SPORTS

Tumataginting na P17-M na halaga ng premyo ang naghihintay kay Olympic Boxer Carlo Paalam matapos sumungkit ng Silver Medal sa 2020 Tokyo Olympics.

Alinsunod sa Republic Act 10699, dapat makatanggap ng P5-M ang mga Olympic Silver Medalist gaya ni Paalam.

Bukod pa rito ang ilang pledges mula sa pribadong sektor tulad ng ipinangakong P5-M ng MVP Sports Foundation sa sinumang kukubra ng pilak na medalya.

Tatanggap din ang 23 anyos na atleta ng karagdagang P5-M mula kay Business Tycoon Ramon ang at P2-M mula kay 1-Pacman Partylist Rep. Mikee Romero.

Samantala, entitled din si Paalam sa ‘forever flyer’ reward ng Philippine Airlines, na magbibgay sa kanya ng 60,000 mabuhay miles kada taon, habang-buhay.

Nakalaban ni Paalam sa finals ng Men’s Flyweight Division si Galal Yafai ng Great Britain. —sa panulat ni Drew Nacino

Tuluyan nang nag paalam at humablot na lamang ng Silver Medal si Carlo Paalam.

Ito ay matapos matalo ni Paalam kay Galal Yafai ng Great Britain sa Men’s Flyweight Final Round sa Tokyo Olympics.

Ang 23 anyos na Pinoy Boxer ay natalo kay Yafai via split decision sa score na 1-4.

Pumabor ang lahat ng limang judge kay Paalam sa unang round sa score nitong 9-10.

Nagpakawala pa ng mas maraming suntok si Paalam sa second round subalit apat sa limang judges ang pumabor sa British Boxer sa score na 10-9.

Magugunitang hindi pinaporma ni Paalam ang Japanese Boxer na si Ryomei Tanaka sa Semifinals ng kanilang bakbakan noong Huwebes via Unanimous Decision.

Aalis na sa Barcelona Football Club si six-time Ballon d’ winner Lionel Messi.

Ayon sa koponan, ito ay dahil problema sa pera para sa renewal ng kontrata ng football star.

Ibig sabihin ay libre ang Argentina forward na makipag negosasyon sa ibang mga koponan.

Isa sa top scorer si Messi na mayroong 672 goals na nagawa sa kaniyang 778 na laro.

Bigo ang bansang Amerika na matapos sa Tokyo olympics ang kanilang golden generation sa US women’s soccer players.

Itoy matapos matalo ng bansang Australia sa score na 4-3 sa bronze medal game.

Ayon kay Carli Llyod, isa sa beterana sa larong soccer sa kanilang bansa, kaya sana nilang ipanalo ang lahat ng laro dahil talentado ang bawat isa sa kanilang team.

Pero aniya, hindi lang talento ang nagpapanalo sa kanila.—sa panulat ni Rex Espiritu

Muling hinatak pataas ni Veteran basketball Superstar Kevin Durant ang bansang Amerika sa Tokyo Olympics.

Nilampaso kasi ng Amerika ang koponan ng bansang Australia sa score na 97-78 sa patuloy na palaro sa Tokyo.

Kaya naman pasok muli sa gold medal round ang Amerika at ito na ang ikaapat na sunod na pagkakataon at haharap ang mananalo rito sa bansang France at Slovenia.

Samantala, 23 points ang ipinasok ni Durant habang kumamada naman ng 20 points si Devin Booker upang makahabol.

Animoy nakaganti ang bansang Amerika dahil pinadapa naman sila ng Australia sa exhibition game nitong nakaraang buwan.—sa panulat ni Rex Espiritu

Isang laban na lang at abot kamay na ni Carlo Paalam ang gold medal sa Tokyo Olympics.

Tila tumangging mag paalam si Paalam sa semifinals ng men’s flyweight division ng boxing event sa Olympics matapos talunin ang 23 anyos na Japanese Boxer Ryomei Tanaka.

Dahil sa nasabing panalo, nakakasigurado na ng silver medal si Paalam.

Si Paalam ay nagwagi sa semifinals matapos ang unanimous decision ng limang judges kasunod na rin ng agresibong pagkilos nito at pagpapakawala ng matitinding suntok laban kay Tanaka.

Makakaharap ni paalam sa finals si Galal Yafai ng Great Britain na tumalo kay Saken Biubossinov ng Kazakhstan sa pamamagitan ng split decision sa isa pang semi-final bout.

Wagi sa unang round ang Pinay Tennis Player na si Alex Eala sa Women’s Tennis Association (WTA) 250 Romania.

Hindi nagpatinag ang 16 na taong gulang sa mga record na nakamit ng 28 anyos na Ormaechea.

Tinalo nito si Paula Ormaechea ng argentina sa score na 7-5, 6-2

Isa na kasing 15 ITF singles champion ang Argentinean tennis player.

Inihayag ng Filipina tennis player na  hindi nito maipaliwanag ang saya dahil sa panalo sa unang sabak niya sa torneo.

Susunod na makakaharap nito si Mayar Sherif ng Egypt na tinalo si no. 1 seed Alize Cornet ng France.

Ranked 119 sa buong mundo ang 25-anyos na si Sherif.

Hindi pa sumasagi sa isipan ni Pinoy Olympic Pole Vaulter Ej Obiena ang anumang plano para sa 2024 Paris Olympics.

Ito ang kanyang nilinaw sa kanyang pahayag sa naging performance niya sa Tokyo Olympics.

Ani Obiena, na-taken out of context aniya ang kanyang mga komento kaya nagkaroon ng lihis sa performance ng Pilipinas sa Olympics.

Dagdag pa ni Obiena na mahirap pang sagutin ang anumang detalye sa Paris 2024 dahil ang kanyang utak ay nasa pole va ult finals pa.

Matatandaang nakapasok sa 11 pwesto si Obiena sa men’s pole vault sa Tokyo Olympics.

Bigo ang kauna-unahang transgender weightlifter ng New Zealand na si Laurel Hubbard na makasungkit ng medalya sa 2020 Tokyo Olympics.

Hindi pinalad ang kontrobersiyal na transgender sa tatlong lift attempts nito sa snatch section ng 87 kilogram category.

Dahil dito, hindi na nakapasok sa medal round ang 43 anyos na kiwi, na inulan ng protesta dahil hindi umano patas ang pagpasokng isang transgender sa liga ng tunay na babae.

Nilinaw naman ng International Olympic Committee na naabot ni hubbard ang panuntunan na pagbawas ng testosterone level upang mapabilang sa transgender athletes.—sa panulat ni Drew Nacino

Kinuwestyon ng Association of Boxing Alliances in the Philippines President Ricky Vargas ang panalo ni Sena Irie ng Japan laban kay Pinay boxer Nesthy Petecio sa Women’s Featherweight final sa 2020 Tokyo Olympics.

Ayon kay Vargas, mistulang wrestling ang naging laban dahil panay yakap si Sena kay Petecio kaya’t kataka-takang unanimous ang naging desisyon ng mga hurado.

Gayunman, ipinagmamalaki pa rin anya nila si Nesthy dahil sa nasungkit nitong silver medal.

Aminado naman ang 29 anyos na Pinay mula Davao Del Sur na bagaman hindi ito ang inasahan nilang klase ng laban, naniniwala siyang may ilang bagay siyang hindi nagawa o hindi napansin. —sa panulat ni Drew Nacino