Nadepensahan ni Tyson Fury ang kanyang WBC heavyweight boxing title.
Ito’y makaraang patulugin ni Fury sa ika-labing isang round ang challenger na si Deontay Wilder sa kanilang bakbakan sa T-Mobile Arena sa Las Vegas.
Ilang beses ding nagkaroon ng knockdown incidents sa laban pero mas nangibabaw sa bandang huli si Fury matapos masapol ng malakas na right hook si Wilder.
Kasalukuyang naka-quarantine si Boston Celtics guard Jaylen Brown matapos magpositibo sa COVID-19.
Nilinaw naman ng Celtics na kahit tinamaan ng virus si Brown ay wala naman itong nararamdamang sintomas.
Ang Boston ay naghahanda ngayon para sa pagbubukas ng regular-season sa Oktubre 20 sa New York.
Posibleng magkaroon ng title defense si WBO bantamweight champion John Riel Casimero sa Disyembre ngayong taon.
Ito’y matapos matuklasan na nakuha ng Probellum ni Richard Schaefer ang ‘rights to promote’ ng mandatory fight sa pagitan nina Casimero at English fighter Paul Butler.
Ayon sa ulat, naglatag ang Probellum ng bid na nagkakahalaga ng 105,000 dollars kung saan wala umanong kumontra rito.
Kung matutuloy ang laban sa Disyembre 11, posibleng maging venue nito ang Dubai, United Arab Emirates o kaya’y Liverpool, England.
Pumuwesto sa 24th at 25th ang dalawang Pinoy Figure Skaters sa kanilang 2021 Finlandia Trophy Campaign sa Finland.
Nasa 24th place si Martinez matapos umiskor ng 156.78 sa huling bahagi ng two part competition at 101.16 ang score para sa free skating part bagamat una nang umiskor ng 55.62 ang two time olympian para sa short program.
Samantala, nasa 156.24 ang total score ni Caluza matapos makakuha ng 96.50 points para sa free skate at umiskor ng 59.74 points para sa short program.
Nanguna sa nasabing kumpetisyon ang amerikanong si Jason Brown matapos umiskor ng 262.52 points at nasa second at third spot naman ang dalawang russian skaters.
Mamayang gabi naman makikipag tagisan sa kumpetisyon ang babaeng pambato ng bansda na si Sofia Frank.
Nagwagi ang TNT Tropang Giga kontra San Miguel Beermen sa game 3 ng PBA Philippine Cup semi-finals sa iskor na 115-98 na ginanap sa Don Honorio Ventura State University gym sa Bacolor, Pampanga.
Nanguna sa laro si John Paul Erram na nakapagtala ng 21 points at 13 rebounds habang nakakuha naman ng 26 points si shooting guard Roger Pogoy.
Ayon kay TNT coach Chot Reyes, tiwala silang makukuha nila ang panalo sa game 4 na gaganapin naman sa October 10, 2021, Linggo ng hapon.
Sa ngayon 2-1 na ang iskor sa pagitan ng dalawang koponan sa PBA Philippine Cup semi-finals. — Sa panulat ni Angelica Doctolero
Pursigido ang Magnolia hotshots na sungkutin ang 3 – 0 lead kontra meralco bolts sa kanilang Best of 7 series semi-finals sa PBA Philippine Cup, mamaya.
Magbabanggaan muli ang hotshots at bolts sa game 3 sa don honorio ventura state university gym sa Bacolor, Pampanga, alas-3 ng hapon.
Aminado si Magnolia Headcoach Chito Victolero hindi sila magpapaka-kampante at tatangkain nilang kunin ang kalamangan.
Inaasahan na anya nilang magiging dikdikan ang kanilang laban dahil maituturing itong crucial game para sa MERALCO na wala pang panalo sa serye.
Samantala, magsasagupaan din ang San Miguel Beermen at TNT Tropang Giga sa game 3, mamaya namang ala-6 ng gabi.
Pursigido si Junior Bantamweight Fighter Jonas Sultan sa yapak ng boxing legend na si Senador Manny Pacquiao, matapos ang opisyal nitong pagreretiro.
Bahagi si sultan ng MP promotions ng people’s champ, na sasabak sa laban sa Oktubre 30 kontra Carlos Caraballo ng Puerto Rico, sa Madison Square Garden Arena sa New York, USA.
Aminado naman ang tinaguriang ‘one punch man’ na “excited” na siyang makasagupa ang latino fighter at pursigidong makasungkit ng world titletulad ng kanyang idolong si Pacman.
Ayon kay Sultan, bagaman isang knockout artist ang makakaharap niya sa katauhan ng bente singko anyos na si Caraballo na may hawak na 14-0 record, hindi niya ito aatrasan.
Hawak ng 29 anyos na Zamboangueño ang record na 17 – 5 habang pawang via knockout ang panalo ng Puerto Rican fighter. —sa panulat ni Drew Nacino
“Always game” o handang handa si Thirdy Ravena na maglaro sa Gilas Pilipinas sa 2023 FIBA basketball world cup.
Gayunman, sinabi ni Thirdy na wala pang ipinapaabot na advisory sa kanya para sa november window ng FIBA world cup.
Si Thirdy ay isang beses na naglaro sa 2020 FIBA Asian cup qualifiers kung saan naitala nito ang 23 point, 8 rebound performance.
Kasalukuyang nasa Japan si Thirdy kung saan naglalaro siya para sa SanEn NeoPhoenix sa B. League bilang asian import.
Target ng Meralco bolts na rumesbak sa game 3 matapos matalo sa dalawang unang games kontra Magnolia hotshots sa kanilang best-of-seven semifinals series.
Kahapon ay pinadapa ng hotshots ang bolts sa score na 92 – 78 sa kanilang paghaharap sa game 2 sa Don Honorio Ventura State University gym sa Bacolor, Pampanga.
Nagpasabog ng 29 points si Paul Lee upang sungkutin ng Magnolia ang 2 – 0 lead sa 2021 PBA Philippine cup semifinals.
Magiging crucial naman ang game 3 para sa Meralco kaya’t pipilitin nilang bumawi upang hindi mabaon sa pagkatalo at hindi na makaahon pa.
Muling maghaharap ang dalawang team alas-3 ng hapon bukas.—sa panulat ni Drew Nacino
Bumawi ang San Miguel Beermen sa game 2 ng best of seven semi-finals series nila ng TNT Tropang Giga ng sa Philippine Cup.
Nalusutan ng SMB ang tnt sa score na 98-96 upang itabla ang kartada sa 1 – 1 sa kanilang paghaharap sa Don Honorio Ventura State University gym sa Bacolor, Pampanga.
Binitbit ni Marcio Lassiter ang beermen patungo sa panalo matapos magpakawala ng buzzer-beater shot sa huling quarter.
Nag-ambag naman ng 26 points sina Terrence Romeo at Junmar Fajardo ng 22 points para sa beermen.
Muling maghaharap ang dalawang koponan sa game 3, ala sais ng gabi bukas.—sa panulat ni Drew Nacino