RONDA PROBINSYA

Nagbabala ang Land Transportation Franchising and Regulatory Board (LTFRB) Region 11 sa mga Public Utility Jeepney (PUJ) operators at drivers na naniningil ng sobra sa kanilang mga pasahero.

Ayon sa LTFRB, kanilang pagmumultahin ang mga hindi sumusunod sa inilabas na taripa na P2 per hike o yung mga nag-oover charge sa pamasahe.

Sa ilalim ng Joint Administrative Order (JAO) 2014-01, pagmumultahin ng P5-K sa unang offense; P10-K at i-iimpound ang unit sa loob ng 30 araw para sa 2nd offense; habang P15-K at kakanselahin ang Certificate of Public Convenience o CPC para naman sa 3rd offense.

Kaugnay nito, nanawagan ang LTFRB-Davao sa mga pasahero na agad i-report sa kanilang tanggapan kung may lumalabag na mga operator o drivers hinggil sa ipinatutupad na polisiya.

Inihayag ng Davao City Health Office (CHO) na nananatili sa 233 ang kaso ng diarrhea sa Toril, Davao City.

Ayon kay Dr. Ashley Lopez, CHO Head, 58 sa mga pasyente ang nakarecover na; 93 ang out patient; habang nasa 60 ang nananatili sa ospital.

Nasa tatlo naman ang bilang ng nasawi na kinabibilangan ng isang 10 taong gulang na batang lalaki; 67 taong gulang na babae at 32 taong gulang na guro sa isang pribadong paaralan sa Toril.

Sa ngayon, patuloy na nagsasagawa ng imbestigasyon ang Davao City Health Office, Davao City Water District at Department of Health Central Office hinggil sa diarrhea outbreak sa nabanggit na lugar.

Nagkasa ng Clean up drive ang Malabon City LGUs laban sa lumalalang sakit na Dengue sa bansa ngayong sunud-sunod ang nararanasang mga pag-ulan bunsod ng Low Pressure Area (LPA) at Hanging Habagat.

Ayon sa Pamahalaang Lokal ng Malabon, puspusan na ang kanilang ginagawang kampaniya sa 21 barangay ng kanilang lungsod para panatilihing ligtas ang mga residente partikular na ang mga kabataan na madalas tinatamaan ng naturang sakit.

Inatasan na ni Malabon City Mayor Jeanie Sandoval ang lahat ng mga opisyal ng barangay sa kanilang nasasakupan na gawing regular ang paglilinis at puksain ang pinamamahayan ng mga lamok upang ganap na malabanan ang sakit na dengue.

Layunin ng naturang programa na hanapin at sirain ang posibleng pinamumugaran ng lamok kabilang na ang mga gulong ng sasakyan, mga imbakan ng malinis na tubig at mga boteng may lamang tubig na maaaring pangitlugan ng mga lamok.

Kasabay nito, nagkasa din ng misting at fumigation o pagpapausok ang Malabon Government sa pangunguna ng City Health Department at ng Sanitation Divison ng lungsod.

Muntik makatakas ang dalawang menor de edad na suspek sa panggagahasa at pagpatay sa pitong taong gulang na babae sa San Pedro City, Laguna.

Ayon sa City Social Welfare Development (CSWD) ng San Pedro, nakatakas ang dalawang suspek noong Hulyo 15.

Gayunman, muling naaresto ng mga pulis at barangay tanod ang 16 anyos na suspek kinabukasan pero itinanggi niyang tumakas siya.

Sunod na nadakip ang 17 anyos na suspek pero inilagay muna ito sa isolation facility makaraang tamaan ng COVID-19

Ayon sa San Pedro City Police, ililipat ang dalawa sa Calauan sa sandaling gumaling na sa COVID-19 ang isang suspek.

Samantala, pinuna ng pulisya ang kaluwagan ng CSWD kaya nakalabas ang dalawa.

Ipinagdiwang sa Balasan, Iloilo ang Lechon Festival kung saan higit 40 litson ang inihanda sa naturang selebrasyon.

Bilang pag-iingat naman sa mga nakiisa sa pagdiriwang kinailangang magpakita ng vaccination card ang mga nakikain.

Samantala, batay sa Regional Department of Agriculture ng Iloilo na wala pang banta ng African Swine Flu na  naitatala sa Western.

Pumalo na sa P92 milyon ang halaga ng marijuana na sinunog ng mga Tinglayan Police at Philippine Drug Enforcement Agency sa Tinglayan, Kalinga.

Ito’y sa loob lamang ng isang linggo sa ikinasang operasyon sa ng mga otoridad sa limang barangay sa probinsya mula ika-18 ng hanggang ika-23 Hulyo.

Ayon kay Kalinga Police Provincial Office Maj. Garry Gayamons, 20 planta ng marijuana ang kanilang natuklasan habang wala naman silang natagpuang cultivator sa mga plantation site at patuloy pang inaalam kung sino ang may ari ng plantation site.

Tinamaang ng Covid-19 si ni Oriental Mindoro Gov. Humerlito “Bonz” Dolor at kanyang asawa matapos magpositibo ang dalawa sa naturang virus.

Ayon sa Gobernador, nakaranas ito ng pananakit ng katawan at lagnat nitong Miyerkules ng gabi.

Habang halos wala naman aniyang sintomas na naramdaman ang kanyang may bahay na fully vaccinated na at naturukan na rin booster shot.

Bunsod nito, panawagan ng ni Dolor sa kanyang mga nasasakupan na magpabakuna at magpa-booster na kontra Covid-19.

Mapalad na nakaligtas ang tatlong minero matapos ma-trap sa isang minahan sa  Ampucao, Itogon, Benguet.

Ito’y matapos marescue ng Itogon PNP, Philex mines rescue team at iba pang volunteer ang mga minerong natrap ng gumuhong lupa  nitong Sabado.

Habang sa ngayon nasa mabuting kalagayan na ang mga naturang minero na agarang isinugod sa Sto. Niño Philex Hospital matapos ma-rescue.

Inaresto ng mga pulis ang isang tribal school teacher na hinihinalang recruiter ng New People’s Army (NPA) sa Agusan del Norte.

Kinilala ang suspek na si Romulo Masayon, guro ng Alternative Learning Center for Agricultural and Livelihood Development (ALCADEV) at pinaniniwalaang miyembro ng NPA White Area Committee.

Ayon kay Police Col. Helson Walin, direktor ng Agusan del Norte PNP, dinakip si Masayon sa bisa ng warrant of arrest na inilabas ng korte dulot ng dalawang kasong kriminal na nakasampa laban dito sa Tandag City.

Naniniwala si Walin na lalo pang hihina ang puwersa ng NPA dahil sa pagkakahuli nila kay Masayon.

Idineklarang Special non-working holiday ngayong araw sa Lucena City, Batangas.

Ito ay upang ipagdiwang ang ika-158 kaarawan ng ating bayani na si Apolinario Mabini, na tubong Bayan ng Tanauan.

Batay sa Proclamation no. 1 na inilabas ni Batangas Gov. Hermilando Mandanas, magkakaroon ng karagdagang 30% ng sahod ang mga manggagawa kung papasok ito ng trabaho.

Pero kung hindi naman pumasok sa trabaho, depende na sa kompanya nito kung makakatanggap sila ng karagdagang sahod.

Si Mabini ay ipinanganak noong July 23, 1864 at namatay noong May 13, 1903 sa edad na 38.

Sa kabila ng taglay nitong kapansanan, hindi naging hadlang kay Mabini ang lahat upang sumama sa ebolusyon laban sa pananakop ng Kastila at Amerikano sa Pilipinas.