NATIONAL NEWS

Ipinanawagan ni Assistant Minority Leader at Gabriela Partylist Rep. Arlene Brosas sa administrasyon na hanapan ng pondo ang  P15,000 na subsidiya sa produksyon ng mga magsasaka na apektado ang lupang sakahan ng pananalasa ng bagyong Karding.

Ayon kay Brosas maaari aniyang kunin ang pondo para rito sa contingent fund at bahagi ng unprogrammed fund na nakalaan para sa cash assistance ng mga magsasaka ng palay.

Isusulong din ng mambabatas na maisama nasabing subsidiya para sa nasa  9.7-M magsasaka at mangingisda sa panukalang 2023 budget.

Nabatid na batay sa pinakahuling tala ng Department of Agriculture (DA) nasa 1.7 milyong ektarya na ng pananim ang pinsalang dulot ng bagyo sa LUZOn at  halos  1.5 milyong ektarya mula dito ay sakahan ng palay.

Habang aabot naman sa  nasa 75. 83% naman ang  kabuuang  pinsalang maidudulot nito sa mga palayan   at 52.37 percent sa mga maisan  ayon sa ahensya. –  sa ulat ni tina Nolasco (Patrol 11)

Magpapadala ang pamahalaan ng generator sets sa mga lalawigan ng Nueva Ecija at Aurora, matapos mawalan doon ng kuryente dahil sa pananalasa ni super typhoon Karding.

Sa isang Twitter post sinabi ni Pangulong Ferdinand Marcos Jr.,  na sa kanyang gjnawang aerial inspection, napag-alaman niyang wala paring kuryente sa mga lugar na ito.

Kaya naman ayon sa punong ehelutibo, agad niyang inatasan ang mga kinauukulang ahensya ng gobyerno na magpadala doon ng gensets.

Kabilang din ani Pang. Marcos Jr. sa patuloy na  nararanasang problema ng mga apektadong residente sa Nueva Ecija at Aurora ang kawalan ng suplay ng tubig.  – sa ulat ni Jopel Pelenio (Patrol 17)

Nagsagawa ang engineering at operations team ng Manila International Airport Authority (MIAA) ng clearing operations sa Ninoy Aquino International Airport (NAIA) complex.

Partikular na ginawa ang clearing operations sa airside at landside areas ng NAIA.

Layon nito na matiyak na walang foreign object debris na mahihigop ang makina ng mga eroplano mula sa runway.

Maaari kasi itong magdulot ng malaking pinsala sa makina ng eroplano.

Bagama’t may mga natumbang puno sa paligid ng paliparan, hindi naman ito nagdulot ng pinsala sa NAIA complex.

Wala ring naitalang water at power interruptions sa NAIA terminals kaya ngayong araw na ito ay balik na sa normal na operasyon ang paliparan.

Kinansela ng Metropolitan Manila Development Authority (MMDA) ang operasyon ng Pasig River ngayong araw, September 26.

Ito’y dahil pa rin sa panahong dulot ng typhoon Karding.

Sinabi ng MMDA na patuloy nilang binabantayan ang sitwasyon sa Metro Manila at iba pang lugar.

Sa ngayon, nasa red alert ang mmda bilang paghahanda sa epekto ng nasabing bagyong Karding.

Maliban dito, naghahanda na ang mmda ng mga rubber boat para magamit sa isasagawang rescue sa mga pamilyang maaaring maapektuhan ng super typhoon Karding.

Patuloy na nagkakasa ang mga tauhan ng Metropolitan Manila Development Authority (MMDA) at Department of Environment and Natural Resources (DENR) sa Manila Bay Dolomite Beach at Baseco Beach.

Ito’y matapos mahakot ang sako-sakong basura matapos ang pananalasa ng bagyong Karding.

Habang walang tigil ang mga tauhan ng Manila Department of Public Service para tuluyan ng matanggal ang mga basura sa Baseco beach.

Nabatid na dahil sa nasabing bagyo at ilang araw na pag-uulan, lumutang ang iba’t-ibang klase ng basura tulad plastic, mga sirang kahoy o gamit at iba pa sa mga nabanggit na beach.

Wala pa ring suplay ng kuryente ang mga lalawigan ng Nueva Ecija at Aurora sa gitna pa rin ng pananalasa ng super typhoon Karding.

Ayon kay  Department of Energy (DOE) Secretary Raphael Lotilla, ilan sa mga sa Tarlac, Zambales, Pampanga, at Quezon ay apektado rin ng kawalan ng kuryente.

Ngunit nilinaw naman ni Lotilla na kahit magbalik-operasyon ang mga transmission line ay dapat na maisaayos din ng mga electric cooperative ang kanilang pasilidad para masuplayan muli ng kuryente ang mga kabahayan at establisyimento.

Samantala, sinisikap naman ng DOE na maibalik ang mga bumagsak na linya ng kuryente sa mga nabanggit na lugar.

Patay ang limang rescuers sa bulacan matapos malunod habang rumeresponde sa bayan ng San Miguel sa gitna ng pananalasa ng bagyong Karding.

Ayon kay San Miguel Mayor Roderick Tiongson, ang mga biktima ay kabilang sa Bulacan Provincial Disaster Risk Reduction and Management Office.

Nabatid na idineploy ang PDRRMO members bandang alas-4 ng umaga upang sagipin ang ilang residente sa barangay Tigpalas at Camias.

Tiniyak naman ni Bulacan governor Daniel Fernando ang pagkakaloob ng tulong sa pamilya ng mga nasawing rescuer.