SPORTS

Plano ni Tokyo Olympic Bronze Medalist Eumir Marcial na lumaban muli upang masungkit ang ika-4 na gintong medalya sa Southeast Asian Games sa Vietnam sa Mayo.

Ito’y sa kabila ng kanyang pagsabak sa professional boxing simula noong Disyembre.

Tiniyak naman ni Marcial na hindi maaapektuhan ang kanyang professional career kahit tumutok sa pag-e-ensayo para sa sea games.

Sa katunayan anya maaaring maganap ang kanyang susunod na pro-level fight sa 43^rd birthday ni Senador Manny Pacquiao sa Disyembre 17 pero kung hindi papayagan IATF ay maghahanda na lang siya para sa isa pang sagupaan sa US.

Bagaman wala pang katiyakan, isa lamang ang sigurado at ito ay ang kasal ng bentesingko anyos na boksingero sa long-time girlfriend nitong si Princess Galarpe sa Pico De Loro, Batangas sa Oktubre 28.—sa panulat ni Drew Nacino

Babawasan na ng National Basketball Association ang sweldo ng mga NBA players na hindi pa bakunado laban sa COVID-19.

Kasunod ito ng naging agreement sa pagitan ng mga opisyal ng NBA at mga manlalaro kung saan, aabot sa 1.91% ang ibabawas sa kanilang salary.

Bukod pa dito, aalisin din ang Luxury Tax Relief dahil sa mga nba players na ayaw umanong magpaturok ng bakuna laban sa nakakahawang sakit.

Samantala, isasailalim naman sa mandatory 7 days quarantine ang mga unvaccinated players na close contact sa taong nagpositibo habang aalisin naman sa NBA ang mga manlalarong magpopositibo.

Sa ngayon, ang New York at San Francisco pa lamang ang may mandatory sa pagpapabakuna sa mga manlalaro. —sa panulat ni Angelica Doctolero

Inihayag ng National Basketball Association (NBA) na mas maghihigpit na sila sa kanilang mga panuntunan pagdating sa mga manlalaro.

Ipagbabawal na ang pagsuot ng tinted glasses at pagbaligtad ng mga headband maging ang paglalagay ng logo sa kanilang mga buhok kung saan, maaari lamang itong ilagay sa kanilang mga sapatos.

Layunin ng NBA na mapaigting ang pagdidisiplina sa mga manlalaro. —sa panulat ni Angelica Doctolero

Nagharap kahapon sa ginanap na 2021-2022 Japan B. League Season ang magkapatid na sina Kiefer at Thirdy Ravena.

Tinalo ni San-En Neophoenix Shooting Guard Thirdy Ravena ang kaniyang kapatid na si Kiefer Ravena na nasa koponan ng Shiga Lakestars ng Japanese B. League sa iskor na 101-96.

Nabatid na ito ang unang paghaharap sa hard court ng magkapatid na parehong galing sa Ateneo Blue Eagles ng UAAP.

Ayon kay Kiefer, ang naging laban nila ng kaniyang kapatid ay nagpaalala sakaniya noong sila ay mga bata pa lamang na naglalaro sa kanilang bakuran ng walang suot na sapatos.

Proud naman si Kiefer na ngayon ay isa na sila sa nagpre-presenta  sa kanilang pamilya maging sa talento ng mga pilipino sa buong mundo. —sa panulat ni Angelica Doctolero

Handa na si Thirdy Ravena para sa isang matinding bakbakan kontra sa kanyang Bestfriend At Kapwa Pilipinong Si Kobe Paras sa Japan B.League.

Aminado si Ravena na nasasabik na siyang makaharap sa hardcourt si Paras lalo’t naging maganda ang performance nito sa unang sabak sa Niigata.

Kagaya ni Kobe na nagpakitang-Gilas sa buena manong game niyasa Niigata upang ipako ang kartadang 1-1, binitbit din ni Thirdy ang San-En Neophoenix upang sungkitin ang standing na 1 – 1.

Noong linggo ay nakaharap naman ni Ravena ang kanyang kuyang si Keifer ng Shiga Lakestars subalit natalo ang Nneophoenix sa score na 93-83. —sa panulat ni Drew Nacino

Kinubra ng Magnolia Hotshots ang unang panalo sa best-of-seven series ng semi-finals ng Philippine Cup, kontra Meralco Bolts.

Pinataob ng Hotshots ang Bolts sa score na 88 – 79 sa  kanilang paghaharap sa game 1 sa Don Honorio Ventura State University Gym sa Bacolor, Pampanga, kahapon.

Nagpakawala ng 17 points si Paul Lee habang nag-ambag ng 13 points si Calvin Abueva para sa Magnolia.

Kumamada naman ng double-double 14 points at 10 rebounds si Bong Quinto para sa Meralco. —sa panulat ni Drew Nacino

Kuwalipikado na sa Horizons Cup ang All Filipino League of Legends: Wild Rift Squad Team Secret.

Una nang pumasok sa Sea Championship 2021 Grand ang team matapos makumpleto ang 3-2 reverse sweep laban sa Buriram United ng Thailand sa Lower Bracket Finals.

Tumagilid pa ang Team Secret sa unang dalawang round subalit nanalo naman sa tatlong sunud sunod na laro.

Dinomina rin ng Team Secret ang Get Go ng game 5 at na secure ang first four skills.

Target ng Team Secret na gantihan ang SBTC E Sports at makuha ang titulo sa Southeast Asia’s Best na mayroong $200,000 prize pool o katumbas na P10-M.

Nagwagi ang Gilas Pilipinas Women matapos lampasuhin ang India sa  2021 FIBA Women’s Asia Cup sa iskor na 74-70.

Nagpakita ng magandang depensa at opensa ang Gilas dahilan para masungkit ang 7th place sa laro na ginanap sa Prince Hamza Hall sa Amman, Jordan.

Nakakuha ng dalawamput isang puntos ang Gilas sa 3rd quarter ng game pero nagawang idikit ng India ang iskor sa 67-65.

Sa huling quarter ng laro ay tuluyan nangang naging kampeon ang Gilas Pilipinas Women matapos umiskor ng siyam na puntos si Afril Bernardino. —Sa panulat ni Angelica Doctolero