SPORTS

Nakatakdang ganapin ang 2026 FIFA World Cup kung saan magiging host ang US, Canada at Mexico.

Ito ang unang pagkakataon na magaganap sa tatlong lugar ang nasabing Torneo.

Habang ito ang 2 beses na magiging host ang us at pangatlong beses naman ang Mexico.

Mayroong kabuuang 80 laro na mas maraming 16 na laro kumpara sa FIFA World Cup sa Qatar na mayroon lamang 64.

Ang 60 matches ay lalaruin sa us habang ang natitirang 20 laro ay paghahatian ng Mexico at Canada.

Mayroong 11 lungsod sa us kung saan gaganapin ang mga laro ito ay sa Atlanta, Boston, Dallas, Houston, Kansas City, Los Angeles, Miami, New York, Philadelphia, San Francisco at Seattle.

Habang mayroong tatlong laro sa Mexico City, Guadalajara at Monterrey at 2 sa Canada, 1 sa Toronto at Vancouver.

Idaraos sa kauna-unahang pagkakataon sa tatlong lugar ang FIFA World Cup 2026.

Magsisilbing host sa susunod na World Cup ang United States na ikalawang beses nang maghohost, Canada at Mexico na ikatlong beses nang official host sa nasabing international competition.

48 koponan ang maglalaban laban at igugrupo sa 16 at ang dalawang pangunahing koponan sa kada grupo ang papasok sa 32 team knock-out phase sa single elimination.

Napili bilang 1 sa 10 miyembro ng International Weightlifting Federation (IWF) Athletes Commission si Olympic Gold Medalist Hidilyn Diaz.

Kasunod ito ng tatlong medalya na nahakot ni Hidilyn sa ginanap na Women’s 55kg category ng Weight Lifting World Championships noong December 5 na tumagal hanggang December 16 sa Bogotá, Colombia.

Maglilingkod ang atleta kasama ng 18 pang atleta na napiling kandidato mula sa mga bansang Canada, Cook Islands, Mauritius, Malta, Qatar, New Zealand, Ghana, United Kingdom, at Venezuela.

Tatagal ang kanilang posisyon hanggang sa susunod na Electoral Congress, na magaganap pagkatapos ng 2024 Olympic Games sa Paris, France.

Pinagbayad ng mahigit $25,000 o P1.3M si Sacramento Kings Head Coach Mike Brown matapos murahin ang referee sa Toronto.

Sinabi ng National Basketball Associations (NBA), ang pagmumulta ang naging bahagi ng parusa kay Brown dahil sa pambabastos nito sa isang game official.

Pumasok anya sa court si Brown at minura ang referee matapos pituhan ng unang technical.

Kasabay nito, binigyang ng isa pang technical foul si Brown kaya’t agad umawat ang mga manlalaro ng kanyang koponan.

Samantala, nasa ika-6 na pwesto na ang western conference. —sa panulat ni Jenn Patrolla

Inihayag ni Dallas Mavericks player Tyrell Terry ang kanyang pagreretiro sa basketball.

Isiniwalat ni Terry sa social media na inaatake siya ng anxiety dahil sa paglalaro ng basketball.

Ito ang naging dahilan niya kaya’t nagpasya siyang magretiro at tinawag niya rin itong pinakamadilim sa kanyang buhay.

Matatandaang naglaro si Terry ng labing isang games sa Dallas at umalis sa koponan noong Oktubre 2021.

Samantala, nagpasalamat ang basketball player sa mga naniwala sa kaniya at humingi ng pasensya sa pagretiro sa basketball. —sa panulat ni Jenn Patrolla

Bigo ang Philippine Azkals na masungkit ang unang pagkapanalo sa friendly game nito kontra Vietnam.

Sinamantala naman ng Vietnam ang paglalaro sa Home Court nito na ginanap sa Hang Day Stadium sa Hanoi.

Ito rin ang unang beses na umupo bilang Coach si Josep Ferre.

Mababatid na huling nagkalaban ang dalawang koponan noong AFP Championship taong 2018 kung saan nagwagi ang Vietnam sa score na 3-1. —sa panulat ni Hannah Oledan

Malapit nang masungkit ng Bay Area Dragons ang pagkapanalo sa finals ng PBA Commissioner’s Cup.

Ito ay matapos nilang tambakan ang San Miguel Beermen 114-95 para makuha ang 2-0 standing sa kanilang best-of-five semifinals.

Pinangunahan naman ni Andrew Nicholson ang koponan na nakapagtala ng 34 points at 16 rebounds.

Ayon kay Bay Area Coach Brian Goorjinan, matinding depensa ang ginawa ng kanilang team para manalo.

Samantala, pinangunahan naman ni June Mar Fajardo ang beermen na makapagtala ng 35 points. —sa panulat ni Hannah Oledan

Planong pasiglahin ng dalawang Pinoy olympic medalists ang Philippine Sports Commission (PSC) – Batang Pinoy National Championship na nakatakdang buksan bukas, December 17, 2022 sa Quirino Stadium sa Bantay, Ilocos Sur.

Pangungunahan nina Olympian silver medalists Carlo Paalam at Nesthy Petecio ang centerpiece program ng katutubo ng PSC para sa grassroots sports.

Makikiisa rin sa programa ang mga kapwa national elite athletes na sina Judoka Kiyomi Watanabe, Sea Games Gold Medalists Chloe Isleta at Mary Allin Aldeguer.

Nabatid na aabot sa P6,000 ang lalahok mula sa mahigit 140 local government units ang nakatakdang magtipun-tipon sa lalawigan para makipaglaban sa siyam na face-to-face sports kabilang na ang:

Archery, athletics, badminton, chess, cycling, table tennis, swimming, weightlifting, obstacle course racing bilang demo spot. Isasama din ang sports disciplines, arnis, dance sport, judo, karate, muay thai, pencak silat, taekwondo, at wushu.

Ito ay matapos talunin ng France ang Morocco sa score na 2-0 sa ginanap na semifinals match sa al bayt stadium.

Pangalawang taon na itong nakapasok sa finals ang france matapos makuha ang kampeonato noong 2018 FIFA world cup na ginanap sa Russia.

Sakaling magwagi, makakapantay ng France ang brazil na nakakuha ng back-to-back world cup titles noong 1962.

Itinanghal bilang Most Valuable Player (MVP) star si University of the Philippines (UP) Center Player Malick Diouf sa katatapos lamang na University Athletic Association of the Philippines (UAAP) Season 85 kahapon.

Nakatanggap ang atleta ng individual award bago pa magsimula ang game 2 ng finals sa Araneta Coliseum kung saan, nakaipon si Diouf ng 73.857 statistical points na binubuo ng 10.79 points, 10.86 rebounds, 2.86 assists, 1.5 steals, at 1.57 blocks per game.

Samantala, hinirang naman na Rookie of the Year si Kevin Quiambao ng Dela Salle University matapos maitala ang 56.615 statistical points mula sa kanyang 11.23 points, 6.54 rebounds, 3.23 assists, 1.08 steals, at point 38 blocks.