Naging matagumpay ang opening ceremony ng 2022 FIFA World Cup sa Qatar.

Matapos ang opening speech ni Sheikh Tamim Bin Hamad Al-Thani, ang Emir ng Qatar ay ipinakita ang mga makukulay na ilaw at fireworks.

Sinundan naman ito ng pagwawagay-way ng watawat ng mga bansang kabilang sa nasabing kaganapan.

Samantala, nakapagtala ang FIFA ng aabot sa 7.5 billion dollars na kita para sa naturang ceremony.

Makakatanggap ng kaparehong cash incentives ang mga Paralympian na nakapag-uwi rin ng karangalan sa bansa.

Batay sa Senate Bill 1442 na inihain ni Senator Jinggoy Estrada, pinaaamyendahan ang Section 8 ng Republic Act 10699 o ang “National Athletes and Coaches Benefits and Incentives Act” para sa pantay na insentibo ng bawat mga atleta.

Ayon kay Estrada, dapat maging pareho ang matatanggap na incentives sa pagitan ng mga National Athlete at mga atletang may kapansanan na parehong sumungkit ng karangalan at nagpakita ng tapang, husay at determinasyon sa larangan ng pampalakasan.

Sa ilalim ng naturang panukala, ang mga Paralympian na nakasungkit ng gintong medalya ay makatatanggap ng P10M; P5M para sa nakasungkit ng pilak; at P2M naman sa mga nakasungkit ng bronze medals sa Summer at Winter Olympics.

Bukod pa dito, isinusulong din ang pagbibigay ng P2M sa mga gold medalists sa Asian Para Games habang P300,000 naman mula sa kasalukuyang P150,0000 na insentibo para sa makakakuha ng gintong medalya sa ASEAN Para Games.

Inangkin ng National University (NU) Lady Bulldogs ang korona mula sa De La Salle University (DLSU) Lady Spikers, sa three-set victory nito sa Shakey’s Super League 2022 pre-season championship na ginanap sa Rizal Memorial Coliseum.

Sa score nitong 25-23, 25-20, 25-20, nakuha ng Lady Bulldogs ang matamis na 8-0 sweep na ikalawang sweep nito sa taon matapos walisin ang lahat ng kanilang kalaban sa UAAP Season 84.

Pinangunahan naman ni opposite hitter Alyssa Solomon ang laban matapos nitong maglista ng 14 points – 10 attacks, 3 aces at isang block.

Katuwang naman ni Solomon sina UAAP rookie-MVP Mhicaela Belen, Ces Robles, Sheena Toring, Vangie Alinsug at playmaker Cams Lamina. —mula sa panulat ni Hannah Oledan

Nakapasok sa Most Outstanding Swimmer (MOS) award sina Nicola Diamante at Pauline Obebe sa Congress of Philippine Aquatics Incorporated (COPA) reunion challenge national finals sa Teofilo Yldefonso swimming pool sa Rizal Memorial Sports Complex.

Nakakuha ng tig-3 medal si Obebe at diamente sa naganap na kompetisyon.

Humataw si Diamante na may 100 meter backstroke habang nanguna naman si Obebe sa aqua sprint swim.

Samantala, nagwagi rin sa dibisyon sina Kisses Libat ng green blas­ter, Victoria Vitog ng aquanights, Jhoey Gallaro ng swim Kings at Xian Espinas ng Naawan Watershacks. - sa panunulat ni Jenn Patrolla 

Handa na ang University of Santo Tomas (UST) para sa golden-double run ng UAAP Season 85 Table Tennis Tournament, ngayong araw.

Gaganapin ang UAAP Table Tennis Competition sa Makati Coliseum sa pangunguna ng defending champions Tiger Paddlers.

Magugunitang, nakakuha ang Growling Tigers ng rekord na ika-28 na korona habang ang tigresses ay nakakuha ng ika-13 na titulo sa Volleyball noong 2019.

Makakalaban ngayon ng UAAP ang University of the East (UE) at susundan naman ito ng Ateneo De Manila at Unibersidad ng Pilipinas. —sa panulat ni Jenn Patrolla

Umangat na sa pwesto ang Gilas Pilipinas sa FIBA world ranking.

Nasa pang 40 na ang Men’s National Basketball Team ng bansa mula sa dating 41.

Naging dahilan ng pag-angkat ng team dahil sa ika-5 window ng 2023 FIBA World Cup Asian Qualifiers matapos mapabagsak ang team ng Jordan at Saudi Arabia.

Samantala, nasa unang pwesto na ang Spain sa Men’s ranking dahil pinalitan nito ang USA Basketball Team.

Nasa pangatlong pwesto naman ang Argentina habang pang-apat ang Australia at panglima ang France. —sa panulat ni Jenn Patrolla

Nag-alok ang Philippine Olympic Committee (POC) ng advance training package para sa mga atletang Pinoy na kwalipikado sa Paris 2024 Olympics na magaganap mula July 26 hanggang August 11.

Inanunsyo ito ni POC president Abraham Tolentino na naaprubahan ng kanilang Executive Board ang naturang training sa Paris.

Aniya, sasagutin ng POC ang gastusin na aabot sa P3,900 kada araw sa mga qualified athlete.
Matatagpuan naman ang venue ng training malapit sa La Moselle sa nasabing bansa.