RONDA PROBINSYA

Umabot na sa 623 ang naitalang typhoid fever cases sa Negros Occidental mula nang mag-umpisa ang taon.

Ayon sa Provincial Health Office, ang mga kaso ay mula sa 29 na mga bayan at lungsod sa lalawigan.

Umabot naman sa anim ang nasawi dahil sa nasabing sakit.

Dahil dito, napagkasunduan ng provincial health board na bumuo ng “food and drinking water quality monitoring committee” sa bawat lokal na pamahalaan.

Nabatid na 11 lamang ang may monitoring committee mula sa 31 bayan at lungsod sa probinsya.

November 3, 2022 0 comment

HEADLINES NATIONAL NEWS RONDA PROBINSYA

Mga health worker sa Ilocos Region, isinailalim sa Basic Filipino Sign Language

written by Angelica Doctolero

Isinailalim sa tatlong araw na Basic Filipino Sign Language (BFSL) ang mga Health worker ng Department of Health (DOH) sa Ilocos Region.

Ito’y para kanilang magamit sa pakikipag-komunikasyon sa mga indibidwal at pasyenteng may hearing impairment o problema sa pandinig.

Nasa 32 ang lumahok sa aktibidad kasama ang mga Local Government Units (LGUs) kung saan, kanilang pinag-aralan ang mga alpabeto, numero, pagbati, oras, araw at buwan, para sa epektibong komunikasyon at konsultasyon ng mga pasyenteng may kapansanan.

Ayon sa ahensya, importanteng maunawaan ng mga health worker ang mga kailangan at concerns ng mga PWDs upang maiwasang magkamali sa pagbigay sa kanila ng proper treatment and care.

Bukod pa dito, mae-engganyo na rin silang magpunta at magpakonsulta sa mga health center dahil alam nilang mayroong health worker na makakaunawa at mag-aasikaso sa kanila sa pamamagitan ng sign language.

November 3, 2022 0 comment

HEADLINES RONDA PROBINSYA

Fuel supply shortage nagbabadya sa Antique

written by Drew Nacino

Kinumpirma ni Antique Governor Rhodora Cadiao na nahaharap sa kakulangan sa suplay ng krudo ang lalawigan.

Ito’y makaraang masira ang mga pangunahing tulay na nagdurugtong sa Antique patungong Aklan at Iloilo.

Ayon kay Cadiao, hindi makararating sa kanila ang gasoline supply dahil sa pagkasira ng Paliwan Bridge na nagdurugtong sa Aklan at Miag-Ao Bridge na patungo namang Iloilo.

Dahil dito, ipinag-utos na ng Gobernadora ang pagpapatupad ng “No-Full Tank” policy na nagdulot naman ng bahagyang panic sa mga residente.

Sisikapin naman anya nilang maisaayos ang tulay sa loob ng dalawang linggo.

November 3, 2022 0 comment

HEADLINES NATIONAL NEWS RONDA PROBINSYA

Lalawigan ng Cagayan, nilindol

written by Drew Nacino

Niyanig ng lindol ang bayan ng Calayan, Cagayan kagabi.

Alas-9:07 nang tumama ang magnitude 5.2 at natunton ang sentro, 33 kilometers hilagang-kanluran ng Babuyan Islands.

Ayon sa PHIVOLCS, tectonic ang origin ng pagyanig at may lalim na 56 kilometers.

Naramdaman ang Intensity 3 sa Calayan, Abulug at Aparri, Cagayan; Ivana, Uyugan at Sabtang, Batanes habang Intensity 2 sa Basco, Batanes.

Bagaman walang naitalang pinsala, inaasahan naman ang aftershocks.

November 3, 2022 0 comment

HEADLINES RONDA PROBINSYA

P14.2-M halaga ng shabu, nasamsam sa Lapu-Lapu City, Cebu

written by DWIZ 882

Nasa 14.2 million pesos na halaga ng shabu ang nasabat mula sa isang ginang sa Lapu-Lapu City, Cebu.

Kinilala ang suspek na si Arcelie Auron Cortes, residente ng Sitio Casanta, Barangay Mactan.

Nasakote si Cortes matapos ang isinagawang buy-bust operation ng Cebu Provincial Police at Philippine Drug Enforcement Agency.

Narekober mula sa suspek ang nasa dalawang kilo ng shabu at buy-bust money.

Nahaharap si Cortes sa kasong paglabag sa Republic Act 9165 o Comprehensive Dangerous Drugs Act. —sa panulat ni Jenn Patrolla

November 2, 2022 0 comment

HEADLINES HOT STORIES OF THE WEEK NATIONAL NEWS RONDA PROBINSYA

Dagdag presyo sa asukal, inihirit

written by Drew Nacino

Inihirit ng United Federation of Sugar Producers (UNIFED) sa gobyerno na taasan ang Suggested Retail Price (SRP) ng asukal.

Ito’y makaraang maapektuhan ng Bagyong Paeng ang libu-libong ektaryang tubuhan sa Visayas at upang makabawi ang sugar producers.

Ayon kay UNIFED president Manuel Lamata, hiling nila na itaas sa P85 hanggang P90 ang SRP ng kada kilo ng asukal mula sa kasalukuyang P70.

”increase so bale P85-P90 yung retail ang bagsak dito sa amin sa millgate price sa mga planter baka makuha namin yung P60.00, so, kung makuha namin yung P60.00 po pwede na, may fighting chance na kami to survive. Alam mo naman yung cost of production namin sobrang taas…patuloy pa yung assessment ng governor namin dito sa Negros. Kasi 3 probinsiya po yung natamaan, 3 isla e, yung Cebu, Tanay, at buong Negros…”

Bagaman tanggap naman anya nila kung hindi pagbibigyan ang kanilang hiling na dagdag-presyo, posible namang magkaroon epekto ang bagyo sa supply ng asukal sa susunod na taon.

”well wala naman tayong magawa kung hindi talaga kaya ng Gobyerno e pagtiyagaan natin, definitely changes, we will suffer loses baka hindi na tayo makatanim ng ganyan kalaki for next year siguradong bababa yung production natin kung ganon, kung wala ka na kikitain bakit ka pa magtatanim, huwag na hintay ka nalang..” si UNIFED President Manuel Lamata, sa panayam ng DWIZ.

November 2, 2022 0 comment

HEADLINES HOT STORIES OF THE WEEK NATIONAL NEWS RONDA PROBINSYA

Matapos ang pananalasa ng Bagyong Paeng, 5 palapag na puntod gumuho sa Aklan

written by Drew Nacino

Dismayado ang ilang residente ng Banga, Aklan pagdating sa pampublikong sementeryo sa paggunita sa Undas.

Ito’y dahil nag-mistulang “double-dead” ang kanilang mga yumaong mahal sa buhay makaraang gumuho ang limang palapag na apartment-type na puntod, kahapon.

Ayon kay Engr. Hermie Seraspi, Municipal Engineer ng Banga, posibleng lumambot na ang pundasyon ng 15 puntod dahil sa pagbaha.

Agad naman anyang nagsagawa ng Clearing Operation at pansamantalang inilipat ang mga nahukay na kabaong.

Nagsagawa rin ng disinfection ang Municipal Disaster Risk Reduction Management Office upang maiwasang malanghap ang masangsang na amoy mula sa ibang kabaong na kamakailan lamang inilibing.

November 2, 2022 0 comment

HEADLINES HOT STORIES OF THE WEEK NATIONAL NEWS RONDA PROBINSYA

Pamamahagi ng ayuda sa Maguindanao, pinangunahan ni PBBM

written by Drew Nacino

Kahit Todos Los Santos, pinangunahan ni Pangulong Bongbong Marcos ang pamamahagi ng tulong sa mga taga-Maguindanao na naapektuhan ng Bagyong Paeng, lalo sa mga mamamayang nawasak ang mga bahay.

Sa kanyang talumpati kahapon, inihayag ng Pangulo na hindi na dapat construction materials ang ipagkaloob sa mga naapektuhang residente sa halip ay cash upang muling maayos ang kanilang mga bahay.

Nasa P5,000 hanggang P10,000 ang ipinamahagi ng Punong Ehekutibo depende sa laki ng pinsala na natamo ng bahay ng isang residenteng apektado.

Nag-aerial inspection din si PBBM sa Maguindanao at nagsagawa ng situation briefing.

Sa naturang briefing, pinuna ni Pangulong Marcos ang mga lugar sa Maguindanao na kalbo na ang mga bundok na naging dahilan nang pagbaha at pagguho ng lupa.

November 2, 2022 0 comment

HEADLINES HOT STORIES OF THE WEEK RONDA PROBINSYA

Surigao City naghahanda na sa posibleng hagupit ng bagyong Queenie

written by Angelica Doctolero

Handa na ang lokal na pamahalaan ng Surigao City sa posibleng pananalasa ng bagyong Queenie.

Nakamonitor 24/7 ang City Disaster Risk Reduction and Management Office (CDRRMO) sa lagay ng panahon para sa mabilis na pagtugon sa sama ng panahon.

Inihanda na rin ng CDRRMO ang mga kagamitan nito para sa road clearing, water search and rescue, at extrication sakaling may bumagsak na istruktura, gayundin ang floating aids at masonry tools.

Tinitingnan na rin ng mga otoridad ang pagpapatupad ng pre-emptive evacuation sa 33 barangays na binaha dahil sa mga nagdaang bagyo at 21 island barangays na posibleng maapektuhan ng malalakas na hangin at alon.

Samantala, nakikipag-ugnayan na rin ang CDRRMO sa iba pang ahensya ng gobyerno.

November 1, 2022 0 comment

HEADLINES RONDA PROBINSYA

State of Calamity, idineklara sa probinsya ng Quezon

written by DWIZ 882

Idineklara na ang State Calamity sa buong probinsya ng Quezon matapos ang pananalasa ng bagyong Paeng.

Alinsunod ito sa rekomendasyon ni governor Helen Tan at upang magamit ang quick release funds bilang tugon sa pangangailan ng mga residenteng napektuhan ng bagyo.

Sa datos ng Provincial Disaster Risk Reduction and Management Council, 5 na ang nasawi habang nasa 23,000 pamilya na ang apektado sa lalawigan.

Bukod sa Quezon province, isinailalim na rin sa state of calamity ang Catanduanes; ilangbayan sa Antique; San Pablo at San Pedro cities sa Laguna; Zamboanga City at Bangsamoro Autonomous Region in Muslim Mindanao (BARMM).

Samantala, inihayag ng National Grid Corporation of the Philippines, wala pa ring kuryente sa ilang lugar. —mula sa panulat ni Jenn Patrolla

November 1, 2022 0 comment

Newer Posts

Older Posts