Wagi si Pinoy boxer Jonas Sultan kontra kay Sharone Carter ng bansang Amerika.
Sa loob lang ng pitong rounds, pinatumba ni Sultan na isang Pinoy bantamweight champion si Carter na ginanap sa Carson, California.
Unang round palang, nagsimula nang paulanan ni Sultan ang amerikanong boksingero.
Ito na ang kanyang ikalabing-limang panalo na mayroong siyam na knockout.
Ito ang unang laban ni Sultan mula taong 2019 ng talunin niya si Salatiel Amit.—sa panulat ni Rex Espiritu
Pinag-aaralan na ng Philippine Basketball Association (PBA) na ipagpatuloy ang 2021 Philippine Cup sa pamamagitan ng semi-bubble set-up sa lalawigan ng Pampanga.
Ito’y ayon kay PBA commissioner Willie Marcial.
Ayon kay Marcial, a ng pagsasagawa ng semi-bubble ay kanilang kinokonsidera na opsyon.
Ito ay malayo sa naisagawa nila taong 2020 All-Filipino conference, nakagastos sila ng 70 million pesos.
Paliwanag pa ng PBA na sasagutin ng bawat koponan ang gastusin ng kanilang bawat manlalaro.
Matatandaang nitong Agosto 3 ay pinagpaliban ng PBA ang kanilang mga laro dahil sa banta ng COVID-19 at ng delta variant.—sa panulat ni Rex Espiritu
Nilimitahan na ng team Pacquiao ang matindihang pagsasanay ni pambansang kamao at senador Manny Pacquiao.
Ito ay isang linggo bago ang sagupaan nila ni WBO Welterweight Champion Yordenis Ugas.
Ayon sa ulat, binawasan na ang sparring session ni Pacman dahil na sa kondisyon na ang katawan nito.
Ayon naman kay David Sisson, ang personal assistant ng pambansang kamao, araw ng martes oras sa Pilipinas tutulak patungong Las Vegas ang team Pacquiao. —sa panulat ni Rex Espiritu
Matagumpay na nadepensahan ni WBO Bantamweight Champion John Riel Casimero ang kanyang korona matapos gibain sa pamamagitan ng split decision si Two-Division World Champion Guillermo Rigondeaux sa bakbakan ng dalawa sa Dignity Health Sports Park sa Carson, California.
Sa unang bahagi ng laban ay napakiramdaman ang dalawa hanggang sa maramdaman ni Rigondeaux ang bangis ng Pinoy boxer kaya’t puro iwas na lamang ang ginawa nito na ikinadismaya ng mga manonood.
Pagsapit ng ika-walong round ay hinamon pa ni Casimero sa gitna ng ring si Rigondeaux pero panay salag at iwas lamang ang Cuban boxer hanggang sa matapos ang laban.
Dalawang hurado ang pumabor kay Casimero habang ang isa naman ay bumoto para kay Rigondeaux.
Samantala, kung tagumpay naman sa kanyang title defense si Casimero, kabaligtaran naman ang natamo ng isa pang Pinoy na si Raymond Tabugo sa undercard match matapos pabagsakin sa 5th round ni dating world champion Juan Carlos Payano.
Malaking accomplishment sa career ni WBO Welterweight Champion John Riel Casimero kung matatalo nito ang veteran two-time division champion na si Guillermo Rigondeaux na gaganapin sa Carson, California.
Ayon kay MP Promotions president Sean Gibbons na malaki ang maitutulong nito sa career ni Casimero kung saan ang veteran Cuban boxer ay isa sa may pinakamalaking pangalan.
Bukod dito, paborito rin ng ilang US annalysts si Rigo.
Sagot naman dito ng Pinoy three division world champ, pagbibigyan daw niya ang fans ng 40-anyos dahil ito na ang huling pag-akyat sa ring ng dati ring two-time olympic gold medalist na tumalo noon kina Nonito Donaire at Drian Francisco.
Magugunitang, pinatumba ni Casimero, ang kanyang huling anim na mga nakalaban.
Humablot ng silver medal ang isang sampung taong gulang na half filipina gymnast sa Vault at umukupa ng ika-9 na rank sa kanyang age division sa 2020-2021 National Invitational Championship sa Dells, Wisconsin.
Si Victoria Ria Casia Sessions ay nakakuha ng score na 37.800/40 sa 2020-2021 State Championship nuong Marso kaya’t piniling maging kinatawan ng State of Maine.
Ang nasabing half pinay ipinanganak sa New Brunswick, Canada mula sa amang amerikano at naturalized american ang kanyang ina mula sa La Union.
Sinabi ni ria na mahal niya ang gymnastics na sadyang nagpapasaya sa kanya at handa aniya siyang mag compete sa anumang gymnastics event.
Tatlong rounds lamang ang target ni WBO Bantamweight champion John Riel Casimero para aniya “mapatulog” ang beteranong Cuban boxer na si Guillermo Rigondeaux.
Matapos ang final press conference sa Los Angeles, California para sa kanilang laban, matapang na inihayag ng 31-anyos na Pinoy champion ang tuluyang pagreretiro sa kanyang mga kamao ng dating two-time gold medalist sa Olympics.
Ayon sa MP Promotions, ika-7 nang patutulugin ni Casimero ang Cuban legend.
Tinawag namang payaso ng 40-anyos na si Rigondeaux si Casimero na dapat aniyang patunayan ang pagyayabang sa itaas ng ring.
Ang bakbakang Casimero -Rigondeaux ay isasagawa bukas, Agosto 15 sa Dignity Health Sports Park sa California.
Handa pa ring harapin ni Senador Manny Pacquiao si Us boxer Errol Spence Jr.
Ito ayon kay Pacman ay kapag nagkaruon ng pagkakataon o gumaling na ang operasyon sa mata ni Spence na idinahilan nito sa pag atras sa kanilang bakbakan ng pambansang kamao sa Agosto 22.
Dahil sa pag atras ni Spence, si Yordenis Ugas na ang makakaharap ng pambansang kamao.
Nagpakitang gilas si Senador Manny Pacquiao sa kanyang training.
Sa inilabas na video ng world boxing council nakita ang bilis ng galaw at kamao ni Pacman dahilan kayat namangha ang mga netizens at maging ang mga nakasaksi sa training ng senador sa isang park sa Los Angeles, California, USA.
Hindi naman napigilan ng ilang Pinoy na sumigaw ng “Manny, Manny” bilang pagpapalakas ng loob ng pambansang kamao na ipinamalas ang kanyang asinta sa kalaban.
Nakatakda nang kalabanin ni pacman si Cuban Boxer Yordenis Ugas matapos umatras si Errol Spence, Jr. dahil sa eye injury.
Alam na kung saan ilalaan ni Pinay olympic silver medalists Nesthy Petecio ang lahat ng kanyang nakuhang pabuya sa pagsabak sa olympics.
Ayon sa atleta, ilalaan niya ang kanyang mga nakuhang insentibo sa kanyang pamilya.
Aniya, uunahin niya ang kanyang pamilya at kung nasa maayos na itong kalagayan ay saka siya maglalaan ng para sa kanyang sarili.
Ilan sa mga matatanggap ni Petecio ay ang halos 17 Milyon pesos na cash incentives, condo unit sa Davao at house and lot sa Tagaytay.—sa panulat ni Rex Espiritu