Magbabalik sa TNT Tropang Giga si Chot Reyes.
Ito ang kinumpirma ni Ricky Vargas, team governor ng TNT at kasalukuyang chairman ng PBA Board of Governors.
Papalitan ni Reyes ang kasalukuyang consultant ng koponan na si Mark Dickel na tumimon sa team katuwang si Bong Ravena.
Matatandaan na huling naging coach si Reyes ng Smart Inc. noon pang 2012.
Mula noon ay hinawakan niya ang Gilas Pilipinas bago napunta sa TV5 bilang Chief Executive Officer ngunit kumalas ito sa kompanya noong July 2019.
Muling inilampaso ng Los Angeles Lakers ang Memphis Grizzlies sa score na 115-105 sa kanilang laro sa NBA.
Kababalik lang sa Lakers ni Anthony Davis pero kumamada ito ng 35 points at nine rebounds.
Nagdagdag naman si LeBron James ng 28 points para sa LA.
Nabaon ng dalawampung puntos ang Lakers sa unang bahagi ng laro at bumangon ito sa second half kaya’t nasungkit nito ang panalo.
Gumugulong na ang negosasyon para sa laban nina Senador Manny Pacquiao at dating world champion Mikey Garcia.
Ibinunyag ito mismo ni Pacquiao na nagsabing posibleng maganap sa dubai sa buwan ng mayo ang kanilang bakbakan ni Garcia.
Una nang inanunsyo ng team Pacquiao ang pagbabalik training ng fighting senator.
Samantala si Garcia naman ay tinalo ni Errol Spence, Jr. sa pamamagitan ng unanimous decision noong March 2019 subalit nagwagi naman noong February 2020 laban kay Jessie Vargas sa pamamagitan din ng unanimous decision sa ford center sa California.
Hindi dapat maliitin ang kakayahan ng batang boksingerong si Ryan Garcia bilang posibleng susunod na kalaban ni fighting Senator Manny Pacquiao.
Ayon kay Sean Gibbons, Presidente ng MP promotions, maaaring ikagulat ng lahat ang magiging resulta ng laban ng dalawa.
Ani Gibbons, marami pa rin ang posibleng mangyari sa laban lalo na’t bata pa si Garcia at mas malakas ito habang halos dalawang taon nang hindi lumalaban si Pacquiao.
Una nang lumabas ang usapin ng posibleng laban sa pagitan ng dalawa matapos sabihin ni Garcia na panahon na para ipasa ni Pacquiao ang trono sa kanya.
Samantala, kinilala naman ni Pacquiao ang posibilidad na si Garcia ang susunod niyang makakalaban.
Pinadapa ng Los Angeles Lakers ang Detroit Pistons sa score na 135-129 sa kanilang laban sa NBA.
Kumamada si LeBron James ng 33 points habang tumipa si Anthony Davis ng 30 points para sa LA.
Inabot ng double overtime ang kanilang laro bago nangibabaw ang Lakers.
Humakot ng 100,000 votes si Chinese fan favorite Klay Thompson kaya’t isa pa rin ito sa mga paboritong kandidato para sa NBA All-Star game ngayong taon.
Dahil dito, pang-sampu si Thompson sa listahan ng mga guards sa West na posibleng makapasok sa pamamagitan ng boto ng mga tagahanga kahit na hindi siya nakalaro mula noong 2019.
Batay sa listahan ng NBA, kasama sa mga nanguna si Golden State Warriors star Steph Curry at kahanay niya si Thompson.
Nakabuntot naman si Curry kay West frontcourt vote leader LeBron James habang kadikit din nila si Eastern conference counterpart Kevin Durant.
Matatandaang nagka-injury sa kaliwang tuhod si Thompson sa 2019 NBA Finals at hindi na ito nakalaro mula noon.
Bigo ang Philippine tennis sensation na si Alex Eala sa quarterfinals ng W15 Manacor ITF Rafa Nadal Academy Tennis Tour sa Spain.
Ito’y makaraang ilampaso ng kalabang si Oksana Selekhmeteva ng Russia ang 15-anyos na Pinay.
Umabot ng 1 oras at 26 minuto ang laban kung saan nangibabaw ang 18-anyos na Russian player laban kay Eala.
Dahil dito, natapos ni Eala ang torneo na taglay ang rekord siyam na panalo at dalawa lamang talo.
Nangibabaw ang Pinay tennis player na si Alex Eala laban kay Silvia Ambrosio ng Germany sa kanilang laban sa final leg ng W15 Manacor ITF Rafa Nadal Academy World Tennis Tour sa Spain.
Una rito, natalo ang 15-anyos sa ikalawang set pero bumawi siya sa dulo at inilampaso ang kalaban na mas matanda sa kanya ng siyam na taon.
Dahil dito, makakaharap ni Eala ngayong araw sa ‘Round of 8’ ang Russian na si Oksana Selekhmeteva.
Matatandaang nakuha ng dalagitang Pinay player ang titulo sa first leg ng torneo kung saan naibulsa niya ang 15,000 dollars na cash prize.
COVID-19 free sa nakalipas na mahigit isang linggo ang National Basketball Association (NBA).
Ito’y ayon sa NBA matapos isalang sa COVID-19 test ang halos 500 o nasa 482 players nitong ika-27 ng Enero at walang nagpositibo sa virus sa mga ito.
Sinabi ng NBA na simula ika-20 ng Enero sumalang sa COVID-19 test ang 492 players at isa ang bumalik dahil sa kumpirmadong positive test.
Ipinabatid ng NBA na isang player na lamang ang babalik ngayong buwan at ibinunyag na 11 manlalaro mula sa 502 na nagpositibo sa COVID-19 mula ika-13 ng Enero hanggang 20 at 16 na players mula sa 497 ang nag-positive sa pagitan ng ika-6 ng Enero hanggang 13 para mabatid kung hanggang saan at kailan maaaring dumiskarte ang lugar para sa mga laro nito ngayong season.
Magugunitang mahigit 20 laro na simula ika-23 ng Disyembre ang ipinagpaliban ng NBA management dahil sa COVID-19 protocols at hanggang buong buwan ng Enero matapos mahigit 20 players din ang nagpositibo sa COVID-19 test.
Pag-aaralan pa ng pamahalaan ang pagsama sa listahan ng prayoridad na babakunahan ang mga national athletes at coaches na sasabak sa 2021 Southeast Asian Games.
Ayon kay vaccine czar Carlito Galvez Jr., pag-uusapan pa anila ang posibilidad na isama sa priority lists ang mga atleta ng bansa para sa COVID-19 vaccination program.
Sa ngayon aniya ay paparating na sa bansa ang mga bakuna mula sa World Health Organization COVAX facility na mayroong sinusunod na priority list kung saan prayoridad ang mga health workers at ang mga mahihirap na komunidad.
Sinabi pa ni Galvez, na aalamin pa ng IATF kung maaaring bigyan ang mga atletang Pinoy kung mayroong sumobrang bakuna kontra COVID-19.
Samantala, magugunitang isinusulong ni Deputy Speaker Mikee Romero sa IATF na bigyan ng COVID-19 vaccine ang mga atletang sasabak sa Tokyo Olympics at SEA Games.