Patuloy ang pagpapa kondisyon ni dating Senador Manny Pacquiao para sa kanyang laban kay Dy Koo.
Kasunod na rin ito nang pagdating ni Pacman sa South Korea para sa kanilang exhibition game ni Dy sa Korea International Exhibition Center sa December 10.
Si Pacman ay sinalubong ng ilang Pinoy sa Korea at maging ang mga korean nationals na nakipag selfie pa sa dating senador.
Ang mapapanalunan ni Pacquiao ay ido-donate nito sa charity.
“Remember the lesson, not the mistake.”
Bahagi ito ng natanggap na “Words of Encouragement” ng suspendidong Jose Rizal University player na si John Amores mula kay Vice President Sara Duterte.
Ibinahagi ni Amores sa Instagram ang liham na kanyang natanggap mula kay VP Sara, kung saan tiniyak nito sa kanya na mayroon siyang kaibigan mula sa Office of the Vice President.
Dahil dito ay tila nabuhayan ang dating JRU Heavy Bomber at sinabing ipapa-frame niya ang liham bilang remembrance at ito rin aniya ang magpapaala sa kanya na may taong nagsasabi na siya ay mahalaga sa kabila ng kanyang mga basher at natanggap na negatibong komento.
Nagpasalamat naman si Amores kay VP Sara at sinabing isang karangalan ang kanyang natanggap mula sa OVP.
Mababatid na pinatawan ng indefinite ban sa NCAA si Amores at tinanggal rin sa JRU Basketball Team matapos ang ginawa nitong panununtok sa ilang players ng St. Benilde Blazers.
Sinampahan na rin siya ng kaso dahil sa kanyang pag-aamok.
Pasado na sa ikalawang pagbasa ng senado ang panukalang pagkalooban ng Filipino citizenship ang barangay Ginebra import na si Justin.
Sa ilalim ito ng House Bill 6224 o ang pagbibigay naturalization kay Brownlee.
Hinikayat naman ni Senator Francis Tolentino, may-akda ng panukala, ang mga kapwa nito senador na pabilisin ang pag-apruba sa panukala.
Sa oras na maaprubahan, makakasali na ang manlalaro sa ikaanim na window ng FIBA World Cup Asian qualifiers kung saan makakaharap ng Gilas Pilipinas ang Lebanon at Jordan sa buwan ng Pebrero.
Pumanaw na ang renowned American Tennis Coach na si Nick Bollettieri sa edad na 91.
Ayon sa manager nito na si Steve Shulla, namatay si Nick sa bahay nito sa Florida bunsod ng serye ng health issues na pinagdadaanan nito.
Bumuhos naman ang pakikiramay sa pamilya ni Nick kung saan kabilang sa mga nagpaabot ng mensahe ang dati nitong estudyante na si tommy haas.
Si Bolletierri ang humubog at tumulong sa mga kilalang tennis players na no. 1 sa world ranking gaya nina Andre Agassi, Serena at Venus Williams, Monica Seles at Maria Sharapova.
Umabot sa mahigit 2.5 million na indibidwal ang nanood sa unang 48 laro ng FIFA World Cup 2022 sa Qatar.
Tinatayang mas mataas ang bilang ng mga dumalo ngayon kaysa noong 2018 World Cup na ginanap sa Russia.
Samantala, sinabi ng FIFA na pinakamarami ang nanood sa laban ng Argentina at Mexico na ginanap sa Lusail Stadium kung saan 88,966 ang nakibahagi. - sa panunulat ni Hannah Beatrisse Oledan.
Magkakaharap ang Rain or Shine at NLEX para sa huling silya sa 8-Team quarterfinal round ng 2022 sa PBA Commissioner’s Cup.
Makakatapat naman ng no.1 Bay Area Dragons na may dalang ‘twice-to-beat’ ang mananalo sa larong ito.
Magugunitang nakapagtala ng dalawang sunod na panalo ang nlex mula sa 120-117 habang nadapa naman ang rain or shine sa 90-106.
Samantala, magtutuos ang elasto painters at road warriors ngayong 6:30pm sa knockout playoff sa Philsports Arena sa Pasig City. -sa panunulat ni Jenn Patrolla
Pinadapa ng Magnolia Hotshots ang Rain or Shine matapos matiyak ang twice to beat na pwesto sa PBA commissioner’s cup.
Simula pa lamang, kontrolado na ng Magnolia ang kanilang laro dahil nasa pangalawang pwesto na ito at makakaharap ang Phoenix Super LPG sa Quarterfinals.
Nanguna sa team si Nick Rakocevic na nakakuha ng 21 puntos at 13 rebound habang tig-16 na puntos sina Paul Lee at Ian Sangalang.
Nakapagtala naman ang Magnolia ng 10 panalo at 2 talo.
Samantala, makakalaban naman ng Rain or Shine ang NLEX. - sa panunulat ni Jenn Patrolla
Napili ang Pilipinas upang maging host ng FIBA Basketball World Cup KSA 2023.
Kasama rin ng Pilipinas ang mga bansang Indonesia at Japan.
Gaganapin naman ang drawlots ng mga kalahok sa April 29, 2023.
Sa Pilipinas rin magaganap ang dalawang group phase venues para sa mga pangunahing programa ng FIBA.
Samantala, magsisimula naman ang palaro mula August 25 hanggang September 10. —sa panulat ni Hannah Oledan
Naipanalo ng San Miguel Beermen ang laro nito kontra Meralco Bolts sa score na 113-118 sa nagpapatuloy na PBA Commissioner’s Cup.
Nakapagtala ng 32 points at 13 rebounds ang import nila na si Devon Scott habang nakapag-ambag naman ng 13 points si Marcio Lassiter at 12 points naman si Terrence Romeo.
Sa kasalukuyan ay nasa ika-limang puwesto na ang Beermen na mayroong pitong panalo at limang talo.
Makakaharap naman nila ang Converge Fiverxers sa Best of Trees Series sa darating na Quarterfinals. —sa panulat ni Hannah Oledan
Planong isali ng Samahang Basketbol ng Pilipinas (SBP) si Justin Brownlee sa 2023 Southeast Asian Games sa Cambodia.
Ayon sa SBP, kanilang ipauubaya sa Gilas Pilipinas ang desisyon kung palalaruin ang naturalize player sa nasabing kompetisyon bukod pa sa 6th Window ng 2023 FIBA World Cup Asian Qualifiers na gaganapin naman dito sa bansa.
Matatandaang inaprubahan sa ikatlo at huling pagbasa sa kamara ang House Bill No. 6224 para maging Filipino citizen si Brownlee sa pamamagitan ng naturalization.
Sunod namang idadaan si Brownlee sa proseso ng senado matapos ang inisyal na approval ng Senate Bill 1336.