SPORTS

Handa na sa hamon ang boksingerong si Reymart Gaballo na ibuhos ang lahat ng lakas nito upang bigyan ng magandang laban si Reigning World Boxing Council (WBC) Bantamweight Champion Nonito “The Filipino Flash” Donaire.

Ayon kay Gaballo, nais nitong maagaw ang hawak na titulo ng tinitingalang si Donaire upang pausbungin pa ang kaniyang pangalan.

Isiniwalat naman ni Ga-Ballo na wala siyang sinasayang na panahon partikular sa pagpapakundisyon ng kaniyang katawan.

Samantala, sa Disyembre 11 ang planong petsa ng Donaire- Gaballo fight. —sa panulat ni Airiam Sancho

Aarangkada na ang unang Sigwada ng best of seven series ng 2021 PBA Philippine Cup Finals sa pagitan ng TNT Tropang Giga at Magnolia hotshots.

Magsasalpukan ang dalawang koponan sa game 1 sa Don Honorio Ventura State University Gym sa Bacolor, Pampanga, mamayang ala-6 ng gabi.

Kapwa uhaw at gutom sa kampyonato ang dalawang koponan na ilang taon ding hindi nakatikim ng titulo.

Taong 2015 nang huling masungkit ng katropa ang 2015 Commissioners Cup Championship habang noong 2018 ang huling championship ng hotshots sa governors cup.

Aminado ang mga coach na sina Chito Victolero, ng Magnolia at Chot Reyes ng TNT, na pareho sila ng iniisip at ito ay makipag-agawan sa titulo, na tiyak na hindi magiging dikdikan.—sa panulat ni Drew Nacino

Maglalaban sa unang pagkakataon ang TNT Tropang Giga at Magnolia sa PBA Philippine Cup Finals matapos noong 2014 Commissioner’s Cup.

Ayon sa mentor ng TNT na si Chot Reyes, 50-50 ang kanilang tyansa laban sa koponang Magnolia.

Aniya, tinapos ng koponang TNT ang San Miguel sa game 7 habang pinatalsik ng koponang magnolia ang grupo ng Meralco sa game six ng semi-finals, dahilan upang itakda ang kanilang pagsasagupa.

Matatandaang tinalo ng TNT ang Magnolia sa iskor na 83-76, sa kanilang unang paghaharap sa eliminasyon noong Setyembre 5. —sa ulat ni Airiam Sancho

Pinaghahandaan na ng Los Angeles Lakers ang pagbabalik ng 2021-2022 NBA season.

Kampante ang Lakers players na sila ang mangunguna sa laban dahil sa kanilang “extra rest” matapos magka-injury ang ilan sa kanila kabilang na si superstar Anthony Davis.

Sa ngayon, nais nilang mamintena ang pagkakaroon ng rejuvinated mindset para sa pagbabalik ng bagong NBA season.

Bukod pa dito, ay nagdagdag na din sila ng players para matiyak ang kanilang panalo.—sa panulat ni Angelica Doctolero

Kasado na sa Mayo ng susunod na taon ang 31^st Southeast Asian o sea games sa Hanoi, Vietnam.

Ito ang kinumpirma ni Philippine Olympic Committee o POC President Abraham “Bambol” Tolentino matapos isapinal ang desisyon sa Sea Games Federation Online meeting, kahapon.

Bagaman inirekomenda aniya sa Mayo 12 ang petsa ng 31^st edition ng sea games, hihintayin pa ang kumpirmasyon ng Vietnamese organizers.

Orihinal na itinakda ang Hanoi games sa Nobyembre 21 hanggang Disyembre 2 ngayong taon pero ipinagpaliban ng Vietnam dahil sa COVID-19 pandemic.

Magkakaroon naman ng 40 sports na binubuo ng 520 events sa Hanoi.

Samantala, nagsumite na ang POC ng 626-athlete entry na lalahok sa 39 na sports.—sa panulat ni Drew Nacino

Ikinakasa na sa Disyembre 11 ang sagupaan ng mga Filipino boxing champions na sina Nonito Donaire Jr. at Reymart Gaballo.

Kinumpirma ng dalawang kampo na target ganapin ang bakbakan sa Estados Unidos.

Excited naman si Gaballo na makalaban ang kanyang iniidolong si Donaire.

Kasalukuyang nasa dikdikang training ang 25 anyos na mandatory challenger sa miami, florida kasama si trainer coach Osmiri “Moro” Fernandez.

Ikinatuwanaman ng the Filipino flash ang magandang asal ni gaballo na tinawag nitong may respeto at mabuting tao.

Gayunman, tiniyak ni Donaire na hindi nito sasantuhin si Gaballo sa oras na magkrus ang kanilang landas upang matagumpay na madepensahan ang kanyang WBC Bantamweight title.

Maghaharap sa finals ng 2021 PBA Philippine Cup ang TNT Katropa at Magnolia Hotshots matapos nilang talunin ang kanilang katunggali sa ika-6 at ika-7 laro.

Matatandaang unang nagwagi ang Magnolia matapos talunin ang Meralco Bolts sa iskor na 93-85 sa game 6 ng best-of-seven sa semi-finals.

Habang tinalo naman ng TNT katropa ang San Miguel Beermen sa iskor na 97-79 sa game 7 naman ng best-of-seven sa semi-finals.

Abangan kung sino ang magiging kampeonato sa kanilang paghaharap sa finals ng 2021 PBA Philippine Cup. —sa panulat ni Angelica Doctolero

Hindi na nasorpresa si NLEX Coach Yeng Guiao sa magandang performance ni Kiefer Ravena sa B. League ng Japan.

Kasunod na rin ito ng naitalang average 27.5 minutes per contest ni ravena sa unang limang laro para sa Shiga Lakestar kung saan nakapag contribute ito ng 12.2 points, 5.4 assists, 2 rebounds at 2 steals kada game.

Ang Lakestar ay mayroong kartadang 4-1 sa 2021-22 B. League season para sa top spot sa west.

Ayon kay Guiao, consistent ang maayos na paglalaro ni Ravena na maganda rin ang kondisyon nang umalis patungong Japan.

Si Ravena ay binigyan ng go signal ng NLEX Road Warriors at PBA para maglaro ng isang season sa Shiga.

Mananatili sa Orlando Magic ang kanilang sentro na si Wendell Carter Jr.

Ito’y makaraang lumagda si Carter ng 4 na taong kontrata sa Magic na nagkakahalaga umano ng $ 50 milyon.

Matatandaang nakuha ng Orlando si Carter mula sa Chicago Bulls noong nakaraang Marso.

Engaged na si Hidilyn Diaz!

Inanunsyo ito mismo ni Hidilyn ..mahigit dalawang buwan na ang nakakalipas matapos makuha nito ang kauna unahang gold medal sa olympics.
Kuwento ni Hidilyn ..kaagad siyang nag “yes” nang tanungin siya ng kasintahan at strength and conditioning coach Julius Naranjo.
Itinuturing ni Hidilyn na isang magical moment ang nasabing pagkakataon at nagpapasalamat siya sa dios sa pagbibigay sa kanya kay Julius na aniya’y pinadadali ang kanyang buhay.
Marami aniyang sakripisyo ang dinaanan nila ni Julius para maabot ang pangarap na ginto sa olympics.