RONDA PROBINSYA

Isang private tutor ang natagpuang walang buhay matapos tadtarin ng saksak at ihulog sa isang ilog sa San Juan, Batangas.

Kinilala ang biktimang si Arcel Regio, residente ng Barangay Tipaz at miyembro umano ng Lesbian, Gay, Bisexual, Transgender and Queer (LGBTQ+) community.

Batay sa ulat ng San Juan Police, nakitang nakalubog ang bangkay ni Regio sa tubig ng Malaking Ilog River bandang alas dose ng tanghali noong Biyernes.

Ayon kay Donald Regio na kapatid ng biktima, hindi nakauwi sa kanilang bahay ang private tutor simula nang umalis ito noong Biyernes, alas tres ng madaling araw, matapos sunduin ng isang lalaki. Sumakay ang dalawa sa isang motorsiklo.

Habang hinahanap ang kanyang kapatid, nakita ni Donald ang mga bakas ng dugo mula sa kalsada hanggang sa damuhan na humantong sa gilid ng ilog.

Agad na nagsagawa ang pulisya ng search and retrieval operation. Matapos ang ilang minuto, natagpuan sa ilalim ang katawan ng biktima na tadtad ng saksak sa likod at sa iba’t ibang bahagi ng katawan.

Nakita rin sa crime scene ang isang kutsilyo at ice pick na pinaghihinalaang ginamit sa krimen.

Samantala, iniimbestigahan na ng mga pulis ang lalaking kasintahan umano ng biktima. Hindi pa matiyak kung siya rin mismo ang lalaking sumundo kay Regio bago ito mawala.

Nasabat ng mga awtoridad ang 42 kahon ng mga smuggled na sigarilyo inagawan sub , lungsod ng puerto princesa.

Kinilala ang suspek na si Mark Jay Andrade Doce ,34 – anyos.

Ayon sa Puerto Princesa City Police Office, nagsasagawa ng oplan sita ang mga operatiba ng city mobile force company sa lugar ng dumaan ang kulay grey na van na minamaneho ni Doce at ng inspeksyunin ito ng mga awtoridad ay doon tumambad ang mga smuggled na sigarilyo.

Sa kasalukuyan anya ay patuloy ang kanilang pakikipag-ugnayan sa bureau of customs upang matukoy ang kabuoang halaga ng mga nasabat na kontrabando na ngayon ay nasa kustodiya parin ng pulisya maging ang suspek na mahaharap sa kasong paglabag sa Republic Act 10863 o an act modernizing the customs and tariff administration.

Nasa  kustodiya  na ng  Police  Station 6  ang  suspek na si John Phillip Tominez sa Naga  City.

Ang suspek  na itinuturong nagnakaw umano  sa KGP  building, kung saan  kinuha nito ang 2 cellphone at P900 cash.

Ayon sa Police Station 6, madaling nahuli ang suspek dahil  sa  CCTV  footage  na kanilang  nakuha  at  sa  suot  nitong  jacket

Maliban sa 2 cellphone na narekober may  isang plastic sachet umano ng pinaniniwalaang ilegal na  droga na narekober  sa  suspek .

Samantala, inamin naman ng suspek ang nagawang   pagnanakaw

Nasa  kustodiya  na ng  Police  Station 6  ang  suspek na si John Phillip Tominez sa Naga  City.

Ang suspek  na itinuturong nagnakaw umano  sa KGP  building, kung saan  kinuha nito ang 2 cellphone at P900 cash.

Ayon sa Police Station 6, madaling nahuli ang suspek dahil  sa  CCTV  footage  na kanilang  nakuha  at  sa  suot  nitong  jacket

Maliban sa 2 cellphone na narekober may  isang plastic sachet umano ng pinaniniwalaang ilegal na  droga na narekober  sa  suspek .

Samantala, inamin naman ng suspek ang nagawang   pagnanakaw

SUMASAILALIM umano sa imbestigasyon ang Barangay Ambolodto sa bayan ng Datu Odin Sinsuat sa Maguindanao Del Norte dahil sa mga sinasabing insidente ng karahasan bago at sa mismong araw ng Barangay at Sangguniang Kabataan Elections (BSKE).

Ito ang inihayag ni Atty. John Rex Laudiangco, tagapagsalita ng Comelec, makaraang sabihin na kabilang ang nasabing bayan sa mga lugar na patuloy na binabantayan matapos ang eleksyon.

Dalawang insidente ng karahasan na iniulat ang natukoy ng poll body, kabilang na ang Barangay Ambolodto, kung saan nagkaroon pa ng paglikas ang mga residente dahil sa hinihinalang pangha-harass na ginawa ‘di-umano ng kampo nina Jojo Limbona at Hiejita Limbona, chancellor ng Mindanao State University-Maguindanao.

Napag-alaman na kabilang sa mga napaulat na iniimbestigahan ang umano’y pananakit naman ni Limbona sa isang watcher, at maging ang pagkakahuli sa mga pinararatangang 27 flying voters na residente ng ibang bayan.

Magugunitang nagpasaklolo ang mga opisyal ng barangay sa Comelec para tutukan ang kanilang lugar.

NAKARANAS umano ng matinding pananakot ang mga residente ng Barangay Ambolodto sa bayan ng Datu Odin Sinsuat sa Maguindanao del Norte.

Ito ang ibinunyag ng mismong punong barangay na si Loay Keith Sinsuat kung saan isiniwalat niya na naranasan ito ng ilang residente bago ang Barangay at Sangguniang Kabataan Elections (BSKE).

Bilang aksyon, nagbigay ang punong barangay ng opisyal na liham kina Municipal Commission on Elections (Comelec) Election Officer Jeffrey Lala at Municipal Administrator Datu Esreal Sinsuat noong Oktubre 26,2023 na naglalaman ng mga naiulat na kaso ng umano’y terorismo na ginawa ng mahigit dalawampung katao dahilan upang matakot ang mga residente sa Barangay Ambolodto.

Noong Oktubre 24,2023, isiniwalat ni Sinsuat na mayroong dalawang pick-up truck na ‘di-umano’y pagmamay-ari ng mag-asawang Jojo Limbona at Hiejira Limbona, Mindanao State University Maguindanao Chancellor, at umikot sa barangay upang kunan ng video ang mga bahay at tao sa labas ng kanilang mga tahanan, dahilan para magdulot ng pagkataranta sa mga residente at lisanin ang kanilang mga tahanan.

Nabatid na noong Oktubre 26, 2023 naman, bandang alas-11:00 ng umaga, isa pang grupo ng mga indibidwal ang sinasabing dumating sa Sitio Baloi at walang habas umanong pinagsisira ang mga paraphernalia o campaign posters ng ibang mga kandidato sa lugar.

Samantala, makikita naman umano sa CCTV Footage sa mismong araw ng halalan ang mag-asawang Limbona na sinasabing kinokontrol ang isang presinto kung saan idinadaos ang botohan.

Nagpa-blotter naman sa pulisya ang isang poll watcher kung saan inakusahan nito si Jojo Limbona na sinuntok siya ng suspek dahil iba ang sinusuportahan sa pulitika.

Ayon pa kay Sinsuat, isa itong malinaw na paglabag sa kasunduan sa dayalogo na dinaluhan ng iba’t ibang ahensya ng gobyerno gaya ng Philippine National Police (PNP) at Armed Forces of the Philippines (AFP) kaugnay ng BSKE.

Sinabi ni Sinsuat na may nauna nang pormal na kasong terorismo na inihain laban sa mga hinihinalang sangkot sa pananakot at karahasan sa kanilang barangay kung saan lumabas din umano sa imbestigasyon ang sabwatan ng mga salarin sa gawaing ito na nagdulot ng panganib sa buhay ng mga residente, pinsala sa pampublikong lugar, at pribadong ari-arian.

Kasabay nito, nanawagan din ang opisyal sa Comelec, AFP, at iba pang ahensya ng pamahalaan na tutukan ang kaso ng karahasan sa kanilang barangay upang manumbalik ang matiwasay at mapayapang pamumuhay ng mga residente sa nasabing lugar.

Nahaharap sa kasong murder sa Regional Trial Court ng Calubian, Leyte si Mayor Remedio Balmoria Veloso ng San Isidro, Leyte at kapatid nitong Emmanuel Veloso.

Kaugnay ito sa pagkamatay ni dating San Isidro, Leyte Municipal Administrator Levi Mabini alias “Bambam” nuong May 8, 2019 sa Barangay Capiñahan, San Isidro, Leyte.

Ang reklamo ay una nang ibinasura ng dating piskal mula sa Office of the Provincial Prosecutor kaya’t naghain ng Motion for Reconsideration ang PNP-CIDG na siya namang kinatigan ng piskalya.

Kasunod na rin ito nang masusing pagbusisi ng piskalya sa apela ng complainant gayundin sa mga ebidensyang nakalap ng mga otoridad.

Dawit din sa reklamong murder ang apat pang respondents na sina Cayetano Balmoria Dagandan, Manuelito Balmoria Sidaya, isang John Doe at isang Peter Doe.

Magugunitang nangyari ang pamamaril nuong 2019 mid-term election kung saan sinasabing nanalo lang ng isang boto si Mayor Veloso laban sa dating alkalde na si Susan Ang.

Ipinag-utos ng korte ang pag-aresto sa isang pari bunga ng kasong kinakaharap nito na nag-ugat sa umano’y pangungutya, malisyoso at mapanira nitong mga pahayag laban sa Our Lady Mary Mediatrix of All Grace.

Base sa isang pahinang kautusan ni Presiding Judge Madonna Echiverri ng Quezon City Regional Trial Court (RTC) Branch 81, inaatasan nito ang mga awtoridad na arestuhin si Fr. Winston Cabading ng Archdiocese of Manila Office of Exorcism matapos makakita ng sapat na batayan kasong paglabag sa Article 133 ng Revised Penal Code o offending religious feelings laban sa akusado.

Ang warrant of arrest laban sa pari ay nag-ugat sa reklamo ni dating Sandiganbayan Associate Justice at ex-Commission on Elections Chairman Harriet Demetriou sa QC Prosecutor’s Office.

Nakita umano sa isang video si Fr. Cabading na tila pinagtawanan ang pag-ulan ng mga talutot ng rosas at ang pagkakaroon ng langis sa imahe ng Birhen habang sinasabing kinutya rin ni Cabading sa isang conference ang mga aparisyon ng Birheng Maria sa Lipa City, Batangas noong 1948.

Bukod dito, tinukoy din ni Demetriou sa kanyang reklamo ang pambabatikos ni Fr. Cabading sa serye ng pagpapakita ng himala ng Birhen na nasaksihan ng ilang madre at nakasaad sa umano’y lecture ng pari na pinamagatang “Basic Catholic Theology on Angels and Demons, Angels in Christian Life.”

Ayon sa dating Comelec chief, hindi lang umano ang Our Lady Mary Mediatrix ang kinutya at hinamak ng pari kundi maging ang mga deboto nito.

Iginiit pa ni Demetriou na ang ginawang pagtawag ni Fr. Cabading sa Mediatrix of All Grace bilang ‘demonic’ o may sa demonyo ay “notoriously offensive.”

Samantala, suportado naman ni Fr. Pio Aclon, isang pari mula sa Borongan, Samar, ang pagsasampa ng kaso ni Demetriou laban kay Fr. Cabading.

Papalo naman sa P18,000 ang itinakdang piyansa ng korte para sa pansamantalang paglaya ni Fr. Cabading.

Sinunog ang aabot sa 25,489 marijuana plants na may market value na limang milyong piso sa Maguing, Lanao Del Sur.

 Ayon kay Brigadier General John Guyguyon, Direktor ng pulisya ng Bangsamoro, ni-raid ang planta matapos ipaalam ng mga residente ang laganap na pagtatanim ng marijuana sa nasabing lugar.

 Sinabi ng mga otoridad na ang bukid ay binantayan ng ilang armadong lalaki na nauugnay sa mga teroristang grupong Dawlah Islami-Ya.

 Subalit, nakatakas ang mga salarin matapos maramdaman ang pagdating ng raiding team.

 Sa ngayon, hindi pa matukoy ng municipal police kung sino ang may-ari ng marijuana farm.

Natagpuan ang sunog na bangkay ng isang babae at lalaki sa isang bakanteng lote sa Nasugbu, Batangas noong Sabado.

Ayon kay Nasugbu Police Station Deputy Police Captain Judito Baligod, itinapon lamang sa nasabing lugar ang mga bangkay at posibleng doon sinunog dahil sa nakitang takip ng container ng gasolina.

Hindi pa natutukoy ang pagkakakilanlan ng mga biktima ngunit tinatayang nasa edad 30 hangang 40 taong gulang ang mga ito.

 Nagpapatuloy naman ang imbestigasyon ng mga otoridad at isinailalim na sa otopsiya ang mga bangkay.