Aabot sa 27.6 milyong pisong halaga ng shabu ang nakumpiska ng mga otoridad sa ikinsang buy-bust operation sa Imus, Cavite noong Miyerkules.
Naaresto ng Philippine Drug Enforcement Agency (PDEA) at Imus City Police ang isang lalaki sa naturang operasyon.
Nasa apat na kilo ang timbang ng nakuhang umano’y shabu mula sa suspek.
Nahaharap ang mga suspek sa kasong paglabag sa RA9165 o Comprehensive Dangerous Drugs Act of 2002.
Patay ang tatlong katao makaraang pagsasaksakin ng isang 18- anyos na lalaki sa barangay Madulao, Catanauan, Quezon.
Batay sa imbestigasyon, kinilala ang mga biktima na si Rosita Lazo, 54- anyos at 16- anyos na babae, Ina at Kapatid ng suspek na si Rey John.
Binawian din ng buhay ang kapitbahay na si Kenesha Angela Alyaga habang sugatan ang isa pa na si Loreta Donor.
Inamin naman ni Rey John na lasing siya at napagalitan ng kaniyang ina kaya nagawa nito ang krimen.
Samantala, nahaharap ang suspek sa kasong Parricide at Double Murder. —sa panulat ni Airiam Sancho
Susubaybayan ng National Bureau of Investigation (NBI) ang mga massage parlor na sangkot sa Human Trafficking sa Cebu City.
Ito’y matapos maaresto ng tauhan ng NBI ang tatlong indibibwal sa ikinasang magkasabay na Counter-Human Trafficking Operation sa dalawang parlor sa H. Cortes St. kung saan nasagip ang 20 babaeng therapist.
Ayon kay Mandaue City NBI Director Arnel Pura, nalaman ng kawanihan na ang dalawang establisyimento ay gumagamit ng mga babaeng therapist para sa prostitusyon.
Napag-alaman din aniya na ang dalawang parlor ay nangongolekta ng P1,700 bilang bayad para sa serbisyo ng isang attendant na higit pa sa ordinaryong massage fee na P300 hanggang P500.
Samantala, sinabi ni Pura na natukoy na nila ang mga may-ari ng dalawang parlor at isinailalim ito sa imbestigasyon para sa posibleng pagsasampa ng mga kasong paglabag sa Republic Act 9208 o ang Anti-Trafficking in Persons Act of 2003. —sa panulat ni Airiam Sancho
Inaresto ng mga tauhan ng Philippine Drug Enforcement Agency (PDEA) ang isang drug pusher na kabilang sa target list sa Barangay Ascomo, Guagua, Pampanga.
Kinilala ang suspek na si Jaime Marquez Roman, 40- anyos.
Nakuha mula kay Roman ang nasa sampung gramo ng hinihinalang shabu na nagkakahalagang 68K, drug paraphernalias at buy bust money.
Nahaharap naman ang suspek sa kasong paglabag sa Comprehensive Dangerous Drug Act of 2002. —sa panulat ni Airiam Sancho
Nagpalabas ng air strike ang militar laban sa mga miyembro Daulah Islamiyah na nasa Maguing, Lanao Del Sur.
Ayon kay Armed Forces of the Philippines (AFP) Spokesperson Colonel Ramon Zagala, ginawa ang air strike sa gitna ng pagsasagawa ng Law Enforcement Operations ng 103rd Brigade at PNP against local terrorists.
Layon ng air strike na maprotektahan ang grupo laban sa mga anti-personnel mines na inilatag ng Daulah Islamiyah.
Tiniyak naman ni Zagala na hindi gulo ang dahilan ng air strike dahil nais lamang nitong maipatupad ang safety laban sa terorismo. -sa panulat ni Abigail Malanday
Arestado ang 21 suspek sa ikinasang buy-bust operation ng mga otoridad sa Cavite.
Kabilang sa mga inaresto ay sina Armando Arca y Francisco, 52-anyos; Rafael Adarayan y Quibenes, 44-anyos; Jasper John Adarayan y Estrada, 20-anyos; Alinader Alikan y Mamocarao, 36-anyos; Leo Bacay y Dichosa, 41-anyos; Jamal Imam y Alonto, 30-anyos; Gary Busante y Pagiridan, 42-anyos; Jordan Sanchez y Sunga, 39-anyos; alyas Alikan; alyas Bacay; alyas Imam; alyas Sanchez; alyas Soraliza; alyas Tagle; alyas Rodriguez; alyas Javinal; alyas Elpidio, alyas Edward, alyas Benjur; alyas Gigi at alyas Cherry Anne.
Ayon sa mga otoridad nasa mahigit P1.4 Million ang halaga ng nakumpiskang shabu sa mga inarestong suspek na ngayon ay nahaharap sa Republic Act 9165 o Comprehensive Dangerous Drugs Act of 2002. —sa panulat ni Angelica Doctolero
Patay sa pamamaril ng riding-in-tandem ang dalawang Tinapa vendor sa North Cotabato.
Kinilala ang mga nasawing biktima na sina Pepito Sobrepeña, 57-anyos at ang Store helper nito na si Juner Alconera, 26-anyos.
Base sa imbestigasyon ng mga otoridad, nagbabantay ang dalawa sa kanilang tindahan sa tabi ng kalsada sa Bayan ng Pikit ng biglang may huminto na isang motorsiklo sakay ang dalawang salarin.
Dito na pinagbabaril ang dalawang biktima na agad isinugod sa ospital pero idineklara ding dead-on-arrival.
Inaalam na Pikit Municipal Police Station kung ano ang motibo at pagkakakilanlan sa mga salarin. —sa panulat ni Angelica Doctolero
Patay ang isang Delivery boy matapos mabaon sa mga utang dahil sa pagkalulong sa Online sabong.
Base sa imbestigasyon ng mga otoridad, nakita nalang nakabitin ang katawan ng 29-anyos na biktimang hindi pinangalanan gamit ang isang lubid sa isang Pomelo Tree na matatagpuan sa bukiring bahagi ng San Vicente, Buguey, Cagayan.
Bukod pa dito, nakita rin ang isang suicide note sa naturang lugar na nagsasaad ng paghingi nito ng tawad sa kaniyang malaking pagkakautang na nagkakahalaga ng P200K na ginamit niya para pang talpak o pang taya sa online sabong.
Patuloy pang iniimbestigahan ng mga otoridad ang pagpapakamatay ng biktima dahil narin sa sintas ng sapatos na nakatali sa kanyang dalawang kamay. —sa panulat ni Angelica Doctolero
Sugatan ang isang babae matapos siyang sasaksakin sa likod ng kaniyang partner nang tumangging makipag-sex sa General Nakar town sa Quezon Province.
Ayon sa general Nakar police, kinilala ang nasugatan na si Caren Joy Garcia, 25-anyos at partner nitong si Dexter Adornado, 25-anyos rin.
Nagbunga ng pagtatalo ang pagtanggi Caren sa sex kaya sinaksak ito sa likod ni Adornado.
Agad namang dinala sa Claro M. Recto hospital ang biktima habang pinaghahanap na ang suspek matapos makatakas.—sa panulat ni Abby Malanday
Arestado ang isang lalaki na itinuturing na Top 5 Most Wanted Person sa Central Visayas sa Bohol.
Kinilala ang suspek na si Raindro Gabas Buno alyas “Wally, Bigbig at Sendoy”, 48-anyos na inaresto sa Barangay San Roque Sa Talibon, Bohol.
Ayon kay Bohol Police Provincial Office (BPPO) Police Dir. Colonel Osmundo Salibo, inaresto ang suspek sa anim na Arrest warrant para sa kasong Murder at Attempted Murder na inilabas ng Regional Trial Court Branch 101 ng Talibon at RTC Branch 51 ng Carmen.
Nabatid na walang bail na inirekomenda sa kasong Murder pero may piyansang P120K bawat isa sa anim na bilang ng Attempted Murder.
Napag-alaman na dati umanong miyembro ng New People’s Army’s Squad 2, Sandatahang Yunit Pampropaganda Platoon ng Bohol Party Committee ang suspek na ngayon ay dinala na asa sa Talibon Police Station. —sa panulat ni Angelica Doctolero