SPORTS

Inaresto ng Bureau of Immigration (BI) sa Ninoy Aquino International Airport (NAIA) ang isang Filipino-American Professional Basketball Player.

Ito ay si Avery Roberto Scharer na hinuli matapos umanong tangkaing makalusot sa bansa gamit ang pekeng Philippine Passport.

Ayon kay Immigration Commissioner Norman Tansingco, noong nakaraang linggo naganap ang pag-aresto kay Scharer sa NAIA Terminal 1 nang iprisinta ang kanyang Philippine Passport sa immigration officer.

Si Scharer, na na-draft sa ika-5 overall ng Wang’S Basketball Couriers sa PBA D-League noong 2015 ay lumipad mula sa Canada at kababalik lang sa Pilipinas.

Todo paghahanda na si Pinay tennis star Alex Eala sa kanyang unang pagsabak sa professional level match ng Grand Slam sa susunod na taon.

Kasunod na rin ito nang pagpasok ni Eala sa qualifying round ng 2023 Australian Open sa January 9 hanggang 12.

Ang 17 anyos na Pinay ay rank 214 sa Women’s Tennis Association rankings.

Una nang gumawa ng kasaysayan si Eala nang maging unang Pinoy player na makakuha ng Junior Grand Slam Single Title bukod pa sa 2022 US Open Juniors Champion.

Bigong maiuwi ng Philippine Azkals ang panalo matapos matalo laban sa mga manlalaro ng Cambodia sa AFF mitsubishi Electric Cup 2022 na ginanap sa Morodok Techo National Stadium sa Phnom Penh.

Nabatid na hindi nagawang padapain ng Azkals ang Cambodia kahit dalawa sa mga players nito ay nakaranas ng injury kung saan, ito umano ang kauna-unahang pagkatalo ng Pilipinas laban sa nasabing bansa mula pa noong 2002 Tiger Cup.

Samantala, sasabak naman ang Philippine Women’S Football Team sa Europe para sa Pinatar Cup 2023 na sisimulan sa Pebrero a-15 at magtatagal hanggang a-21 sa San Pedro Del Pinatar sa Murcia, Spain.

Makakaharap ng Pilipinas ang mga bansang Wales, Scotland, at Iceland, na may mas mataas na ranggo pero umaasa ang mga atleta na kanilang maiuuwi ang panalo at karangalan ng bansa.

Nakatakdang bilhin ng bilyonaryong si Mat Ishbia ang National Basketball Association Team na Phoenix Suns at Women’S Team na Phoenix Mercury.

Bibilhin ng Chairman at CEO ng united wholesale mortgage ang mga nasbaing koponan sa halagang apat na bilyong dolyar o katumbas ng P221-B .

Si Ishbia ay isang pambansang kampeon sa koponan ng basketball ng michigan state noong taong 2000 at naipanalo nito ang tatlong sunod-sunod na finals.

Ang koponan ng phoenix suns ay kasalukuyang pagmamay ari ni Robert Sarver na sinuspinde ng national basketball association matapos nitong mainvolved sa isang iskandalo.

Sa kasalukuyan, inaayos na lang ng dalawang panig ang deal para tuluyang mailipat ang ownership nito kay Ishbia.

Muling nag-uwi ng karangalan para sa bansa si Juliana Gomez.

Matapos ito na manalo ng gintong medalya sa west java fencing challenge sa Bogor, Indonesia.

Nagpaabot naman ng pagbati ang mga magulang nito na si Richard Gomez at Lucy Torres.

Matatandaang nagwagi rin si Juliana sa open fencing competition sa Thailand noong nakaraang buwan.

Nakatakdang bilhin ni United Wholesale Mortgage President at CEO Mat Ishbia ang NBA teams na Phoenix Suns at Phoenix Mercury.

Ayon sa Suns, inaayos na nila ang nasabing pagbili ni Ishbia sa mga koponan na nagkakahalagang P4-B.

Nabatid na pinatawan ng 1-year suspension si Robert Sarver na may-ari ng mga naturang grupo dahil sa imbestigasyon ukol sa umano’y hindi magandang pakikitungo sa mga katrabaho.

Sakali namang mabili ang Suns at Mercury, ituturing itong “largest purchase” sa kasaysayan ng NBA.

Nagdiwang ang mga taga suporta ng argentina football team matapos masungkit ang kampeonato sa FIFA World Cup Qatar 2022.

Dahil dito, isang street party ang kanilang inihanda para sa pagbabalik bansa na kinabibilangan ni Lionel Messi at ang kanyang mga team mates.

Matatandaang, nagwagi ang argentina nuong sa final game sa Qatar kung saan nakakuha ito ng 4-2 sa penalties matapos ang 3-3 draw sa loob ng 120 minutong laban.

Sold out na sa buong mundo ang football jersey ni Argentinian player Lionel Messi.

Kasunod ito nang magkampeon ang Argentina laban sa France sa iskor na 4-2 sa 2022 FIFA World Cup.

Naubos din ang jersey shirt sa mga online shops at iba pa.

samantala, itinuturing na makasaysayan ang nasabing laro dahil ito ang kauna-unahang world cup trophy ni messi sa kaniyang career.

Matapos ang dalawang taon, muling dumagit ng korona sa University Athletic Association of the Philippines (UAAP) Mens Senior Basketball ang Ateneo De Manila University Blue Eagles.

Naungusan ng Ateneo ang defending champions ang U.P. Fighting Maroons sa score na 75-68 sa Game 3 ng Season 85 finals, kagabi.

Dinumog ng nasa 22,000 expectator ang Araneta Coliseum upang saksihan ang  tinaguriang “Battle of Katipunan”.

Dinominahan ng Blue Eagles ang second half sa score na 47-32 hanggang sa lumobo sa 20 points ang kalamangan 52-32, sa nalalabing siyam na minuto ng 3^rd  quarter matapos ang lay-up ni Sean Quitevis mula sa pasa ni Angelo Kouame.

Gayunman, hindi nagpadaig ang Fighting Maroons makaraang magpakawala ng floater si James Spencer hanggang sa makabahol ang U.P. sa score na 56-50 sa nalalabing tatlong minuto ng 3^rd quarter.

Tinanghal namang finals Most Valuable Player si Kouame na nagpawakala double-double 19 points at 12 rebounds.

Ito na ang ika-12 kampyonato ng Blue Eagles sa Senior Men’s Basketball ng nasabing torneyo.

Nakatanggap ng regalo mula sa isang die-hard fan si Ginebra Import Justin Brownlee.

Sa isang TikTok video na inupload ng user na si Anthony 110377, isang customized shoes ang natanggap ng atleta bagay na kaniyang ikinatuwa at pinasalamatan.

Nakaukit sa naturang sapatos ang pangalan ni Brownlee at ang Battlecry ng Gin Kings na, “Never Say Die.”

Nangako naman ang import player na kaniyang iingatan at hindi gagamitin sa laro ang customized shoes, upang hindi ito agad masira.

Matatandaang inaprubahan na ng Senado ang filipino citizenship ni Brownlee at tanging ang pirma na lamang ni Pangulong Ferdinand “Bongbong” Marcos, Jr. ang hinihintay upang siya ay maging ganap na Filipino citizen.