SPORTS

Nagharap kahapon sa ginanap na 2021-2022 Japan B. League season ang magkapatid na sina Kiefer at Thirdy Ravena.

Tinalo ni San-En Neophoenix shooting guard Thirdy Ravena ang kaniyang kapatid na si Kiefer Ravena na nasa koponan ng Shiga Lakestars ng Japanese B. League sa iskor na 101-96.

Nabatid na ito ang unang paghaharap sa hard court ng magkapatid na parehong galing sa Ateneo blue eagles ng UAAP.

Ayon kay Kiefer, ang naging laban nila ng kaniyang kapatid ay nagpaalala sa kaniya noong sila ay mga bata pa lamang na naglalaro sa kanilang bakuran ng walang suot na sapatos.

Proud naman si Kiefer na ngayon ay isa na sila sa nagpre-presenta  sa kanilang pamilya maging sa talento ng mga pilipino sa buong mundo. — Sa panulat ni Angelica Doctolero

Kuwalipikado na sa Horizons Cup ang All Filipino League of Legends: Wild Rift Squad Team Secret.

Una nang pumasok sa Sea Championship 2021 Grand ang team matapos makumpleto ang 3-2 reverse sweep laban sa Buriram United ng Thailand sa Lower Bracket Finals.

Tumagilid pa ang Team Secret sa unang dalawang round subalit nanalo naman sa tatlong sunud sunod na laro.

Dinomina rin ng Team Secret ang Get Go ng game 5 at na secure ang first four skills.

Target ng Team Secret na gantihan ang SBTC E Sports at makuha ang titulo sa Southeast Asia’s Best na mayroong $200,000 prize pool o katumbas na P10-M.

Nagwagi ang Gilas Pilipinas Women matapos lampasuhin ang India sa  2021 FIBA Women’s Asia Cup sa iskor na 74-70.

Nagpakita ng magandang depensa at opensa ang Gilas dahilan para masungkit ang 7th place sa laro na ginanap sa Prince Hamza Hall sa Amman, Jordan.

Nakakuha ng dalawamput isang puntos ang Gilas sa 3rd quarter ng game pero nagawang idikit ng India ang iskor sa 67-65.

Sa huling quarter ng laro ay tuluyan nangang naging kampeon ang Gilas Pilipinas Women matapos umiskor ng siyam na puntos si Afril Bernardino. —Sa panulat ni Angelica Doctolero

Maghaharap sa semi-finals ng 2021 PBA Philippine Cup ang Meralco Bolts at Magnolia Hotshots matapos nilang matalo ang kanilang mga kalaban sa quarter finals.

Unang nagwagi sa laban ang Magnolia Hotshots kontra sa Rain or Shine sa iskor na 96-86 na ginanap noong September 30, 2021.

Nilampaso naman kahapon ng Meralco Bolts ang NLEX Road Warriors sa iskor na 97-86 dahilan para sila ay umabante sa semi-finals ng PBA Philippine Cup.

Sa ngayon ay naghahanda na ang dalawang koponan para sa kanilang gagawing opensa at depensa para sa 2021 semi-finals ng PBA Philippine Cup. —sa panulat ni Angelica Doctolero

Sasalang na ang 2 women’s national volleyball team sa kanilang kampanya sa 2021 Asian Women’s Club Volleyball Championship sa Nakhon Ratchasima, Thailand.

Unang sasabak ang Choco Mucho Flying Titans sa laban sa host Nakhon Ratchasima-Thailand 1:30 mamayang hapon, oras Pilipinas.

Papalo para sa Choco Mucho sina Filipino-American Kalei Mau, Iris Tolenada, Mj Phillips, Tin Tiamzon, Mylene Paat, Kianna Dy, Ria Meneses, Majoy Baron, Dell Palomata, Deanna Wong, Dawn Macandili at Reserve Setter Angel Cayuna.

Haharapin naman ng team Rebisco ang Altay-Kazakhstan, mamayang 7:30 oras sa Pilipinas.

Maglalaro para sa Rebisco sina Aby Maraño, Dindin Santiago-Manabat, Rhea Dimaculangan, Eya Laure, Faith Nisperos, Mhicaela Belen, Imee Hernandez, Ivy Lacsina, Kamille Cal, Jennifer Nierva, Jema Galanza at Bernadette Pepito.—sa panulat ni Drew Nacino

Kapwa nakapasok na sa semi-finals ng PBA Philippine Cup ang Magnolia hotshots at San Miguel Beermen, matapos patumbahin ang kani-kanilang kalaban sa quarterfinals.

Sinipa ng hotshots ang Rain or Dhine Elasto Painters sa score na 96 – 86 habang pinatalsik ng SMB ang Northport batang Pier sa score na 100 – 95 upang tuldukan na ang kani-kanilang quarterfinals match.

Sasagupain ng Magnolia sa best of 7 semifinals series ang mananalo sa laro ng Meralco bolts at NLEX road warriors na maghaharap mamayang ala sais ng gabi sa Don Honorio Ventura State University gym sa Bacolor, Pampanga.

Nagpakawala si Paul Lee ng 24 points para sa magnolia habang sumalaksak ng double-doubles 20 points at 19 rebounds si Calvin Abueva.

Kumamada naman si CJ Perez ng 21 points para sa San Miguel habang nag-ambag ng 17 points si Moala Tautuaa.

Samantala, itinakda ng beermen ang semis showdown nila ng number 1 team na TNT Tropang Giga.—sa panulat ni Drew Nacino

Nag-sorry si coach Tim Cone sa kabiguan ng barangay ginebra na maidepensa ang titulo nito nang lumaglag sa 2021 PBA Philippine Cup.

Inako ni Cone ang kasalanan sa quarterfinal exit ng Ginkings matapos matalo sa TNT Tropang Giga na pinataob nito sa 2020 Philippine Cup championship.

Inamin ni Cone na wala siyang masabi o hindi niya mai-express ang kanyang kalungkutan at embarassment sa naging performance ng Ginkings sa PBA bubble.

Subalit nangako si Cone na ibabangon ang Ginebra legacy sa susunod na PBA season

Ibinulsa ng number 1 TNT Tropang Giga ang unang semifinals ticket makaraang patalsikin ang defending Champion na Barangay Ginebra Gin Kings, sa game 1 ng quarterfinals match sa 2021 PBA Philippine Cup.

Inilampaso ng tropang giga ang Gin Kings sa score na 84 – 71, sa kanilang paghaharap sa Don Honorio Ventura State University Gym sa Bacolor, Pampanga, kahapon.

Hawak ng TNT ang twice to beat advantage pero hindi na ito nagamit ng koponan.

Kumamada si RR Pogoy ng 16 points habang may 15 points Si Troy Rosario upang i-angat ang tropang giga.

Makakasagupa ng tropang giga sa best-of-seven semifinals series ang mananalo sa pagitan ng San Miguel Beermen at Northport batang Pier.—sa panulat ni Drew Nacino

Dapat dagdagan ng pamahalaan ang budget sa mga atletang lalahok sa International Sports Events.

Ito ang panawagan ni Deputy Speaker Bambol Tolentino sa Philippine Sports Commission o PSC partikular sa ilalim ng Philippine Olympic Committee o POC.

Aniya binigyan ng Department of Budget and Management o DBM ng P175 milyon na pondo ang PSC para sa 2022 budget.

Dahil dito, hiniling ni Tolentino na itaas sa P650 milyon ang pondo ng ahensya  sa susunod na taon upang madagdagan ang budget para sa POC na in-charge sa mga International Sports Competition at sa mga atleta.

Sinabi pa ni Tolentino na mas madami pang sasalihan ngayon ang mga pilipinong atleta kabilang na ang Winter Olympics, Asian Games, Asian Youth Games at sea games sa Vietnam.

Umaasa si Tolentino na isasama sa ‘period of amendments’ o sa Bicameral Conference Committee ang hirit na dagdag na pondo sa PSC.—sa panulat ni Angelica Doctolero

Magsisimula na ngayong araw ang training ng Milwaukee bucks bilang paghahanda sa kanilang susunod na laban sa NBA preseason na gaganapin sa Oktubre 6, 2021.

Ayon sa mga manlalaro ng NBA defending champion, hindi sila magpapakampante at patuloy nilang didepensahan ang kanilang title sa NBA.

Dagdag pa ng koponan, nakahanda sila sa anomang atake at depensang ibibigay ng kanilang makakalaban sa loob ng basket ball ring.

Para sa Milwaukee, hindi mahalaga ang kanilang mga nakuhang tropeyo o bilang MPV at Defensive Player of the Year, kundi ang kanilang magandang laro at depensa sa kanilang mga makakalaban.

Samantala, abangan naman ang pagbubukas ng bagong NBA seasonsa Oktubre 19, 2021.—sa panulat ni Angelica Doctolero