Niyanig ng magnitude 5 ang bayan ng San Jose sa Occidental Mindoro ngayong umaga ng Martes.
Ayon sa PHIVOLCS, naitala ang sentro ng lindol sa layong 58 kilometro timog-kanluran ng bayan ng San Jose, dakong alas-7:24 ng umaga.
May lalim itong 17 kilometro at tectonic ang pinagmulan.
Wala namang inaasahang pinsala o aftershocks matapos ang nangyaring pagyanig.
Samantala, unang naitala sa magnitude 4.8 ang naturang lindol ngunit itinaas ito ng PHIVOLCS bago mag-alas-9 ng umaga.
Nadakip ng mga awtoridad ang isang dating pulis na kabilang sa listahan ng mga most wanted sa bansa.
Ayon sa Philippine National Police (PNP), naaresto sa isang joint operation ang suspek na si Anecip Lapara Jr., sa Lapaz Street, Barangay 1 Poblacion La Carlota City, Negro Occidental.
Nahaharap si Lapara sa tatlong magkakahiwalay na kasong kriminal dahil sa robbery at illegal possesion of firearms.
Tumakas anila ito mula sa isang pasilidad ng Bureau Of Jail Management And Penology (BJMP) sa Ormoc City habang hinihintay matapos ang pagdinig sa kanyang mga kaso.
Batay sa datos ng PNP, miyembro si Lapara ng Philippine Constabulary Class ’88 at inabsorbed ng PNP noong 1991.
Sinasabing pinamunuan ni Lapara ang isang criminal gang na nago-operate sa Region 7 at 8 matapos umalis sa serbisyo noong 1999.
Humingi ng paumanhin ang Department of Health(DOH) para sa idinulot na kalituhan at panic sa mga residente ng Liloan, Cebu.
Ito ay matapos mapaulat na isang 35 anyos na residente ng Liloan ang nagpositibo sa UK variant ng COVID-19.
Sa ipinalabas na pahayag ng DOH Region 7, kanilang nilinaw na bagam’t tiga liloan ang naturang pasyente, nagpositibo ito sa COVID-19 test habang nasa Metro Manila.
Anila, Enero 17 pa nang magpa-test ang naturang pasyente sa isang private molecular laboratory sa sta. Ana, manila kung saan ito nagpositibo habang lumabas namang UK variant ang taglay nito noong Pebrero 5.
Kaugnay nito, humingi ng paumanhin si Health Undersecretary Maria Rosario Vergeire at binigyang diin na wala silang intensyon na magdulot panic o takot sa mga tiga-Liloan.
Paliwanag ni Vergeire, nakabatay kasi sa ibinigay na address ng pasyente ang ipinalalabas nilang report ng mga kaso ng COVID-19.
Nakapasok na rin ang African Swine Fever (ASF) sa Mac Arthur At Palo sa Leyte.
Ito ang kinumpirma ng Department of Agriculture – Eastern Visayas kung saan naitala ang ASF sa Barangay Causwagan at Liwayway sa bayan ng Mac Arthur at sa Sitio Banug, Barangay Baras sa bayan ng Palo.
Dahil dito sinisikap ng lokal na pamahalaan na mapigilan ang pagkalat ng ASF.
Panawagan sa mga hog raiser, i-surrender ang mga baboy sa loob ng 500 meter radius sa mga apektadong backyard farms para hindi na kumalat pa ang ASF.
Una rito, naitala na rin sa apat na bayan ng Leyte ang kaso ng ASF.
Pinagmartsa ng mga awtoridad mula sa Silay City, Negros Occidental ang 39 na mga idibidwal na walang suot na face mask bilang parusa sa paglabag sa umiiral na health protocols kontra coronavirus disease 2019 (COVID-19).
Sa video na ibinahagi ng Silay Police, makikita na naglalakad ang mga nahuling quarantine violators at hinarap pa umano sa isang kabaong.
Kasunod nito, paliwanag ng acting chief ng Silay City PNP na si Police Major Rollie Pondevilla, kanilang pinaglakad ang mga lumabag sa health protocols dahil hindi kasya ang mga ito sa loob ng istasyon ng pulis, dahilan para hindi masunod ang social distancing.
Matapos nito, bilang first offense, isinailalim sa orientation ang 39 na mga nahuling walang face mask at kalauna’y pinalaya rin.
Niyanig ng magnitude 5.6 na lindol ang Davao Oriental.
Sa inilabas na abiso ng PHIVOLCS, naitala ang naturang pagyanig dakong alas-8 kaninang umaga.
Namataan ang sentro ng lindol sa 67 kilometers timog-silangan ng Governor Generoso.
May lalim itong 8 kilometers at tectonic ang pinagmulan.
Kasunod nito, nagbabala ang PHILVOLCS sa posibleng mga aftershocks matapos ang naturang pagyanig.
Ligtas na at nakauwi na sa kanilang pamilya ang anim na mga mangingisdang ilang araw na nagpalutang lutang sa karagatang sakop ng Occidental Mindoro matapos lumubog ang kanilang bangka.
Batay sa ulat ng Philippine Coast Guard o PCG – Zambales, nasagip ang anim ng kapwa nilang mga mangigisda sa bahagi ng Lubang Island.
Kinilala ang mga nailigtas na mga mangingisda na sina Junrey Beroy, Raymark Rebenito, Marlon Dela Cruz, Glenn Gaga, Gerald Gaga at Manuel Sueta.
Ayon sa isa sa mga nakaligtas na mangingisda, Enero 27 nang pumalaot sila sa karagatan.
Gayunman, inabutan sila ng malakas na alon dahilan kaya nabali ang tatlong katig ng kanilang bangka, tumagilid ito at pinasok ng tubig hanggang sa tuluyan nang lumubog.
Halos dalawang gabi at isang araw aniya silang nagpalutang-lutang sa dagat bago nakita ng mga kapwa nila mangigisda sa tulong ng pinailaw na flare.
Ligtas na at nakauwi na sa kanilang pamilya ang anim na mga mangingisdang ilang araw na nagpalutang lutang sa karagatang sakop ng Occidental Mindoro matapos lumubog ang kanilang bangka.
Batay sa ulat ng Philippine Coast Guard (PCG) – Zambales, nasagip ang anim ng kapwa nilang mga mangigisda sa bahagi ng lubang island.
Kinilala ang mga nailigtas na mga mangingisda na sina Junrey Beroy, Raymark Rebenito, Marlon Dela Cruz, Glenn Gaga, Gerald Gaga at Manuel Sueta.
Ayon sa isa sa mga nakaligtas na mangingisda, Enero 27 nang pumalaot sila sa karagatan.
Gayunman, inabutan sila ng malakas na alon dahilan kaya nabali ang tatlong katig ng kanilang bangka, tumagilid ito at pinasok ng tubig hanggang sa tuluyan nang lumubog.
Halos dalawang gabi at isang araw aniya silang nagpalutang-lutang sa dagat bago nakita ng mga kapwa nila mangigisda sa tulong ng pinailaw na flare.
Pinalagan ng Commission on Human Rights (CHR) ang ginawang pagpaparada ng pulisya sa Negros Occidental sa mga residente nitong nahuli nilang hindi nagsusuot ng face mask.
Ayon kay CHR Spokesperson Atty. Jackie De Guia, bagama’t pabor sila sa pagpapatupad ng health protocols laban sa COVID-19, hindi naman tama na maging ang karapatang pantao ay nalalabag dito.
Sa pagpapatupad aniya ng batas, sinabi ni De Guia na dapat masunod pa rin ang tinatawag na human rights principles kaya’t hindi katanggap-tanggap ang panghihiya na ito ng pulisya.
Nakadidismayang malaman na mismong ang mga alagad ng batas pa ang siyang nangunguna sa panghihiya sa mga Pilipino at ibinibida pa nila iyon online.
Muling niyanig ng malakas na lindol ang Davao Del Sur pasado alas-12:22 kaninang tanghali.
Ayon sa Phivolcs, rumehistro sa magnitude 6.1 ang lakas ng pagyanig kung saan natukoy ang epicenter nito sa layong anim na kilometro timog ng bayan ng Magsaysay.
May lalim itong 15 kilometro at tectonic ang pinagmulan.
Batay sa datos ng Phivolcs, naramdaman ang intensity 5 sa Kidapawan City.
Inaasahang magdudulot ng pinsala sa mga ari-arian at mga aftershocks ang naturang pagyanig.
Sa katunayan, ilang minuto pa lamang nakalilipas ay nakapagtala na agad ng magkakasunod na aftershocks ang Phivolcs.
Unang naramdaman ang magnitude 3 .5 na aftershock pasado alas-12:30 ng hapon, sinundan ng magnitude 2.5 pasado alas-12 34 at magnitude 2.1 pagsapit ng alas-12:41 ng hapon.