SPORTS

Kinansela na ng Philippine Basketball Association (PBA) ang mga nakatakdang laro nito dahil sa banta ng 2019 coronavirus disease (COVID-19).

Batay sa ipinalabas na anunsyo mula sa PBA Board of Governors, napagdesisyunan nila na kanselahin muna ang ngayo’y on-going na PBA Philippine Cup, PBA D-League Aspirants Cup at PBA 3×3 Inaugurals.

JUST IN: PBA governors, kinansela ang PBA Philippine Cup, D-League Aspirants Cup games at 3×3 inaugurals sa gitna ng COVID-19 outbreak | via @pbaconnect pic.twitter.com/glGL714gWt

— DWIZ Newscenter (@dwiz882) March 11, 2020

Iaanunsyo na lamang nila umano kung kailan muling itatakda ang mga nabanggit na laro.

Sa ngayon anila ay kanilang mahigpit na imomonitor ang mga advisory at mga anunsyo kaugnay sa 2019 coronavirus disease (COVID-19) mula sa Department of Health (DHO) at World Health Organization (WHO) upang maging batayan sa mga susunod nilang hakbang.

Tuloy-tuloy ang pag-aayos ng kampo ni Unified Heavyweight Champion Anthony Joshua sa isang undisputed heavyweight match bago matapos ang taong ito.

Sinabi ni Eddie Hearn promoter ni Joshua isinusulong nilang matuloy ang sagupaang Joshua at Tyson Fury na idedepensa ang WBC belt kontra sa dati nitong may-ari na si Deontay Wilder.

Kinakailangan ding madepensahan ni Fury ang kaniyang belts kontra kay Kubrat Pulev sa Hunyo para gawing makatotohanan ang undisputed heavyweight champion title sa March.

Tikom naman ang bibig ni Fury hinggil sa nasabing laban kay Joshua kaya’t naghahanda na rin si Hearn ng alternatibong kalaban ni Joshua.

Suspendido na ang lahat ng sporting event para sa season 95 ng National Collegiate Athletic Association (NCAA) bunsod ng outbreak ng coronavirus disease 2019 (COVID-19) sa bansa.

Ayon kay NCAA management committee chairman Peter Cayco, nagpasiya silang suspendihin ang lahat ng aktibidad sa NCAA alinsunod na rin sa ipinalabas ng guidance ng Department of Education (DOH).

Gayundin ng deklarasyon ng red alert sub level 1 ng DOH.

Iginiit ni Cayco, pangunahin nilang iniisip ang kapakanan at kaligtasan ng mga estudyante, manlalaro, mga fans at opisyal ng ncaa.

Dagdag ni Cayco, nakatakda rin silang magpulong muli para talakayin kung gagawing indefinite ang pagkaka-antala sa lahat ng laro para sa NCAA o kanila lang kakanselahin ang mga aktibidad para dito.

Hindi na maglalaro si US Golf Star Tiger Woods sa Players Championship sa susunod na linggo.

Ayon kay Woods, labis niyang ikinalulungkot na hindi siya magiging bahagi ng naturang torneo dahil injury sa kanyang likod.

Hindi na rin nakasama si Woods sa Genesis Invitational Event matapos na maoperahan ito sa likod at sa tuhod noong Agosto.

Tinanghal bilang kampeon sa Players Championship si Woods noong 2001 at 2013.

Kinumpirma ni Tiger Woods na hindi  siya sasabak sa Player Championship dahil sa natamo  niyang injury sa likod.

Ayon kay Woods, hindi madaling desisyon ang ginawa niya sa pag-atras sa nasabing torneyo.

Gayunman, mas pinili aniya nitong magpahinga hanggang sa gumaling ang natamo nitong injury.

Magugunitang huling napanood ng mga fans ni Woods noong sumabak siya sa Genesis Invitational kung saan ang Tiger Woods foundation ang nagsilbing host.

Sa panulat ni: John Jude Alabado

Muling itinanghal bilang Most Valuable Player ng Philippine Basketball Association (PBA) si San Miguel Beermen Center June Mar Fajardo sa ika-anim na magkakasunod na season.

Opisyal na tinanggap ni Fajardo ang pagkilala sa ginanap na Leo Awards ng PBA sa Smart Araneta Coliseum kagabi bilang pormal namang pagsasara ng 44^th season nito.

Nakakuha si Fajardo ng kabuuang 3140 points na binubuo ng 1207 statistical points, 1290 media votes, 343 player votes at 300 pba votes.

Si Fajardo na ang kauna-unahan at nag-iisang manlalaro na nasungkit ng anim na MVP awards para sa magkakasunod na season ng PBA.

Bukod naman sa MVP award nakasama din si Fajardo sa first mythical team kabilang sina Christian Stanhardinger at Sean Anthony ng Northport, Jayson Castro ng Talk N’ Text (TNT)  at CJ perez ng Columbian Dyip.

Aminado si Filipino boxing champion John Riel Casimero na underdog siya sa kanilang laban ni Japanese knockout artist Naoya Inoue sa Abril 25.

Pero ayon sa 3 weight division world champion, gagawin niya ang lahat upang matalo si Inoue. Kasalukuyang nagsasanay si Casimero sa Miami, Florida USA kasama si conditioning coach Memo Heredia.

Sa naturang event, itataya ni casimero ang kanyang World Boxing  Organization (WBO) Bantamweight title habang bitbit ni Inoue ang kanyang 3 korona mula sa World Boxing Association (WBA), International Boxing Federation (IBF), at The Ring.

Malapit nang makasungkit ng puwesto sa Olympics si Southeast Asian Games Champion Eumir Felix Marcial.

Ito ay matapos na matalo ni Marcial ang Australian boxer na si Kirra Ruston sa men’s middleweight quarterfinals sa 2020 Asian-Oceanian Continental Olympic Qualifying Tournament na ginanap sa Prince Hamzah Hall sa Amman Jordan.

Nakuha ni Marcial ang mga pare-parehong iskor na 30-27 sa buong laban sa mga judge mula Hungary, Algeria, Great Britain at Bulgaria habang 20-25 naman sa isang Austrian judge.

Target naman ni Marcial na makasungkit ng puwesto sa semifinals oras na makalaban naman ang pambato ng Mongolia.

Si Marcial na ang ikatlong miyembro ng national team na pumasok sa quarterfinals kasunod nina Aiba Women’s World Championship Gold Medalist Nesthy Petecio at SEA Games Medalist Riza Pasuit.

Nakaapat na sunod na panalo na ang Los Angeles Clippers matapos nitong padapain ang Philadelphia, 136-130.

Pinangunahan ni Kawhi Leonard ang panalo ng Clippers sa kanyang 30 puntos na sinundan naman ng tig-24 na puntos nina Paul George, Montrezl Harrell at Lou Williams.

Sa Minneapolis, namayani naman ang Dallas Mavericks laban sa Minnesota Timberwolves, 111-91.

Hindi nakapaglaro si All Star Luka Doncic dahil sa injury subalit rumatsada naman si Kristaps Porzingis na naka-iskor ng 38 points.

Samantala, 41 points at 20 rebounds naman ang ginawa ni Giannis Antetokounmpo ng Milwaukee Bucks para dominahan ang Hornets, 93-85 sa Charlotte.