SPORTS

Napagdesisyonan ng Pinoy basketball player na si Kai Sotto at ng NBA G League Ignite team na hindi na muling itong sasama sa team.

Ayon kay NBA G League President Shareef Abdur-Rahim, parehas na naunawaan ni Kai at ng team ang mga pagsubok sa pagbiyahe at pagsunod sa health at safety protocols ngayong may pandemyang COVID-19 kaya’t hindi na muna isasali sa laro si Kai.

Dagdag nito, lagi umanong kabilang si Kai sa extended Ignite family at hiling nito ang tagumpay ng Pinoy basketball player sa  NBA.

Pinataob ng Miami Heat ang Los Angeles Lakers sa score na 96-94 sa kanilang laro sa NBA.

Si Kendrick Nunn ang nanguna sa Heat sa pamamagitan ng kanyang 27 points habang nagdagdag si Jimmy Butler ng 24 points.

Sinasabing kaya mahina ngayon ang Lakers ay dahil hindi nakakalaro si Anthony Davis dulot ng injury.

Naniniwala si NBA Hall-of-Famer Charles Barkley na mas karapat-dapat si Filipino-American guard Jordan Clarkson na isabak sa All-Star Game sa Atlanta sa Marso 7 kumpara kay superstar Anthony Davis.

Ayon kay Barkley, si Clarkson ang nakikita niyang pinakamahusay sa lahat ng bench players ngayong taon habang ang kanilang team naman na Utah Jazz ang may hawak ng best record sa NBA.

Bagama’t kumontra sina NBA legends Shaquille O’Neal at Kenny Smith, nanindigan si Barkley na mas maganda ang ipinakikita ni Clarkson kumpara kay Davis ngayong season.

Sa kasalukuyan, hawak ng Jazz ang pinakamagandang record sa liga na 24 ang panalo at 5 ang talo.

Pinataob ng Orlando Magic ang Golden State Warriors sa score na 124-120 sa kanilang laro sa National Basketball Association (NBA).

Kumamada si Nikola Vucevic ng 30 points habang nag-ambag si Evan Fournier ng 28 points para sa Magic.

Nangibabaw ang Warriors sa tatlong quarters ngunit nag-rally ang Orlando sa dulo ng laban na sinimulan ng tres ni Rookie Chuma Okeke dahilan upang manalo ito sa nasabing laro.

Pasok na sa finals ng Australian Open si Naomi Osaka matapos talunin si Serena Williams.

Nasa 20 match unbeaten streak ang Japanese Tennis Star at hindi pa natalo sa slam final.

Nakatakda namang makaharap ni Osaka si US Tennis Player Jennifer Brady.

Ang laban ng dalawa ay tila rematch sa 2020 us open semi-final kung saan nagwagi si Osaka sa ikatlong set.

Ipinauubaya na ng Department Of Health (DOH) sa Inter-Agency Task Force for the Management of Emerging Infectious Diseases (IATF-EID)  ang pagpapasiya kung papahintulutang ganapin sa Pilipinas ang 2021 FIBA Asia cup qualifiers.

Ayon kay Health Undersecretary Maria Rosario Vergeire, wala pa silang natatanggap na anumang rekomendasyon kung papaano idaraos ang liga.

Aniya, pag-uusapan pa nila ito kasama ang iba pang ahensiya ng pamahalaan kung sakaling matuloy na sa Pilipinas gawin ang FIBA Asia cup.

Dagdag ni Vergeire, mayroon na ring naunang panuntunan o protocol na ipinalabas ang pamahalaan para sa maipatupad sa sektor ng sports.

Una nang nakatakdang ganapin ang FIBA Asia cup qualifiers sa Qatar pero kinansela ng kanilang Ministry of public health dahil sa tumataas na kaso ng COVID-19 sa kanilang bansa dahilan kaya ito inilipat ng FIBA sa Pilipinas.

Aminado  ang mga miyembro ng Gilas Pilipinas na ikinadismaya nila ang muling pag-postponed sa schedule ng FIBA Asia Cup qualifying window.

Ayon kay Butch Antonio, director for operations ng Samahang Basketbol ng Pilipinas (SBP) na ginugol nila ang halos apat na linggo para mag-ensayo sa darating sanang laban na gaganapin sa Doha, Qatar.

Dagdag ni Antonio na talagang sayang dahil hindi natuloy ang laro, subalit  maganda rin aniya ito upang mas pagtibayin pa ang samahan ng mga miyembro.

Kwento ni Antonio, hindi lamang sa pag-eensayo magkakasama ang miyembro ng Gilas dahil aniya’y nagkakasama-sama rin ito sa pagkain at sa pagtulog.

Matatandaang una nang inanunsyo ng Department of Health na nakasalalay sa mandato ng  Inter-Agency Task Force  (IATF) sa SBP kung papahintulutan nitong pangunahan ng bansa ang FIBA window sa kabila ng pandemya. —sa panulat ni Agustina Nolasco

Makakasagupa ni Simona Halep si Serena Williams sa quarterfinal ng Australian Open.

Ito’y matapos ilampaso ni Halep si French Open champion Iga Swiatek sa tatlong sets ng kanilang laban.

Matatandaang tinalo ni Halep ang 23-time grand slam champion na si Williams sa Wimbledon final noong 2019.

Hindi nakaporma sa Utah Jazz ang Miami Heat matapos itong ilampaso sa score na 112-94 sa kanilang laro sa Salt Lake City.

Dahil dito, naitala ng Jazz ang kanilang ika-pitong magkakasunod na panalo ngayong season.

Si Donovan Mitchell ang bumida sa panig ng Utah makaraang kumamada ng 26 puntos habang nagdagdag naman si Fil-Am star player Jordan Clarkson ng 11 puntos.

Naitala ng Phoenix suns ang kanilang ikalimang sunod na panalo sa NBA.

Ito ay matapos talunin ang Philadelphia 76ers sa iskor na 120-111.

Nanguna sa panalo ng suns si Devin Booker na nakagawa ng 36 points.

Nakapag-ambag din sa laban si Chris Paul na nakagawa naman ng 18 points, 10 assists at eight rebounds.

Gayundin sina dario saric nakagawa ng 15 points habang kapwa naka-11 points sina E’twaun Moore at Deandre Ayton.