RONDA PROBINSYA

2 sunog na bangkay natagpuan sa Batangas

Natagpuan ang sunog na bangkay ng isang babae at lalaki sa isang bakanteng lote sa Nasugbu, Batangas noong Sabado.

Ayon kay Nasugbu Police Station Deputy Police Captain Judito Baligod, itinapon lamang sa nasabing lugar ang mga bangkay at posibleng doon sinunog dahil sa nakitang takip ng container ng gasolina.

Hindi pa natutukoy ang pagkakakilanlan ng mga biktima ngunit tinatayang nasa edad 30 hangang 40 taong gulang ang mga ito.

Nagpapatuloy naman ang imbestigasyon ng mga otoridad at isinailalim na sa otopsiya ang mga bangkay.

February 20, 2023 0 comment

RONDA PROBINSYA

Isa pang menor-de-edad na mag-aaral sa Cotabato, patay matapos barilin

written by DWIZ 882

Patay ang isa pang menor-de-edad na mag-aaral matapos barilin sa Pikit, Cotabato.

Kinilala ng Philippine National Police (PNP) ang biktima na isang edad-15 anyos, na nagbabantay lamang sa tindahan nang pagbabarilin.

Agad namang nakatakas ang salarin na iniimbestigahan na ng mga otoridad.

Una rito, isang 13-anyos na mag-aaral ang binaril din sa lugar habang pauwi mula sa kaniyang eskwelahan habang sugatan ang kasama nito.

Agad namang inatasan ni DILG Sec. Benhur Abalos Jr. si PNP Chief Rodolfo Azurin, na manguna sa imbestigasyon sa pamamaril katuwang sina National Security Adviser Eduardo Año at Defense Secretary Carlito Galvez Jr.

Hanggang ngayong araw suspendido ang klase sa Pikit, Cotabato.

February 17, 2023 0 comment

RONDA PROBINSYA

50 stray animals patay sa ‘mass poisioning’ sa Southern Cebu

written by DWIZ 882

Sinimulan na ang imbestigasyon ng lokal na pamahalaan at pulisya ng Lungsod ng Naga sa southern Cebu ang imbestigasyon sa pagkamatay ng hindi bababa sa 50 aso at pusa sa loob ng isang pribadong subdivision sa Barangay Inoburan.

Ayon kay Police Lt. Col. Junnel Caadlawon, Hepe ng Naga Police Station, na nangangalap na sila ng mga ebidensiya upang matukoy ang mga salarin sa likod ng “mass poisoning” ng mga aso at pusa sa loob ng Casa Mira South Subdivision.

Nagtungo ang mga otoridad sa Casa Mira noong Pebrero a-1 para mag-imbestiga matapos makatanggap ng mga ulat mula sa ilang residente at animal welfare advocates na mga nasabing hayop ay namamatay sa loob ng subdivision at pinabayaang mabulok.

Narekober sa lugar ang hindi bababa sa 50 bangkay ng aso at pusa sa mga bakanteng lote ng subdivision at maging sa kahabaan lamang ng kalsada nito.

Sinabi ng opisyal na nakikipag-ugnayan na sila sa mga may-ari ng CCTV sa lugar para sa pagkakakilalan ng mga suspek nahaharap sa parusang dalawa hanggang tatlong taong pagkakulong at/o multa na 25,000 pesos.

February 7, 2023 0 comment

NATIONAL NEWS RONDA PROBINSYA

P69M na shabu, nasabat sa Northern Samar

written by Angelica Doctolero

Aabot sa 69 million pesos na halaga ng shabu ang nasabat sa isang suspek matapos magkasa ng operasyon ang mga otoridad sa Barangay Jubasan, Allen, Northern Samar.

Kinilala ang suspek na si Mangayao Lapan Mitomara na nakuhanan ng sampung bloke ng iligal na droga.

Nabatid na magkatuwang na nagsagawa ng operasyon ang mga tauhan ng Northern Samar Police, Coast Guard K9 Force at Coast Guard District Eastern Visayas dahilan para agad na maaresto si Mitomara.

Nakapiit na sa Allen Municipal Police Station ang suspek at nahaharap sa kasong paglabag sa Republic Act 9165 o Comprehensive Dangerous Drugs Act of 2002.

February 3, 2023 0 comment

HEADLINES NATIONAL NEWS RONDA PROBINSYA

Pagbabarikada vs ‘illegal mining’ sa Romblon nabalot ng tensyon!

written by Drew Nacino

Nauwi sa tensyon ang pagsasagawa ng “human barricade” ng ilang residente sa Sibuyan Island, Romblon habang iprinoprotesta ang umano’y iligal na aktibidad ng Altai Philippines Mining Company sa kanilang lugar.

Nagkagirian ang mga pulis at environmental defenders, kabilang ang ilang residente matapos umanong tangkaing lumabas sa sinasabing barikada ang isang truck na kargado ng nickel ores.

Aminado si Elizabeth Ibañez, Coordinator ng Sibuyanons Against mining, na ikinagulat nila ang pagtulong ng mga pulis upang makalabas ang truck na magbi-biyahe ng mga nickel.

Ayon kay Ibañez, walang permit ang Altai Mining upang makapag-operate sa Sibuyan.

Enero a – 28 nang mag-barikada ang mga residenteng kontra mining sa tapat ng itinatayong pier ng Altai sa Sitio Bato España, San Fernando, Romblon.

Kabilang sa kailangang ipresenta ng kumpanya ang barangay clearance, municipal business permit, DENR Foreshore Lease Contract at PPA permit para makapagtayo ng Private Port.

February 2, 2023 0 comment

HEADLINES RONDA PROBINSYA SPORTS

James Yap, kumpiyansang kayang pagsabayin ang karera sa politika at pampalakasan

written by Angelica Doctolero

Kumpiyansa si Rain or Shine player at San Juan City Councilor James Yap na kaya niyang pagsabayin ang karera sa mundo ng politika at pampalakasan.

Kasunod ito ng paglagda ni Yap ng one-conference deal sa Elasto Painters bago ang PBA Governors’ Cup.

Ayon sa seven-time PBA Champion, pabor siya na makasama si Yeng Guiao dahil marami itong karanasan pagdating sa pagbabalanse ng trabaho kaya naniniwala si Yap na marami din siyang matututunan dito.

Matatandaang nagsilbi ring congressman at vice governor ng Pampanga si Guiao, simula noong 2013 hanggang 2016 habang nagsisilbi rin bilang coach sa PBA.

Pinasalamatan naman ni Yap ang lahat ng sumusuporta at naniniwala sa kanyang kakayahan kung saan, iginiit niya na marami sa mga residente ng San Juan ang naghihintay sakaniya na makapaglaro muli sa basketball.

January 25, 2023 0 comment

HEADLINES RONDA PROBINSYA

Rider na tumilapon sa motorsiklo, patay

written by DWIZ 882

Patay ang isang rider nang tumilapon ang minamanehong motorsiklo matapos mahagip ang isang asong bigla na lamang tumawid sa Infanta, Quezon.

Kinilala ang biktima na si John Vincent Cuento na pauwi na ng mangyari ang insidente.

Ayon kay Police Major Fernando Credo, hepe ng Infanta Police Station, maaari aniyang nawalan ito ng balanse matapos ang malakas na pagkakapreno.

Naisugod pa umano ito sa ospital bago tuluyang binawian ng buhay.

Samantala, bagama’t may suot na helmet ang biktima ay hindi ito nakaligtas sa tinamong pinsala sa katawan at sa ulo. —mula sa panulat ni Hannah Oledan

January 21, 2023 0 comment

HEADLINES RONDA PROBINSYA

Para makaiwas sa dengue, “Tapat Mo, Linis Mo” ipinatutupad sa Baguio City

written by Gilbert Perdez

Muling pinaalalahanan ni Baguio City Mayor Benjamin Magalong ang mga residente na tumalima sa “Tapat Mo, Linis Mo” ordinance sa pamamagitan nang paglilinis ng kanilang paligid dahil sa banta ng dengue.

Ayon kay Magalong, nakakalungkot isipin na laging naglilinis ang gobyerno at barangay pero wala aniyang disiplina ang mga residente.

Nagsagawa rin ng ocular inspection ang alkalde sa mga daluyan ng tubig sa Sagudin Creek na sakop ng Barangay Cabinet Hill at Teachers Camp kung saan natuklasan ang mga basurang nakabara sa Balili River malapit sa La Trinidad, Benguet.

Maliban dito, ipinag-utos din ng alkalde ang regular na pagsasagawa ng village-wide clean-up drive tuwing Huwebes upang malinis ang mga lugar na pinamamahayan ng mga lamok.

January 21, 2023 0 comment

HEADLINES NATIONAL NEWS RONDA PROBINSYA

Mahigit 83,000 turista bumisita sa Boracay mula Enero 1-15

written by Angelica Doctolero

Pumalo sa kabuuang 83,942 na mga turista ang bumisita sa Boracay Island sa Malay, aklan mula Enero 1 hanggang 15.

Sa datos na inilabas ng Malay Municipal Tourism Office noong Enero 16, karamihan sa mga bumisita sa Isla ay domestic tourists na umabot sa 63,753.

Nasa 14,812 naman ang bilang ng mga dayuhang turista habang 5,377 ang Overseas Filipino Workers (OFWs).

Ang mataas na bilang ay bunsod ng pagdagsa ng mga turista sa isla para sa pagdiriwang ng bagong taon nang ibalik ang fireworks show at ang Ati-Atihan Festival sa Kalibo, Aklan.

Noong 2022 ay umabot sa mahigit 1.75 milyong turista ang bumisita sa Boracay.

January 17, 2023 0 comment

HEADLINES NATIONAL NEWS RONDA PROBINSYA

Camarines Norte niyanig ng Magnitude 4.8 na lindol

written by Angelica Doctolero

Ibinaba sa magnitude 4.8 ang lindol na tumama sa Tinaga Island, Camarines Norte kaninang 5:57 ng umaga na unang napaulat na magnitude 5.3

Ayon sa Philippine Institute of Volcanology and Seismology (PHIVOLCS), may lalim ang pagyanig na isang kilometro at tectonic ang origin.

Naitala ng PHIVOLCS ang Intensity V sa Mercedes, Camarines Norte; Intensity IV sa Guinayangan, at Tagkawayan, Quezon; Intensity III sa Buenavista, at Lopez, Quezon; Naga City, Camarines Sur; at Intensity II sa Catanauan, at San Narciso, Quezon

Naramdaman naman ang Instrumental Intensity V sa Daet, Camarines Norte; Instrumental Intensity III sa Jose Panganiban, Camarines Norte; City of Iriga, at Ragay, Camarines Sur; San Roque, Northern Samar;

Instrumental Intensity II sa Alabat, Guinayangan, Gumaca, Infanta, Mauban, at Mulanay, Quezon; Pasacao, at Pili, Camarines Sur; at Instrumental Intensity I sa Marikina City; Pasig City; Pulilan, Bulacan; Calauag, Quezon; at Taytay, Rizal

Sinabi pa ng PHIVOLCS na inaasahan ang pinsala at aftershocks matapos ang lindol.

January 17, 2023 0 comment

Newer Posts

Older Posts