RONDA PROBINSYA

Patay ang tatlong hinihinalang miyembro ng New People’s Army (NPA) sa engkwentro sa militar sa Agusan Del Sur.

Ayon sa 402nd infantry brigade, nagsawa noon ng operasyon ang 26th infantry battalion nang makasagupa ang mga hinihilang miyembro ng NPA sa Sitio Damming, Barangay Zillovia sa Talacogon town na tumagal ng limang minuto.

Sinasabing ang mga rebelde ay mula sa guerilla front 88 ng North Central Mindanao Regional Committee.

Nasabat naman ng militar ang ilang armas gaya ng M16 rifle, caliber 38. dalawang granada at iba pa.

Patay ang apat katao kabilang ang dalawang kasalukuyang konsehal ng bayan ng Lasam sa Cagayan matapos tambangan.

Kinilala ang mga biktima na sina Marjorie Salazar, dating alkalde ng Lasam at ngayo’y konsehal;  Eduardo Asuten, dating vice mayor at ngayoy konsehal din,  John Rey Apil at Aiza Manuel.

Ayon kay Lasam chief of police Major Pablo Tumbali, sakay ang mga biktima ng isang SUV at binabagtas ang national highway sa bahagi ng barangay Ignacio B. Jurado nang harangin ng dalawang sasakayan at saka pinagbabaril.

Agad namang isinugod sa ospital ang mga biktima pero idineklara na ang mga itong dead on arrival.

Kasunod nito, nagtatag na ng Special Investigation Task Group (SITG) ang pulisya para mapabili ang imbestigasyon at pagtugis sa mga salarin sa krimen.

Nasabat ng Pambansang Pulisya ang tinatayang nasa 10 toneladang taklobo o giant clams sa Negros Oriental.

Ito’y kasunod ng ikinasang buy bust operation ng pulisya na nagresulta sa pagkaka-aresto ng suspek na iligal na nagbebenta nitoi sa Brgy. Pagatban sa Bayawan City.

Kinilala ni PNP Chief P/Gen. Debold Sinas ang suspek na si Ricardo Dela Cruz na naaresto matapos magbenta ng isang toneladang taklobo na nagkakahalaga ng limang milyong piso sa mga awtoridad.

Pagmamay-ari umano ng isang Yan Hu Liang alyas Sunny ang mga ibinebentang taklobo na nagkakahalaga ng P50 milyong.

Kung ibebenta sa international market ang sampung toneladang taklobo, sinabi ni sinas na posibleng pumalo sa halos P100 milyon ang halaga nito.

Masusing minomonitor ng Baguio City health officials ang mga residente ng lunsod na nagkaroon ng direct contact sa dalawang nagpositibo na UK COVID-19 variant.

Ayon kay Baguio City Mayor Benjamin Magalong, ilan sa kanyang mga constituents ang nakasalamuha ng apo ng unang pasyente ng UK variant na binawian ng buhay.

Nahawaan naman ng COVID-19 ang nasabing apo na ito pero hindi pa matiyak kung UK variant ang tumama sa pasyente.

Samantala, ilan din sa mga locals ng baguio city na kasamahan sa trabaho ng ikalawang  kaso ng  UK variant ang nagpositibo sa COVID-19.

Sa ngayon isinasailalim na sa genome sequenced ang mga samples na nakuha sa mga naturang closed contacts.

Inihayag naman ng Department of Health, na as of February 12,  aabot na sa 44 UK variant cases ang naitala sa buong bansa.

Kinondena ng Pambansang Lakas ng Kilusang Mamalakay ng Pilipinas (PAMALAKAYA) ang anila’y iligal na pag-aresto sa lider ng kanilang grupo sa Caraga region.

Ayon sa PAMALAKAYA, walang katotohanan at gawa-gawa lamang ang kasong isinampa kay Rogelio De Asis, chairman ng PAMALAKAYA-Caraga at national auditor ng grupo.

Itinanggi ng PAMALAKAYA na miyembro ng rebeldeng grupo si De Asis dahil mismong ito ang nakikipag-ugnayan sa operasyon ng pulisya laban sa mga rebelde.

Binigyang diin pa ng grupo, si De Asis ay aktibong tiga pangasiwa ng kanilang regional chapter para isulong ang karapatan ng mga mangingisda at pagbibigay proteksyon sa yamang dagat.

Kaugnay nito, ipinananawagan ng pamalakaya ang agarang pagpapalaya kay De Asis gayundin ang malawakang pagpigil sa mga progresibong grupo sa Mindanao.