RONDA PROBINSYA

Patay ang isang lalaki nang sunugin ng kanyang sariling kasintahan sa Taiwan matapos malaman ng babae na may iba itong kalaguyo.

Kinilala ang biktima bilang sili, 41- anyos.

Batay sa ulat, inutusan ni Li ang kanyang 34 –  anyos na kasintahan na si Xie na bumili ng gasolina para sa kanyang motorsiklo.

Nang makabalik na si Xie, nagtalo ang dalawa nang malaman ng babae na may kabit pala ang lalaki.

Binuhusan ng babae ng binili niyang gasolina ang lalaki matapos siyang hamunin at sinindihan niya ang kasintahan gamit ang lighter.

Binawian ng buhay ang lalaki makalipas ang limang araw dahil sa second hanggang third-degree burns.

Mahaharap ang babae sa kasong attempted murder at public danger.

Samantala, napag-alamang nasangkot ang lalaki noong nakaraang buwan sa isang hit-and-run accident kung saan namatay ang isang motoristang naghihintay sa isang red light.

Tadtad ng bala ng bari lang isang disc jockey sa bar matapos pagbabarilin ng hindi pa kilalang salarin sa Cebu City.

Kinilala ng mga pulis ang biktima na si Junrey Jimeno , 27-anyos

Sa ulat ng Cebu City Police, naganap ang krimen sa kahabaan ng General Maxilom Avenue ng nasabing lungsod matapos lumabas sa bar na pinagtatrabahuhan ang biktima.

Ayon sa kasamahan, pauwi na si Jimeno at kasalukuyang kinukuha nito ang nakaparadang motorsiklo malapit sa isang restaurant sa lugar nang biglang sumulpot ang suspek.

At bigla na lamang pinaputukan ng salarin na lulan ng motorsiklo ang target na napuruhan nito sa ulo bunsod upang duguang bumulagta at tumakas

Hinala ng mga kamag-anak ng pinaslang na DJ ay selos ang hinihinala nilang motibo sa pagpatay sa binata.

Patulyo naman ang backtracking ng mga pulis sa mga CCTV sa lugar para sa pagkakakilanlan ng mga suspek at para malaman ang motibo ng mga salarin

Napaslang ang isang dating barangay kagawad  matapos tambangan ng riding-in-tandem sa kahabaan ng Brgy. Salinas 1, lungsod ng Bacoor sa Cavite

Kinilala ng awtoridad ang biktima na si Eleuterio Calilung III

Sa imbestigasyon ng Bacoor City Police, pauwi na sa kanyang tirahan ang biktima at sakay ng kaniyang sasakyan na nang maganap ang pananambang

Nabatid na binuntutan hanggang sa dikitan ng isang itim na motorsiklo na may sakay na dalawang armadong lalaki ang sasakyan ng biktima habang binabagtas ang lugar at agad siyang pinagbabaril.

Matapos ang krimen, agad na sumibat ang mga suspek sa hindi malamang na direksyon.

Nagsasagawa na ng follow-up operation ang mga pulis upang matukoy ang mga salarin at motibo sa pamamaslang.

Binawian ng buhay ang isang 30-anyos na misis matapos siyang pagsasaksakin ng kaniyang asawa sa Buhi, Camarines Sur.

Sa ulat ng awtorida, sinabing nangyari ang krimen sa bahay ng mag-asawa sa Barangay San Jose Salay.

Ayon sa ilang kapitbahay, nadinig nilang nagtatalo ang mag-asawa bago nangyari ang krimen

Pilit umanong kinukuha ng suspek ang sim card ng biktima.

Hinala ng mga awtoridad, matinding selos ang nagtulak sa suspek para saksakin ang kaniyang kabiyak.

Patuloy na hinahanap ng mga awtoridad ang tumakas na salarin.

Naaksidente ang isang rider na nakainom umano matapos siyang sumemplang sa isang gutter sa Lipa City, Batangas.

Sa kuha ng CCTV, mag-isa at mabilis na binabaybay ng rider na walang suot na helmet ang kahabaan ng lipa-ibaan road.

Ilang saglit pa, gumilid na sa gutter ang motor hanggang sa tuluyan itong natumba, at bumagsak sa bangketa ang lalaking rider.

Isinugod sa ospital ang 38-anyos na rider, na pumanaw kalaunan sa natamo nito sa aksidente

Lumabas sa impormasyon ng pulisya na matindi ang pagkakabagok ng biktima.

Ayon sa mga awtoridad, nakipagkita ang biktima sa isang kaibigan at pauwi na noon nang mangyari ang insidente na tila nakainom ang rider.

Dead on the spot ang tatlo katao mahulog sa bangin ang kanilang sasakyan sa Tuba Benguet

Sa ulat ng tuba police, ang road mishap ay naganap sa Marcos highway sa Sitio Begis, Taloy Sur ng nasabing bayan

Lumalabas sa imbestigasyon na natamaan ng SUV na sinasakyan ng pamilya Marcuap ang isang road signage habang binabagtas ang isang curve at nagtuluy-tuloy ito sa kabilang lane ng highway hanggang sa bumulusok at mahulog sa may isang daang metrong bangin.

Agad namang rumesponde ang awtoridad at mga residente sa lugar, at iniahon ang mga biktima subalit tatlo sa kanila ang patay habang nilalapatan na ng lunas ang mga nasugatan.

Isang referee ang sinasabing sinuntok sa mukha sa isang basketball game sa Pasay City

Kinilala ng awtoridad ang biktima na si Rex Camahalan, referee sa laro ng basketball sa pagitan ng team Abra at team Pasay sa Cuneta Astrodome.

Sinabi ni camahalan na binangga siya ng isa sa mga empleyado ng gobyerno ng Abra sa loob ng dug-out ng stadium.

Ayon sa awtoridad, hindi pa natukoy ang umaatake sa biktima.

Ngunit kinumpirma ng mga pulis na ang umatake ay tagasuporta ng team abra, na nagalit matapos matalo sa laro.

Wala namang plano ang biktima na magsampa ng kaso sa nangyaring pananakit

Sugatan ang isang Barangay Chairman habang nasawi ang kanyang kapitbahay na inawat nito habang nag-aamok sa Basey, Samar

Kinilala ng awtoridad ang biktimang si Chairman Demitriu Ata, 58 – anyos,

Habang nasawi sa insedente ang suspek na si alyas Federico 59 –  anyos nang manlaban ito sa mga awtoridad habang dinarakip sa kanilang bahay.

Sa ulat ng pulisya, rumesponde ang biktima kasama ang isang tanod sa lugar nang isumbong sa kanya ang pag-aamok ng suspek.

Sinubukang pakiusapan ng biktima ang suspek na sumuko pero sa halip na sumunod ay inatake nito ang huli at nanaga.

Tumakas ang suspek pagkatapos ng krimen pero natunton ito ng mga pulis sa kanilang bahay.

Gayunman, sa halip na sumuko ay nanlaban ang suspek na naging dahilan para putukan ito ng mga awtoridad.

Makatatanggap ng tulong pinansyal mula sa provincial government ng La Union ang mga magsasaka at mangingisda na apektado ng matinding tagtuyot.

Sa ilalim ng Agricultural Emergency Trust Fund, mabibigyan ng cash assistance na P8,000 hanggang P10,000 ang mga magsasaka at mangingisda na mayroong bahagya o kabuuang pinsala sa kanilang kabuhayan.

Tinatayang tatlong daan ang matutulungan ng naturang ordinansa na mayroong pondo na P3 million.

Upang makakuha ng tulong pinansyal, kailangang magpadala ng application letter at duly-accomplished application form sa Office of Provincial Agriculturist (OPAG).

Ii-endorso ito sa tanggapan ng agrikultura ng lungsod o munisipyo na magsasagawa ng validation upang matukoy ang aktwal na pinsala na dulot ng El Niño phenomenon.

Sinaksak ng isang lasing na lalaki ang sariling anak sa loob ng kanilang bahay sa Barangay Quezon, Cabugao, Ilocos Sur.

Kinilala ang biktima na si Rowel Urian, 39 – anyos.

Ayon sa awtoridad, saglit na umuwi ang biktima na nagsisilbing chief watchman ng nasabing lugar nang bigla umanong nagwala ang ama.

Sinabi ng asawa ng suspek na si Bernarda Suetos, narinig niyang binalaan ng kanyang manugang ang biktima na huwag lumabas dahil may dalang bolo ang suspek.

Gayunpaman, hindi narinig ng biktima ang babala at hinataw ito ng suspek ng bolo sa kamay.

Agad namang isinugod sa ospital ang biktima at nagpapagaling na

Nakalaya na sa kustodiya ng pulisya ang suspek, at pinag-iisipan ng pamilya kung sasampahan ito ng kaso o hindi.