RONDA PROBINSYA

Aabot sa 150 bahay ang tinupok ng apoy sa Barangay 10-B, Aplayang Munti sa Cavite City.

Batay sa ibinahaging video ni Cavite City Vice Mayor Denver Chua, ikinuwento ng ilang residennte na nagsimula ang sunong nang biglang mag-brownout sa nasabing lugar.

Nagmistulang liwanag sa kalangitan ang naganap na sunog dahil sa taas ng apoy.

Ayon naman kay Cavite Provincial Fire Director Supt. Rene Bullos, itinaas pa sa ikatlong alarma ang sunog bago ito naapula dahil Dikit-dikit at gawa sa light materials ang mga bahay kaya mabilis na kumalat ang apoy.

Wala namang naitalang nasawi o nasugatan sa nangyaring insidente.

Sa ngayon, inaalam pa ng otoridad ang halaga ng pinsala ang bilang ng mga residenteng apektado. —sa panulat ni Abie Aliño-Angeles

Nagtamo ng sugat ang kasalukuyang alkalde ng Infanta, Quezon na si Filipina Grace America matapos ang tangkang ambush.

Ayon kay Quezon Governor Danilo Suarez, nangyari ang pamamaril habang nasa loob ng sasakyan ang alkalde matapos dumalo sa isang misa.

Agad namang dinala sa Claro M. Recto Memorial Hospital sa nasabing bayan si America dahil sa minor injury at nakatakdang lumipad patungong ospital sa Metro Manila.

Narekober naman ng pulisya sa pinangyarihan ng insidente ang pitong basyo ng hindi pa malamang kalibre ng baril. —sa panulat ni Abie Aliño-Angel

Patay ang isang matandang backrider habang sugatan ang asawa nito matapos aksidenteng masalpok ang kasalubong tricycle sa kahabaan ng highway sa lalawigan ng Quezon.

Kinilala ang mga biktima na sina Eutillo na nagtamo ng mga sugat sa iba’t ibang bahagi ng katawan habang idineklarang dead on arrival si Susana Rado.

Ayon sa mga saksi sa lugar, mabilis na binabagtas ang highway ng dalawang biktima ang motorsiklo at nasalpok ang minamanehong tricycle ni  Sander Calusin.

Sa lakas ng pagkaka-bangga tumilapon ang angkas na lola at tumama ang ulo sa espaltadong kalsada

Agad naman dinala sa ospital ang sugatang motorcycle rider sa ospital at nilalapatan ng lunas. —sa panulat ni Kim Gomez

Kalaboso ang apat na babae matapos biktimahin ang isang pulis sa modus na sangla-sasakyan sa isinagawang entrapment operation sa Cavite.

Kinilala ang mga suspek na sina Ana Cathrina Tenorio Paule, Mary Joy Reyes Patente, Joan Reyes, at Analiza Sy Milan.

Ayon sa mga otoridad, kinausap ng apat na suspek ang pulis at isinasangla ang dalang sasakyan na may mga dokumento.

Pero lingid sa kaalaman ng mga suspek, nagpunta ang pulis sa pulis station upang suriin ang mga papeles ng sasakyan at dito lumalabas na hindi pag-aari ng isa man sa apat na suspek ang sasakyan.

Narekober sa mga suspek ang suv na nakarehistro sa isang Nerissa De Guzman Yuson, iba’t ibang driver’s license, mga papeles ng sasakyan at ang perang ginamit sa transaction.

Nahaharap sa kasong  Estafa Through Falsification of Public Documents ang mga suspek. —sa panulat ni Kim Gomez

Kalaboso ang dalawang high value target (HVT) sa isinagawang buy bust operation sa Nueva Ecija.

Kinilala ang mga suspek na sina Jeric Valdez, 27 anyos, empleyado ng LGU ng Science City ng lalawigan at nakatira sa Brgy. Balante; at Arvin Duran, 24 anyos, isang kolektor

Nakuha sa mga suspek ang tatlong plastic sachet ng hinihinalang shabu na aabot sa 0.24 grams at nagkakahalaga ng 3,000 piso, motorsiklo na may plakang AE19965, at isang android phone.

Sasampahan ang dalawang suspek ng kasong paglabag sa RA 9165 o Comprehensive Dange-Rous Drugs Act of 2002. —sa panulat ni Kim Gomez

Arestado ang dalawang lalaki matapos mahulihan ng mga pulis ng humigit-kumulang 45,000 pisong halaga ng marijuana sa isang resort sa Oriental Mindoro.

Ayon sa mga operatiba, kinilala ang mga suspek na sina Gerald Olila, 31 anyos, at Eugenio Olila, 35 anyos.

Hindi sinabi ng mga pulis kung paano magkamag-anak ang mga suspek, na parehong high-value target ng PDEA-MIMAROPA.

Nakuha sa mga suspek ang humigit-kumulang 65 gramo ng marijuana at ilang drug paraphernalia.

Mahaharap sa kasong paglabag sa Comprehensive Dangerous Drugs Act of 2002 ang mga suspek. —sa panulat ni Kim Gomez

Patay ang isang drug courier habang sugatan ang isang pulis sa pamamaril sa isinagawang buy bust operation sa Zamboanga City.

Kinilala ang suspek na si Puruti Taraji, kilala rin bilang bosing habang ang nabaril na pulis ay si Patrolman Ronevil Batal.

Nakuha sa suspek ang apat na kilo ng shabu na nasa mga kahon ng green tea na tinatayang nasa mahigit sa 27 milyong piso at isang 9-MM caliber na baril.

Nagtamo ng sugat sa ulo si Batal at isinugod sa pinakamalapit na ospital upang malapatan ng lunas. —sa panulat ni Kim Gomez

Nangunguna ang Kidapawan City sa North Cotabato sa mga tuntunin ng pagpapatupad ng pagbabakuna.

Ito’y dahil sa pinalakas na pagpapakalat ng impormasyon at kampanya para sa pagbabakuna

Batay sa pinakahuling datos ng vaccination coverage report ng Department of Health (DOH) sa SOCCSKSARGEN, nasa 108,418 indibidwal na ang fully vaccinated o 85% ng kabuuang target na 128,244 sa Kidapawan City.

Pumangalawa ang Tacurong City sa lalawigan ng Sultan Kudarat na mayroong 66,404 na ganap na nabakunahan o 78.82% ng target na 84,250.

Samantala, sinimulan na ng munisipalidad ng M’lang sa North Cotabato ang kanilang kampanya sa pagbabakuna para sa humigit-kumulang 12,000 mga bata na may edad lima hanggang labing isang taong gulang.

Batay sa pinakahuling datos mula sa Municipal Health Office ng M’lang, humigit-kumulang 76.69% ng target na populasyon ang fully vaccinated na kontra COVID-19. —sa panulat ni Kim Gomez