SPORTS

Pinadapa ng Magnolia Hotshots ang Rain or Shine matapos matiyak ang twice to beat na pwesto sa PBA commissioner’s cup.

Simula pa lamang, kontrolado na ng Magnolia ang kanilang laro dahil nasa pangalawang pwesto na ito at makakaharap ang Phoenix Super LPG sa Quarterfinals.

Nanguna sa team si Nick Rakocevic na nakakuha ng 21 puntos at 13 rebound habang tig-16 na puntos sina Paul Lee at Ian Sangalang.

Nakapagtala naman ang Magnolia ng 10 panalo at 2 talo.

Samantala, makakalaban naman ng Rain or Shine ang NLEX. - sa panunulat ni Jenn Patrolla 

Napili ang Pilipinas upang maging host ng FIBA Basketball World Cup KSA 2023.

Kasama rin ng Pilipinas ang mga bansang Indonesia at Japan.

Gaganapin naman ang drawlots ng mga kalahok sa April 29, 2023.

Sa Pilipinas rin magaganap ang dalawang group phase venues para sa mga pangunahing programa ng FIBA.

Samantala, magsisimula naman ang palaro mula August 25 hanggang September 10. —sa panulat ni Hannah Oledan

Naipanalo ng San Miguel Beermen ang laro nito kontra Meralco Bolts sa score na 113-118 sa nagpapatuloy na PBA Commissioner’s Cup.

Nakapagtala ng 32 points at 13 rebounds ang import nila na si Devon Scott habang nakapag-ambag naman ng 13 points si Marcio Lassiter at 12 points naman si Terrence Romeo.

Sa kasalukuyan ay nasa ika-limang puwesto na ang Beermen na mayroong pitong panalo at limang talo.

Makakaharap naman nila ang Converge Fiverxers sa Best of Trees Series sa darating na Quarterfinals. —sa panulat ni Hannah Oledan

Planong isali ng Samahang Basketbol ng Pilipinas (SBP) si Justin Brownlee sa 2023 Southeast Asian Games sa Cambodia.

Ayon sa SBP, kanilang ipauubaya sa Gilas Pilipinas ang desisyon kung palalaruin ang naturalize player sa nasabing kompetisyon bukod pa sa 6th Window ng 2023 FIBA World Cup Asian Qualifiers na gaganapin naman dito sa bansa.

Matatandaang inaprubahan sa ikatlo at huling pagbasa sa kamara ang House Bill No. 6224 para maging Filipino citizen si Brownlee sa pamamagitan ng naturalization.

Sunod namang idadaan si Brownlee sa proseso ng senado matapos ang inisyal na approval ng Senate Bill 1336.

Pinadapa ng Los Angeles Lakers ang Portland Trail Blazers sa Season 2022 ng national Basketball Association (NBA).

Nanguna sa laban si Lebron James na may 31 points, 8 assists at 7 rebounds para mag-ambag sa overall score na 128 – 109.

Bukod kay Lebron, malaki rin ang naging ambag sa opensiba ni Austin Reaves na may 22 points at Anthony Davis na may 27 points at 12 rebounds.

Sa ngayon, umakyat na ang record ng Lakers sa 8-12.

Susunod na makakatapat ng koponan ang pinakamalakas na team sa Eastern Conference na Milwaukee Bucks.

Nilampaso ng Argentina ang Poland sa Group C knockout game ng FIFA World Cup .

Unang nakapagtla ng goal si Midfielder Alexis Macallister para madala sa 1-0 ranked number 3 na Argentina sa laro na ginanap sa stadium 974.

Matagumpay namang naipasok sa second half ni Julian Alvarez ang goal para maiwan sa 2-0 ang ranked ng Poland.

Ibinunyag ni retired boxing referee Carlos Padilla ang ginawa niyang pandaraya sa laban ni dating senador Manny Pacquiao at nedal hussein ng Australia noong October 14, taong 2000.

Sa panayam ng World Boxing Council matapos iluklok sa Nevada boxing hall of fame, inamin ni Padilla na tinulungan niya si Pacquiao upang matalo si Hussein sa kanilang laban noon sa Ynares Center, Antipolo City.

Ito, anya, ay upang makarating sa World Boxing Championship ang pambansang kamao, na noong panahon na iyon ay hindi pa sikat at masyadong kilala.

Ayon kay Padilla, nanaig ang kanyang pagka-pilipino nang mga sandaling iyon at inilarawan din niya si Hussein bilang “dirty fighter”.

Sa ika-apat na round ay pinabagsak ni Hussein si Pacman pero agad tumayo habang sinadya umanong patagalin ni Padilla ang pagbibilang sa people’s champ upang maiwasang matalo.

Kalauna’y nanalo si Pacquiao sa laban sa pamamagitan ng “technical knockout” sa round 10.

Sasabak ngayong araw sa international tournament ang 50 pinoy fencers sa Malaysian Fencing Federation minime na gaganapin sa gymnasium ng arena Tan Sri Hamzah sa loob ng Olympic Council Malaysia (OCM) sa Kuala Lumpur.

Kabilang sa mga lalaro ang mga lalaki at babae para kategoryang under-8, under-10, under-12, under-14 at under-16 age groups.

Ang naturang event ay inorganisa ng Malaysia Fencing Federation sa pangunguna ni President Rusni Abu Hassan.

Layunin ng mga atleta na masungkit ang mas maraming medalya at karangalan para sa Pilipinas.

Maghaharap na bukas sa finals ng premier volleyball league reinforced conference, ang Cignal HD Spikers at Petro Gazz Angels.

Ito ay matapos talunin ng Petrogazz ang creamline sa limang set ng laro na may score na 25-16, 20-25, 14-25, 25-11, 15-9.

Nanguna sa laban ng Petro Gazz kontra creamline si Lindsey Vander weide na may 29 points.

Bukas ng 5:30 pm magaganap ang best-of-three game ng premier volleyball league.

Pinayagan na ng Samahang Basketbol ng Pilipinas (SBP) Si Gilas Pilipinas Women’s Coach Pat Aquino na maghanap ng manlalaro mula sa ibang bansa upang gawing naturalized player.

Ayon kay Aquino, nakatakda na siyang bumiyahe sa December 14 para bisitahin ang mga representative ng Pilipinas sa Women’s Basketball na sina Gabi Bade, Stefanie Berberabe at Ella Fajardo.

Iginiit naman niya na may ilan na ring mula sa u.s ang nagpahayag ng interes na makapaglaro para sa Pilipinas.