SPORTS

Nagpositibo sa COVID-19 si Zinedine Zidane na coach ng Real Madrid Football Club.

Ayon sa inilabas na pahayag ng naturang Spanish club, lumabas resulta ng swab test ni Zidane ilang oras bago ito bumiyahe para makalaban ang koponang Alaves sa La Liga.

Kasunod nito, ani Zidane, labis ang ‘pressure’ na nararamdaman ng kanyang mga manlalaro dahil sa masamang balita nito.

Sa ngayon, nagpapagaling na si Real Madrid Football Coach Zidane, at nagpaalala sa lahat ng mga manlalaro na sumunod sa umiiral na health protocols.

Kumpiyansa ang coach ni former two-divison UFC World Champion Conor McGregor na matutuloy ang laban ng kanyang alaga kontra kay pambansang kamao Manny Pacquiao ngayong taon.

Ayon kay Phil Sutcliffe, 85 hanggang 90% siyang nakatitiyak na mangyayari ang laban nina Pacquiao at McGregor sa pagitan ng Marso, hanggang Mayo.

Dagdag ni Sutcliffe, plano rin nilang agad na isailalim si McGregor sa dalawang buwang boxing camp pagkatapos ng nakatakdang laban nito kontra kay Dustin Poirier sa UFC 257 sa ika-24 ng Enero.

Magugunitang umugong noong nakaraang taon ang posibilidad na paghaharap nila McGregor at Pacquiao matapos kumpirmahin ng dalawang kampo na nagkakaroon sila ng mga pag-uusap.

Inilampaso ng Cleveland Cavaliers ang New York Knicks sa score na 106-103 sa kanilang laban sa NBA.

Bumida si Andre Drummond sa panig ng Cavs matapos kumamada ng 33 points habang umiskor naman si Cedi Osman ng  25 points.

Dahil sa panalo, nakabawi ang Cleveland at naputol ang three-game losing streak ng koponan.

Nakatikim na naman ng masaklap na pagkatalo ang Golden State Warriors sa National Basketball Association (NBA).

Ito’y makaraang padapain ng Denver Nuggets sa score na 114-104.

Si Nikola Jokic ang nanguna sa Nuggets sa pamamagitan ng kanyang 23 points habang nagdagdag naman si Jamal Murray ng 17 points.

Inilampaso ng Utah Jazz ang Cleveland Cavaliers sa kanilang laban na nagtapos sa iskor na 117-87.

Sinasabing naging malaking balakid sa pagkapanalo ng Cavs ang kakulangan nila sa manlalaro.

Ilang players pa rin kasi ng koponan ang nagpapagaling mula sa mga natamong injury.

Sa ngayon ay hawak ng Jazz ang 7-4 record habang ang Cavs naman ay may 5- na kartada.

Tiwala si Eight-division boxing champion Manny Pacquiao na matatalo nito ang mas batang si IBF-WBC welterweight champion Errol Spence sakaling makalaban niya ito, matapos makitang mabagal ang pagkilos nito sa ring.

Ito ang naging pahayag  ng boksingero’ t senador sa isang boxing scene kung saan ikinumpara niya ang gilas ni Spence kay Keith Thurman.

Paglilinaw naman ni Pacquiao , bukas siya na makipaglaban kay Spence o kay McGregor subalit mas nais niyang maranasang makipagbakbakan sa isang MMA fighter.

Dagdag pa ni Pacman na malaking bahagi ng kanyang kikitain ang ay ibibigay niya sa mga Pilipinong apektado ng COVID-19.—sa panulat ni Agustina Nolasco.

Handang-handa na si Filipino prospect Kai Sotto sa kanyang pagsabak sa NBA G League sa susunod na buwan.

Kabilang si Kai sa Ignite team na pinamumunuan ni head coach Brian Shaw kung saan aarangkada ang liga sa ESPN wide world of sports complex sa Disney World malapit sa Orlando.

Makakasama rin ni Kai sa Ignite sina Jalen Green, Jonathan Kuminga, Isaiah Todd, Daishen Nix at Princepal Singh.

Makakatuwang din sa koponan ang ilang NBA at NBA G League veterans na sina Amir Johnson, Reggie Hearn, Brandon Ashley, Cody Demps at Bobby Brown.

Handa na umano si Filipino prospect Kai Sotto sa kanyang pagsabak sa NBA G League sa susunod na buwan.

Si Sotto ay kasama sa Ignite Team ni head coach Brian Shaw kung saan aarangkada ang liga sa ESPN Wide World of Sports Complex sa Disney World malapit sa Orlando.

Bukod kay Sotto, kasama rin sa Ignite ni Shaw sina Jalen Green, Jonathan Kuminga, Isaiah Todd, Daishen Nix, at Princepal Singh.

Makakatuwang din sa koponan ang ilang NBA at NBA G League veterans na sina Amir Johnson, Reggie Hearn, Brandon Ashley, Cody Demps at Bobby Brown.

Sinasabing maliban sa Ignite, sasabak din sa torneo ang mga sumusunod na koponan:

• Agua Caliente Clippers (LA Clippers)
• Austin Spurs (San Antonio Spurs)
• Canton Charge (Cleveland Cavaliers)
• Delaware Blue Coats (Philadelphia 76ers)
• Erie BayHawks (New Orleans Pelicans)
• Fort Wayne Mad Ants (Indiana Pacers)
• Greensboro Swarm (Charlotte Hornets)
• Iowa Wolves (Minnesota Timberwolves)
• Lakeland Magic (Orlando Magic)
• Long Island Nets (Brooklyn Nets)
• Memphis Hustle (Memphis Grizzlies)
• Oklahoma City Blue (Oklahoma City Thunder)
• Raptors 905 (Toronto Raptors)
• Rio Grande Valley Vipers (Houston Rockets)
• Salt Lake City Stars (Utah Jazz)
• Santa Cruz Warriors (Golden State Warriors)
• Westchester Knicks (New York Knicks)

Samantala, ang top 8 teams ay uusad sa single-elimination playoff ng naturang liga.

Tinambakan ng Houston Rockets ang Orlando Magic sa kanilang laro sa score na 132-90 sa Toyota Center sa Texas.

Si James Harden ang nanguna sa Rockets sa pamamagitan ng kanyang 15 points at 13 assists habang nagdagdag naman si Christian Wood ng 22 points at 15 rebounds.

Sa unang bahagi pa lamang ng laban ay nagpaulan na ng mga puntos ang Houston at hindi na nakahabol mula noon ang Magic.

Nagpositibo sa COVID-19 ang manlalaro ng Philadelphia 76ers na si Seth Curry.

Ayon sa ulat, nakalaro pa si Curry sa panig ng Sixers sa unang quarter laban sa Brooklyn Nets pero nagka-injury ito at doon na ipinabatid sa kanila ang resulta ng isinagawang test sa kanya.

Dahil dito, sumasailalim na ngayon sa quarantine ang team at patuloy ang contact tracing sa isang hotel sa New York na tinuluyan ng buong koponan.

Malabo namang matuloy ang laro ng Sixers kontra Denver Nuggets sa Linggo.