SPORTS

Itinanghal na kauna-unahang Japanese undisputed bantamweight champion of the world ang 29 anyos na si Naoya Inoue.

Ito ay matapos talunin ni Inoue via knock-out si Paul Butler ng Britain sa Ariake Arena sa Koto-Ku, Japan

Dahil sa panalo, si Inoue na ang itinuturing na WBC, WBA, WBO at IBF Bantamweight World Champion at kauna-unahang Japanese sa boxing history na hinawakan ang apat na titulo mula sa major sanctioning body.

Napanatili naman ni Inoue na malinis ang kanyang record sa 24-0 na may 21 knockouts.

Ipinasara ng US Justice Department ang 55 website dahil sa ilegal na pag-livestream ng mga laban mula sa FIFA World Cup sa Qatar.

Ayon sa pahayag ng departamento, natukoy ng isang kinatawan ng FIFA ang mga site na ginamit sa pagbabahagi ng copyright-infringing content nang walang authorization mula sa soccer world governing body.

Nabatid na tanging ang FIFA ang may hawak ng exclusive rights para sa world cup.

Pinapurihan ng senado si Filipina Figure Skater Sofia Lexi Jacqueline Frank.

Kasunod ito nang masungkit ang gintong medalya sa 2022 Asian Open Figure Skating Trophy sa Jakarta, Indonesia.

Pinangunahan ni Senator Ramon Revilla Jr. ang resolution no. 360 na kumikilala kay Frank sa kanyang performance sa annual figure skating competition.

Nabatid na nakakuha ang pinay skater ng iskor na 50.19 sa short program segment at 93.78 points sa free skating, para makakuha ng kabuuang143.97 points sa senior women category.

Naghahanap ngayon ng mga atletang lalahok para southeast Asian Games o Sea Games ang Philippine Fin Swimming Federation Inc. (PFFI) at Congress of Philippine Aquatics Inc. (COPA) na gaganapin sa Cambodia sa susunod na taon.

Layunin nitong makabuo ng pagkakaisa o pagtutulungan ng bawat isa para sa ikatatagumpay ng Pilipinas.

Masaya at excited naman ang mga nag audition sa exhibition swim-off para sa nasabing kompetisyon na nakatakda sa July 2023.

Layunin nitong makahakot ng gintong medalya at karangalan ang bansa mula sa pagsisikap ng mga atleta.

Pinangalanan na ang Mythical 5  sa NCAA Season 98 Men’s Basketball Tournament.

Ito ay binubuo nina Will Gozum ng St. Benilde, Cade Flores ng Arellano University, JB Bahio at James Kwekuteye ng San Beda at King Caralipio ng Letran sa magkakasunod na pwesto.

Samantala, itinanghal din si Gozum bilang most valuable player (MVP) ng naturang season.

Mababatid na si Jay Sagad ang huling MVP ng St. Benilde noong 2005 kung saan, napanalunan ng San Beda ang Season 85 title. - sa panunulat ni Hannah Oledan

Nananatili ang Philippine Women’s National Football Team sa Auckland, New Zealand para sa FIFA Womens World Cup 2023.
Ito ang inanunsiyo matapos kumpirmahin ng FIFA ang mga Team Base Camp (TBC) para sa lahat ng makikipag-kumpetensya sa showpiece event sa susunod na taon sa New Zealand at Australia.
Habang ang mga atletang pinay ay maglalaro ng kanilang unang dalawang laban sa Dunedin at Wellington.
Ito ang unang pagkakataon na ang mga kalabang bansa ay magkakaroon ng mga nakatalagang TBC sa FIFA Women’s World Cup.
Ang TBC ay magsisilbing “Home away from home” para sa mga koponan, kasama ang training site at accomodations.
Sa olympic park ang magiging training site ng mga manlalarong pinay habang ang movenpick hotel Auckland ay ang kanilang opisyal na TBC hotel.

Nagwagi si Pambansang Kamao ex-Senator Manny Pacquiao sa naganap na Exhibition Boxing Match laban sa South Korean YouTuber at Martial Artist na si DK Yoo na ginanap noong Sabado sa Korea International Exhibition o KINTEX Center sa Goyang, South Korea.

Ikinatuwa ni Pacquiao ang kaniyang muling pagbabalik sa boxing ring kung saan, ilang beses nitong pinatumba si Yoo kabilang na ang two times knocked down nito sa sixth round.

Matatandaang una nang inanunsyo ni Pacman na magreretiro na siya sa boxing kung saan, kaniyang nilinaw na tinanggap lamang niya ang Charity Exhibition Match upang makatulong sa mga naapektuhan ng digmaan sa pagitan ng Russia at Ukraine.

Ayon sa dating Senador, kaniyang paninindigan ang retirement na inihayag noong siya ay nangampaniya sa pagkapangulo ng bansa.

Muling nagwagi ang National University (NU) PEP SQUAD sa UAAP Cheerdance Competition (CDC) sa Mall of Asia Arena.

Ito’y matapos ipinakita nito ang isang aerobics-inspired routine sa UAAP Season 85.

Kasalukuyan naman na isa nang CDC title ang NU PEP Squad matapos matalo ang UP PEP Squad, UST Salinggawi Dance Troupe, FEU PEP Squad at iba pang university squad.

Magugunitang pumangatlo sa huling edisyon ng kumpetisyon noong nakaraang taon ang NU kung saan, napabilib ang mga manonood sa kanilang mga stunts.

Kasabay nito, muling tumaas ang National University sa larangan – sa panunulat ni Jenn Patrolla

Muling ipapakilala ni Batangas 1st District Rep. Eric Buhain, presidente at Founder ng Congress of Philippine Aquatics, Inc. (COPA) ang water Polo at Fin Swimming sa pamamagitan ng exhibition matches.

Gaganapin ito sa 1st COPA-Samahang Man­lalangoy sa Pilipinas (SMP) Christmas Friendship Swimfest ngayong araw sa Teofilo Yldefonso swim pool sa Rizal Memorial Sports Complex sa Malate, Manila.

Ito ay dahil sa tingin ni buhain ay nawawala na ang dalawang aquatic sports sa swimming program ng bansa.

Samantala sinabi ni Chito Rivera, varsity coach ng Jose Rizal University sa NCAA na asahan ang mas marami at mas malalaking paligsahan kasabay ng paglulunsad ng mga nabanggit na programa sa buong bansa. —sa panulat ni Hannah Oledan

Naniniwala ang Games and Amusement Board (GAB) na Technical KnockOut dapat ang naging desisyon ng Korean Boxing Commission at hindi No Contest sa nagdaang laban nina Pinoy Boxer John Casimero at Ryo Akahi ng Japan.

Idineklarang No Contest ang laban matapos matamaan ni Casimero si Akaho sa batok.

Nagpadala naman ng sulat ang GAB sa KBC upang suriing mabuti ang naging laban dahil naniniwala itong Technical Knockout dapat ang naging desisyon.

Matatandaang dati nang hawak ni Casimero ang World Boxing Organization (WBO) Belt ngunit ito ay tinanggal sa kaniya matapos ang dalawang ulit na pagkakaantala ng laban nito kay World Bantamweight Champion (WBO) na si Paul Butler.  —sa panulat ni Hannah Oledan