SPORTS

Irerepresenta ng Rebisco at Choco Mucho ang Pilipinas sa Asian Women’s Club Championship na gaganapin sa Oktubre 1 hanggang 7 sa Nakhon Ratchasima, Thailand.

Ang dalawang koponan ay pasok din sa 2021 FIVB Women’s Club Championship na nakaiskedyul sa Disyembre 15 hanggang 19 sa Ankar, Turkey.

Samantala, pamumunuan ni Dindin Manabat, Eya Laure, at Jem Galanza ang Choco Mucho habang sina Kalei Mau, Mj Philips, Ria Meneses, Deanna Wong at Dawn Macandili sa Rebisco, na makakalaban ang koponan na altay ng Kazakhstan, Biyernes alas-7 ng gabi.

Pitong koponan ang kalahok sa tournament kasama ang representatib ng Pilipinas, Kazakhstan at ang host country. —sa panulat ni Airiam Sancho

Nilampaso ng Magnolia hotshots ang Rain or Shine matapos lumamang sa iskor na 81-70 sa game 1 ng PBA quarterfinals.

Ayon sa koponan, naging dehado man sa simula ang laro ay agad namang nabawi ng Magnolia ang lamang noong half time dahilan ng kanilang pagkapanalo.

Sinubukan pang humabol ng rain or shine sa 4th quarters ng laro pero hindi ito umubra sa defensive rebound ng Magnolia. — sa panulat ni Angelica Doctolero

Hindi aatrasan ni Retired Boxing Champion Floyd Mayweather Jr ang hamong rematch sa kaniya ni Oscar Dela Hoya.

Ito’y kasunod ng panayam kay Dela Hoya na nagsabing handa siyang magbigay ng isandaang milyong dolyar para makaharap muli si Mayweather.

2017 nang tuluyang magretiro si Mayweather matapos ang laban nito kay Conor Mcgregor.

Sinimulan na ni IBF Junior Bantamweight Champion Jerwin Ancajas ang paghahanda sa kanyang ika-sampung title defense.

Agad sumabak sa training si Ancajas kasama si dating WBC Welterweight Champion Shawn Porter sa wildcard gym sa Los Angeles, California.

Bagaman hindi pa kumpirmado kung sino ang susunod na makakalaban, isa si Kazuto Ioka ng Japan sa mga posibleng makasagupa ng bente nwebe anyos na boksingero.

Tiniyak naman si Ancajas na bukas siya kahit sino ang makabakbakan at hindi aatras sa world title bout. —sa panulat ni Drew Nacino

Sinimulan na ni IBF Junior Bantamweight Champion Jerwin Ancajas ang paghahanda sa kanyang ika-10 title defense.

Agad sumabak sa training si Ancajas kasama si dating WBC Welterweight Champion Shawn porter sa wildcard gym sa los Angeles, California.

Bagaman hindi pa kumpirmado kung sino ang susunod na makakalaban, isa si Kazuto Ioka ng Japan sa mga posibleng makasagupa ng 29 anyos na boksingero.

Tiniyak naman si Ancajas na bukas siya kahit sino ang makabakbakan at hindi aatras sa world title bout.—sa panulat ni Drew Nacino

View this post on Instagram

A post shared by Jerwin “Pretty Boy” Ancajas (@jerwinancajas_)

Kinubra ng San Miguel Beermen ang kanilang unang panalo sa quarterfinals ng PBA Philippine Cup kontra Northport batang Pier.

Nalusutan ng beermen ang batang Pier sa score na 88-87 upang ipakko ang kartadang 1-0 sa game 1 ng best of 3 sa Don Honorio Ventura State University gym sa Bacolor, Pampanga, kagabi.

Pinangunahan ni Alex Cabagnot ang SMB sa pamamagitan ng 20 points habang nag-ambag ng 15 points ang teammate na si Mo Tautuaa.

Sumalaksak naman ng 16 points si Sean Anthony habang tumipa ng 15 points ang sentro ng Northport na si Greg Slaughter.

Samantala, hawak na rin ng Magnolia hotshots ang 1-0 lead matapos patumbahin sa score na 81 – 70 ang rain or shine elastopainters sa game 1 ng best of 3, kahapon. —sa panulat ni Drew Nacino

Nanganganib nang malaglag sa playoffs ng PBA Philippine Cup ang defending champion na Barangay Ginebra matapos matalo kontra Meralco Bolts.

Sa naganap na game, nilampaso ng Meralco ang Gin Kings sa iskor na 79-66 kung saan, lumamang pa ito ng hanggang 19 points.

Ayon sa Ginebra, ang pagkawala nila Japeth Aguilar at Scottie Thompson na parehong nasa injury list ang dahilan ng kanilang pagkatalo.

Magkakaroon naman ng pagkakataon ang Ginebra kung saan, makakalaban nila ang Phoenix Super LPG sa do-or-die para sa ikawalong puwesto ng PBA Philippine Cup. —sa panulat ni Angelica Doctolero

Hindi pa sigurado kung kailan makapaglalaro si Los Angeles Clippers Superstar Kawhi Leonard.

Ito ayon kay Lawrence Frank, pangulo ng basketball operations ng clippers ay bagama’t gumaganda na ang sitwasyon ng rehabilitasyon sa ACL injurity ni Kawhi.

Si Kawhi ay sumailalim sa surgery noong Hulyo 13 dahil sa partial tear sa kanyang right ACL.

Sisimulan na sa susunod na linggo ang training camp ng NBA teams bilang paghahanda sa bagong season ng NBA sa susunod na buwan.

Wagi sa PBA Philippine Cup Game ang Northport Batang Pier kontra Alaska Aces sa iskor na 122-94.

Ito ay matapos makapagtala ng triple-double sa laro si Robert Bolick na nakakuha ng 22 points, 13 rebounds at 13 assists habang 21 points naman si Rookie Forward Jamie Malonzo.

Dahil dito, nakuha ng Northport ang fifth seed sa 2021 PBA Philippine Cup.

Makakaharap naman ng naturang koponan ang fourth-seeded na San Miguel Beer sa best-of-three series sa quarter finals.  —sa panulat ni Angelica Doctolero

May pag-asa pang maidepensa ng Barangay Ginebra Gin Kings ang kanilang titulo matapos ang panalo ng Northport batang pier.

Pinadapa ng Northport ang laglag nang Alaska Aces sa score na 122-94 sa pagsasara ng elimination round ng 2021 PBA Philippine cup sa Don Honorio Ventura State University Gym sa Bacolor, Pampanga, kahapon.

Ang panalo ng batang pier ang nagtakda sa playoff berth ng Gin kings at Phoenix Petroleum fuel masters sa 8th spot.

Ang mananalo sa pagitan ng gin kings at fuel masters ang haharap sa number 1 na TNT Tropang Giga na may hawak na twice to beat advantage.

Samantala, makakaharap ng batang pier ang San Miguel Beermen; sasagupain naman ng Meralco bolts ang NLEX road warriors at magsasalpukan ang Rain or Shine Elasto painters at Magnolia hotshots.—sa panulat ni Drew Nacino