RONDA PROBINSYA

Binawian ng buhay ang 1 driver habang 9  pang katao ang sugatan nang araruhin ng isang pampasaherong bus ang dalawang bahay saka sumalpok sa puno sa Maharlika Highway sa Pagbilao, Quezon

Ayon sa ulat ng Pagbilao Police, patungo ang bus sa direksyon ng Bicol Region nang magkamali umano ng kalkulasyon ang driver na si alyas “Jay” Sa kurbadang kalsada

At tuluy-tuloy na inararo nito ang dalawang bahay na nasa gilid ng highway saka bumangga sa isang puno

Dahil sa impact, napuruhan ang driver nito habang nagtamo ng mga sugat ang kanyang walong pasahero at isang may-ari ng bahay.

Idineklarang dead-on-arrival sa ospital si alyas Jay dahil sa tinamong malalang pinsala sa ulo at iba’t ibang parte ng katawan.

Nasa maayos nang kondisyon ang walong pasahero at ang may-ari ng isa sa dalawang bahay na inararo ng bus.

Kalaboso ang isang lalaki matapos magpanggap na pulis para maka-libre ng pamasahe sa sinasakyang bus sa Paranque City.

Todo pa ito costume para sa kaniyang panloloko, Pero hindi ito tumalab sa mga pulis na sa sakay din ng bus.

Ayon sa Southern Police District, hindi tugma ang ilang detalye ng police athletic uniform na suot ng lalaki

Hindi na pumalag ang lalaki matapos lapitan ito ng mga pulis at inamin na hiniram niya ang damit para makalibre ng pamasahe

Agad namang humingi ng responde ang pulis sa mga kabaro nito at idenetain ang lalaki sa Parañaque City Police Station.

Mahaharap ang lalaki sa mga reklamong Usurpation of Authority of Official Function at illegal use of uniforms and insignias

Naaresto ng mga tauhan ng Manila Police District-Homicide Section ang 3 perons-of-interest sa natagpuang kahon na may lamang labi ng babae sa Tondo, Maynila.

Sa isinagawang follow-up operation ng MPD-Homicide section, unang nasakote ang courier na nagtapon ng kahon sa bahagi ng kahabaan ng Capulong sa Tondo.

Itinuro naman ng delivery rider ang dalawa pang pangunahin suspek.

Ayon sa courier, pinatapon lamang sa kanya ang kahon at wala siyang kinalaman sa krimen.

Tiniyak naman ni awtoridad, na patuloy ang imbestigasyon ng pulisya upang matukoy ang naging papel ng bawat isa sa pagkakadiskubre sa kahon na may lamang bangkay na kinilala alyas na Jazmine. – sa panunulat ni Raiza Dadia

Dead on arrival ang isang lalaki matapos itong saksakin ng kanyang lasing na kapitbahay na naasar sa maingay nitong pakikipagtalo sa kanyang live-in partner sa San Pablo City, Laguna

Kinilala ang biktima na si Marlon Sarzadilla

Ayon sa report ng San Pablo City Police, nasa loob ng bahay ang biktima kasama ng live-in partner nito nang komprontahin ito ng suspek na kinilalang si Ian Carlo matapos umano itong maasar sa ingay ng pag-babangayan ng dalawa.

Humantong ang pagtatalo ng dalawang lalaki sa pagbunot ng suspek ng patalim at isinaksak sa biktima.

Naidala pa ang biktima sa ospital pero idineklarang dead on arrival sa ospital dahil sa tama ng saksak sa dibdib.

Naaresto ng mga awtoridad ang suspek na nahaharap ngayon sa kasong homicide.

Patay ang isang umano’y notorious snatcher habang sugatan ang kasama nito matapos maaksidente sa kalsada ang sinasakyan nilang motorsiklo

Habang tinatakasan umano nila ang na-snatch na biktima

Kinilala ang mga suspek na sina alyas “Ulyssis,” 31 -anyos, driver ng motorsiklo, at ang angkas nito na si alyas “Andy,”              23- anyos

Ayon sa Mandurriao Police Station, isang 23-anyos na lalaki ang naglalakad sa Q. Abeto street sa distrito ng Mandurriao nang hablutin ni “Andy” Ang bag ng lalaki.

Sumigaw naman ang biktima ng ng tulong na ikinaalarma ng mga delivery rider at tricycle driver na humabol sa motorcycle-riding tandem.

Ngunit nawalan ng kontrol ang driver sa motorsiklo at binawian ng buhay.

Isinugod sa ospital ang driver ngunit idineklara ng attending physician na dead on arrival matapos magtamo ng malalang sugat sa ulo.

Nakaligtas sa aksidente ang angkas nito at nakatakdang sampahan ng kasong pagnanakaw at pagkakaroon ng deadly weapon.

Wala nang buhay nang matagpuan ng awtoridad ang isang babae sa kwarto ng isang lalaking trabahador sa isang radiator shop sa Makati city.

Sa kuha ng CCTV, isang lalaki ang lumabas mula sa kaniyang kwarto para kumuha ng tubig

Ilang sandali lang, lumabas ang lalaki na may buhat nang mga bag at umalis

Ayon sa Makati City Police, ini-report ng katrabaho ng sinasabing suspek ang nakitang bangkay ng isang babae.

Mabilis namang tumugon ang mga pulis,  dito tumambad sa kanila ang biktima na wala ng buhay, nakapulupot ang kawad ng mikropono sa leeg nito, at may saksak din ito sa leeg.

Hinala ng makati police dulot ito ng crime of passion.

Patuloy namang tinutugis ang suspek, na mahaharap sa reklamong murder.

Nakatanggap ng P100,000 cash gift ang isang 100-year-old na lola mula sa lokal na pamahalaan ng Quezon.

Kinilala ang centenarian na si Isabel Lagata mula sa Brgy. Binahaan, Pagbilao.

Ipinanganak si Lagata noong Pasko, December 25, 1923, sa Sorsogon at mayroong higit-kumulang 60 na apo.

Ayon sa kanyang kapatid, pagkain ng gulay at pag-inom ng gatas ang sikreto ni Lagata sa pagkakaroon ng mahabang buhay.

Ipinagkaloob ang cash gift sa bisa ng Republic Act No. 10868 o Centenarian Act of 2016.

Arestado ng awtoridad ang tatlong miyembro ng isang drug syndicate sa inilatag na buy-bust operation sa Talaba 3, Bacoor City.

Kinilala ng pulisya ang mga suspek na sina alyas “kuya”, 38-anyos, kasapi ng Velasco Drug Group; alyas “Ronnie”, 46-anyos at alyas “Angelica”, 26- anyos.

Narekober sa tatlo ang tatlong transparent plastic sachet at isang plastic na nakabuhol na pawang naglalaman ng mga shabu na may timbang na 50 grams at may tinatayang halagang {P340, 000

Nakumpiska rin sa mga suspek ang drug money na ginamit sa operasyon at kotseng ginagamit sa illegal na transaksyon.

Arestado ang isang policewoman at kasintahang Army corporal matapos magbenta ng assault rifle at pistol na government property sa mga Civilian Pulis Cotabato City.

Kinilala ng awtoridad ang mga suspek na sina patrolwoman Irish Emoy at Corporal Jaafar Sabturaon

Nasukol ang suspek,  hindi kalayuan sa command post ng unit na kinabibilangan ni Sabturaon, ang 1st Brigade Combat Team ng Philippine Army.

Narekober ng mga operatiba ang 5.56 M16 rifle at isang .45 caliber pistol ang dalawa sa entrapment operation sa Barangay Tubon na nagresulta sa kanilang agad na pagkadetine.

Nahaharap ang mga suspek sa kasong paglabag sa Republic Act 10591 na nagbabawal sa pagbenta ng mga baril, mga bala o pampasabog nang walang pahintulot mula sa Philippine National Police.

Isang 13-anyos na estudyante ang dinukot ng 3 katao kabilang ang mismong ina nito at humi­ngi ng P3-milyong ransom kapalit ng kalayaan ng biktima sa Plaridel, Bulacan

Habang naaresto ng pulisya ang 3 suspek na kinilalang sina Maryrose Medina, ina ng binatilyong biktima; Eleonor Bolosco at Adrian Cortez.

Sa inisyal na imbestigasyon at sa salaysay ng ama ng biktima, hindi na bumalik ang anak matapos magpaalam na pupunta lang ito sa bahay ng kaklase

At isang hindi nagpakilalang indibiduwal ang tumawag sa kanyang telepono at nanghihingi ng P3-milyong bilang ransom para pakawalan ang kanyang anak.

Kasunod nito, nagsagawa ng operasyon ang Provincial Intelligence unit ng Bulacan, Anti-Kidnapping group Luzon Field Unit at Hagonoy Police Station sa pamumuno para sa rescue operations.

Nabatid na naibaba naman sa P550,000 ang ransom matapos na magkatawaran.

Nang maibigay ang ransom, agad sinundo ang biktima sa isang fast food chain sa bayan ng Plaridel kasabay ng pagkakaaresto sa mga suspek.

Narekober ng mga awtoridad sa operasyon ang ransom money, at black chevrolet six na gamit ng mga suspek.

Sinasabing puwersahang ginamit ang biktima ng kanyang ina katuwang ang dalawang kasabwat, at palabasing dinukot para ipatubos at makapaghigante umano ito sa kanyang mister.