SPORTS

Dumating na ng Pilipinas ang batang Pilipino basketball player na si Kai Sotto para sumama sa Gilas Pilipinas.

Ito ay habang naghahanda ang koponan para sa 2021 Fiba Asia Cup Qualifiers.

Una nang sinabi ni samahang basketbol ng Pilipinas President Al Panlilio na sasailalim muna si Sotto sa quarantine bago ito makasama sa training ng iba pang manlalaro ng national basketball team sa Calamba, Laguna.

Samantala, nakatakda namang lumipad ng Doha, Qatar ng Gilas Pilipinas matapos ang Pebrero 14 para sumabak sa Fiba continental qualifiers na gaganapin mula Pebrero 18 hanggang 22.

Inanunsiyo ng Philippine Basketball Association (PBA) na hindi ito lalahok sa East Asia Super League (EASL) hangga’t wala pang available na bakuna kontra COVID-19.

Matatandaang nakipagsanib-puwersa ang EASL sa FIBA upang makabuo ng full-fledged league kung saan tampok dito ang mga koponan mula sa Pilipinas, China, Japan, at Korea.

Hahatiin ang mga teams sa iba’t ibang grupo at maghaharap sa pamamagitan ng isang home-and-away format.

Bubuksan sana ang unang season ng liga sa Oktubre ngayong taon.

Ngunit, ayon kay PBA Commissioner Willie Marcial, hindi pa sila maaaring sumali sa bagong binuong torneo dahil pa rin sa kasalukuyang krisis.

Pinadapa ng Atlanta Hawks ang Washington Wizards sa score na 116-100 sa kanilang laro sa National Basketball Association (NBA).

Kumamada si Trae Young ng 41 points habang nagdagdag ng 26 points si Bradley Beal para sa Hawks.

Sa isa pang laro, inilampaso rin ng Charlotte Hornets ang Indiana Pacers sa score na 108-105.

Pinadapa ng Atlanta Hawks ang Washington Wizards sa score na 116-100 sa kanilang laro sa National Basketball Association (NBA).

Kumamada si Trae Young ng 41 points habang nagdagdag ng 26 points si Bradley Beal para sa Hawks.

Sa isa pang laro, inilampaso rin ng Charlotte Hornets ang Indiana Pacers sa score na 108-105.

Kanselado na ang pagho-host ng bansa ng Fiba Asia Cup 2021 qualifiers.

Ito’y ayon sa Samahang Basketbol ng Pilipinas (SBP) matapos na ipatupad ang travel restriction sa bansa.

Ayon kay SBP President Al Panlilio, ang naturang hakbang ay bilang pag-iingat sa banta ng COVID-19.

Mababatid na nakatakda sanang ganapin ang qualifying games sa Clark Freeport sa paparating na Pebrero.

Sa huli, iginiit SBP President Panlilio na sa gitna ng nararanasang pagsubok dulot ng COVID-19, hindi matitinag ang kanilang pagnanais na magpakita ng suporta sa mga pambato ng bansa.

Pinalulutang ni WBC Interim Ligthweight Champion Ryan Garcia na si pambansang kamao Manny Pacquiao ang susunod nitong makakalaban.

Sa pamamagitan ng kaniyang Instagram account mismong si Garcia ang nag-anunsyo ng kaniyang nalalapit na laban.

Gayunman, hindi pa ito kinukumpirma ng panig ni Pacquiao.

Ang American boxer na si Garcia ay nagmula sa golden boy promotions at wala pang talo sa 21 laban nito.

Nakabawi si Dustin ‘The Diamond’ Poirier kay Conor ‘Notorious’ McGregor sa kanilang rematch.

Ito matapos pinagbagsak ni Poirier  si McGregor sa 2nd round ng UFC 257 sa pamamagitan ng techincal knockout, Sabado ng gabi sa Abu Dhabi ,UAE.

Pinuntirya ni Dustin ang binti ni Conor kung kayay nakuha niya ito bilang advantage para maupakan si McGregor at magpakawala ng right hook na may pahabol na dalawang suntok.

Desisyonan ni Herb Dean na itigil na ang  laban sa 2:32 mark para masungkit ni Proirer ang Panalo.

Mangungutang, nalasap ni Poirier  ang pagkatalo kay McGregor noong 2014, matapos pinatumba siya sa loob lang ng isang round. —sa panulat ni John Jude Alabado 

Pinataob ni Filipina tennis phenom Alex Eala ang pambato ng Spain na si Yvonne Cavalle-Reimers sa final ng ITF Rafa Nadal Academy World Tennis Tour tournament na ginanap sa bayan ng Manacor.

Bigo ang 15 taong gulang sa unang set ngunit bumawi siya sa ikalawa at ikatlong sets kaya’t nasungkit niya ang kanyang kauna-unahang pro title.

Sinasabing bago sumampa sa torneo ay nanalo na ng anim na ITF titles ang 28 taong gulang na si Cavalle-Reimers.

Gayunman, hindi nagpasindak si Eala at napanatili niya ang kanyang momentum hanggang sa masungkit ang titulo matapos ang dalawang oras na laro.

Inanunsyo ng Japanese government na tuloy pa rin ang Tokyo Olympics sa taong ito sa gitna ng pandemya ng COVID-19.

Ito ang nilinaw ng Japanese government matapos kumalat sa social media ang usap-usapang kakanselahin ang Tokyo Olympics at ililipat ito sa taong 2023.

Ayon kay Japanese Prime Minister Yoshihide Suga, walang magbabago sa plano at lalarga pa rin ang olympics sa Hunyo.

Binigyang diin pa ni Suga ang mensahe ng Tokyo Olympics na kayang lampasan ang lahat ng krisis na dala ng COVID-19 at ipakita sa buong mundo ang kanilang pagbangon.

Magugunitang pinadapa ang Japan ng COVID-19 pandemic gayundin ng malalakas na lindol at tsunami na tumama sa kanilang bansa isang dekada na ang nakalilipas.

Pasok na sa final ng ITF Rafa Nadal Academy World Tennis Tour tournament si Filipina tennis Phenom Alex Eala.

Ito’y makaraang ilampaso ng dalagitang manlalaro si Adithya Karunaratne ng Hongkong sa score na 6-3, 6-4 sa kanilang laro na ginanap sa Manacor, Spain.

Bago nakapasok sa semifinals, pinadapa ng Pinay si Carole Monnet ng France.

Samantala, makakaharap ng 15-anyos na Pinay tennis star si Yvonne Cavalle-Reimers ng Spain sa final ng naturang torneo.

Pinadapa ng Indiana Pacers ang Orlando Magic sa score na 120-118 sa kanilang laro sa NBA.

Si Malcolm Brogdon ang nanguna sa Pacers sa pamamagitan ng kanyang 23 points habang nagdagdag si Jeremy Lamb ng 22 points.

Samantala, humakot naman si Evan Fournier ng 26 points para sa Magic pero hindi sapat iyon para maipanalo ang laban ng kanyang koponan.