RONDA PROBINSYA

Duguan at wala ng buhay nang matagpuan ng awtoridad ang isang 19-anyos na dalaga sa kalsada matapos na saksakin sa likod ng isang 32-anyos na babae na kanyang naka-away sa Tanza, Cavite.

Kinilala ng pulisya ang biktima na si Christel Hermosa Maumay habang naaresto naman ang suspek na kinilala lamang sa alyas Julie.

Sa ulat ng pulisya, natagpuan duguan ang biktima na nakahandusay sa kalsada.

Batay sa nakasaksi, nakita niyang nagtatalo sina maumay at alyas julie kung saan sa pagtalikod ng biktima ay dito na ito inundayan ng saksak ng suspek.

Sa follow-up ng pulisya agad din itong naaresto ang salarin at narekober ang patalim na ginamit sa krimen

Inaalam pa ng pulisya ang posibleng motibo at relasyon ng biktima at suspek.

Isang malamig na bangkay na nang matagpuan ng awtoridad ang isang miyembro ng LGBTQIA+ community sa loob ng isang Inn sa Cagayan de Oro.

Ayon sa pulisya, bago ang insidente, nag-check in umano ang 40-anyos na biktima kasama ang tatlong binatilyo, mga 17 hanggang 20-anyos.

Makalipas ang tatlong oras, napilitang buksan ng room attendant ang silid matapos walang sumagot nang kumatok siya sa pinto.

Ang biktima ay natagpuang walang buhay sa ilalim ng kama at nakatali ang mga paa.

Ngunit wala na ang tatlong lalaki sa silid at nawala rin ang sasakyan ng biktima na nakaparada malapit sa inn.

Hinala ng awtoridad na pagnanakaw ang motibo sa likod ng insidente.

Isinailalim sa autopsy ang bangkay ng biktima upang matukoy ang sanhi ng kamatayan.

Patuloy ang imbestigasyon sa insidente upang matukoy at maaresto ang mga salarin.

Isang sunog ang tumama sa isang bahay sa Barangay Matalava, Lingayen, Pangasinan na ikinamatay ng isang guro at asawa nitong isang nurse.

Natagpuan ang dalawa na sunog at yakap ang isa’t isa matapos ang kanilang bahay ng sunog.

Ayon sa kanilang mga kaanak, sumiklab umano ang apoy habang natutulog ang mag-asawa, at sinasabing nakarinig sila ng pagsabog.

Inaalam pa ng lingayen fire station ang sanhi ng sunog na tumagal ng mahigit 30 minuto.

Samantala, nagbiga ng mga relief packs, family kits, at gamot sa mga biktima ng sunog habang pinoproseso ang tulong pinansyal.

Patay ang 34-anyos na lalaki matapos malunod sa Naga City sa kasagsagan ng taunang Traslacion ng Nuestra Señora de Peñafrancia.

Ayon sa awtoridad, bago mangyari ang insidente, nasangkot ang biktima sa suntukan laban sa tatlong indibidwal.

Hinabol ng mga ito ang biktima hanggang sa pinangyarihan ng insidente kung saan nahulog ito sa tulay sa Naga River.

Isinugod pa sa ospital ang biktima  ngunit idineklarang dead on arrival.

Maliban sa nasawi, hindi bababa sa sampu ang nasugatan sa nasabing prusisyon na bingiyan ng agarang atensyong medikal.

Tatlong bangka ang tumaob sa gak-ang island dahilan para malunod ang isang 62-anyos na boatman habang nasagip ang 20 turista sa Panglao, bohol.

Kinilala ang nasawi na bangkero na si Avenito Vistal.

Sa imbestigasyon ng Philippine Coast Guard-Western Bohol, tumaob ang mga bangkang de motor dahil sa masamang panahon.

Ang mga bangka — RBCA Margie 2, RBCA Plaza 2, at RBCA Leah Mae — ay nagmula sa Balicasag Island para sa diving at snorkeling tour.

Gayunpaman, nang sila ay babalik na sa Panglao Island, ang mga bangka ay hinampas ng malalaking alon at malakas na hangin malapit sa Gak-Ang Island o cat Island.

Karamihan sa mga pasahero ay mga koreano na nasa mabuting kalagayan na matapos ang insedente.

Naagnas na at nakasilid sa sako nang matagpuan ng awtoridad ang labi ng isang walong-taong-gulang na batang babae ang natagpuang nakasilid sa sako at naaagnas na sa Taytay, Rizal.

Sa salaysay ng ina ng biktima sa pulisya, inakala nito na ang batang si Rylai Kaye Barrun nasa kanilang silid.

Ngunit ilang oras na ang nakalipas, wala pa rin ang bata. Kaya hinanap ito sa mga kapitbahay na maaaring nakakita sa kaniya.

Nang suriin sa CCTV camera sa kanilang lugar, nakita nakikipaglaro pa ang bata sa kanilang kapitbahay.

Ngunit iyon na pala ang huli na makikita niya ang anak nang matuklasan ng mga residente ng lupang arenda ang isang sako at doon nakita ang kaniyang bangkay.

Nakumpirma ring ginahasa ang biktima at pinatay sa sakal matapos isalalim ang biktima sa autopsy.

Kaagad namang nabunutan ng tinik ang pamilya ng biktima matapos mahuli ng mga pulis ang suspek.

Pinaalalahanan ng pulisya ang publiko na maging mas mapagbantay sa mga religious place matapos looban ng grupo ng mga mandurukot ang isang babae sa loob ng Basilica Minore Del Santo Niño Church sa Cebu City.

Sa kuha ng video, taimtim na nagdadasal ang isang babae sa harap ng tirikian ng mga kandila nang biglang dumami ang mga tao sa paligid niya at dahan-dahan siyang pinalibutan.

Nang may isang ginang ang lumapit sa likod ng biktima at dahan-dahang dinukot sa bag ang gamit nito sinubukan pa niyang itago ang kilos sa pamamagitan ng pagtakip ng sumbrero sa kanyang braso.

Nang makuha nito ang pakay, kaagad itong umalis sa lugar na parang walang nangyari

Nagmamadali namang umalis ang tatlo sa mga umano’y kasabwat nito habang nagtitirik ng kandila ang tatlo nila pang kasama bago umalis.

Natangay ng mga ito ang cellphone ng biktima.

Iniimbestigahan na ng Waterfront Police Station ang insidente at tukoy na ang lima sa anim na suspek base sa kanilang mga naunang record.

Nabatid na ang mga suspek ay sangkot din sa aktibidad ng ilegal na droga.

Hindi inakala ng isang babae na ang ginagawa nitong pakikipaghiwalay sa pulis na karelasyon ang magiging sanhi ng kanyang kamatayan at nadamay ang isa pa nitong kasamang babae matapos silang pagbabarilin ng kaniyang boyfriend sa Bislig, Surigao Del Sur.

Kinilala ang mga nasawi na sina Janeth Besa, 25-anyos at Karyl Mae Abanggan, 21-anyos

Nadakip naman ng kanyang mga kabaro ang suspek si Police Master Sergeant Kenneth Cacho, kasapi ng Provincial Drug Enforcement Unit ng Davao Oriental Provincial Police Office.

Ayon  sa Bislig City Police Office, nakipaghiwalay si Besa kay Cacho dahil sa mayroon umano itong asawa hanggang sa nagkrus ang kanilang landas sa nasabing lugar.

Habang kumakain ang mga biktima nilapitan sila ng suspek at kinausap ng huli si besa na nauwi sa mainitang pagtatalo hanggang sa bumunot ng baril si Cacho at pinagbabaril ang dalawa.

Nagpapatuloy naman ang ginagawang imbestigasyon ng mga awtoridad sa nasabing krimen at posibleng maharap sa patong-patong na kasong kriminal ang suspek.

Patay ang isang lalaki matapos umanong pagtulungan pagsasaksakin ng mag-ama makaraan ang pagtatalo dahil sa larong pool sa Pamplona, Cagayan.

Kinilala ang biktimang si Francis Mangibunong, 20-anyos.

Nadakip naman ang mag-amang suspek na kinilalang sina Rexie Baluscang, 52-anyos at anak nitong si Richtofen Baluscang, 22-anyos.

Lumabas sa imbestigasyon ng pulisya, bago ang krimen naglalaro ng pool ang biktima at isang James Mangrubang at natalo ang isa sa mga ito na nauwi sa mainitang pagtatalo.

Habang nasa gitna ng pagtatalo sumali ang suspek na si Richtofen na humantong sa suntukan at nasugutan sa ulo.

Mabilis na tumakbo pauwi sa kanilang bahay ang batang suspek at nagsumbong sa kanyang ama at pagbalik ng mga ito may bitbit na kutsilyo at pinagsasaksak sa dibdib ang biktima.

Dinala pa sa ospital ang napuruhang biktima subalit idineklara itong patay ng umatending doktor.

Dahil sa konsensya, sumuko ang mga suspek sa pulis na  nahaharap sa kasong homicide.

Patay ang dalawa katao bahang pito pa nilang kasamahan ang sugatan matapos silang tamaan ng kidlat habang nakasilong sa kubo sa Davao City.

Kinilala ang mga nasawi na sina alyas “Emalou,” 49-anyos, at alyas “Neneng,” 53-anyos

Ayon sa awtoridad, nag-aani ang mga biktima sa sakahan nang bumuhos ang malakas na ulan kaya nagpasya silang sumilong sa kubo ngunit pinuntirya ng kidlat ang kanilang sinisisulungan.

Dalawa ang idineklarang dead on arrival sa ospital habang ang iba ay nagpapagaling pa.