RONDA PROBINSYA

Ex-Batangas Mayor, napawalang sala sa kasong graft charges

Napawalang-sala na si Ex-Batangas Mayor Cristeta Reyes sa graft charges na isinampa sa kanya kaugnay ng pagbili ng lupa na pag-aari ng mga anak nito.

Sa isang 36-page decision, ipinawalang-sala rin ng Sandiganbayan iv Division ang dalawa pang akusado na sina Yolanda Cabiscuelas dating municipal treasurer at Jeanette Fruelda, dating budget officer.

Nag-ugat ang kaso sa biniling 5,000 square-meter property ng Malvar Municipal Government na nagkakahalagang 6.65- M na gagamitin sa konstruksyon ng national high school building.

Sinabi naman ni Associate Justice Lorifel Lacap Pahimna, walang nakitang legal na basehan ang korte sa umano’y pinsalang naidulot nito sa gobyerno at nabatid na nasunod ng nasabing property ang minimum requirements na kailangan para sa pagpapatayo ng national high school.

Ayon pa sa korte, ang titulo ng lupa ay nailipat na sa Municipal Government ng Malvar. - sa panunulat ni Hannah Oledan

September 25, 2022 0 comment

HEADLINES RONDA PROBINSYA

Forced evacuation sa Polillo Islands, ipinag-utos

written by Angelica Doctolero

Ipinag-utos ng Quezon Provincial Government ang forced evacuation ng mga residente sa coastal at landslide-prone areas sa Polillo Islands.

Ayon ay Quezon Gov. Helen Tan, kagabi pa lamang ay inatasan na niya ang mga Alkalde sa lalawigan na magpatupad ng evacuation dahil sa bagyong Karding, na lumakas pa at isa nang ganap na Super Typhoon.

Kaninang alas-8 ng umaga, nagpunta sa mga barangay ang Municipal Disaster officers para ipabatid ang forced evacuation.

Kabilang sa mga lugar na ito ang Polillo, Burdeos, Panukalan, Patnanungan at Jomalig na lahat ay parte ng Polillo Group of Islands.

September 25, 2022 0 comment

HEADLINES RONDA PROBINSYA

Ilang biyahe ng barko patungong Mindoro, suspendido

written by DWIZ 882

Suspendido na muna ang mga biyahe ng barkong patungong Mindoro dahil sa malakas na Bagyong Karding.

Ayon sa Philippine Coast Guard o PCG-Balanacan sa Mogpog, Marinduque hindi muna pinaalis ang mga barko sa Balanacan Port para sa kaligtasan ng mga pasahero.

Samantala, hindi na ring pinayagang bumiyahe ang mga barko sa Calapan Port sa Oriental Mindoro at sa Batangas Pier nitong September 24 ng hapon matapos isailalim ang lalawigan sa Signal no. 1.

Gayunman, hindi pa matiyak ng PCG ang bilang ng mga stranded na pasahero sa mga nasabing daungan. — sa panulat ni Jenn Patrolla

September 25, 2022 0 comment

HEADLINES NATIONAL NEWS RONDA PROBINSYA

Class suspension, idineklara na sa lalawigan ng Aurora

written by Jopel Pelenio

Nagdeklara na ng kanselasyon ng klase ang ilang lalawigan kasunod ng inaasahang pagtama ng Bagyong Karding sa bansa.

Ayon sa Aurora Provincial Government, kinansela nila ang klase sa lahat ng lebel ng mga pampublikong paaralan sa kanilang lugar upang masiguro ang kaligtasan ng mga estudyante.

Epektibo ang suspensyon na ito, bukas araw ng Lunes, September 26, 2022.

Pahayag ng Lokal na Pamahalaan ng Aurora, alinsunod ang deklarasyon ng class suspension sa inilabas na Memorandum no. 2022-13 series of 2022 ng Provincial Disaster Risk Reduction and Management Council (PDRRMC).

Ipinauubaya naman ng Aurora LGU ang pagdedeklara ng kanselasyon ng klase sa mga pribadong paaralan sa kanilang mga school administrator.

September 25, 2022 0 comment

RONDA PROBINSYA

4 patay 2 sugatan sa aksidente ng sasakyan sa Iloilo

written by Angelica Doctolero

Apat na katao ang nasawi habang dalawa ang sugatan sa banggaan ng mga sasakyan sa bayan ng Miag-Ao, Iloilo kagabi.
Kabilang sa namatay ang magkakapamilya na si Bien Estorpe, 49-anyos at isang tricycle driver; asawang si arlyn, 59-anyos at kanilang anak na sumpung taong gulang.
Batay sa imbestigasyon ng awtoridad, pauwi na sana ang mga biktima na lulan ng tricycle nang banggain sila ng kasunod na pick up truck.
Iisang direskyon lang ang tinatahak ng dalawang sasakyan pero nawalan umano ng kontrol ang drayber ng truck.
Sa lakas ng pagkakabangga, tumilapon sa kalsada ang mga nasabing biktima.
Samantala, nahaharap sa kasong reckless imprudence resulting in multiple homicide at double serious physical injuries and damage to property ang drayber ng truck.

September 24, 2022 0 comment

RONDA PROBINSYA

8 Barangay sa Quezon City, wala nang naitalang bagong kaso ng COVID-19

written by Judith Estrada-Larino

Zero o wala nang naitalang bagong kaso ng COVID-19 ang 8 barangay sa Quezon City.

Batay ito sa pinakahuling datos ng Quezon City Epidemiology and Disease Surveillance Unit.

Kabilang sa mga barangay na zero new COVID case ang Barangay Pag Ibig Sa Nayon, Bayanihan, Blue Ridge B, Claro, Escopa 1, Libis, Old Capitol Site at Unang Sigaw.

Kasabay nito patuloy na hinihimok ng QC Government ang mga residente nito na magpa bakuna na hanggang sa booster shot.

September 24, 2022 0 comment

RONDA PROBINSYA

Deputy Police Chief ng Balayan, Batangas arestado

written by DWIZ 882

Arestado ang Deputy Police Chief ng Balayan, Batangas matapos mahuling nangingikil sa pamamagitan ng entrapment operation.

Nanghihingi umano si Captain Ruben Marilag ng protection money na nagkakahalagang P2,000 mula sa operator ng loteng, isang illegal numbers game.

Ayon sa biktima, patuloy itong hinihingian ni Marilag ng pera kahit na itinigil na nito ang operasyon ng loteng noong marso ng nakaraang taon.

Nakakulong ngayon si Marilag sa integrity monitoring and enforcement group headquarters sa camp-crame para sa kasong robbery-extortion. - sa panunulat ni Hannah Oledan

September 24, 2022 0 comment

HEADLINES RONDA PROBINSYA

P700-K halaga ng smuggled cigarettes, nasamsam ng mga otoridad sa Zamboanga City

written by Angelica Doctolero

Nasamsam ng mga otoridad sa dalawang naarestong suspek ang aabot sa P700-K halaga ng smuggled cigarattes sa Zamboanga City.

Kinilala ang mga suspek na sina Baning Salih, 42-anyos; at Brazil Muhis Djahirin, 38-anyos, na nahuli ng mga tauhan ng Philippine National Police (PNP) at Bureau of Customs (BOC) sa Sitio Talungon, Barangay San Roque ng nabanggit na probinsya.

Ayon sa mga otoridad, sakay ng isang puting van ang mga suspek na may dalang mga kargamento o katumbas ng 20 kahon ng sigarilyo na walang kaukulang dokumento.

Nito lamang Martes, nakumpiska din ng mga otoridad ang nasa ₱1.2 milyong halaga ng puslit na sigarilyo at nasundan pa ito nitong Miyerkules, nang mahigit ₱1 milyong halaga ng sigarilyo na naharang sa Brgy. Maasin.

Sa ngayon nahaharap sa kaukulang kaso ang dalawang suspek habang inaalam pa ng mga otoridad ang responsable sa iba pang nakumpiskang smuggled cigarettes.

September 23, 2022 0 comment

HEADLINES RONDA PROBINSYA

Sangkatutak na dumi ng tao at hayop, namerwisyo sa Taal, Batangas

written by Drew Nacino

Inireklamo na ng mga residente ng Taal, Batangas ang perwisyong idinulot ng napakabahong amoy ng sako-sakong pinaghalong dumi umano ng hayop at tao na nagkalat sa Diversion Road sa Taal, Batangas.

Ayon kay Taal Mayor Pong Mercado, nagmula umano ang mga dumi sa isang truck.

Nais anya nilang mabatid kung sinadya o aksidente lamang ang nangyari.

Inihayag naman ni Taal Police chief, Maj. Dante Majadas na natunton nila sa pamamagitan ng CCTV ang dump truck na inabandona sa bayan ng Sta. Teresita.

Bagaman biglang nawala ang truck nang malingat ang mga Pulis, nakuha naman ng mga otoridad ang plaka ng sasakyan at nakikipag-ugnayan na sa LTO.

Pinag-aaralan na ang mga kasong maaaring isampa sa driver o kumpanya nito habang nagsagawa na ng clearing operations kung saan tatlong mini-truck na ng mga dumi ang nakolekta ng Taal LGU na agad ibinaon sa lupa.

September 23, 2022 0 comment

HOT STORIES OF THE WEEK NATIONAL NEWS RONDA PROBINSYA

‘Total Amnesty’ alok sa mga nagkudeta noon vs FEM

written by Drew Nacino

Inalok ni Senador Imee Marcos ng total amnesty ang mga rebelde at makakaliwang grupo na naglunsad noon ng kudeta laban sa administrasyon ng amang si dating Pangulong Ferdinand Marcos Sr.

Ito’y matapos humingi ng paumanhin sa kanya ang mga dating miyembro ng Communist Party of the Philippines-New People’s Army-National Democratic Front sa paggunita sa 50^th Anniversary ng deklarasyon ng Martial Law noong Martes.

Aminado ang nakababatang Marcos na ginawa nito ang nasabing hakbang dahil matagal na niyang gustong makawala sa panahon na ang kanilang pangalan ay pilit umanong sinisira ng salitang batas militar.

Ang alok ng Senador ay ginawa kahit hindi pa man natatalakay sa kanyang kapatid na si Pangulong Ferdinand “Bongbong” Marcos Jr., na kasalukuyang nasa Estados Unidos.

Kampante naman ang mambabatas na makukumbinsi niya si PBBM sa pagkakaloob ng total amnesty sa mga dating nag-aklas laban sa kanilang ama dahil kahit noong buhay pa anya ito ay nagbigay din noon ng amnestiya. —ulat mula kay Cely O. Bueno (Patrol 19)

September 23, 2022 0 comment

Newer Posts

Older Posts