Pinadapa ng Portland Trail Blazers ang Phoenix Suns sa score na 134-105 sa kanilang bakbakan sa NBA.
Bumida si CJ McCollum sa panig ng Blazers makaraang tumipa ng 28 points, kabilang ang 6 na 3-pointers.
Nag-ambag naman si Damian Lillard ng 19 points at 8 assists habang nakasungkit si Anfernee Simons ng 18 points para sa Portland.
Sa isa pang laro, pinahiya ng Memphis Grizzlies ang Los Angeles Clippers matapos magwagi sa kanilang home court sa score na 120-114.
Dismayado na si PBA Board Chairman Ricky Vargas sa unti-unting pagkalagas ng mga star player ng liga matapos mag-ober-da-bakod sa ibang Asian Pro-League.
Aminado si Vargas na nakikipag-ugnayan na sila sa ibang liga sa Asya, partikular sa B. League ng Japan na pumirita sa ilang de-kalibreng PBA player.
Ito, anya, ay upang talakayin ang ilang malaking issue gaya ng paglipat ng ilang National Team Players.
Iginiit ni Vargas na hindi porke’t malaki ang pa-sweldo ng ibang liga ay mas may karapatan na ang mga ito na humugot ng mga Star player ng PBA.
Magugunitang pinalagan ng PBA official ang ulat na hindi pa tapos ang Japan B. League sa paghahakot ng mga Pinoy Cager dahil maging sina TNT Star players Troy Rosario at Roger Pogoy ay nililigawan. —sa panulat ni Drew Nacino
Nabigo ang Pinoy olympic gymnast na si Carlos Yulo na madepensahan ang kanyang titulo sa katatapos lamang na 50th Fig Artistic Gymnastics World Championships.
Nagtapos ang Filipino gymnast na si Carlos Yulo sa ika-limang puwesto sa ginanap na Kitakyushu City Gymnasium sa Japan sa iskor na 14.566.
Sa simula, maganda ang ipinakita na routine ni Yulo, ngunit sa kalagitnaan natapakan niya ang labas ng mat kung kaya’t nabawasan siya ng 0.300 sa kanyang final score.
Samantala, nasungkit naman ni Nikola Bartolini ng Italy ang gintong medalya habang silver medalist naman si Minami Kazuki ng Japan.
Ngayong linggo, dalawang final events pa ang lalabanan ni Yulo kabilang ang parallel bars at vault.
Pinataob ng Phoenix Suns ang Los Angeles Lakers sa kanilang laro sa Staples Center sa score na 115-105.
Si Chris Paul ang nanguna sa Suns matapos kumamada ng 23 points at 14 assists.
Sa iba pang laro, nangibabaw ang Denver Nuggets laban sa San Antonio Spurs sa score na 102-96 habang nasungkit ng Toronto Raptors ang 115-83 victory kontra Boston Celtics.
Samantala, binuhat ni Kevin Durant ang Brooklyn Nets nang durugin ng kanilang koponan ang Philadelphia 76ers sa score na 114-109 habang pinadapa naman ng New York Knicks anbg Orlando Magic sa score na 121-96.
Kumpiyansa si English coach Scott Cooper na kayang talunin ng Pilipinas ang tatlong malalakas nitong kalaban sa AFC Under-23 Asian Cup Group H qualifiers, kabilang ang kasalukuyang Asian Under-23 champion na South Korea.
Sa isang online press conference, binanggit ni Cooper na maliban sa SoKor ay makakasagupa rin ng mga Pinoy ang Singapore at Timor Leste.
Maghaharap naman ang mga koponan ng South Korea at Pilipinas sa Lunes, October 25, sa Jalan Besar Stadium sa Singapore.
Hawak na ng TNT Tropang Giga ang 2 – 0 lead sa 2021 PBA Philippine Cup kontra Magnolia Hotshots.
Sinikwat ng katropa ang ikalawa nitong panalo sa game 2 ng best of seven series sa pamamagitan ng 105 -93 win kontra Magnolia sa kanilang paghaharap sa Bacolor, Pampanga, kagabi.
Nagpakawala ng 28 points si Mikey Williams habang nag-ambag ng 16 points si veteran guard Jayson Castro para sa TNT.
Kumamada naman ng 25 points si Ian Sangalang habang sumalaksak ng 12 points si Paul Lee para sa pambansang manok.
Muling maghaharap sa game 3 ang dalawang koponan, bukas. —sa panulat ni Drew Nacino
Siniguro ng Filipino Gymanast na si Carlos Yulo na napaghandaan niya ang pagsabak sa 2021 Artistic Gymnastics World Championships na ginaganap sa Kitakyushu, Japan.
Ayon kay Yulo, kakaiba ang paghahanda niya ngayon para sa tatlong aparatus dahil wala siya umanong injury at tanging parallel bars lamang ang hindi siya kuntento sa naging perpormans.
Samantala, magsisimula ang pagdepensa niya sa floor exercise title sa Oktubre 23, na susundan ng vault finals at parallel bars na gaganapin sa Oktubre 24. —sa panulat ni Airiam Sancho
Nagpadala ng sulat ang Samahan ng Basketball ng Pilipinas o SBP sa FIBA at T1 league ng Taiwan.
Ito’y matapos maiulat na maglalaro si Gilas Pilipinas player Hordan heading sa Taichung Suns ng Taiwan.
Ayon kay SBP President Sonny Barrios, may kontratang pinirmahan si heading sa Gilas Pilipinas hanggang marso 2023.
Bukod dito, kasama sa pinirmahan ni heading sa PBA team ang terrafirma noong buwan ng Marso.
Samantala, hinihintay na lamang ng nila ang tugon ng Fiba ukol dito.
Parehong kampeon sa Nba Eastern Conference finals ang New York Knicks at Philadelphia 76ers.
Unang nagwagi sa basketball ring match ang New York Knicks kontra Boston Celtics sa 14 ng eastern conference NBA finals sa iskor na 138-134.
Lumamang ang Knicks sa ikalawa at ikatlong quarter kung saan, umabot pa sa ikalawang OT ang kanilang laban court.
Samantala, kampeon din ang Philadelphia 76ers laban sa New Orleans Pelicans sa 6th Eastern conference ng NBA sa iskor na 117-97.
Tinambakan ng 76ers ang Pelicans sa una, ikatlo at ika-apat na laro dahilan para maiuwi nila ang kanilang panalo.—sa panulat ni Angelica Doctolero
Pinataob ng Milwaukee Bucks ang Brooklyn Nets sa finals ng game 1 ng NBA Preseason sa iskor na 127-104.
Tinambakan ng Milwaukee ang Brooklyn sa una, ika-3 at ika-4 na laro kung saan, nanguna sa koponan si Giannis Antetokounmpo na nakapagtala ng 32 points, 14 rebounds at 7 assist.
Nakaambag din sa laro sina Khris Middleton na pumuntos naman ng 20, 9 na rebound at 3 assists habang 20 points, 3 rebounds at 2 assist naman si Pat Connaughton.
Dahil dito, nasayang ang naitalang 22 puntos, 11 rebound at 4 na assissts ni power at small forward Kevin Durant matapos matalo ang kanilang team.
Samantala, makakalaban naman mamaya ng Milwaukee Bucks ang Miami Heat sa game 2 ng NBA Preseason. —sa panulat ni Angelica Doctolero