RONDA PROBINSYA

Naghihiganting senior citizen patay matapos barilin ng naghihiganting suspek

Patay ang isang senior citizen na may anak na nakapatay, matapos barilin nang naghiganti umanong suspek sa Dumangas, Iloilo.

Batay sa ulat, kinilala ang biktima na si Lelia Gilapay.

Nasawi si Gilapay sa loob ng bahay matapos barilin ng salarin mula sa labas.

Gumanti umano ang pumatay kay Gilapay matapos saksakin at patayin ng anak ng biktima ang kapatid ng suspek.

Paghihiganti ang tinitignang motibo sa pamamaslang.

Pinaghahanap na ng mga otoridad ang suspek. - sa panunulat ni Maze Aliño-Dayundayon

December 11, 2022 0 comment

HEADLINES NATIONAL NEWS RONDA PROBINSYA

Water service interruption, mararanasan sa ilang lugar sa bansa

written by DWIZ 882

Mawawalan ng tubig ang ilang bahagi ng National Capital Region at Lalawigan ng Cavite dahil sa Network Maintenance ng Maynilad Water Services Incorporated mula Disyembre a-12 hanggang a-18.

Kabilang sa mga apektadong lugar ay ang Barangay Tanza 1 at Tanza 2 sa Dahlia Capt. Cruz, Imus City, Cavite mula alas-10 ng gabi sa Disyembre a-12 hanggang alas-4 ng umaga sa Disyembre a-13.

Makararanas din sa Barangay 8 at 12 sa Alimasag, Caloocan City, Barangay Buhay na Tubig sa Imus City, Cavite, Barangay Bungad, Paltok, San Antonio sa Roosevelt Corner M.H. Del Pilar, Barangay Samson, Balingasa, Dona Imelda Marcos at Manresa sa Toctokan Cor. Ventura, Quezon City at sa iba pang lugar.

Sa abiso ng Maynilad ang maintenance activities ay bahagi ng proyekto upang pagbutihin ang water services sa West Zone. —sa panulat ni Jenn Patrolla

December 11, 2022 0 comment

HEADLINES RONDA PROBINSYA

9 na katao, patay, sa bakbakan ng CAFGU at mga hinihinalang miyembro ng rebeldeng grupo sa Cotabato

written by Jopel Pelenio

Nasawi ang siyam na katao, habang apat na iba pa ang sugatan sa naganap na bakbakan sa pagitan ng mga hinihanalang rebeldeng grupo at mga miyembro ng Citizen Armed Force Geographical Unit (CAFGU) sa Aleosan, Cotabato.

Base sa ulat ng mga otoridad, inambush ng mga armadong grupo ang isang CAFGU member habang lulan ng isang motorsiklo na agad namang nirespondehan ng kanyang mga kasamahan.

Dito na nagkaroon ng palitan ng putok ang magkabilang panig na ikinasawi ng siyam na katao na kinabibilangan ng limang CAFGU, isang sibilyan at tatlong miyembro umano ng rebeldeng grupo.

Ngunit ayon sa mga kaanak ng 3 nasawi na hindi anila kasapi ng anumang rebeldeng grupo ang mga ito, at wala daw silang kinalaman sa nangyaring pag-atake.

Patuloy namang iniimbestigahan ng mga otoridad ang nangyaring insidente.

December 11, 2022 0 comment

RONDA PROBINSYA

185 exotic wildlife animals, nailigtas sa Laguna

written by DWIZ 882

Aabot sa 185 exotic wildlife animals ang nailigtas ng Criminal Investigation and Detection Group – Laguna Provincial Field Unit sa Santa Cruz, Laguna.

Nagkakahalaga ito ng P 800,000 na nakuha sa Sitio 4, Barangay O-Ogong sa pamamagitan ng buy-bust operation.

Ang mga hayop na nailigtas ay ang ball python (python regius), emperor scorpion (pandinus imperator), at mexican rose tarantula (aphonopelma pallidum), na inuri bilang appendix 2 sa Convention on International Trade in Endangered Species of Wild Fauna and Flora.

Naaresto naman sa buy-bust ang trader ng mga hayop na mayroong hawak na Certificate of Wildlife Registration, na para lamang sa pag-aalaga ng hayop at hindi sa kalakalan.

Sa ngayon, naipadala na sa Regional Wildlife Rescue Center sa Calauan, Laguna ang mga hayop, habang sinampahan ng kasong paglabag sa Republic Act No. 9147 o Wildlife Resources Conservation and Protection Act ang trader.

December 8, 2022 0 comment

RONDA PROBINSYA

Camarines Norte, nakapagtala ng pinsala matapos yanigin ng Magnitude 5.3 na lindol

written by DWIZ 882

Nakapagtala ng maliit na pinsala ang Camarines Norte matapos yanigin ng magnitude 5.3 na lindol kahapon.

Ayon kay Raffy Alejandro, Assistant Secretary at Tagapagsalita ng National Disaster Risk Reduction and Management Council (NDRRMC), ang mga lugar na naapektuhan ng lindol ay ang Labo, Capalonga, Mercedes, Paracale, sta. Ana, at Vinzons.

Wala namang nasawi o nasugatan sa pagyanig habang hindi rin naapektuhan ang suplay ng kuryente, tubig at linya ng komunikasyon.

Sa ngayon, nagpapatuloy pa ang pagtataya ng lokal na pamahalaan sa pinsala ng lindol upang matukoy ang eksaktong halaga nito.

Matatandaang kahapon nang yanigin ng lindol ang Camarines Norte na naramdaman sa maraming bahagi ng bansa kabilang na ang Metro Manila.

December 8, 2022 0 comment

HEADLINES RONDA PROBINSYA

Higit 1k wheelchairs, ibinahagi ng AKAP Foundation sa mga PWD sa Lucena, Quezon

written by DWIZ 882

Namamahagi ngayong araw ng mahigit 1,000 wheelchairs ang Aral, Kalinga, Alaga, Yakap (AKAY) Foundation para sa mga Persons With Disabilities (PWD) sa Lucena, Quezon.

Sa panayam ng DWIZ, sinabi ni AKAY Ambassador Dwight Henry Bayona, napagtagumpayan ng foundation ang pamamahagi sa Sta. Rosa, laguna.

Kabilang sa mga nabigyan ang mga senior citizen, may sakit na epilepsy at mga batang PWD.

Pinayuhan naman ni Bayona ang lahat ng mga PWD na tibayan at lakasan ang loob dahil hindi nagtatapos ang buhay sa pagiging PWD. —sa panulat ni Jenn Patrolla

December 6, 2022 0 comment

HEADLINES RONDA PROBINSYA

8 patay sa salpukan ng 2 trak sa CDO

written by DWIZ 882

Nasawi ang walong magkakamag-anak sa naganap na banggaan sa Cagayan De Oro.

Ayon sa Cagayan De Oro City Police Office, nakasakay sa bongo truck ang mga biktima na galing sa Zamboanga Del Sur at nasa 20 katao ang lulan ng nabanggit na trak.

Nagkabundulan ang cargo trak at sinasakyang trak ng mga biktima sa Barangay Agusan.

Kabilang sa mga namatay ang driver ng bongo truck habang tatlong katao ang dead-on-arrival at 13 biktima ang sugatan sa trahedya.

Mahaharap sa mga kasong reckless imprudence resulting in multiple homicide at serious physical injury ang driver ng cargo truck. —sa panulat ni Jenn Patrolla

December 6, 2022 0 comment

HEADLINES RONDA PROBINSYA

Higit P6.6-M halaga ng marijuana, nasamsam ng PDEA sa Quezon, Isabela

written by DWIZ 882

Mahigit P6.6-M na halaga ng marijuana ang nasabat sa buy-bust operation sa bayan ng Quezon, Isabela.

Nasakote naman ang suspek na si Bryan Appag habang nakatakas ang kasama nito na hindi pa nakikilala.

Ayon kay PDEA-Provincial Officer Jojo Gayuma, halos 55 kilos ng marijuana na isinilid sa dalawang sako ang nakumpiska mula sa dalawang suspek sa Purok Dos, Barangay Abut.

Umiwas aniya ang mga suspek sa checkpoint sa Tabuk City, Kalinga kaya’t binuhat na lamang ito at dumaan sa kabundukan ng Kalinga at Isabela.

Mahaharap naman si Appag sa kasong paglabag sa RA 9165 o Comprehensive Dangerous Drugs Act of 2002. —sa panulat ni Jenn Patrolla

December 5, 2022 0 comment

RONDA PROBINSYA

Lalaking suspek sa pagnanakaw, patay matapos makipahabulan, manlaban sa mga otoridad

written by DWIZ 882

Nasawi ang isang lalaki sa Batangas City noong Biyernes matapos manlaban sa mga awtoridad.

Kinilala ang suspek na si Geronimo Rivera, 47- anyos, residente ng Brgy. Sta. Clara, Batangas City.

Batay sa ulat, bandang alas-3 ng tanghali nang pasukin ng suspek ang bahay ng biktima at mang-agaw ng cellphone.

Agad nakahingi ng tulong ang biktima sa awtoridad.

Batay sa ulat, nakipaghabulan, at nanlaban ang suspek dahilan para paputukan siya ng mga Pulis.

Dead on Arrival ang suspek matapos magtamo ng tama ng bala sa tiyan. —sa panulat ni Maze Aliño – Dayundayon

December 4, 2022 0 comment

HEADLINES RONDA PROBINSYA

Muling pagbubukas ng Christmas Festival sa Misamis Oriental, ikinatuwa

written by DWIZ 882

Ikinatuwa ng mga residente ng Bayan ng Medina, Misamis Oriental ang pagbubukas ng Christmas Festival 2022 na may temang “Pasko sa Pinas,” kagabi.

Nabalot ang Municipal Grounds ng iba’t ibang palamuting tatak Pinoy.

Present sa pagpapa-iilaw ng limang naglalakihang Christmas trees ang mga residente at opisyal ng nabanggit na bayan.

Magugunitang halos dalawang taon nang ipahinto ang paggunita sa Christmas Festival bunsod ng Covid-19 pandemic. —sa panulat ni Maze Aliño – Dayundayon

December 4, 2022 0 comment

Newer Posts

Older Posts