RONDA PROBINSYA

Nakumpiska ng mga otoridad and nasa P2.6 – M na halaga ng shabu sa General Trias, Cavite.

Kinilala ng mga suspek na sina Lovelyn Luayon at Aljohn Tongol, kapwa residente sa Barangay Navarro, ng nasabing lungsod.

Batay sa ulat ng PNP Region 4-A, nakita nila sa loob ng bahay ng mga suspek ang 44 na pakete ng shabu na bigat na 393.95 grams na may dangerous drugs board value na aabot sa P 2 ,678 ,860.

Narekober rin sa mga suspek ang 7 mobile phones; shabu-sniffing paraphernalia magazine para sa 45 pistol at 4 na bala para sa 454 revolver.

Samantala nahaharap ngayon sa kasong paglabag sa Comprehensive Dangerous Drugs Act of 2002 and illegal possession of ammunition ang mga suspek.

Nalunod ang 2 batang lalaki sa isang ilog sa Morong, Rizal noong nakalipas na Sabado.

Batay sa ulat sa Morong Police, nagpunta ang dalawang bata sa Morong River sa Sitio Butig kasama ang ilan nilang kalaro para maligo bagama’t naanod ng malakas ang 2 at natangay ng tubig.

Natagpuan ang bangkay ng mga bata bandang 9:30 ng gabi.

Nagpaalala ang lokal na pamahalaan at pulisya ng morong sa mga residente na huwag munang maligo sa ilog bunsod ng paglakas ng mga agos ng tubig na maaaring makapagdulot ng aksidente. - sa panunulat ni Maze Aliño- Dayundayon.

Timbog sa entrapment operation ang mag-inang drug suspect sa Pasay City.

Kinilala ang mga suspek na sina Annalyn Real Macapaz alyas Mary Jane Diaz Nagas at anak na si Myka Angel Real, kapwa residente ng Barangay Mauway, Mandaluyong.

Nasamsam mula sa mga ito ang halos dalawang kilo ng shabu na nagkakahalaga ng mahigit 13 million pesos.

Nadiskubre ang droga ng Bureau of Customs (BOC) – Clark, sa Pampanga nang ipaamoy sa K9 Unit at isailalim sa x-ray.

Naka-pangalan sa mga suspek ang mga nasabing package kaya’t agad nagsagawa ng entrapment operation ang mga otoridad.

Nahaharap sa kasong paglabag sa dangerous drugs act ang mag-ina. –  sa panulat ni Hannah Oledan

Nasawi ang isang mag-ama sa bayan ng Tubod sa Lanao del Norte dahil sa baha na dulot ng matinding pag-ulan.

Ayon kay Vicmar Paloma, Officer ng Municipal Disaster Risk Reduction and Management Council (MDRRMC), sakay ng pedicab ang 44 anyos na tatay kasama ang anim na taong gulang nitong anak at tatlo pang miyembro ng pamilya, nang dumaan sa tulay sakay ng pedicab.

Hindi umano batid ng mga ito na sira na ang tatawirang tulay dahil sa pag-apaw ng baha.

Sa ngayon, pumalo na sa 1,762 pamilya ang apektado ng baha sa lugar.

Una rito, isang walong taong gulang na batang babae na ang namatay sa bayan ng Baroy matapos maanod ang motor na sinasakyan nila ng kanyang kamag-anak.

 Timbog ang tatlo katao matapos mahulihan ng 36 na pakete ng shabu sa Lucena City, Quezon.

Kinilala ni Quezon Provincial Police Director, Col. Ledon Monte ang mga high-value suspect na sina Lorebeth Berba, Edward Sales, at Andrew Azagra na naaresto sa Barangay Ibabang Dupay.

Nasabat mula sa tatlo ang mga iligal na drogang nagkakahalaga ng 3.1 million pesos.

Samantala, sa San Jose Del Monte City, Bulacan naman, sinalakay ng mga otoridad ang isang hinihinalang drug den sa Barangay Bagong Buhay 1.

Kalaboso sa naturang operasyon ang 12 suspek na makaraang mahulihan ng 33 pakete ng shabu na nagkakahalagang 26,000 pesos. - sa panulat ni Hannah Oledan