Arestado ang limang katao na hinihinalang sangkot sa dynamite fishing sa bayan ng Mariveles, Bataan.
Ayon kay Bataan Maritime Police Station Chief Police Major Leoncio Alcantara, ang mga pawang taga-Cavite na susper ang gumagawa ng kanilang blasting caps na ginamit sa naturang aktibidad.
Samantala, tumangging magbigay ng pahayag ang mga suspek. —sa panulat ni Airiam Sancho
Arestado ang apat na wanted sa Central Luzon matapos ang ikinasang manhunt operation ng mga otoridad sa Olongapo City.
Kinilala ang mga suspek na sina Mark Fernandez, 28 anyos, taga-Bataan na nahaharap sa kasong sexual assault.
Kasong rape naman ang ipinataw kay Bryan Soria, 19 anyos, residente ng Mabalacat Pampanga habang kasong pagnanakaw ang isinampa laban kay Joan Maglalang, 39 anyos na mula sa Bulacan Province.
Nadakip din si Ryan Sugue, 41 anyos, residente ng Barangay Amungan, Iba, Zambales na nahaharap sa three counts ng paglabag sa Violence Against Women and Their Children Act at two counts ng paglabag sa Anti-Child Abuse Act. —sa panulat ni Airiam Sancho
Inalis na ng lokal na pamahalaan ng Davao City ang pandemic restrictions nito at mananatili na lamang ang minimum health standard bilang public requirement sa lugar matapos isailalim ng IATF sa Alert level 1.
Para sa mga land, sea at air travel, maaaring dumaan ang mga residente at hindi residente sa mga border ng lungsod nang walang kinakailangang mga dokumento, maliban sa mga lugar na dapat magpakita ng I.D.
Sinuspinde na rin nito ang QR code para sa contact tracing at wala ng lockdown na ipinatutupad ngunit kailangan mag-isolate ang magpopositibong indibidwal sa COVID-19.
Samantala, sinimulan ng naturang LGU ang pagluluwag sa mga restriction nito matapos na patuloy na makapagtala ng mababang bilang ng arawang kaso COVID-19 mula noong nakaraang buwan. —sa panulat ni Airiam Sancho
Naharang ng pamahalaan ng Negros Occidental ang pagpasok ng mahigit P5.4-M halaga ng manok at mga produkto nito sa kanilang lugar.
Ayon kay Provincial Veterinarian Renate Decena, nasamsam ang nasa 27, 377kg ng nasabing produkto pagdating sa Bacolod Silay Airport, mga daungan sa Bacolod at Escalante City gayundin sa mga checkpoints sa Kabankalan City.
Una nang ipinag-utos ni Governor Eugenio Jose Lacson ang 16 na araw na pagbabawal sa pagpasok ng naturang alagang hayop at mga produkto mula sa lahat ng rehiyon sa bansa hanggang Marso a-15 bilang pag-iingat sa mga kaso ng Bird flu sa ilang lugar sa Luzon. —sa panulat ni Airiam Sancho
Patay ang isang motor-rider matapos mabagsakan ng container van sa Pastor Road sa Barangay Pallocan West sa Batangas City.
Kinilala ang biktimang si Franklin Masilungan, 44-anyos na isinugod pa sa ospital pero hindi na umabot ng buhay.
Base sa imbestigasyon ng mga otoridad, minamaneho umano ng isang Herwin Ador ang truck nang mahulog ang container van na tumama muna sa kable ng telepono bago bumagsak sa biktima na nakatigil noon sa gilid ng kalsada.
Dahil dito, nahaharap sa kaukulang reklamo ang driver na si Ador. —sa panulat ni Angelica Doctolero
Binaha ang ilang kalsada sa mga lalawigan ng Eastern at Northern Samar dahil sa malakas na pag-ulan nitong mga nakaraang araw.
Ayon sa Department of Public Works and Highways, kabilang sa isinara ang isang bahagi ng highway sa barangay bigo sa bayan ng Arteche, Eastern Samar na nag-uugnay sa Northern Samar.
Pinapayuhan ang mga motorista na dumaan sa alternatibong ruta na Lapinig-Jipapad road.
Sa bayan naman ng Lope De Vega, Northern Samar, nalubog din sa tubig ang kalsadang nag-uugnay sa Catarman City, hanggang Calbayog City, Samar.
Ang walang tigil na pag-ulan simula noong linggo ay dulot ng low pressure area na naka-aapekto sa Visayas at Mindanao.
Masayang inanunsiyo ng Provincial Government of Albay (PGA) ang tuluyang pagbaba ng kaso ng mga tinatamaan ng COVID-19 sa kanilang lalawigan.
Base daily monitoring ng Department of Health-Bicol, naitala sa lalawigan ang walong araw na ‘Zero COVID-19 cases’ dahil sa mataas na bilang ng mga pasyenteng nakakarekober sa nakakahawang sakit.
Sa ngayon halos 10K na ang bilang ng nakarekober sa COVID-19 dahil narin sa patuloy na pagbabakuna ng mga residente. —sa panulat ni Angelica Doctolero
Nakapagtala ng 3.68% ng fatality rate ang lalawigan ng Bicol matapos maitala ang 2,167 na bilang ng mga nasawi sa unang linggo ng Marso.
Ayon sa lokal na pamahalaan, pinakamataas na bilang ng mga nasawi ay ang Camarines Sur na mayroong 512; sinundan ito ng Sorsogon na may 472; Albay na may 465; Naga City na may 224; Camarines Norte na may 206; Catanduanes na may 116; Legazpi City na may 93; habang pinakamababa naman ang death toll sa Masbate na may 74.
Sa ngayon, nasa mahigit 10 indibidwal nalang ang naitatalang karagdagang bilang ng mga nasawi sa rehiyon bunsod narin ng mababang kaso nitong mga nakalipas na linggo. —sa panulat ni Angelica Doctolero
Nahaharap ngayon sa reklamong pambubugbog ang dalawang lalaki matapos ireklamo ng kanilang sariling asawa sa Brgy. San Manuel, Puerto Princesa City.
Kinilala ang isang inireklamo na si alyas Rodel 37-anyos na nanakit umano sa kaniyang kinakasama na si Marites Dela Peña 40-anyos na nagtamo ng mga bukol sa ulo at sugat sa leeg.
Base sa imbestigasyon ng mga otoridad, magkasamang nag-inuman ang dalawa kung saan, naunang umuwi si alyas Rodel sa kanilang bahay.
Dito na nagselos ang suspek at natagpuan nalang ng mga otoridad ang kaniyang kinakasama na duguan at umiiyak.
Samantala, isang insidente din ng pananakit ang naitala sa Purok Buhanginan sa Brgy. San Manuel kung saan sinuntok umano ng isang mister ang kanyang misis sa mukha.
Ayon sa lalaking suspek, sinundo siya sa inuman ng kaniyang asawa pero hindi siya sumunod.
Dito na siya pinaghahampas ng kaniyang asawa dahilan para siya ay gumanti sa kaniyang asawa.
Inihahanda na ng mga otoridad ang isasampang reklamo ng mga biktima laban sa mga akusado. —sa panulat ni Angelica Doctolero
Arestado sa mga otoridad ang dalawang sangkot umano sa iligal na droga matapos ikasa ang buy-bust operation sa Malabon City.
Kinilala ang mga suspek na sina Charlene Sapio alyas “Chacha”, 25-anyos at Jasmine Lopez, 27-anyos.
Nabatid na nagsagawa ang mga operatiba ng Station Drug Enforcement Unit (SDEU) ng buy bust operation sa C4 road, Brgy., Tañong sa nabanggit na lungsod matapos makatanggap ng impormasyon mula sa isang concerned citizen hinggil sa iligal na pagbebenta ng shabu ng mga suspek.
Dito na nagpanggap na poseur buyer ang isang under cover na pulis kung saan, nang makumpirma ang pakikipagtransaksiyon ng mga suspek ay dito na sila dinampot ng mga pulis.
Nakuha sakanila P500 halaga ng shabu, marked money mula sa poseur-buyer, 2.9 grams ng hinihinalang shabu na may standard drug price na P19,720.00.
Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002. —sa panulat ni Angelica Doctolero