SPORTS

Agad na naghanap si eight division world boxing champion at senador Manny Pacquiao ng mga right handers fighters matapos na mapalitan ang kanyang kalaban na si Errol Spence Junior.

Papalit kay Spence ang right hander na boksingerong si Yordenis Ugas ng bansang Cuba. Ayon sa coach ni Pacman na si Freddie Roach, walang nakikitang anumang balakid ang kanilang kampo dahil kaya umanong makapag-adjust ni Pacman sa maiksing panahon.

Magugunitang pina-atras na ng Nevada State Athletic Commision si Spence dahil nakitaan ito ng pinsala sa mata dahil sa mabigat na training.—sa panulat ni Rex Espiritu

Makatatanggap ng tulong pinansyal mula sa Office of the President si dating Olympic Silver Medalist Mansueto Onyok Velasco.

Ito ay matapos na isiwalat ni Velasco na hindi natupad ang mga pangako sa kanyang pabuya matapos masungkit ang  silver medal sa summer Olympic games noong 1996.

Ayon kay Senator Christopher Bong Go, Chairman ng Senate Committee on Sports, ang kalahating milyong piso na ibibigay para kay Velasco ay bilang pagkilala sa karangalan at inspirasyon na ibinigay nito sa mga atleta na nagtagumpay ngayon.

Napag alaman ng tanggapan ni Senator Go na  naibigay naman ng gobyerno ang lahat ng dapat na insentibo para kay Velasco ang hindi aniya nito natanggap ay ang mga pangakong pabuya  bukod sa bigay ng pamahalaan.—sa panulat ni Hya Ludivico

Inanunsyo na ng Brooklyn Nets ang muling pag-renew ng kontrata ni All-Star NBA forward Kevin Durant.

Hindi na nagbigay ng anumang detalye ang koponan kung magkano ang nilalaman ng nasabing kontrata.

Ayon kay Nets general manager Sean Marks, malaking tulong sa kanilang koponan si Durant.

Unang nakapaglaro sa Nets si Durant noong 2020 hanggang 2021 season kasama sina Kyrie Irving at James Harden.—sa panulat ni Rex Espiritu

Nanawagan si Olympic Silver Medalist Carlo Paalam na mabigyan din ng pabuya ang kanyang mga coach.

Ayon kay paalam, hindi aniya sila huhusay kung wala ang tulong ng kanilang magigiting na trainers.

Ayon sa Republic Act 10699, tatangap ng cash insentives ang mga coach ng mga national athletes kung personal na nagturo ito sa mga nanalo sa mga nanalo sa international competitions.

Siniguro naman ni Representative Bambol Tolentino na ang Philippine Sports Committee na ang bahala sa mga tiga sanay ng mga atleta.

Nakatanggap si Paalam ng P5 milyon bilang pabuya sa kanyang pagbingwit ng silver medal sa katatapos lang na Tokyo olympics.—sa panulat ni Rex Espiritu

Balik bansa na ang boxing team ng Pilipinas mula sa Tokyo Olympics.

Sinalubong sila ng banda, mga sundalo at tarpalulins bilang pagbati mula sa ating kababayan bandang alas-5  kahapon sa NAIA terminal 3.

Sila rin ay hinarap ni Pangulong Rodrigo Duterte sa isang virtual meeting sa malakanyang habang nasa pulong ng IATF.

Todo naman ang pagpapasalamat nila Nesthy Petecio, Carlo Paalam at Eumir Marcial sa ating mga kababayan sa kanilang walang sawang suporta at panalangin.

Nag-uwi sina Paalam at Petecio ng silver medal habang bronze medal naman ang nasungkit para sa bansa ni Marcial.—sa panulat ni Rex Espiritu

Umaasa ang atletang si Eumir Marcial na makakaharap niya sa professional ring ang mga nakalaban sa Tokyo Olympics.

Ayon kay Marcial hindi imposible na maganap ang kanyang pangarap dahil aniya pawang propesyonal na ang mga ito.

Nakalaban ni Marcial ang mga pambato ng Uzbekistan, Amerika at Kazakhstan.—sa panulat ni Rex Espiritu

Hindi lang silver medal ang naiuwi ng atletang si Carlo Paalam.

Kundi samot-saring aral din sa kanyang unang pagsabak sa Olympics sa Tokyo.

Sa edad na 23 anyos, si Paalam ay itinuturing na bunso ng kanyang boxing team, pero ang kanyang ipinakitang performance ay salungat sa kanyang pagkabata at kakaunting karanasan sa malakihang ring.

Pinatumba kasi ni paalam ang reigning Olympic champion sa bansang Uzbekistan.

Gayunman na-knock-down siya sa pambato ng great Britain at naiuwi ang silver medal.

Ayon kay Paalam, ito na ang isa sa bagay na natutuhan niya bilang boksingero dahil aniya kahit kailan ay hindi pa niya ito nararanasan.—sa panulat ni Rex Espiritu

Hindi lang Silver Medal ang naiuwi ng atletang si Carlo Paalam.

Kundi samot-saring aral din sa kanyang unang pagsabak sa Olympics sa Tokyo.

Sa edad na 23 anyos, si paalam ay itinuturing na bunso ng kanyang boxing team, pero ang kanyang ipinakitang performance ay salungat sa kanyang pagkabata at kakaunting karanasan sa malakihang ring.

Pinatumba kasi ni Paalam ang Reigning Olympic Champion  sa bansang Uzbekistan.

Gayunman na-knock-down siya sa pambato ng Great Britain at naiuwi ang Silver Medal.

Ayon kay Paalam, ito na ang isa sa bagay na natutuhan niya bilang boksingero dahil aniya kahit kailan ay hindi pa niya ito nararanasan. —sa panulat ni Rex Espiritu

Parehong makakatanggap ng bahay at lupa ang tatlong boksingerong Pinoy na nakasungkit ng medalya sa Tokyo Olympics.

Sina Carlo Paalam, Men’s Flyweight at Nesthy Petecio, Women’s Featherweight ay kapwa nakakuha ng pilak sa olimpiyada habang bronze naman ang nasikwat ni Eumir Marcial sa Men’s Middleweight Division.

Ayon kay Philippine Olympic Committee (POC) President Rep. Abraham “Bambol” Tolentino, ang tatlong boksingero ay pagkakalooban niya ng house & lot sa Tagaytay.

Matatandaang nangako rin ng bahay at lupa si Tolentino kay Hidilyn Diaz matapos makasungkit ng gold medal sa weightlifting.

Tinamaan ng COVID-19 si dating NBA star Jeremy Lin.

Ito ang inanunsiyo ni Lin sa kanyang post sa social media kung saan isiniwalat din nito na kasalukuyan siyang nagpapagaling sa Shanghai, China.

Matatandaang inihayag ni Lin noong Hunyo na lalaro siya sa panig ng Beijing Ducks ng Chinese Basketball Association matapos mabigong makapasok muli sa NBA.