Nakapagtala ng record sa kasaysayan ng National Basketball Association (NBA) si Luka Doncic.
Ito ay matapos magtala ito ng 60 points, 20 rebounds at 10 assists para gabayan sa panalo ang Dallas Mavericks sa overtime game laban sa New York Knicks.
Si Doncic ang ikapitong manlalaro na nagtala ng 50-point tripe-double sa NBA, habang ito rin ang pinakabatang nagkamit ang tagumpay, na kinuha ang rekord mula sa isa sa mga all-time greats na si Wilt Chamberlain.
Gumawa ng pangako para sa kaniyang actual performance si Filipino gymnast Carlos Yulo, matapos ang sunod sunod na laban nito sa ibang bansa.
Ayon kay Yulo, kaniya nang ititigil ang pagiging overthink alang-alang sa kaniyang mga susunod pang kompetisyon.
Matatandaang kamakailan, nakuha ng atleta ang vault silver, at parallel bar bronze sa katatapos lamang na gymnastic world championships.
Tinapos ni Yulo ang eight overall sa men’s all-around event na ginanap sa England, United Kingdom.
Pumanaw na sa edad na 88 ang legendary golfer na si Kathy Whitworth.
Ito ang kinumpirma ng Ladies Professional Golf Association (LGPA) sa US.
Hindi naman nagbigay ng iba pang impormasyon ang mga kaanak ni Whitworth kung ano ang sanhi ng kamatayan niya.
Matatandaang noong 1981 si Whitworth ang unang babaeng kumita ng $1-M sa LPGA tournament.
Usap-usapan ngayon sa social media ang planong paglipat ni dating Nba Most Valuable Player James Harden sa Houston Rockets mula sa Philadelphia 76ers.
Nabatid na tinitimbang pa ni Harden kung mananatili ito sa koponan o lilipat ng ibang team sa pamamagitan ng Free Agency.
Matatandaang pumirma ng $68.6-M ang atleta para sa two-year contract nito sa Sixers.
Si Harden ay mayroon g average na 24.9 points, 5.6 rebounds at 6.9 assists sa 959 career games sa NBA.
Dalawang linggong hindi makakapaglaro si NBA Star Stephen Curry dahil sa injury sa balikat.
Natamo ng 34-anyos na si Curry ang kaniyang left shoulder injury noong December 14 nang talunin sila ng Indiana Pacers.
Mula noon ay hindi pa nakakapaglaro sa apat na game si Curry.
Samantala, ayon sa koponan patuloy na nagpapagaling ang NBA Star at agad na babalik kapag tuluyan nang gumaling.
Pumanaw na sa edad na 45 ang UFC player na si Stephan Bonnar na idineklarang UFC Hall of Famer noong 2013.
Ayon sa UFC Management, nasawi si Bonnar habang nagtatrabaho nito lamang bisperas ng pasko dahil sa komplikasyon sa puso.
Nabatid na taong 2005, nang magsimula ang atleta sa unang season ng “The Ultimate Fighter” kung saan, una niyang naging kalaban ang American retired martial artist na si Forrest Griffin na nagwagi via unanimous decision.
Tinapos ni Bonnar ang kaniyang career noong 2014 na nakakuha ng 15-9 na record sa UFC.
Umaasa si Tokyo Olympic Silver Medalist Nesthy Petecio na maisasama ang boxing sa mga events sa 2024 edition sa Paris, France.
Magugunitang sinabi ng International Olympic Committee (IOC) na posibleng alisin ang boxing sa 2024 paris games dahil wala nang interes ang isagawa ito ng International Boxing Association (IBA).
Ayon kay Petecio, sana maisama ang boxing dahil maraming kabataan ang nangangarap na makapaglaro sa olympics.
Maliban sa featherweight na si Petecio, sumuntok din ng silver medal si flyweight Carlo paalam sa Tokyo Olympics.
Kasalukuyan namang nag-eensayo na si Petecio at iba pang miyembro ng national team na makapaglaro 2024 Paris games. – sa panunulat ni Jenn Patrolla
Pinatumba ng Philippine National Football Team na AZKALS ang Brunei, 5-1, sa nagpapatuloy na AFF Mitsubishi Electric Cup na ginanap sa Rizal Memorial Stadium sa Maynila.
Tila naging pagbawi ito ng koponan sa pagkatalo nito sa opening game nang talunin ito ng host Country na Cambodia sa score na 3-2.
Ito naman ang unang pagkapanalo ng AZKALS sa bago nilang coach na si Josep Ferre.
Samantala, dadayo naman ang AZKALS patungong Thailand sa Dis. 26 para sa susunod nitong laban. —sa panulat ni Hannah Oledan
Kasado na mamayang gabi ang laban ng Philippine Men’s Football team na Azkals kontra Brunei sa 2022 AFF Mitsubishi Electric Cup.
Gaganapin ang laban sa home court ng Azkals na rizal memorial stadium.
Kapwa bigo ang dalawang koponan sa mga unang laban nila sa pagbubukas ng torneo.
Ito ay matapos talunin ng Cambodia ang Azkals sa score na 3-2, habang ang Brunei naman ay tinambakan ng Thailand sa 0-6.
Target naman ng Azkals na makuha ang unang puwesto sa group a kung saan ka-grupo nila ang Thailand at Indonesia.
Humakot ng gintong medalya ang Pilipinas sa katatapos lamang na 2022 Asian Kickboxing championships sa Bangkok Youth Center sa Thailand noong nakaraang linggo.
Nasungkit ng Cebu-based na si Jovan Medallo ang unang gintong medalya ng bansa sa kompetisyon ng senior men’s musical forms sa iskor na 28.8 points kung saan, kaniyang pinadapa ang silver medalist na si Hsuan Wu Chi ng Chinese-Taipei.
Bukod kay Medallo, nag-uwi din ng gold medal sina Jean Claude Saclag, Renalyn Dacquel, at Gina Iniong Araos habang ang Philippine contingent na binubuo ng 14 na kickboxer ay nag-uwi rin ng isang silver medal at anim na bronze medal.
Patunay lamang ito na kayang makipagsabayan ng Pilipinas sa iba’t ibang mga bansa pagdating sa larangan ng pampalakasan.