Dead on the spot ang isang pulis sa Sagay, Negros Occidental, matapos barilin ng kaniyang sariling anak
Ayon awtoridad, nagtatalo ang pulis at kanyang live-in partner sa harap ng kanilang mga anak nang kunin ng bata ang baril ng ama at nagpaputok ng baril.
Ang pulis ay isang 44- anyos na Police Staff Sergeant, at miyembro ng Sagay City Police Station.
Sa ngayon ang bata ay nasa kustodiya ng Women and Children Protection Desk habang patuloy pa rin ang imbestigasyon ng mga pulis.
Patay sa pananaga ang isang 70- anyos na lalaki, na una niyang sinugod at tinaga sa Rodriguez, Rizal.
Kinilala ng awtoridad ang biktimang si Ruben Ladan, habang nakatakas ang suspek na si alyas “Franklin”,’48-anyos, na kapitbahay ng biktima.
Batay sa ulat ng Rodriguez Municipal Police, bigla na lang umanong sinugod ng lasing na biktima, na armado ng itak, ang suspek na noon ay nagpapahinga sa kanyang kubo.
Nauwi ang insidente sa mainitang pagtatalo hanggang sa tagain umano ng biktima ang suspek.
Nagawa naman ng suspek na maagaw ang itak at gumanti ng taga sa biktima ay mabilis na tumakas ang suspek.
Nasawi ang isang mangingisda sa Tigbauan, Iloilo matapos siyang matusok ng “Balo” o needlefish na tumalon mula sa dagat.
Kinilala ng awtoridad ang biktima na si Rudy Tinasas, 59-anyos.
Ayon sa anak ng biktima na kasama sa bangka, tumalon mula sa dagat ang balo na may matulis at mahabang nguso, at tinamaan sa tiyan ang biktima.
Mabilis namang nadala sa ospital ang kaniyang ama pero idineklarang dead on arrival ng mga sumuring doktor
Nasa kritikal na kalagayan ang isang lalaki nang ito ay pasukin sa loob ng kanyang bahay at barilin sa mukha sa harap ng kanyang ka-live in sa Trece Martires City, Cavite.
Kinilala ng pulisya ang biktima na si alyas Efren
Sa imbestigasyon, nasa loob ng kanilang bahay ang biktima kasama ang ka-live in nito nang pumasok ang suspek sa bahay.
Nang makita ang biktima ay agad itong binaril sa mukha at mabilis na tumakas.
Mabilis namang isinugod sa ospital si alyas Efren at inoobserbahan ng mga doktor sa natamo nitong tama ng bala sa mukha.
Nagpapatuloy naman ang imbestigasyon ng mga pulis para matukoy ang pagkakakilanlan ng salarin at motibo sa pamamaril
Patong-patong na kaso ang isinampa laban sa isang bente nueve-anyos na pulis mula sa Iloilo City na nakatalaga sa Cebu City.
Ayon sa awtoridad, ang pulis, na may ranggong patrolman, ay sinuntok umano ang ulo at itinutok ang kanyang service firearm sa isang kasamahan.
Ang biktima, at ang suspek ay parehong nakatalaga sa isang support unit ng Philippine National Police sa Central Visayas.
Napaulat na nasa impluwensya ng alak ang maling pulis nang gawin niya pananakot
Sasampahan ng kasong physical injuries at grave threats pati na rin ang kasong administratibo ang pasaway na pulis
Sugatan ang isang 40-anyos na konsehal ng Masbate City matapos itong pagbabarilin sa kanyang compound sa Barangay Espinosa.
Ayon sa pamilya ng konsehal, nasa duyan ang biktima nang dumating ang dalawang suspek at pinagbabaril.
Nadakip ang dalawang suspek sa checkpoint ng pulisya at nakumpiska sa mga ito ang isang .38 caliber revolver, magazine, kutsilyo, at mga bala.
Nasa kustodiya na ng pulisya ang mga suspek habang patuloy ang imbestigasyon sa kaso upang matukoy ang motibo.
Naniniwala ang pamilya ng biktima, na posibleng may kinalaman sa pulitika ang pamamaril.
Patay ang isang pulis na nagbabantay sa isang checkpoint sa tabing kalsada sa Lamitan City, Cotabato Basilan nang pagbabarilin ng dalawang lalaking sakay ng motorsiklo
Idineklarang dead on arrival si Patrolman Khalid Sali Ahmad ng 1st platoon ng Basilan Provincial Mobile Force Company ng mga doktor
Sa imbestigasyon ng awtoridad, nag-iinspeksyon sa mga sasakyang dumadaan sa kanilang checkpoint si ahmad
Sa kahabaan ng highway sa barangay colonia sa lamitan city, nang dumating ang riding and tandem, at pinagbabaril ang biktima at mabilis na tumakas
Isa ring tinitingnan na naggulo sa pamamaril na ang pag-atake na ikinasawi ni ahmad ay pagganti sa pagkumpiska ng mga awtoridad ng mga loose firearms at narcotics mula sa mga motorista na kanilang na-flag down sa checkpoint.
Nakikipag-ugnayan na ang mga awtoridad sa mga local officials upang matukoy ang mga salarin
Nasamsam ng mga pulis ang abot sa P125, ,508 na halaga ng shabu sa tatlong dealers sa magkahiwalay na buy-bust operations sa Central Mindanao.
Sa ulat ng Police Regional Office-Bangsamoro Autonomous Region, unang na-entrap ng mga operatiba ng Sultan Kudarat Municipal Police Station.
Sina Born Salik Mangacop, 40-anyos, at ang kasabwat na 55-anyos na babaeng si Koraima Maliga, na kilala sa pagbebenta ng shabu sa mga paligid ng mga paaralan.
Naresto ang mga suspek matapos makapagbenta ng P5,508 na halaga ng shabu sa mga tauhan ng pulis na nagpanggap na mga sugapa sa illegal na droga.
Kasunod nito, isang pa umanong dealer ng droga na kilala sa probinsya ng maguindanao del norte at maguindanao del sur na nagbebenta ng shabu sa mga estudyante,
Na kinilalang si Tokel Kadatuan, 31-anyos, ang nadakip ng mga pulis sa Barangay Poblacion 7 sa midsayap sa probinsya ng Cotabato .
Nasa kustodiya na ng mga pulis ang mga suspek at nahaharap sa mga kasong may kaugnayan sa ilegal na droga
23 indibidwal ang dinakip ng awtoridad sa isinagawang raid sa isang iligal na operasyon ng sabungan sa Purok C entro, Barangay Dinahican sa Infanta, Quezon
Isinagawa ang operasyon laban sa mga sabungero na nagtutupada sa pinagsanib na puwersa na pinangunahan ng Infanta Municipal Police Office kasama ang RMFB Pro4A at 1st QPMFC 4th Platoon.
Kasalukuyan nang nasa kustodiya ng Infanta Police Station ang mga dinakip at nahaharap sa kasong paglabag sa Presidential Decree 1602, na partikular na nagbabawal sa mga ilegal na aktibidad ng sabong o “Tupada”.
Dead on the spot ang isang babae matapos madaganan ng malaking tipak na bato na nagmula sa quarry operation sa bahagi ng bundok sa Sitio Pansol, Brgy. Sokol sa Atimonan, Quezon.
Kinilala ng awtoridad ang biktima na alyas Mary, 37- anyos
Ayon sa pulisya, nakahiga sa duyan ang biktima na may layong 3-metro sa ginagawang kalye habang ino-operate naman ng kanyang live-in partner na si alyas Norberto, ang isang backhoe, sa pamamagitan ng cellphone ay tumawag umano si Norberto sa helper na si alyas Yael upang siguruhing walang tao sa ibaba ng bundok kung kaya’t sinabihan ng huli si Mary na umalis sa duyan.
Ipinagkabikit balikat lamang umano ni mary ang babala hanggang sa gumulong pababa ang malaking bato mula sa bahagi ng bundok at nagulungan ang duyan na kinahihigaan ng biktima.
Mabilis na isinugod sa ospital sa ospital ang biktima subalit dahil sa malalang pinsala, gayunman, hndi na naisalba pa ng mga manggagamot ang buhay nito.
Pinag-aaralan ng mga otoridad na sampahan ng reklamo ang contractor ng ginagawang kalye dahil walang mga safety equipments sa kanilang ginagawang konstruksyon.