EXPLAINERS

Umani ng papuri ang center ng Miami Heat na si Bam Adebayo dahil sa pagsagot ng isang phone call habang nakikipag-usap sa press matapos ma-eliminate ang New York Knicks.

Sino nga ba ang tumawag sa atleta?

Alamin.

Sa isang video, makikita ang professional basketball player na si Bam Adebayo na nasa kalagitnaan ng presscon at sumasagot sa tanong ng interviewers.

Ngunit bigla na lamang napatigil sa pagsasalita si Adebayo dahil sa pagva-vibrate ng kaniyang cellphone at humingi ng ilang sandali sa press.

Dinampot niya ang kaniyang cellphone na nakataob sa ibabaw ng mesa para tingnan kung sino ang tumatawag, at nang malaman kung sino ito ay walang pag-aalinlangan niyang sinagot at panandaliang hininto ang presscon.

Napag-alaman kung sino ang tumawag sa kaniya nang bumati ito ng ‘hi, mommy’ sa kausap at sinabi rito na kasalukuyan siyang nasa media.

Maririnig at makikita sa atleta na kalmado at puno pa rin ito ng respeto habang kinakausap ang kaniyang nanay kahit pa biglaan itong tumawag habang nasa gitna siya ng trabaho.

Sandaling nag-usap ang dalawa at humingi pa ng sorry ang basketball player sa press bago muling pinagpatuloy ang pagsagot sa tinanong ng mga ito.

Umani si adebayo ng magagandang komento mula sa netizens at sumaludo sa pagiging mabuti niyang anak dahil marespeto siya sa kaniyang nanay at tinawag pa na magandang impluwensya sa mga kabataan.

Ikaw, anong masasabi mo sa gesture na ito ng atleta?

Maraming fur-parents ang itinuturing na stress reliever ang mga alaga nilang hayop. Patunay niyan ang isang pusa sa Russia na naging overweight at nahirapang maglakad…

Kung ano ang buong kwento, alamin.

Nag-viral sa isang Russian social network na Vkontakte (veecontact) ang pictures ng 14-year-old na obese na pusa na si Kroshik matapos itong ipost ng volunteers ng Matroskin Animal Shelter sa Perm, Russia.

Makikita sa picture na hirap ang babae na buhatin ang pusa dahil masyado itong malaki at mataba!

Ayon sa staff ng Matroskin, si Kroshik ay isang rescue animal mula sa isang local hospital na tinawagan sila dahil hindi na ito makalakad sa sobrang katabaan at dahil na rin sa edad.

Nanirahan si Kroshik sa basement ng ospital at lumobo na lang ang katawan dahil sa overfeeding.

Ayon pa nga sa Matroskin Animal Shelter, sobra-sobrang pagmamahal daw ang ibinigay kay Kroshik dahil ang fans nito ay palagi siyang dinadalhan ng mga pagkain at naging unofficial mascot pa ng ospital.

Nang i-examine naman siya ng mga veterinarian ay lumabas na 17 kilograms ang kanyang timbang kahit na nasa pagitan lang dapat ito ng 5-7 kilograms.

Binigyan ng drastic weight loss program si Kroshik at ginawan din ng improvised water treadmill sa isang maliit na bathtub ng kanyang bagong taga-pangalaga upang makapagbawas ng timbang.

Ngunit sa kasamaang palad ay binawian din ito ng buhay ilang linggo lang matapos siyang dalhin sa fat camp.

Nagkaroon naman daw ng progress si kroshik at nakapagbawas ng 7 pounds ngunit nagkaroon din ng problema sa paghinga at nasawi.

Pinaniniwalaan ng mga veterinarian sa diet center na hindi hindi agad nakita sa scans ang cancerous tumors na namuo sa kanyang spleen at iba pang organs dahil sa sobrang taba, bukod pa riyan, pinaniniwalaan din nila na ang tumors ang nag-trigger sa marami pang organs na mag-collapse.

Sinabi naman ng may-ari ng Matroskin cat shelter na hindi pa rin sigurado kung ano ang cause of death ni Kroshik dahil isasagawa pa lang ang kanyang post-mortem exam.

Samantala, nagpasalamat naman ang bagong taga-pangalaga ni Kroshik sa rehabilitation center at sa mga taong tumulong.

Ikaw, ano ang reaksyon mo sa nakakalungkot na kwento na ito?

Matatawag na hobby para sa isang tao ang pangongolekta ng merchandise o kung anu-anong gamit na may kinalaman sa mga iniidolo at kinahihiligan nila. Tulad ng 20-anyos na lalaki sa Taiwan, pero ang problema ay itinapon ng kaniyang nanay ang kaniyang koleksyon!

Kung bakit, alamin.

Sa Chiayi City, taiwan magkasama sa iisang bahay ang isang mag-ina. Ang 64-anyos na nanay ay kinilala sa apelyido nito na Chien, habang ang anak naman niya ay hindi tinukoy ang pangalan.

Pebrero ngayong taon nang itapon ni Chien ang 34-volume manga comics na Attack on Titan na koleksyon ng kaniyang anak sa kadahilanang nainis siya na nag-ookupa ito ng malaking espasyo dahil sa dami nito at inaamag na rin daw.

Wala sa bahay ang kaniyang anak nang itapon ang mga iyon kung kaya naman matindi ang naging galit nito nang makauwi.

Dahil dito, isinumbong si Chien ng kaniyang anak sa mga pulis at nagsampa pa ng reklamo sa korte at sinabing sinira nito ang kaniyang personal property nang walang consent.

Sa korte, nirason ni Chien na kaya niya itinapon ang comics ay dahil mamasa-masa na ang mga ito at nag-ookupa ng malaking espasyo at makatarungan naman daw ang kaniyang ginawa.

Sinabi rin ni Chien na nais niyang magkabati sila ng anak ngunit nagmatigas ito at tumanggi.

Bagama’t humingi ng tawad si Chien sa anak, hindi na siya sumipot pa sa mga sumunod na pagdinig sa korte dahil tinanggihan din nito ang hiling niya na out-of-court settlement.

Destruction of Property ang chinarge ng prosecutors kay Chien ngunit nagkaroon din ng resolusyon pagkalipas ng anim na buwan.

Ayon sa hatol ng korte, dapat ay respetuhin ni Chien ang karapatan ng kaniyang anak sa mga pag-aari nito kahit na sila ay mag-ina.

At bilang mild lang naman ang ginawa ni Chien, pinagbayad siya ng korte sa damages sa halagang nt$5,000 o 8,778.73 sa Philippine peso.

Isa naman na ngayong collector’s item ang itinapong comics dahil hindi na ito ni-reprint kung kaya naman mahirap nang makakita ng complete volume nito at mas mataas na ang halaga.

Ikaw, anu-ano ang kinokolekta mo at paano mo ito inaalagaan?

Kung sa Pilipinas ay halos buong taon na mainit ang panahon, ang isang lugar naman sa India, ang may pinakamataas na highest rainfalls sa buong mundo.

Kung bakit, alamin.

Ang lugar ng Mawsynram sa India na matatagpuan sa bundok ng Khasi Hills sa Meghalaya State ay ang tinatawag na Wettest Place in the World o lugar na palaging basa dahil sa madalas na pag-ulan dito.

Nagtutuluy-tuloy ang ulan sa lugar na ito tuwing monsoon season o mula June hanggang September. Dahil sa malakas na pag-ulan, prone ang mawsynram sa fogs, landslides, baha, at madalas pang mawalan ng kuryente.

Ang paraan naman ng mga naninirahan dito upang hindi gaanong marinig ang malakas na pagbuhos ng ulan ay ang paglalagay ng damo sa bubong.

Bukod dito, malaking tulong din sa kanila ang tradisyonal na payong na tinatawag na knup na walang hawakan dahil ipinapatong lang ito sa ulo.

Itinuturo namang dahilan ng palagiang pag-ulan sa nabanggit na lugar ay dahil nasa 1400 meters above sea level ito.

Umaakyat sa kabundukan ang hangin na dumadaan sa Bay of Bengal tuwing monsoon season at nagko-condensate roon ang water vapor na siyang nagreresulta sa pag-ulan.

Samantala, napag-alaman naman na ang khasi community na pinagmulan ng karamihan sa mga nakatira sa Mawsynram ay isa sa mga huling Matrilineal Society na nag-eexist na kung saan ay apelyido ng mga nanay ang ginagamit ng kanilang mga anak at ang bunsong anak na babae ang nagmamana sa kanilang mga ari-arian, in short, mga kababaihan ang mas nasusunod.

Ikaw, gugustuhin mo bang bumisita sa malamig na lugar ngunit palaging inuulan?

Hindi na lingid sa kaalaman ng mga tao na ang Ninoy Aquino International Airport o NAIA ay madalas na nakararanas ng delays sa flight, pagkakaroon ng mabagal na internet, at marami pang issues.

Ngunit sapat na nga ba ito para matawag ang naia na worst airport in the world? Alamin.

Sa isang pag-aaral na isinagawa ng isang Australian firm na Compare the Market, 60 prominenteng mga airport sa buong mundo ang pinag-aralan, pati na rin ang kanilang Google review ratings, efficiency, accessibility, services, cleanliness, at Skytrax ratings.

Sa 60 na airport, lumapag sa pinakadulo ng listahan ang NAIA at nakakuha ng overall index na 0.24.

Samantala, nakakuha naman ito ng 6.6 na efficiency and accessibility rating, 6.1 para sa services, at 6.8 para naman sa cleanliness.

At kapag sinearch naman sa google ang naia, makikita na ang kasalaukuyang 19,042 user reviews nito ay nagresulta sa 3.8 out of 5 na ratings at 3.0 rate naman mula sa Skytrax.

Ngunit, kahit pa ganito kababa ang ratings na nakuha ng Ninoy Aquino International Airport, ika-50 naman ito sa listahan ng busiest airport globally base sa passenger footprint, bilang ng flights kada araw at ng mga destinasyon nito.

Sa ngayon, under rehabilitation pa rin ang Ninoy Aquino International Airport sa ilalim ng pamamahala ng New Naia Infra Corp. at binabalak na tapusin sa february sa susunod na taon.

Para sa’yo, ano ba ang depinisyon ng isang ‘best’ airport?

Content creator na nagbihis at ala-superhero sa kalsada, sumobra nga ba sa mga ginawang pakulo?

Kung ano ang ginawa nila, alamin.

Sa content ng vlogger na si Boy Banat, makikita ang dalawang lalaki na nakasuot ng costume ni San Goku at Spiderman habang pakalat-kalat sa kalsada.

At para kumpleto ang kanilang get up, mayroon pa itong dalang espada bilang props at kung anu-anong pakulo ang ginawa katulad ng panghahabol at kuwariang panghaharang ng mga sasakyan na dumaraan.

Nakipaglaban pa ito kunwari sa isang lalaking nakasuot ng maskara ni Batman pati na rin sa isang motorsitang nakabihis Pikachu.

Hindi lang iyan, inedit pa nila ang video at nilagyan ng effects na tila ba mayroon silang super powers.

Bagama’t nakakaaliw tingnan ang kanilang mga bihis at mga effects na inilagay dito, hindi ito ikanatuwa ng PNP Highway Patrol Group sa Cebu, lalo na ang isang delikadong stunt na ginawa nila.

Ang pagda-drive raw ni ‘Superman,’ ang pagsakay ni ‘San Goku’ sa itaas ng tricycle, at ang pagpwesto ni ‘Batman’ sa harapan ng tricycle ang delikadong stunt na ginawa ng mga ito na tumawag sa kanilang pansin.

Ipinatawag ang tatlo sa para pagsabihan na huwag nang ulitin ang ganoong gawain ngunit hindi sumipot ang lalaking naka masakara ni Batman.

Humingi naman ng tawad ang dalawang lalaki sa mga fans at sa pang-aabala sa mga tao at nangakong hindi na uulitin, at pagkatapos nito ay pinauwi na rin ang dalawa.

Ikaw, ano ang masasabi mo sa kakaibang trip ng content creator na ito?

Madalas na naglalaan ng ilang buwan o taon ang ibang tao para makaipon at makabili ng mga bagay na kanilang gusto. Pero ang isang indian teenager, nagkaroon ng bagong iPhone matapos mag-hunger strike sa loob ng tatlong araw!

Kung ano ang kwento sa likod nito, alamin.

Sa isang video na in-upload ng Indian journalist na si Abhishek sa application na X na mayroon nang 3.2M views, makikita ang isang binata na mayroong hawak na makapal na pera sa kanyang kamay habang iniinterview ng isang lalaki.

Sa interview, tinanong ang binata kung para saan ang hawak nitong pera at sinabing ito ay pambili ng iPhone. Pati ang babaeng nasa likuran nito na kanya palang nanay ay ininterview din at doon nalaman na ang pangkabuhayan pala nito ay pagbebenta ng bulaklak sa labas ng isang temple.

Sinabi naman ng nanay na binigyan niya ng pera ang kanyang anak na pambili ng bagong cellphone dahil tatlong araw itong hindi kumain. Aniya pa, masaya siya ngunit gusto niyang paghirapan ng anak ang perang ginastos para rito at ibalik sa kanya.

Umani ng mahigit dalawang libong replies ang video sa X na kung saan karamihan ay kinaawaan ang sitwasyon ng nanay dahil napansin ng ilan ang ‘heartbreaking’ na facial expression nito.

Ang iba naman ay pinuna ang ginawa ng binata na pagpupumilit na bilhan siya ng bagong cellphone at sinabi pa ng iba na kung gusto niya talaga ng bagong gadget ay dapat daw pinagtrabahuhan at pinag-ipunan niya ito.

Sa dulo ng video ay makikitang inunbox ng binata ang kanyang brand new cellphone at nakatanggap pa ng regalo mula sa shop owner.

Ikaw, hanggang saan ang kaya mong gawin para sa pinapangarap na gadget?

Samut-sari ang naging komento sa isang wedding video sa Facebook dahil tila ibang pangalan ang narinig ng mga tao na binanggit ng groom habang sinasabi ang kaniyang wedding vow.

Totoo nga ba ito? Alamin.

Sa isang maikling video sa Facebook, makikita ang bride at groom na magkaharap at nagtatawanan. Ipinakita rin ang ilan sa mga bisita na naluluha pa.

Dahil sa parte na iyon ng video ay nagpapalitan na ng vows ang ikinakasal, kung kaya naman hindi naiwasan ng mga bisita na maging emosyonal.

Tanging ang lalaki lang ang maririnig na nagsasalita sa video at nanunumpa sa kaniyang bride na mananatili siyang in love rito at magiging matalik nitong kaibigan habambuhay.

Ngunit, doon na pumasok ang pagkalito sa mga nakapanood ng video at sinabing nagbanggit ng pangalan ng ibang babae ang groom.

Ang pangalan naman na narinig ng mga netizen online ay ‘Pau’ na ex-girlfriend pala ng lalaki.

Kung paanong nalaman ito ng mga tao? Ito ay dahil ang groom sa video ay ang Filipino basketball player na naglalaro para sa Barangay San Miguel Ginebra na si Scottie Thompson.

Si Thompson at Pauline o Pau Fajardo ay nagkaroon ng 8-year relationship bago na-engage sa isa’t-isa noong new year’s eve 2021, ngunit naghiwalay noong april sa kaparehong taon.

Makalipas lang ang ilang buwan ay ginulat ng basketball player ang fans nang pakasalan niya ang babae sa video na si Jinky Serrano pagdating ng June 2021.

Ngunit totoo nga ba na ibang pangalan ang sinabi ng groom habang nanunumpa sa kanyang bride?

Sa isang video na uploaded sa Official YouTube channel ni Thompson na may title na ‘Scottie and Jinky Full Wedding Vows,’ maririnig na malinaw na

sinabi nito sa kanilang sumpaan na ‘I vow na to stay in love with you forever’ at hindi ang pangalan ng kanyang ex-fiancee na si Pau.

Maaaring nagkamali ng rinig ang karamihan dahil magkatunog ang vow at Pau, kung saan putol din ang video na kumalat kung kaya’t nagkaroon ng kalituhan sa mga nakapanood.

Sa kasalukuyan, tatlong taon nang kasal sina Scottie at Jinky at may dalawa nang anak. Habang si Pauline naman ay happily in a relationship na rin.

Ikaw, isa ka rin ba sa mga naniwala sa kumalat na video?

Kalusugan ang isa sa pinaka-iniingatan at inaalala ng bawat magulang sa kanilang mga anak. Pero, ano ang gagawin mo kung ang doktor na mag-oopera sa anak mo ay nanonood lamang ng YouTube tutorials habang nag-oopera?

Katulad na lang ng nangyari sa isang pamilya sa India.

Kung ano ang buong kwento, alamin.

Dinala ang isang 15-year old na lalaki sa isang ospital sa Saran District, Bihar dahil sa nararamdamang sakit ng tiyan at pagsusuka.

Nakatulong naman sa lagay ng bata ang pag-admit sa kanya sa ospital dahil tumigil din ito sa pagsusuka.

Ngunit, sinabi raw ng doktor na si Ajit Kumar Puri na kinakailangang operahan ang bata.

At kahit walang consent ng pamilya ng pasyente, itinuloy pa rin ng doktor ang operasyon.

Ang resulta nito, imbis na makabuti ay lumala pa ang lagay ng bata!

At nang tanungin naman ng pamilya ang doktor kung bakit ganoon ang nangyari matapos ang operasyon ay sinagot sila nito ng, “Kayo ba ang doktor o ako?”

Sinubukang iligtas ang bata sa pamamagitan ng CPR ngunit matapos nito ay napagdesisyunan ng doktor na ilipat ang bata sa isang ospital sa Patna ngunit binawian din ito ng buhay habang nasa byahe.

Ang masaklap pa rito ay iniwan na lang daw ang katawan ng bata sa hagdan ng ospital bago tumakas ang doktor.

Inakusahan naman ng pamilya na ang doktor ay nanonood ng youtube tutorials kung paano magtanggal ng gallbladder stones habang isinasagawa ang operasyon.

Sinampahan na ng reklamo at tinutugis ang doktor at ang kanyang staff habang ang ibang pasyente sa nursing home ay naiwang abandunado matapos umalis ng mga staff.

Ikaw, ano ang masasabi mo sa kalunus-lunos na kwentong ito?

Tila kinokontrol ng kakaibang elemento ang katawan ng lalaking sakay ng pinahintong sasakyan sa Florida, USA para magsagawa ng routine traffic stop.

Kung ano ito, alamin.

Sa isang video na nagmula sa Volusia’s County Sheriff’s Office, makikita ang isang lalaking nakaupo sa passenger seat ng sasakyang pinahinto sa gilid ng kalsada.

Kapansin-pansin ang kakaibang kilos ng lalaki dahil hindi ito mapakali at lumiyad pa sa bintana ng sasakyan!

Agad siyang inalalayan ng mga awtoridad para muling ipasok ang kanyang katawan sa sasakyan.

Sumunod nito ay tinitigan niya lang ang mga opisyal at biglaang umamba ng takas nang buksan ang pinto. Pero hindi pa man nakakalayo ay agad siyang nahuli ng mga ito at pinadapa sa damuhan.

Pagkatapos noon ay ininspeksyon ng mga awtoridad ang sasakyan nito at doon na bumulaga sa kanila ang tunay na rason kung bakit tila balisa at hindi makausap nang maayos ang lalaki.

Kung ano ang mga ito?

Apat na kilo lang naman ng iba’t ibang klase ng droga! Kabilang sa mga ito ang ecstasy, aphetamine, ketamine, at cannabis.

Hindi na rin pinalampas ng mga otoridad ang bahay ng suspek kung saan nakatira ito kasama ang kanyang ama. Nang halughugin ito ay tumambad sa kanila ang mas marami pang uri ng droga katulad ng cocain at magic mushroom na siyang kinukunsidera na pinakamaraming bilang ng droga na nakumpiska sa Volusia County

Bukod pa sa mga iligal na droga ay mayroon ding nadiskubreng baril sa bahay nito at ang isa ay nakaw pa!

Hinuli ang supek na si Carey Thomas Crownover na pinatawan ng patong-patong na kaso kasama ang kanyang ama at ang kasama nitong driver sa sasakyan.

Ikaw, anong masasabi mo sa biglaang nadiskubreng krimen na ito?