SPORTS

May bago nang Coach ang Philippine Azkals sa katauhan ng Spanish Coach na si Joseph Ferre Ybarz.

Si Ferre ay unang sasabak bilang Azkals coach sa laban sa AFF Mitsubishi Electric Cup simula sa December 20.

Sinabi ni Azkals Team Manager Dan Palami na malaking tulong sa Men’s National Football team ng bansa ang karanasan ni FERRE sa BARCELONa at ilan pang professional clubs.

Ang 39 anyos na Spanish coach mula sa Catalonia ay naging Academy Director ng FC Barcelona Escola, Kitchen SC sa Hong Kong at Buriram United sa Thailand at bumalik sa Asya bilang Assistant sa Quess East Bengal sa India.

 Pinadapa ng Barangay Ginebra ang Northport sa best of 3rd quarterfinals ng PBA Commissioner’s Cup.

Nanguna sa panalo si Justin Brownlee na kumamada ng 39 points para sa overall scrore na 118-102.

Nagtala rin ng 16 points si Stanley Pringle, habang mayroong 13 points si Jamie Malonzo.

Espesyal naman para kay La Tenorio ang laban na nagtala ng 1,174 kabuuang triple, mas malakikumpara sa record ni Ronnie Magsanoc na may 1,171.

Nakasungkit ng tatlong gintong medalya ang Filipina Weightlifter na si Hidilyn Diaz sa 2022 World Weightlifting Championships sa Bogota.

Ito ay matapos bumuhat si Diaz ng kabuuang 207 kilong barbel sa 55 kilogram category ng kompetisyon.

Sa 93 kilo category unang nakapag-uwi ng medalya ang weightlifter at sa 114 kilogram category.

Hindi pa nasiyahan si Diaz sa kaniyang performance dahil nagrehistro siya ng no-lift sa kanyang mga pagtatangka sa 117 at 121, na pinakamahusay ngayong taon.

Bago ang 2022 World Weightlifting Championships, una na ring nagkamit ng ginto si Diaz sa Asian Games, Asian Championships, at sa Southeast Asian Games kung saan siya ang kauna-unahang gold medalist ng Pilipinas.

Nanindigan ang International Olympic Committee  (IOC) na bawal pa rin ang International Boxing Association(IBA).

Ito ang iginiit ng IOC kasabay ng pagsabing hindi ipinatupad ang “Drastic Change of Culture” na hiniling upang alisin ang suspensiyon.

Ayon kay IOC Sports Director Kit Mcconnell, nagpadala na ng isa pang sulat ang IOC Executive Board, pagkatapos ng una noong Setyembre, na naglista ng mga alalahanin nito sa IBA.

Noong 2019, sinuspinde ang IBA dahil sa maraming iskandalo sa katiwalian, pamamahala, transparency sa pananalapi at integridad ng mga proseso ng referees.

Patuloy ang pagpapa kondisyon ni dating Senador Manny Pacquiao para sa kanyang laban kay Dy Koo.

Kasunod na rin ito nang pagdating ni Pacman sa South Korea para sa kanilang exhibition game ni Dy sa Korea International Exhibition Center sa December 10.

Si Pacman ay sinalubong ng ilang Pinoy sa Korea at maging ang mga korean nationals na nakipag selfie pa sa dating senador.

Ang mapapanalunan ni Pacquiao ay ido-donate nito sa charity.

“Remember the lesson, not the mistake.”

Bahagi ito ng natanggap na “Words of Encouragement” ng suspendidong Jose Rizal University player na si John Amores mula kay Vice President Sara Duterte.

Ibinahagi ni Amores sa Instagram ang liham na kanyang natanggap mula kay VP Sara, kung saan tiniyak nito sa kanya na mayroon siyang kaibigan mula sa Office of the Vice President.

Dahil dito ay tila nabuhayan ang dating JRU Heavy Bomber at sinabing ipapa-frame niya ang liham bilang remembrance at ito rin aniya ang magpapaala sa kanya na may taong nagsasabi na siya ay mahalaga sa kabila ng kanyang mga basher at natanggap na negatibong komento.

Nagpasalamat naman si Amores kay VP Sara at sinabing isang karangalan ang kanyang natanggap mula sa OVP.

Mababatid na pinatawan ng indefinite ban sa NCAA si Amores at tinanggal rin sa JRU Basketball Team matapos ang ginawa nitong panununtok sa ilang players ng St. Benilde Blazers.

Sinampahan na rin siya ng kaso dahil sa kanyang pag-aamok.

Pasado na sa ikalawang pagbasa ng senado ang panukalang pagkalooban ng Filipino citizenship ang barangay Ginebra import na si Justin.
Sa ilalim ito ng House Bill 6224 o ang pagbibigay naturalization kay Brownlee.
Hinikayat naman ni Senator Francis Tolentino, may-akda ng panukala, ang mga kapwa nito senador na pabilisin ang pag-apruba sa panukala.
Sa oras na maaprubahan, makakasali na ang manlalaro sa ikaanim na window ng FIBA World Cup Asian qualifiers kung saan makakaharap ng Gilas Pilipinas ang Lebanon at Jordan sa buwan ng Pebrero.

Pumanaw na ang renowned American Tennis Coach na si Nick Bollettieri sa edad na 91.

Ayon sa manager nito na si Steve Shulla, namatay si Nick sa bahay nito sa Florida bunsod ng serye ng health issues na pinagdadaanan nito.

Bumuhos naman ang pakikiramay sa pamilya ni Nick kung saan kabilang sa mga nagpaabot ng mensahe ang dati nitong estudyante na si tommy haas.

Si Bolletierri ang humubog at tumulong sa mga kilalang tennis players na no. 1 sa world ranking gaya nina Andre Agassi, Serena at Venus Williams, Monica Seles at Maria Sharapova.

Umabot sa mahigit 2.5 million na indibidwal ang nanood sa unang 48  laro ng FIFA World Cup 2022 sa Qatar.

Tinatayang mas mataas ang bilang ng mga dumalo ngayon kaysa noong 2018 World Cup na ginanap sa Russia.

Samantala, sinabi ng FIFA na pinakamarami ang nanood sa laban ng Argentina at Mexico na ginanap sa Lusail Stadium kung saan 88,966 ang nakibahagi. - sa panunulat ni Hannah Beatrisse Oledan. 

Magkakaharap ang Rain or Shine at NLEX para sa huling silya sa 8-Team quarterfinal round ng 2022 sa PBA Commissioner’s Cup.

Makakatapat naman ng no.1 Bay Area Dragons na may dalang ‘twice-to-beat’ ang mananalo sa larong ito.

Magugunitang nakapagtala ng dalawang sunod na panalo ang nlex mula sa 120-117 habang nadapa naman ang rain or shine sa 90-106.

Samantala, magtutuos ang elasto painters at road warriors ngayong 6:30pm sa knockout playoff sa Philsports Arena sa Pasig City. -sa panunulat ni Jenn Patrolla