SPORTS

Nagwagi sa 2021 Western conference ng NBA ang Golden State Warriors at Los Angeles Lakers.

Unang nagwagi sa 1st Western conference ang Golden State Warriors kung saan, hindi nanaman nagawang makabawi ng Oklahoma City Thunder sa iskor na 106-98.

Lumamang ang warriors sa ikatlo at ika-apat na quarter ng laro dahilan para muling masungkit ang panalo.

Samantala, kampeon naman sa 7th Western conferernce ang Los Angeles Lakers kontra san Antonio Spurs sa iskor na 125-121.

Lumamang ng apat na puntos ang Lakers matapos makuha ang panalo sa ikalawa at ika-apat na quarter ng laro.

Abangan naman mamaya ang Lakers para muling depensahan ang kanilang panalo laban naman sa Oklahoma City Thunder habang makakaharap naman bukas ng Warriors ang Memphis Grizzlies sa 2021 NBA western conference.—sa panulat ni Angelica Doctolero

Idineklara bilang Best Player of the Conference (BPC) sa 2021 PBA Philippine Cup si Magnolia Hotshots forward player Calvin Abueva.

Nasungkit ni Abueva ang conference highest individual honor matapos maipon ang statistical points sa bagong team niya sa Magnolia.

Dahil dito, nakatanggap ng mahigit P50-K cash reward si Abueva dahil sa ipinakitang galing sa larangan ng pangmalakasan.

Matatandaan na una na ring nasungkit ni Calvin ang unang award noong taong 2016 sa Commissioner’s Cup.—sa panulat ni Angelica Doctolero

Idineklara bilang Best Player of the Conference (BPC) sa 2021 PBA Philippine Cup si Magnolia Hotshots forward player Calvin Abueva.

Nasungkit ni Abueva ang conference highest individual honor matapos maipon ang statistical points sa bagong team niya sa Magnolia.

Dahil dito, nakatanggap ng mahigit P50-K cash reward si Abueva dahil sa ipinakitang galing sa larangan ng pangmalakasan.

Matatandaan na una na ring nasungkit ni Calvin ang unang award noong taong 2016 sa Commissioner’s Cup. —sa panulat ni Angelica Doctolero

Aprubado na ng Philippine Sports Commission (PSC) ang cash incentives na ibibigay para sa multiple medalist na si Pinoy gymnast Carlos Yulo.

Aabot sa P750, 000 ang inaprubahan para kay Yulo makaraang masungkit ang dalawang medalya sa 2021 World Artistic Gymnastics Championships na ginanap sa Kitakyushu, Japan.

Ayon kay PSC Chairman William “Butch” Ramirez P500-K ang matatanggap ni Yulo para sa gold medal na kaniyang nakuha habang karagdagang P250-K naman ang para sa kaniyang silver medal.

Sinabi pa ni Ramirez na karapat-dapat lang na makatanggap ng cash reward si Yulo dahil siya ay isang inspirasyon ng mga kabataan at ng mga pinoy athletes.—sa panulat ni Angelica Doctolero

Muling nasungkit ng Chicago Bulls at Brooklyn Nets ang panalo sa preseason ng NBA Eastern Conference.

Unang nagkampeon ang Chicago Bulls kontra Toronto Raptors sa 1^st Eastern Conference Preseason ng NBA sa iskor na 111-108 kung saan, lumamang ang koponan sa ikalawa at ikatlong quarter ng game.

Samantala, nagwagi naman sa 9^th Eastern Conference Preseason ng NBA ang Brooklyn Nets kontra Washington Wizards sa iskor na 104-90.

Tinambakan ng Nets ang Wizards sa una at ikatlong quarter ng game dahilan para maiuwi ang kanilang panalo.

Abangan naman ang susunod na laban ng dalawang koponan kung saan, makakaharap ng Chicago, sa friday, oktubre 29, 2021 ang New York Knicks habang mamayang 7:30 oras sa ibang bansa ay magtutuos naman sa court ang Brooklyn Nets at Miami Heat. —sa panulat ni Angelica Doctolero

Pursigido ang TNT katropa na sikwatin ang 3 – 1 lead sa 2021 PBA Philippine Cup finals kontra Magnolia hotshots.

Hindi natitinag ang TNT at handang resbakan ang Magnolia sa kanilang paghaharap sa game 4 ng best of seven series sa Don Honorio Ventura gym sa Bacolor, Pampanga, mamayang ala-6 ng gabi.

Aminado si TNT Coach Chot Reyes na kasado na ang kanilang preparasyon para sa inaasahang dikdikang aksyon.

Kumpiyansa naman si Hotshots Coach Chito Victolero na hangga’t nakatutok sila sa kanilang sistema at depensa, tiyak na maitatabla nila ang kartada sa 2 – 2.

Bagaman sumungkit ng panalo ang Magnolia noong linggo sa score na 106 – 98, liyamado pa rin ang Tropang Giga sa kartadang 2 – 1.—sa panulat ni Drew Nacino

Nalasap ng Philippine Azkals men’s under – 23 national team ang kanilang buena manong talo sa 2022 AFC U-23 Asian Cup Qualifiers.

Hindi nakaporma ang under – 23 Azkals sa kamay ng defending Asian Cup Champions South Korea sa score na 3 – 0, sa kanilang paghaharap sa Besar Stadium, Singapore, kahapon.

Dahil dito, lumagpak ang Azkals sa bottom 4 ng group H habang hinakot ng Sokor ang lahat ng puntos.

Sunod namang makakasagupa ng mga Pinoy football team ang host nation Singapore, bukas.

Ang nasabing torneyo ang tulay patungong 2022 Asian cup, na gaganapin naman sa Uzbekistan.—sa panulat ni Drew Nacino

Inihayag ni Philippine Sports Commission (PSC) Executive Director Guillermo Iroy Jr. Na hinihintay pa nila ang magiging report at desisyon ng Gymnastic Association of the Philippines (GAP) President na si Ms. Cynthia Carrion-Norton kung mabibigyan ng bonus o cash prize si Pinoy Artistic Gymnast Carlos Yulo.

Matatandaang nagwagi ng multiple medals si Yulo matapos sumali sa 2021 World Artistic Gymnastics Championships na ginanap sa Kitakyushu, Japan kamakailan.

Ayon sa PSC, hindi pa alam ang kabuuang halaga na matatanggap ni Yulo dahil ang nasabing kompetisyon ay discretionary lamang at hindi bahagi ng global tournaments base sa ipinatutupad na National Athletes and Coaches Benefits and Privileges Incentives Act.

Sa nasabing batas, binibigyan lamang ng rewards ang mga pinoy athletes na mananalo sa international events katulad ng Southeast Asian Games at Quadrennial Olympics at hindi umano kabilang sa listahan ang Fig Worlds pero binali ito ng PSC noong 2019 matapos makasungkit si Yulo ng gold medal sa Stuttgart kung saan binigyan si Yulo ng P1-M. —sa panulat ni Angelica Doctolero

Muling nakabawi ang Magnolia Hotshots matapos pataobin ang TNT Katropa sa game 3 ng 2021 PBA Philippine Cup sa iskor na 106-98.

Tinambakan ng Magnolia ang TNT sa una hanggang ika-huling quarter dahilan para maging 2-1 ang iskor sa series ng best-of-seven finals.

Nanguna sa koponan si Paul Lee na pumuntos ng 21 habang nakaambag naman ng 20 points, 7 rebound at 5 assists na may apat na block si Ian Sangalang.

Dahil dito, nasayang ang naitalang pba finals record ni Mikey Williams na nakapagtala ng 39 points.

Abangan naman ang susunod laban sa pagitan ng dalawang koponan. —sa panulat ni Angelica Doctolero

Bumawi ang defending NBA champions Milwaukee Bucks mula sa kanilang buena manong pagkatalo sa Miami heat.

Sa pagkakataong ito ay rumesbak ang Bucks matapos tibagin ang San Antonio Spurs sa score na 121 – 111, sa kanilang paghaharap, kahapon.

Nagpakawala ng 21 points si Giannis Antetokounmpo  habang nag-ambag ng 28 points si Khris Middleton upang kubrahin ang ikalawang panalo ng bucks sa 2021 – 2022 NBA season.

Samantala, sinungkit naman ng Cleveland Cavaliers ang kanilang buena manong panalo sa score na 101-95 kontra Atlanta Hawks.

Sumalaksak si Ricky Rubio ng 23 points para sa unang panalo ng Cavs habang kumamada si Trae Young ng 24 points subalit nabigong makahabol ang atlanta.—sa panulat ni Drew Nacino