RONDA PROBINSYA

Makatatanggap ng P500,000 pabuya ang sinumang makapagbibigay impormasyon sa kinaroroonan ng murder suspect na si Asnawi “Jojo” Limbona, ang umano’y mastermind sa pamamaril noong January 2, 2024, sa Brgy. Rosary Heights 2, Cotabato City kung saan target ang alkalde na nagresulta sa pagkamatay ni PSSgt. Zahraman Mustapha Dicolano.

Sa panayam kay Datu Odin Sinsuat, Maguindanao del Norte Mayor Lester Sinsuat, nag-ambagan sina Barangay Captain Loaykeit Sinsuat at ang community leaders upang mabuo ang pabuya para sa makakapagturo ng kinaroroonan ni Jojo Limbona.

Iginiit rin ni Mayor Sinsuat, existing pa rin ang arrest warrant na inilabas noong May 6, 2024, ng Cotabato City Regional Trial Court Branch 13 laban sa akusadong si Limbona at tatlong iba pa sa kasong murder na may Case No. 2024-C-15040 kung saan nagpalabas ang RTC Branch 13 ng warrant of arrest laban sa mga akusado.

Sa isinagawang press briefing sa Camp Crame, sinabi ni PNP Public Information Office Chief, PCol. Jean Fajardo na batay sa ulat ng Police Regional Office Bangsamoro Autonomous Region (PRO-BAR) ay hawak pa rin nila ang warrant of arrest na inilabas ng korte laban kina Limbona at tatlong iba pa.

Sa katunayan aniya, itinuring na ng PRO-BAR si Limbona bilang “Most Wanted Person” dahil sa kasong murder na isang non-bailable offense.

Nanawagan din si Fajardo sa publiko na ipagbigay-alam sa awtoridad ang posibleng kanyang kinaroroonan.

“We will make sure that your identity will remain confidential, at itong reward ay talagang ibinibigay natin dahil napakalaking tulong. It’s not all about money kundi iyong malasakit po nila sa kanilang kapwa tao at ang ating hangarin na mabigyan hustisya itong mga naging biktima,” sabi ni Fajardo.

Nagbabala rin si Fajardo sa mga tumutulong at nagkakanlong kay alyas Jojo Limbona na may posibilidad na maharap ang mga ito sa kasong obstruction of justice.

Nabatid na isang buwan matapos lumabas ang arrest warrant ay nananatiling ‘at large’ si Limbona at tatlong iba pang akusado sa kasong murder.

Pormal nang kinasuhan ng isang animal welfare group ang mga suspek na sangkot sa pagpatay sa isang aso sa Pilar, Capiz.

Matatandaang nag-viral kamakailan sa social media ang video ng brutal na pagpatay sa aso kung saan inilambitin ito sa basketball ring at paulit-ulit na pinaghahampas.

Ayon sa social media post ng Capiz Animal Welfare Advocates Inc., sinampahan nila ng kasong paglabag sa Republic Act No. 8485 o Animal Welfare Act ang apat na suspek, kabilang na ang amo ng aso.

Umaasa ang naturang animal welfare group na magsisilbi ang kanilang naging hakbang bilang wake-up call para sa animal abusers at iresponsableng pet owners.

Binawian ng buhay ang isang aso matapos ilambitin sa basketball ring at paghahampasin ng ilang residente sa Pilar, Capiz.

Batay sa kuha ng video, hawak ng isang lalaki ang taling nakakabit sa aso.

Ilang sandali lamang, may isa pang lalaking lumapit sa aso at walang-awang pinaghahampas ito gamit ang isang malaking kawayan.

Napag-alamang mismong Sangguniang Kabataan (SK) Chairman ng barangay ang humampas sa aso hanggang sa tuluyan itong mamatay.

Paliwanag niya, nanghingi ng tulong sa mga residente ang amo ng aso dahil kumakain umano ito ng mga alagang manok at iba pang maliliit na hayop.

Kinondena naman ng ilang animal welfare groups ang brutal na pagpatay sa aso at kinumpirmang handa silang magsampa ng kaso laban sa SK Chairman at sa mga sangkot sa nangyaring krimen.

UMARANGKADA na ang manhunt operations ng Philippine National Police (PNP) laban sa itinuturong mastermind at tatlo pang kasabwat sa pamamaril kay Datu Odin Sinsuat Mayor Lester Sinsuat noong Enero 2.

Kasunod ito ng pag-isyu ng Cotabato City Regional Trial Court Branch 13 ng Warrant of Arrest laban kay Ansawi Limbona, alyas Jojo Limbona, dahil sa kasong murder, pati na rin sa tatlo pang kasama niya.

Pahayag ni PNP Public Information Office Chief, PCol. Jean Fajardo, hindi tumitigil ang Datu Odin Sinsuat Municipal Police Station sa paghahanap upang madakip ang target na suspek at mga kasamahan nito sa lalong madaling panahon.

Dagdag ni Fajardo, dahil nabigo ang pulisya sa unang pagtatangka na maisilbi ang warrant laban kay Limbona, ibabalik muna ito sa Korte at hihintayin ang paglalabas ng alias warrant of arrest para sa kaso, na isang non-bailable offense.

Sa insidente ng pamamaril ng grupo ni Limbona, nasawi ang police escort ni Mayor Sinsuat na si PSSgt. Zahraman Mustapha Dicolano.

Dahil dito, hinikayat ni Fajardo ang publiko na magbigay ng impormasyon ukol sa kinaroroonan ni Limbona at ng kanyang mga kasapakat upang agad malutas ang kaso.

Si Jojo Limbona, dating Board Member ng Maguindanao at asawa ng kasalukuyang Chancellor na si Hejira Nefertiti Mcalandong Limbona ng isang unibersidad sa Mindanao, ay nahaharap din sa reklamo sa Ombudsman dahil sa umano’y paggamit ng kagamitan at koneksyon ng paaralan sa panggigipit sa Brgy. Ambolodto, Datu Odin Sinsuat.

Sugatan ang 43 katao matapos mahulog ang kanilang sinasakyan jeepney sa gilid ng kalsada sa San Roque, Enrile, Cagayan.

Napag-alaman na galing sa isang kasalan sa Tumauini, Isabela ang naturang jeep at pauwi na sana sa bayan ng Enrile nang maganap ang aksidente.

Ayon sa tsuper ng jeep, nawalan ng kontrol ang driver ng jeep at nahulog sa gilid ng kalsada.

Agad namang dinala sa pagamutan ang mga sugatang sakay ng jeepney.

Overlading ang nakikitang dahilan ng pagkahulog ng jeep sa bangin na nasa 3-5 feet ang lalim.

Nagpaabot na rin ng agarang tulong ang local government unit ng nasabing bayan para sa medical assistance para sa mga biktima

Himas rehas ang tatlong lalaki sa Iligan City dahil sa brutal na pagpatay sa isang asong Pinoy o aspin.

Nakuhaan pa ng video ang mga lalaki na nakangiti habang kinakaladkad ang nakataling aso sa motorsiklo.

Nadakip ang mga ito matapos iulat ng isang concerned citizen ang nangyaring krimen.

Ayon sa mga pulis, intensyon ng mga suspek na patayin ang aso.

Idinala ang tatlong lalaki at ang mga labi ng aso sa Iligan City Police Station 1 para sa dokumentasyon at wastong disposisyon.

Mahaharap ang mga suspek sa kasong paglabag sa Republic Act No. 8485 o Animal Welfare Act of 1998.

Patay ang isang Teduray Tribal Chieftain habang sugatan ang kasama nito sa pananambang sa Barangay Tuayan sa Datu Hoffer, Maguindanao del Sur.

Kinilala ng awtoridad ang biktima na si Juanito Pamboy

Si Pamboy, isang Indigenous Peoples Mandatory Representative sa pamahalaang Barangay ng Tuayan, ay kilala sa pagiging suportado sa mga programa ng peacebuilding ng local officials sa datu hoffer, tahanan ng magkahalong mga komunidad ng Moro at Ethnic Teduray communities.

Sa imbestigasyon ng mga pulis, sakay ng motorsiklo ang mga biktima nang pagbabarilin sila ng mga armadong lalaki habang patungo sa kahabaan ng farm-to-market road sa barangay tuayan.

Nasaktan si angit sa pananambang at nagpapagaling sa osipital

Patuloy naman ang imbetigasyon ng mga pulis para matukoy ang motibo sa pamamaril at pagkakakilanlan ng mga salarin

Napaslang ang isang negosyante makaraang tadtarin ng saksak ng tatlong hinihinalang miyembro ng “akyat-bahay gang” sa Brgy. Burol Main, Dasmariñas City.

Nagtamo ng mara­ming saksak sa katawan ang biktima na kinilala sa alyas na Wil

Sa imbestigasyon ng Dasmariñas Police, naganap ang krimen sa mismong tahanan ng biktima.

Lumalabas na habang sakay ang biktima ng kaniyang kotse papasok na ng kaniyang bahay at magpa-park na

Nang biglang lumitaw ang tatlong suspek at pilit na sumakay sa sasakyan nito.

Tinutukan ng mga suspek ang biktima ng baril at patalim bago sinabihan na ituloy ang pagda-drive papasok ng kanyang bahay.

Nang makapasok,  Mabilis na iginapos ang biktima at maging ang kanyang misis na si alyas annie na nadatnan sa loob ng bahay.

At nilimas ang nasa 1,800,000 cash, mga mamahaling alahas at iba pang mahahalagang gamit

Matapos ang pagnanakaw, pinagsaksak pa nila ang biktima saka sila mabilis na tumakas sakay ng kanilang gateaway car

Nagpapatuloy naman ang back tracking ng mga pulis sa mga CCTVs sa lugar para sa pagkakakilanlan ng mga kawatan

Dinampot ng mga otoridad ang isang construction worker sa reklamong panghihipo ng isang 23-anyos na guro sa Talisay City, Cebu.

Batay sa ulat, nangyari ang pangmamanyak sa babaeng titser habang naglalakad ito sa bangketa ng National Highway sa Barangay Bulacao.

Sinasabing papasok na sana sa eskuwelahan para magturo ang nasabing guro nang makasalubong nito ang 28- anyos na suspek.

Nang biglang hinipuan ng suspek sa maselang parte ng katawan ang teacher.

Itinanggi naman ng nasabing construction worker ang bintang sa kanya at nangatwirang hindi niya sinasadyang matamaan ang maselang parte ng katawan ng guro habang naglalakad.

Nahaharap ngayon sa kasong Acts of Lasciviousness ang suspek.

Patay ang isang hinihinalang drug dealer habang isang sibilyan ang sugatan nang tamaan ng ligaw na bala nang mauwi sa shootout ang buy-bust operation PDEA-BARMM sa Luuk, Sulu

Kinilala ang suspek na si Pailan Sahali Jumali nang manlaban matapos mapunang mga hindi unipormadong anti-narcotics agents ang kanyang katransaksyon

Nakumpiska sa opearsyon ang P13.6 -M  halaga ng shabu

Magkatuwang na ina­alam na ng mga kasapi ng PDEA-BARMM, mga intelligence agents ng Sulu Provincial Police Office at Luuk Municipal Police Station ang mga kasabwat ni Jumali sa kanyang malakihang pagbebenta ng shabu sa lalawigan at karatig bayan.