RONDA PROBINSYA

Isa patay habang mahigit 426 healthcare workers ang tinamaan ng COVID-19 sa loob ng dalawang taon sa Quezon Medical Center sa Lucena City.

Ayon kay QMC Director Dr. Rolando Padre, kabilang dito ang 78 doctors, 169 nurse, 49 nursing aides, 14 midwifes, 20 porters at encoders, 72 admin staff, 6 radiologic technicians at 18 medical technologists.

Karamihan naman aniya sa mga nahawaang healthcare workers ay hindi na kailangang dalhin sa ospital at nananatili lamang ang mga ito sa bahay o nakahiwalay hanggang sa sila ay gumaling.   – sa panulat ni Airiam Sancho 

Natagpuan ang putol-putol na katawan ng isang lalaki sa bahagi ng Brgy. San Jose, bayan ng Rodriguez, lalawigan ng Rizal.

Ayon kay Rodriguez Municipal Police Station Chief of Police, P/LtC. Marcelino Pipo, nakilala ang biktima na si Ramil Jugar, 38 anyos at residente ng Brgy. Muzon, bayan ng Taytay.

Natagpuan ang chop-chop na bangkay ni Jugar sa bahagi ng Zigzag road sa Don Mariano Avenue bunsod ng isang tawag na natanggap ng Pulisya.

Nakasilid ang magkakahiwalay na bahagi ng katawan ni Jugar tulad ng ulo, paa, braso at torso sa 4 na kulay itim na garbage bag nuong umaga subalit.

Bagaman inaalam pa ang motibo ng mga salarin, naniniwala si Col. Pipo na posibleng matinding galit ang dahilan ng karumal-dumal na krimen.

- ulat mula kay Jaymark Dagala (Patrol 9) 

Arestado ang isang lalaki matapos na nanghalay ng katrabaho sa isang operasyon sa Valenzuela City.

Kinilala ang suspek na nasa most wanted list ng mga otoridad na si Alyas, Juayno.

Ayon sa Valenzuela City Police, hinainan ng warrant of arrest ang suspek dahil hinalay niya ang bente dos anyos na katrabaho sa kanilang work barracks.

Nabatid na si Juayno ay supervisor umano ng babaeng biktima, ayon sa pulisya.

Sa ngayon ay hinahanda na ang return warrant ni Juayno kung saan maaari siyang makapagpiyansa sa halagang P120K. –  sa panulat ni Mara Valle 

Patay ang 2 siklista matapos mabangga ng isang van sa Pasay City kahapon ng umaga.

Base sa imbestigasyon ng mga otoridad, nagpapahinga sa may bangketa sa Seaside Boulevard ang mga biktima nang biglang mag-U-turn ang isang van saka sumalpok sa mga siklista sa nasabing lugar.

Dead on the spot ang isa sa mga siklista matapos pumailalim sa van habang itinakbo naman sa ospital ang isa pang biktima pero binawian din ito ng buhay.

Sa nakuhang impormasyon ng mga otoridad, lasing at walang lisensiya ang 18-anyos na driver ng van, na mahaharap ngayon sa patong-patong na kaso.

Samantala, sugatan naman ang 19-ayos na siklista matapos mabangga ng isang jeep sa isang cycling race event sa Sorsogon.

Kinilala ang siklista na si Xyrus Dela Cruz na nagtamo ng mga injury sa kaliwang binti at braso na swerte namang nakaligtas sa internal problem.

Inaresto na ang driver ng jeep pero ayon sa Ama ng biktima, na handa silang makipag-areglo o ayusin ang kaso kung mangangako ang naturang tsuper na tutulong sila sa mga gastusin para sa pagpapagamot ni Xyrus.

Nagbigay narin ng mahigit isang daan at P50-K ang Project Director na si Bernadette Guerrero ng Ronda Pilipinas, na siyang nag-organisa sa nasabing cycling race na napag-alaman na kulang umano sa mga tauhan matapos ikasa ang aktibidad. —sa panulat ni Angelica Doctolero

Arestado ang 2 drug suspek sa ikinasang drug buy-bust operations ng PNP Drug Enforcement Group ( PDEG) sa Zone 9, Brgy. Bulua sa Cagayan de Oro City ala-singko kinse kahapon ng hapon.

Kinilala ni PDEG Director, P/BGen. Randy Peralta ang mga naaresto na sina Lelet Tumala Daga na taga Brgy. Punta Macabalan at Ted Sherwin Seniel Casensa na taga Zone 3 Brgy. Patag.

Nakuha mula sa kanila ang aabot sa 150 gramo ng shabu na nagkakahalaga ng humigit kumulang 1,020,000 piso, 1 libong pisong ipinatong sa ginamit na boodle money, cellphone na ginagamit sa transaksyon at mga ID.

Agad dinala sa Special Operations Unit ng PDEG sa Region 10 ang mga naaresto at sinampahan sila ng kasong paglabag sa Republic Act 9165 o Comprehensive Dangerous Drugs Act of 2002.

Arestado ang isang 41 anyos na lalaki matapos paulit-ulit na gahasain ang anak ng kaniyang kinakasama sa bayan ng Baliuag, Bulacan.

Kinilala ang suspek na si alyas King habang itinago sa pangalang “Twinnie” ang dalagitang grade 8 student.

Ayon sa imbestigasyon, nagulat ang ina ng bata na nagtatrabaho sa isang resto bar nang madatnan na magkatabi sa kama ang kaniyang anak at kinakasama.

Kinompronta nito ang kinakasama at tinanggal ang kanilang kumot hanggang sa makita na kapwa walang saplot ang dalawa.

Dito, inamin ng biktima sa kaniyang ina pwersahan siyang ginagahasa ng step father tuwing wala ito sa bahay o nasa trabaho at pinagbabantaan na papatayin kapag nagsumbong ito sa mga otoridad.

Samantala, nahaharap sa kaukulang kaso ang suspek.  —sa panulat ni Airiam Sancho

Apat na katao ang patay matapos sumalpok ang sinasakyang kotse sa isang puno at nagliyab sa Barangay Anquiray, Amulung, Cagayan.

Kinilala ang mga nasawi na sina Nicole Molina, drayber ng kotse, Oliver Taganna Jr., Benjie Pascual at Michael Indita.

Batay sa imbestigasyon ng pulisya, pauwi na umano ang mga biktima nang mawalan ng kontrol ang nasabing sasakyan kaya bumangga ito sa isang poste bago sa isang malaking puno.

Mabilis din na kumalat ang apoy sa sasakyan at wala nang nakalabas mula rito.

Samantala, natukoy ng mga otoridad ang pagkakakilanlan ng mga biktima mula sa kuha ng CCTV nang sumakay ang mga ito sa kotse. —sa panulat ni Airiam Sancho

Patuloy na nakararanas ng aftershocks sa bahagi ng Lubang Island sa Occidental Mindoro matapos tumama ang Magnitude 6.4 na lindol kahapon.

Batay sa datos ng Philippine Institute of Volcanology and Seismology (PHIVOLCS), nakapagtala sila ng humigit kumulang 140 na mga aftershocks sa nakalipas na 24 oras.

Naglalaro ang lakas nito sa magnitude 1.3 hanggang 4.3 sa bawat pagyanig na naramdaman sa nabanggit na panahon.

Kasunod niyan ay iniulat ng National Disaster Risk Reduction and Management Council (NDRRMC) na 2 kabahayan na tinutuluyan ng 2 pamilya ang apektado ng naturang lindol bagaman wala namang naitalang casualties.

Patuloy na nagbabala ang NDRRMC na asahan pa rin ang mga aftershocks lalo’t ang pagyanig ay tectonic in origin dulot ng paggalaw ng Manila Trench. —ulat mula kay Jaymark Dagala (Patrol 9)

Patay sa engkwentro ang limang indibidwal sa pagitan ng mga pulis at suspek sa labas ng isang sabungan sa Calatagan, Batangas.

Kabilang sa mga nasawi ang isang pulis, tatlong suspek at isang sibilyan habang sugatan naman ang isa pang sibilyan.

Ayon sa mga tauhan ng Philippine National, kinilala ang nasawing pulis na si Patrolman Gregorio Panganiban, na nagtamo ng tama ng bala ng baril sa dibdib.

Base sa imbestigasyon, sabado nang makatanggap ng tawag ang Calatagan-PNP tungkol sa iligal na aktibidad ng mga suspek.

Nang rumesponde ang mga pulis sa lugar, agad na nagpaputok ng baril ang mga suspek dahilan ng pagkamatay ni Panganiban.

Gumanti naman ng putok ng baril ang mga pulis at napatay ang mga suspek na nakilalang sina Joel Herjas, Rolly Herjas, at Gabriel Bahia.

Patay naman matapos tamaan ng ligaw na bala ang isa sa dalawang sibilyan na kinilalang si Mayumi Dunaway, 19-anyos habang sugatan ang isa pang sibilyan na kinilala namang si Joselito Carlum, 45-anyos.

Ayon sa mga otoridad, target umano ng mga suspek si Lian Town Councilor Michael, na administrador din ng sabungan.

Sa ngayon, nagpahayag na ng pakikiramay ang PNP sa nasawing sibilyan. —sa panulat ni Angelica Doctolero

Patay matapos malunod sa ilog ng Balatan, Camarines Sur ang tatlong batang magpipinsan.

Sa imbestigasyon ng mga otoridad, nangyari ang trahedya sa isang ilog sa Barangay Luluasan sa nasabing lugar.

Kuwento ni Lola Lorna Andaya, inaya ng isang 4-anyos na bata ang kaniyang tatlong pinsan na edad tatlo at apat pero kinalaunan, ang nag-ayang bata na lamang nag iisang umuwi.

Ayon sa kaanak ng mga biktima, hindi sumasagot ang bata nang tanungin kung nasaan ang kaniyang mga pinsan.

Nang pinilit nila itong kausapin ay dito na umamin ang bata na nalunod ang kaniyang mga pinsan sa ilog.

Agad na pinuntahan ng mga kaanak ang lugar pero hindi na nila naisalba ang buhay ng tatlo biktima.

Pinag-aaralan ngayon ng barangay na magpasa ng ordinansa para ipagbawal ang paliligo sa naturang ilog para maiwasan ang anomang trahediya. —sa panulat ni Angelica Doctolero