EXPLAINERS

Ano ang gagawin mo kung bigla na lang mamatay ang laptop mo sa kalagitnaan ng online exam?

Ganyan ang nangyari sa isang estudyante sa University of Georgia.

Kung ano ang buong kwento, alamin.

Sa isang post sa application na X, ibinahagi ng 20-year-old Economics student na si Sam Lee ang kakaibang experience niya habang nagsasagot ng exam.

Aniya, kumakain daw siya ng tinapay na may palamang meatballs habang nakaharap sa kanyang laptop nang biglang may mahulog na meatball sa keyboard nito at awtomatikong naisubmit ang kanyang exam kahit na hindi pa siya tapos magsagot.

Mas inalala pa raw niya na baka masira ang kanyang laptop ngunit nagsimula ring kabahan dahil hindi na niya makita ang exam sa screen at sinubukan pang i-reterieve ito ngunit wala na siyang nagawa.

Nagdesisyon si sam na gumawa ng email para sa kanyang professor pagkalipas ng anim na oras na pag-iisip ng paraan at ipinadala iyon kinagabihan.

Ipinaliwanag niya sa email ang nangyari at nag-attach din ng pictures bilang proweba.

Lumabas din na 39% lang ang nakuha niya sa exam at kung kaya naman humingi siya ng tyansa na mag-retake nito at sinabing nag-aaral siya nang mabuti para sa subject.

Kinabukasan ay nakatanggap si sam ng reply mula sa professor at binigyan ng extension hanggang madaling araw para tapusin ang nasabing exam.

Pabiro pang rekomendasyon ng professor na sagutan niya ang test bago o pagkatapos niyang maghapunan.

Sa kaparehong araw na iyon ay muli siyang nag-take ng exam at nakakuha na ng mataas na grado.

Umani naman ng iba’t ibang reaksyon ang post ni sam na hindi niya inaasahang mag-va-viral. Ang iba ay humanga sa kabaitan ng propesor habang may pumuna rin sa pagkain niya habang nag-eexam.

Ikaw, anong masasabi mo sa kakaibang rason na ito kung bakit bumagsak ang estudyante sa exam?

Ang isa sanang masayang bakasyon ng magkakaibigan, nauwi sa hindi inaasahang trahedya sa dagat.

Kung ano ang nangyari, alamin.

September 26 nang magpunta ang 68-year-old na U.S. citizen na si Colleen Monfore kasama ang kanyang mga kaibigan at pinasyalan ang dagat sa palibot ng Palau Reong Island.

Habang nasa tubig ay tinangay daw ng malakas na alon si Monfore at hindi na siya nasagip ng kanilang guide pabalik sa bangka na nagresulta sa walong araw na search operation.

Ngunit isang mangingisda sa Timor-Leste ang nakahuli at nakapatay sa isang pating, 120 km ang layo mula sa kung saan huling nakita si Monfore.

Sinabi ng mangingisda na inakala niyang nakalunok ng plastic o fishing net ang nahuling pating dahil hindi maganda ang kondisyon nito kung kaya naman biniyak ang tiyan nito para alamin ang problema.

At doon na natagpuan ang bangkay ng isang babae.

Bukod sa isang katawan, mayroon ding wetsuit at bathing suit na nakita sa katawan ng pating na nakumpirmang pag-aari ni Monfore, ngunit inaalam pa rin daw ng awtoridad kung mayroon pang ibang nawawalang mga tao.

Sinabi naman ng head of the Regional Technical Implementation Unit for the Management of the Alor Islands na si Muhammed Saleh Goro, ang bangkay daw na natagpuan sa loob ng katawan ng patay na pating ay natagpuan sa Timor-Leste at hindi sa teritoryo ng Indonesia.

Sa isang pahayag naman ay sinabi ng spokesperson ng United States na aware sila sa pagkamatay ng U.S. citizen at nagpahatid ng pakikiramay at nagbigay ng consular assistance.

Samantala, pinaniniwalaan naman ng asawa at mga kaibigan ni Monfore na medical issue ang naging sanhi ng pagkamatay nito at sinabi pa na ito raw ay isang excellent diver.

Ang mga opisyal naman ng coast guard ay nakipag ugnayan sa Indonesian coast guard at humingi sa mga taong nawawalan ng mga kaibigan o pamilya ng mga impormasyon.

Ikaw, anong masasabi mo sa biglaang pangyayari na ito?

Ano ang gagawin mo kung ang mga alagang hayop na pinakaiingatan mo ay matagpuan mo na lang na walang buhay?

Ganyan ang nangyari sa isang farm sa Parecis sa Rondonia, Brazil.

Kung ano ang kwento, alamin.

Sa isang video, makikita ang napakaraming baka na tabi-tabing nakabulagta sa damuhan.

Kung titignan ay akalain na natutulog lamang ang mga ito ngunit ang totoo, patay na pala ang mga ito at naninigas na ang mga katawan!

Sa ganyang kondisyon inabutan ng caretaker ng Vila Basco ang 98 sa mga alaga nilang baka sa farm.

Ayon sa caretaker, bumuhos daw ang malakas na ulan na may kasamang kidlat isang araw bago ang pangyayari.

Hanggang sa nakita na lang daw nito na patay na ang mga baka matapos magsagawa ng routine inspection.

Ang parecis pala ay isang mataas at mabundok na lugar kung kaya may posibilidad na tumama sa lupa ang kidlat na maaaring naging sanhi para makuryente nang sabay-sabay ang mga baka.

Gayunpaman, malaking problema pa rin sa farm ang pagkamatay ng mga baka kahit may iilan na lang ang nakaligtas.

Ikaw, ano ang gagawin mo kung ikaw ang makaranas nito?

Ano ang mararamdaman mo kung pagpunta mo sa isang lugar ay sasalubungin ka ng mga mannequin na namumuhay na para bang mga tao?

Katulad na lang sa isang village sa Japan kung saan nagkalat ang mga ito. Kung ano ang buong kwento, alamin.

Sa isang maliit na village ng Ichinono sa Japan, naninirahan ang hindi hihigit sa 60 residente at isang bata.

Ngunit kung para sa karamihan ay ideal ang magkaroon ng kakaunting kapitbahay at tahimik na environment, para sa mga residente sa nasabing village ay mas maganda ang maraming tao.

Kung kaya naman, gumawa sila ng mga manika na kasing laki ng mga tao upang makita at maramdaman ang pagkakaroon ng busy at mataong lugar.

Hindi lang iyan, binihisan pa nila ang mga ito at nakaporma na para bang ginagawa rin ang pang araw-araw na gawain ng mga tao katulad ng pagba-bike, paglalaro sa swing, at paglilinis.

Ayon sa isang 88-year-old resident na si Hisayo Yamazaki, malamang daw ay mas marami na ang mga mannequin kaysa sa kanilang mga tao na nakatira sa village.

Aniya pa, ang mga anak ng mga matatandang residente ay nag-aaral sa mga kolehiyo na isang oras ang layo dahil sa takot na baka hindi na maikasal ang mga ito kung mananatili sa maliit na village.

Ngayon, ang mga anak daw nila ay hindi na muling bumalik pa at nakakuha na ng trabaho sa ibang lugar.

Sinabi naman ng 74-year-old na si Ichiro Sawayama na Head ng Governing Body ng Ichinono, mauuwi na lang daw sila sa extinction kung ang village ay mananatili sa ganoong sitwasyon.

Samantala, nangako naman ang bagong elected na Prime Minister na si Shigeru Ishiba na tutulungan niyang i-expand ang mga rural areas sa Japan kung saan kabilang ang Ichinono sa mga komunidad na may mga residente na 65 pataas.

Ikaw, ano ang masasabi mo sa kakaibang kwento na ito?

Ang mga painting, sculptures, at digital art ang ilan sa mga tipikal na art forms na nakikita natin na naka-display sa museums. Pero ang isang direktor, may kakaibang paraan ng paggawa ng portraits.

Kung ano ito, alamin.

Aakalain mo ba na ang isa nang writer at film director gaya ni Niall Shukla ay kahanay na rin ang mga kilalang World’s Best Cracked Glass Artist ngayon?

Nagsimula ang paggawa ni niall ng physical art nang maghanap siya ng paraan upang i-detach ang kanyang sarili sa kaniyang pagiging direktor.

Ang glass art na ginagawa niya ay metikuloso raw ang proseso at kinakailangan ng sobrang pag-iingat dahil isang maling pagtama lang daw ng hammer at chisel na ginagamit para gawin ito ay agad na masisira ang imahe at mauuwi sa pagkaulit.

Aniya, ilang piraso ng salamin ang nagagamit bago ma-achieve ang portrait.

Agad namang nakakuha ng 4 million views si Niall nang ipost niya sa social media ang isa niyang likha makalipas lang ang apat na araw.

At nang sumunod na taon ay nakakuha siya ng 100,000 subscribers sa kanyang social media accounts at doon na siya nakilala bilang isang artist.

Si Niall ay isang self-taught artist at hindi inaasahan na magkakaroon ng successful na career sa paggawa ng glass art.

Ikaw, ano ang masasabi mo sa talentong ito ni Niall?

Ang paghiga at pagtulog ang isa sa pinakahihintay ng mga tao sa tuwing magtatapos ang bawat araw.

Kung kaya naman, madalas ding reklamo o nakakaapekto sa araw-araw na gawain ang kakulangan sa tulog dahil sa hindi sapat na pahinga ng katawan at isip.

Pero para sa isang babae sa Vietnam, hindi ito problema dahil tatlong dekada na raw siyang hindi natutulog?

Kung paano ito nangyari, alamin natin.

Sa probinsya ng Long An sa Vietnam, isang 49-year-old na mananahi ang tinatawag na ‘the seamstress who never sleeps.’

Ito si Nguyen Ngoc My Kim.

Aniya, sa kanya mismo nanggagaling na ilang dekada na siyang hindi natutulog at hindi raw ito nakakaapekto sa kanyang kalusugan.

Nakasanayan na raw ni My Kim ang magpuyat dahil sa hilig niyang magbasa tuwing gabi at nagtuluy-tuloy ito nang magsimula siyang maging mananahi dahil sa pag-aalala na hindi makumpleto ang kanyang orders.

Noong una raw ay hindi siya nakakaramdam ng antok hanggang sa tuluyan na nga siyang hindi nakatulog matapos itong makasanayan sa loob ng ilang buwan at inabot na nga ng taon.

Ngunit mayroon daw siyang kinaharap na mga problema nang magsimula siyang magtrabaho tuwing gabi katulad ng ilang beses na pagkakamali sa pagtatahi, pagkaramdam ng pagod at pagkahilo, at nakaranas pa ng ilang aksidente sa kalsada.

Samantala, ang ilang dekadang insomnia ni My Kim ay hindi pa raw diagnosed. Sinabi niya na ito raw ay dahil lagi siyang nakikita ng mga tao na nagtatrabaho mula umaga hanggang gabi kung kaya mabilis na kumalat ang rumor at hindi nagtagal ay nakilala siya dahil dito.

Bilang resulta, marami ang bumibisita sa kanyang patahian sa long cang upang alamin kung totoo ba ang sabi-sabi.

Hindi naman ito alintana ng mananahi at welcome ang mga turista dahil lagi naman daw bukas ang kanyang pinto.

Ikaw, kaya mo rin bang makatagal ng tatlong dekada nang hindi natutulog?

Kilala ang mga Pilipino dahil sa hilig at galing sa pagkanta at dala-dala pa nga ito kahit saan magpunta at anuman ang okasyon.

Pero nakasanayan na natin ang mga tipikal na kanta na mayroong lyrics mula sa umpisa hanggang sa matapos ang kanta.

Kaya naman, kakayanin mo bang mag-perform ng kanta na wala o halos wala nang lyrics katulad ng ginawa ng singer na si Jona?

Kung ano ang buong pangyayari, alamin natin.

Sa isang performance sa isang sunday variety show, pinatunayan ni Jona ang bansag sa kanya na ‘Asia’s Fearless Diva’ dahil sa pagbirit na controversial song ng 90s band na Sugar Hiccup.

Naging kontrobersyal ang kantang ‘Five Years’ dahil sa pagiging kakaiba nito. Kung bakit? Ito ay puno lang naman ng melody at halos walang lyrics!

Sa isa namang interview, ibinahagi ng vocalist ng sugar hiccup na si melody del mundo na ang kantang ‘five years’ ay nagsimula sa isang trip lang ng kanilang banda!

Ang melody daw nito ay nanggaling sa kanya habang ang tanging limang salita sa lyrics nito na ‘but he will never be’ ay nagmula sa kanilang bassist.

Umani naman mula sa netizen ng maraming papuri ang online videos ng performance na ito ni jona at mayroon pang nagsabi na nabigyan ng justice ang kanta, lalo pa at iba’t-ibang emosyon ang ibinibigay ng kanta na ito dahil ito ay patungkol sa isang babaeng nawalan na ng pag-asa na siya ay babalikan pa ng kanyang kasintahan.

Pati ang kapwa niya singers na sina Klarisse de Guzman at Morissette Amon ay hindi napigilang ipakita ang pagkamangha dahil sa mapanindig balahibong performance ni Jona.

Ikaw, anong masasabi mo sa mahusay na performance na ito?

Uuwi ka na lang ba at palalagpasin ang mga kaganapan kung biglaang bumuhos ang ulan habang nasa concert?

Ganyan ang nangyari sa isang katatapos lamang na concert sa Ormoc.

Kung ano ang nangyari, alamin natin.

Sa isang video na ngayon ay mayroon nang 8.5M views, makikita ang malakas na pagbuhos ng ulan na bumabagsak sa isang stage kung saan nagpe-perform ang singer na si Juan Karlos.

Pero the show must go on para sa singer! Pati ang mga manonood, tila hindi alintana ang ulan dahil karamihan sa kanila ay hindi na nag-abala pa na magpayong at para bang mas na-enjoy pa ang set ng singer dahil dito.

Maririnig sa video na kinakanta ni Juan Karlos ang hit song na ‘Ere’ na ni-release last year na agad na kinahumalingan ng mga tao dahil isa itong heartbreak song at marami ang nakakarelate.

Sa kasalukuyan, mayroon nang mahigit 3M views ang official music video nito at mahigit 54 views naman sa official live performance.

Ginanap ang performance na ito sa culminating concert noong October 20 na kabilang sa maraming activities ng ika-77 Adlaw sa Ormoc na nagsimula noong September 28 at magtatapos sa November 8.

Ikaw, susulitin mo rin ba ang ganitong pagkakataon, umulan man o bumagyo?

Likas na sa mga Pilipino ang pagiging masiyahin at resilient kahit ano pa man ang pinagdadaanang mga problema.

Kung kaya naman hindi na bago ang makakita ng mga nakakaloko at nakakaaliw na content mula sa ibang tao kahit pa may… bagyo?

Katulad na lang ng ginawa ng isang content creator sa gitna ng baha.

Kung ano ang buong kwento, alamin.

Sa isang tiktok video na in-upload ni Ken Tolentino, kapansin-pansin ang may kalakasang umaagos na tubig baha na mistulang kape dahil sa kulay nito.

Pero hindi iyon ang main star ng video, kundi ang tatlong tao na humahataw sa gitna nito!

Tila hindi alintana ng tatlo ang ga-tuhod na tubig baha dahil todo bigay pa rin ang mga ito sa paggiling! Sa sobrang pagkakasiyahan pa nga ay makikita na na-out of balance ang babae sa dulo ng video.

Habang sa likod naman nila ay makikita ang tila live audience na kasawal na nakaupo na para bang hindi lubog sa baha ang kanilang lugar.

Bumenta naman ito sa mga tao sa comments section at mayroon pang nagsabi ng ‘Baha ka lang, Pinoy kami.’ habang ang iba naman ay nagbigay ng paalala na mag-ingat dahil sa banta ng leptospirosis.

Sa ngayon, mayroon nang 2.6m views ang TikTok video, 290.2k likes, at 2,118 comments.

Ikaw, ano ang masasabi mo sa nakakaaliw na video na ito?

Maniniwala ka ba na maaari kang magkaroon ng tirahan kahit na wala pang P100 ang ilalabas mong pera?

Posible yan sa isang village sa Germany.

Kung bakit ganun kamura ang renta, alamin!

Bukod sa tubig at kuryente, renta ang isa sa pinakamalaking binabayaran ng mga tao kada buwan.

Pero hindi yan problema sa isang village sa Augsburg, Germany dahil halos wala nang binabayaran ang mga tenants na nakatira rito. Sa halagang .88 Euros o 54.85 sa Philippine Peso, secured na ang isang taong renta mo.

Ito ay ang housing project sa Germany na tinatawag na Fuggerei at 500-taon nang nagbibigay pabahay sa mga mahihirap na residente.

Sinimulan ito ng myembro ng isang mayamang pamilya na may copper business na si Jakob Fugger.

Ang Fuggerei ay mayroong 140 apartments at may halos 150 tenants.

Isa sa mga ito ang 29-year-old na si Noel Guobadia na inakalang hindi sila tatanggapin ng kanyang pamilya sa Fuggerei noon dahil sila ay migrants.

Habang ang 73-year-old cash register naman ng Fuggerei na si Ilona Barber na nangongolekta ng fee mula sa mga turista na bumibisita sa rito ay nakatira rin sa nasabing village kasama ang kanyang mga alagang hayop.

Gayunpaman, hindi raw basta-basta na nakakakuha ng apartment dito at mayroong guidelines na sinusunod sa loob ng 500-taon.

Isa sa requirements ay dapat katoliko ang aplikante at kinakailangang magdasal ng tatlong beses sa isang araw. Ang rason nito ay ang paniniwala ni Jakob na agad siyang mapupunta sa langit dahil maraming tao ang nagdadasal para sa kanya.

Kaugnay nito, sinisiguro naman ng isa sa kanilang social workers na si Doris sa Parish office kung ang mga aplikante ay Katoliko.

Bukod diyan, inaasahan din na tumulong sila sa paghahardin at pagtatrabaho bilang night guard, at pagsapit naman ng alas diyes ng gabi ay isinasarado na ang kanilang gate kung kaya naman kinakailangang magbayad sa night guard ng .50 Euros o 31 Pesos ang sinumang lalagpas sa curfew.

Nasa pangangalaga pa rin ng mga Fugger ang Fuggerei at nagkaroon na rin ng mas madaming apartments at mayroon na ring museum at gift shop.