Nakatanggap ng P100,000 cash gift ang isang 100-year-old na lola mula sa lokal na pamahalaan ng Quezon.
Kinilala ang centenarian na si Isabel Lagata mula sa Brgy. Binahaan, Pagbilao.
Ipinanganak si Lagata noong Pasko, December 25, 1923, sa Sorsogon at mayroong higit-kumulang 60 na apo.
Ayon sa kanyang kapatid, pagkain ng gulay at pag-inom ng gatas ang sikreto ni Lagata sa pagkakaroon ng mahabang buhay.
Ipinagkaloob ang cash gift sa bisa ng Republic Act No. 10868 o Centenarian Act of 2016.
Arestado ng awtoridad ang tatlong miyembro ng isang drug syndicate sa inilatag na buy-bust operation sa Talaba 3, Bacoor City.
Kinilala ng pulisya ang mga suspek na sina alyas “kuya”, 38-anyos, kasapi ng Velasco Drug Group; alyas “Ronnie”, 46-anyos at alyas “Angelica”, 26- anyos.
Narekober sa tatlo ang tatlong transparent plastic sachet at isang plastic na nakabuhol na pawang naglalaman ng mga shabu na may timbang na 50 grams at may tinatayang halagang {P340, 000
Nakumpiska rin sa mga suspek ang drug money na ginamit sa operasyon at kotseng ginagamit sa illegal na transaksyon.
Arestado ang isang policewoman at kasintahang Army corporal matapos magbenta ng assault rifle at pistol na government property sa mga Civilian Pulis Cotabato City.
Kinilala ng awtoridad ang mga suspek na sina patrolwoman Irish Emoy at Corporal Jaafar Sabturaon
Nasukol ang suspek, hindi kalayuan sa command post ng unit na kinabibilangan ni Sabturaon, ang 1st Brigade Combat Team ng Philippine Army.
Narekober ng mga operatiba ang 5.56 M16 rifle at isang .45 caliber pistol ang dalawa sa entrapment operation sa Barangay Tubon na nagresulta sa kanilang agad na pagkadetine.
Nahaharap ang mga suspek sa kasong paglabag sa Republic Act 10591 na nagbabawal sa pagbenta ng mga baril, mga bala o pampasabog nang walang pahintulot mula sa Philippine National Police.
Isang 13-anyos na estudyante ang dinukot ng 3 katao kabilang ang mismong ina nito at humingi ng P3-milyong ransom kapalit ng kalayaan ng biktima sa Plaridel, Bulacan
Habang naaresto ng pulisya ang 3 suspek na kinilalang sina Maryrose Medina, ina ng binatilyong biktima; Eleonor Bolosco at Adrian Cortez.
Sa inisyal na imbestigasyon at sa salaysay ng ama ng biktima, hindi na bumalik ang anak matapos magpaalam na pupunta lang ito sa bahay ng kaklase
At isang hindi nagpakilalang indibiduwal ang tumawag sa kanyang telepono at nanghihingi ng P3-milyong bilang ransom para pakawalan ang kanyang anak.
Kasunod nito, nagsagawa ng operasyon ang Provincial Intelligence unit ng Bulacan, Anti-Kidnapping group Luzon Field Unit at Hagonoy Police Station sa pamumuno para sa rescue operations.
Nabatid na naibaba naman sa P550,000 ang ransom matapos na magkatawaran.
Nang maibigay ang ransom, agad sinundo ang biktima sa isang fast food chain sa bayan ng Plaridel kasabay ng pagkakaaresto sa mga suspek.
Narekober ng mga awtoridad sa operasyon ang ransom money, at black chevrolet six na gamit ng mga suspek.
Sinasabing puwersahang ginamit ang biktima ng kanyang ina katuwang ang dalawang kasabwat, at palabasing dinukot para ipatubos at makapaghigante umano ito sa kanyang mister.
Dead on the spot ang isang misis matapos pagbabarilin ng kanyang mismong mister sa loob ng kanilang sasakyan sa Cuenca, Batangas.
Kinilala ang mag-asawa sa mga alyas na sina Elsa at Candido
Sa ulat ng pulisya, naganap ang malagim na insidente sa loob ng bahay ng mag-asawa matapos ang kanilang pagtatalo.
Papauwi na umano ang mag-asawa at sumakay sa kanilang sasakyan nang bigla na lamang umano’y binaril ang ginang.
Nang makita ng mister na duguang bumagsak ang kaniyang misis ay agad nitong itinutok ang baril sa kaniyang ulo at ipinutok.
Magkahiwalay na itinakbo sa ospital ang mag-asawa subalit pareho silang hindi na naisalba ng mga doktor.
Narekober ng pulisya ang Caliber 45 pistol na ginamit sa krimen.
Isang security guard na wanted sa pagpatay ang arestado sa Brgy. Poblacion West, Lamut, Ifugao matapos ang halos 20 taong pagtatago.
Kabilang ang 41 anyos na suspek sa listahan ng Most Wanted Persons sa buong bansa dahil sa krimen nitong pagpatay na naganap noong August 2013.
Nasa kustodiya na ng Bureau of Jail Management and Penology-Ifugao District Jail ang suspek para sa wastong disposisyon.
Binawian ng buhay ang isang lineman ng La Union Electric Company matapos itong makuryente habang nag-aayos ng transformer sa San Fernando City, La Union.
Kinilala ang biktima na si Guillermo Laconsay mula sa Barangay Ili Sur, San Juan, La Union.
Batay sa imbestigasyon, inaayos ng biktima ang kanyang safety harness sa electric post nang aksidente nitong mahawakan ang isang live wire.
Isinugod ang biktima sa ospital kung saan ito idineklarang patay.
Nakalubog sa tubig ang ulo at wala ng buhay sa loob ng balon nang matagpuan ang isang pedicab driver malapit sa kanilang bahay sa Tabaco, Albay
Sa imbestigasyon ng Tabaco City Police, posibleng gumising ng maaga para maligo sa balon at maaaring nadulas at una ang ulong nahulog sa balon.
Ayon sa kapatid ng biktima, naka-inom umano ang biktima na kinilala lamang sa pangalang Alwin Calu bago ang insedente
Itinumba ang isang fruit dealer habang ligtas naman ang kanyang asawa nang tambangan sila ng hindi pa nakikilalang riding in tandem sa pagalungan, Maguindanao del Sur
Kinilala ang biktimang si Dong Kusay Balabadan, 40-anyos habang himalang hindi tinamaan ng bala ang asawa nito na si Noraina, 38-anyos.
Ayon sa Pagalungan Municipal Police Station, patungo sana sa kanilang supplier ng mga prutas ang mag-asawa sa pagalungan sakay ng kanilang sasakyan nang tambangan ng mga suspek sa barangay galakit.
Dahil sa mga tama ng bala, nawalan ng kontrol si balabadan sa minamanehong kotse mapunta sila sa madamong gilid ng highway ilang metro ang layo mula sa lugar na pinangyarihan ng krimen.
Tumakas naman ang mga suspek sakay ng kanilang motorsiklo.
Patuloy naman ang backtracking ng mga pulis para matunton ang mga salarin sa pananambang
Pinagtataga ng sariling anak ang isang 64- anyos habang natutulog sa kanilang bahay sa Barangay Aya, Talisay, Batangas
Kinilala ng awtoridad ang biktima na si Maria Rizaldo, nasugatan din ang mga biktima na sina Genalyn Castillo at ang 2 anak nito na isang 15-anyos na lalaki at isang 13-anyos na babae.
Ayon sa Talisay Police, natutulog ang biktima sa sofa ng kanilang bahay nang bigla na lang atakihin ito ng taga ng suspek.
Matapos ang pag-atake sa ina, pinuntahan naman nito ang katabing bahay ng kanyang babaeng pinsan na si Genalyn at pinagtataga rin pati ang dalawang anak nito.
Sa isinagawang imbestigasyon, wala umanong maibigay na dahilan ang suspek kung bakit niya nagawa ang krimen at nabatid na may iskedyul ito na ipasuri sa doktor para sa kaniyang mental condition.
Agad ding naaresto sa follow-up operation ang suspek na si Oliver Rizaldo, 40-anyos.
Nahaharap ang suspek sa parricide at multiple frustrated murder ang suspek.