SPORTS

Filipina Canadian Leyla Fernandez, bigong masungkit ang US Open title

Bigo si Filipina Canadian Leyla Fernandez na makuha ang titulo sa US Open.

Ito ay matapos mapasakamay ni British Professional Tennis Player Emman Raducanu ang kauna unahang US Open title nito.

Nagkaruon ng adjustment sina Fernandez at Raducanu sa unang set at nagdikit sa unang apat na set at naitabla pa subalit kalaunan ay nakuha ni Raducanu ang lead sa unang set.

Nakalamang naman si Fernandez sa ikalawang set matapos iposte ang 2-1 lead subalit naagawa ito ni Raducanu nang maitable at maiangat pa sa 3-2 ang kalamangan hanggang tuluyang ibaon ng British player ang Fil Canadian matapos maabot ang 4-2, 5-2 lead.

Bumawi pa sa sunod na game si Fernandez subalit hindi nagpatinag si Raducanu na tuluyan nang iginupo ang Fil Canadian para makuha ang US Open title.

September 12, 2021 0 comment

SPORTS

Bakbakang Djokovic at Medvedev, kasado na sa US Open

written by Gilbert Perdez

MAKAKASAGUPA ni Serbian Novak Djokovic si Daniil Medvedev sa finals ng US Open.

Ito’y makaraang padapain ni Djokovic si Tokyo Olympic champion Alexander Zverev sa semi-finals sa Arthur Ashe Stadium.

Kung papalarin laban kay Medvedev, masusungkit ni Djokovic ang kanyang ika-apat na US Open title at ika-dalawampu’t isang overall Slam crown.

3MAKAKASAGUPA ni Serbian Novak Djokovic si Daniil Medvedev sa finals ng US Open.

September 11, 2021 0 comment

SPORTS

Pinay- Canadian na si Leyla Fernandez, pasok na sa US open finals ng Women’s Tennis

written by Judith Estrada-Larino

Pasok na sa US open finals ang Pinay-Canadian na si Leyla Fernandez.

Ito ay matapos makapagtala ng epic win si Fernandez nang talunin ang World’s number 2 na si Aryna Sabalenka ng Belarus sa event na isinasagawa sa USTA Billie Jean King Tennis Center sa New York City.

Makapigil-hininga nang itinumba ni Fernandez si Sabalenka sa tatlong set matapos una nang masilat ng Pinay-Canadian ang ilan pang malalaking players sa women’s tennis.

Bukas nakatakdang sumabak sa finals ng US open si Fernandez na nagsabing ang naturang panalo ay itinuturing niyang regalo sa kanyang 19th birthday noong Lunes.

September 10, 2021 0 comment

HEADLINES NATIONAL NEWS SPORTS

WBO Bantamweight Champion Johnriel Casimero mainit na tinanggap sa pag-uwi sa Leyte

written by DWIZ 882

Sinalubong ng galak sa kanyang pag-uwi sa Leyte si WBO Bantamweight Champion Johnriel Casimero.

Sakay ng magarang pick-up, ipinarada si Casimero sa kanyang hometown para makita ng kanyang mga kababayan.

Sinalubong din siya ng matataas na opisyal doon.

Nagwagi si Casimero via split decision kontra kay Rigondeaux at napanatili nito ang kanyang WBO title.—sa panulat ni Rex Espiritu

September 9, 2021 0 comment

HEADLINES INTERNATIONAL NEWS SPORTS

E-sports kabilang na sa listahan ng palaro sa 19th Asian games

written by DWIZ 882

Nasa hanay na ng official media sport ng 19th Asian Games sa China ang E-sports.

Ayon sa Olympic Council of Asia, ang pagsama nito sa laro ay nagpapakita ng popularidad ng Electronic Sports sa China at sa rehiyon ng asya.

Walo ang medal events ang kasama sa E-sports category sa mga sumusunod;

Arena of Valor Asian Games Version
Dota 2
Dream Three Kingdoms 2
EA SPORTS FIFA branded soccer games
Hearthstone
League of Legends
PUBG Mobile Asian Games Version
Street Fighter V

Maaagang inanunsyo ang pagsama ng nasabing palaro para makapaghanda ang mga lalahok na bansa sa kompetisyon.—sa panulat ni Rex Espiritu

September 9, 2021 0 comment

HEADLINES INTERNATIONAL NEWS SPORTS

Panalangin para sa paggaling sa COVID-19 ni dating NBA player Cedric Ceballos, pinanawagan ng NBA

written by DWIZ 882

Humihingi ngayon ng panalangin ang National Basketball Association o NBA sa kanilang mga manlalaro para sa dating veteran NBA player na nag-aagaw buhay ngayon dahil sa COVID-19.

Nagulat ang karamihan kamakailan ng makita nila ang larawan ni Cedric Ceballos na nasa Intensive Care Unit ng ospital habang naka-intubate sa kanyang ika-10 araw sa ospital.

Dating naglaro ang 52 years old na na si Ceballos sa Phoenix Sun, Los Angeles Lakers, Dallas Mavericks, Detroit Pistons at Miami Heat.

Sa mensahe nito habang nasa ICU, nanawagan na rin siya ng dasal para sa kanyang mabilis na paggaling.—sa panulat ni Rex Espiritu

September 9, 2021 0 comment

HEADLINES INTERNATIONAL NEWS SPORTS

Boxing Legend Oscar Dela Hoya nakalabas na ng ospital matapos magpositibo sa COVID-19

written by DWIZ 882

Nakalabas na ng ospital si Boxing Legend Oscar Dela Hoya matapos na magpositibo sa sakit na COVID-19.

Sa kanyang post sa social media, sinabi nito na tatlong araw din siyang nanatili sa pagamutan para magpagaling.

Aniya, nasa magandang kalagayan na raw siya at hindi na makapag-intay na bumalik sa boxing ring.

Magugunitang naunsyami ang laban nito kay UFC fighter Vitor Belfort bukas Setyembre 11, matapos nga na magpositibo sa nasabing virus.

Kakalabanin naman ni Belfort ang dating Boxing Champion Evander Holyfield.—sa panulat ni Rex Espiritu

September 9, 2021 0 comment

HEADLINES NATIONAL NEWS SPORTS

CHED target palakasin ang sports program nito

written by DWIZ 882

Mahigpit na panuntunan sa pagpapatupad ng Free Tuition Fee Act nilatag ng CHED

Palalakasin ng mga higher education institution sa bansa ang kanilang sports program.

Ayon kay Commission on Higher Education o c CHED Chairman Popoy De Vera, iyan ang isa sa mga nakamit ng unified tertiary sports program ng ahensya at ng Philippine Sports Commission na kanilang nilagdaan nitong Marso.

Paliwanag pa ni De Vera na maalab na nakikipatulungan ang bawat sangkot na asosasyon at paaralan sa nasabing programa.

Ipinunto rin ni De Vera ang pagbubukas ng national sports academy na siyang kauna-unahang paaralan sa bansa para sa mga mag-aaral na atelta mula junior at senior high school students at gumagawa sila ng paraan para mahasa ang mga kabataang Pinoy na nahihilig sa pampalakasan.

Target din ng CHED na madala sa mga higher education institution ang Unified Tertiary School Sports Development framework para kanilang makatuwang ang ito sa paghubog ng mga atletang Pinoy.—sa panulat ni Rex Espiritu

September 8, 2021 0 comment

HEADLINES SPORTS

Czech tennis player Karolina Pliskova pasok na sa quarter finals ng US open

written by DWIZ 882

Nakapasok na sa quarterfinals ng US open ang pambato ng Czech Republic na si Karolina Pliskova.

Iyan ay matapos niyang matalo ang pambato naman ng Russia na si Anastasia Pavlyuchenkova sa score na 7-5 at 6-4.

Sa kanilang naging laban, sa unang set pa lang ay dominado na si Pliskova at nakabuo ito ng 58 aces.

Matatandaang nabigo si Plikova sa Madrid open ngayong taon at sa 2020 Australian open.

Makakaharap ng Czech player ang sinumang magwawagi sa pagitan ng bansang Greece at Canada.—sa panulat ni Rex Espiritu

September 8, 2021 0 comment

HEADLINES SPORTS

Live na panonood ng larong football sa Europe, pinayagan na

written by DWIZ 882

Maaari nang makanood ang mga fans ng larong football.

Iyan ay matapos pumayag ng The Union of European Football Association o UEFA.

Ayon sa ulat, tinanggal na ng UEFA ang pagbabawal sa mga audience na manood matapos na umarangkada o magsimula ang pagbabakuna kontra COVID-19.

Sinabi pa ng organisasyon na dapat na sumunod ang mga nais makanood ng football games sa mga ipinatutupad na health and safety protocols ng pamahalaan.

Kabilang sa maari nang mapaanood ang laro ng champions league, Europa league at Europa Conference League.

Nakalaan naman ang 5% sa buong kapasidad ng stadium kung saan ito gaganapin.—sa panulat ni Rex Espiritu

September 8, 2021 0 comment

Newer Posts

Older Posts