SPORTS

Nanapanatili ng tennis teen sensation, Alex Eala ang kanyang puwesto bilang number 4 sa pinakahuling world ranking na inilabas ng International Tennis Federation.

Bago nakansela ang mga laro ay hawak na ni Eala ang naturang puwesto, tangan ang 1,718.75 points .

Pinakamalaking puntos na nakuha ni Eala ay nang magkampeon ito sa Girls’ Doubles sa grand slam event na 2020 Australian Open nuong Enero sa Melbourne.

Ang tatlong nauna kay Eala ay sina Victoria Jimenez Kasintseva ng Andorra sa unang puwesto, pangalawa si Diane Perry ng France at Daria Snigur ng Ukraine sa number 3

Umamin si Marcus Smart na sya ang tinutukoy na player ng Boston Celtics na positibo sa coronavirus disease 2019 (COVID-19).

Hindi kasi tinukoy ang pangalan ng player sa anunsyo na inilabas ng Boston Celtics.

Ayon kay Marcus, wala syang nararamdamang sintomas ng COVID-19 subalit sumailalim sa testing dahil nagkaruon sya ng exposure sa isang positive case.

Binigyang diin ni Marcus sa kanyang mensahe sa kanyang fans na laging tandaan ang social distancing upang makaiwas sa COVID-19.

Nagtulong-tulong ang mga nba star para mabigyan ng tulong pinansyal ang ilang empleyado ng iba’t-ibang basketball arena matapos itigil ang mga laro dahil sa banta ng coronavirus disease 2019 (COVID-19).

Ilan sa mga ito ay si Milwaukee Bucks Star at reigning NBA MVP Giannis Antetokounmpo.

Nangako naman si New Orleans Pelican Rookie Zion Williamson na babayaran niya ang mga sahod ng Smoothie King Center sa susunod na buwan.

 Nagpositibo rin sa coronavirus disease 2019 (COVID-19) si Utah Jazz guard Donovan Mitchell.

Lumabas ang ulat ilang oras lamang matapos kumpirmahing nagpositibo sa virus na si Rudy Gobert, team mate ni Mitchell at unang NBA player na na-infect ng COVID-19.

Sinasabi namang hindi naging maingat si Gobert sa paghawak ng mga gamit at pakipagkamay sa mga kapwa player sa loob ng locker room ng Utah Jazz.

Samantala, isinara ang nabanggit na locker ng mga manlalaro para sa disinfection at maiwasan ang posibleng pagkalat pa ng virus.

Pasok na sa 2020 Tokyo Olympics ang Filipina boxer na si Irish Magno.

Lumusot sa box-offs ng 2020 Asia  and  Oceania Olympic Boxing Qualifying Tournament matapos nyang talunin si Sumaiya Qosimova ng Tajikstan.

Napasama sa box offs ng Women’s Flyweight division matapos siyang matalo sa laban nila ni Mary Kom ng India.

Una nang pumasok sa 2020 Tokyo Olympics ang kapwa Pilipino na si Eumir Marcial.

Kinansela na ng Philippine Basketball Association (PBA) ang mga nakatakdang laro nito dahil sa banta ng 2019 coronavirus disease (COVID-19).

Batay sa ipinalabas na anunsyo mula sa PBA Board of Governors, napagdesisyunan nila na kanselahin muna ang ngayo’y on-going na PBA Philippine Cup, PBA D-League Aspirants Cup at PBA 3×3 Inaugurals.

JUST IN: PBA governors, kinansela ang PBA Philippine Cup, D-League Aspirants Cup games at 3×3 inaugurals sa gitna ng COVID-19 outbreak | via @pbaconnect pic.twitter.com/glGL714gWt

— DWIZ Newscenter (@dwiz882) March 11, 2020

Iaanunsyo na lamang nila umano kung kailan muling itatakda ang mga nabanggit na laro.

Sa ngayon anila ay kanilang mahigpit na imomonitor ang mga advisory at mga anunsyo kaugnay sa 2019 coronavirus disease (COVID-19) mula sa Department of Health (DHO) at World Health Organization (WHO) upang maging batayan sa mga susunod nilang hakbang.