Bigo ang Pinoy fighter na si Rolando Dy kay Abdisalam Kubanychbek ng Kyrgyzstan sa kanilang lightweight title eliminator sa Brave CF 47: Asian Domination sa Arad Fort sa Bahrain.
Ayon sa ulat, dahil sa malupit na ground game ni Kubanychbek ay hindi ito kinaya ni Dy kaya’t hindi na ito bumalik pagsapit ng ikatlong round.
Samantala, sa puntos naman natalo ang isa pang Pinoy na si Jenel Lausa sa kamao ni Ryskulbek Ibraimov ng Kyrgyzstan.
Nakatakdang magpadala ang Pilipinas ng 626 na mga atletang Pinoy para maglaro at makilahok sa 2021 SEA games sa Hanoi sa Vietnam sa November 21 hanggang December 2.
Ito’y sang-ayon sa dokumentong ibinigay ni Philippine Olympic Committee (POC) President Abraham Tolentino kay Philippine Sports Commission (PSC) Chairman William Ramirez.
Mababatid na lalahok ang mga atletang ipadadala ng Pilipinas sa 39 na sports events.
Sa mga ipadadalang atleta ng bansa sa Vietnam, 38 sa mga ito ay kalalakihan, habang 25 naman ay kababaihan.
Umatras si world No. 2 tennis Star Rafael Nadal sa pagsali sa ATP 500 event sa Dubai.
Ito’y dahil sa natamong injury ng sa katatapos na Australian open ng talunin siya ni Stefanos Tsittsipas sa quarterfinals.
Kasunod nito, nagpasalamat si Nadal sa organizer ng Dubai tournament sa pag-imbita sa kaniya ngunit nalungkot ito dahil hindi siya makakapaglaro sa naturang event.
Samantala, tiniyak naman ni Nadal na maglalaro ito kapag gumaling na ng tuluyan ang kanyang injury.— sa panulat ni Rashid Locsin
Paparangalan ng Philippine Sportswriters Association (PSA) ang sportsman at negosyanteng si Eduardo ‘Danding’ Cojuangco ng Lifetime Achievement Award sa gaganaping virtual awards night sa Marso 27.
Isa si Cojuangco sa tatlong napiling gawaran ng parangal ng PSA bilang pagkilala sa kontribusyon nito sa Philippine sports.
Matatandaang si Cojuangco ay dating Ambassador, Chairman at Chief Executive ng San Miguel Corporation at kilalang businessman at political figure at pumanaw sa edad na 85 nitong nakaraang taon.
Kasama sa mga paparangalan ng PSA ay sina one-time Gintong Alay Project Director Jose A. Romasanta, at si dating PBA commissioner Renauld “Sonny” Barrios.—sa panulat ni Agustina Nolasco
Handang pumusta ng isang milyong dolyar si American Welterweight Contender Mikey Garcia sa kanyang sarili sakaling matuloy ang nilulutong bakbakan nito kay Pinoy ring icon Sen. Manny Pacquiao.
Maaari aniyang umabot sa dalawa hanggang limang milyon ang kanyang ipupusta sa sarili laban sa eight-division world boxing champion.
Ayon kay Garcia, marami ang nagtatanong kung matutuloy ang laban nito kay Pacquaio ngunit hindi muna ito magsasalita hangga’t hindi napipirmahan ang fight contract.
Samantala, maaaring mangyari ang inaabangang boxing match sa unang bahagi ng taon.— sa panulat ni Rashid Locsin
Bibida si Filipina-Japanese golfer Yuka Saso sa Philippine Sportswriters Association (PSA) Awards ngayong taon.
Ito’y makaraang i-anunsiyo ng media organization na itinanghal nila si Saso bilang Athlete of the Year.
Magugunitang nakasungkit ng dalawang Ladies Professional Golf Association titles sa Japan ang 19-anyos na si Saso habang nagpakitang-gilas din ito sa US Open makaraang makatapos ng 13th overall.
Sa kabila ng pandemya, natapos din ni Saso ang 2020 na taglay ang No. 45 spot sa world rankings habang kumita rin umano ito ng tinatayang P50 milyon.
Hindi pipilitin ng pamunuan ng National Basketball Association o NBA ang mga manlalaro na magpabakuna kontra COVID-19.
Bukod dito, ayon kay NBA commissioner Adam Silver, kapag gumanda na ang sitwasyon ay posibleng ibalik na nila ang normal schedule ng liga sa susunod na season.
Gayunman, nilinaw ni Silver na wala pa silang balak na magdaos ng overseas exhibition o regular-season games sa labas ng Estados Unidos.
Ibinunyag umano ni Tiger Woods sa mga awtoridad na wala siyang maaalala noong masangkot siya sa aksidente sa Los Angeles.
Sa ulat ng USA Today, isiniwalat na hindi rin umano matandaan ni Woods na nagmamaneho siya ng mga oras na iyon.
Sinasabing binanggit din ang kopya ng search warrant affidavit na siyang ginamit ng LA County Sheriff’s Department upang makakuha ng black box mula sa SUV ni Woods.
Napili ng pamunuan ng Japan Olympics ang 118-taong gulang na itinuturing nang ‘oldest living person’ na magpasa ng Olympic torch sa darating na Mayo.
Kinilala ang oldest living person bilang si Kane Tanaka na dalawang beses nang naging cancer survivor.
Mababatid na dadalhin ni tanaka ang Olympic torch oras na dumaan ito sa kanilang lugar sa Fukuoka.
Habang ang kanyang pamilya naman ang magtutulak ng wheelchair ni Tanaka para maiabot nito ang Olympic torch sa susunod na runner.
Sinibak ng Atlanta hawks ang head coach nitong si Lloyd Pierce matapos ang mahigit dalawang season.
Ayon kay Travis Schlenk President at General Manager ng Atlanta si Nate Mcmillan muna ang itinalaga nilang interim coach ng team.
Hindi naman tinukoy sa report kung bakit sinibak si Pierce na may record na 63 wins at 120 loss sa halos 200 laro ng Hawks.
Ang Atlanta hawks ay may hawak na 14 win 20 loss record ngayong season at nasa ika-11 puwesto sa Eastern conference standings.