INTERNATIONAL NEWS

16 na katao ang patay habang 6 ang sugatan matapos ang nangyaring landslide sa Western Uganda.

Ito’y matapos makaranas ng walang tigil na pag-ulan sa naturang lugar kung saan nagresulta ng malawakang pagbaha at pagguho ng mga lupa.

Samantala, sa ngayon ay nasa mahigit 300,000 indibidwal na ang naapektuhan sa naturang insidente.

Sa kauna-unahang pagkakataon ay nagsalita na sa publiko ngayong araw (oras sa Pilipinas) ang bagong hari ng Britain na si King Charles III.

Isang araw ito matapos pumanaw ang kaniyang ina na si Queen Elizabeth II.

Sa pre-recorded statement ng hari na ginanap sa blue drawing room sa Buckingham Palace, binigyang-pugay ni King Charles ang namayapag ina dahil sa pagiging inspirasyon nito sa kanilang buong pamilya.

Nangako naman ang hari na ipagpapatuloy niya ang mga naunang nasimulan ng reyna.

Samantala sa nasabing event din hinirang ni King Charles ang panganay na anak nitong si William at daughter-in-law na si Kate bilang Prince at Princess ng Wales.

Timbog ang dalawang South Koreans na sangkot sa Telephone Fraud o Voice Phishing sa kanilang bansa.

Kinilala ang dalawa na sina Juyeon Lee at Seungyeol Lim.

Ayon sa Criminal Investigation and Detection Group (CIDG), miyembro umano ng isang sindikato, sa BF Homes sa Paranaque City noong Huwebes.

Nanloloko ang mga ito sa pamamagitan ng pagpapanggap bilang mga opisyal ng bangko o bilang isang call center seller.

Si Lee ay pinaniniwalaang underboss ng Majun Family na nagpapatakbo ng ilang voice phishing call centers sa Metropolis, na nakapanloko na ng 200 at 15 biktima na may katumbas na $3.7-M sa loob ng 6 na buwan.

Sa ngayon, nasa kustodiya na ng Bureau of Immigration ang dalawang suspek.—sa panulat ni Hannah Oledan

Opisyal na ipoproklama bukas, araw ng Sabado bilang King Charles III ang successor at eldest son ng yumaong si Queen Elizabeth II.

Ito ang kinumpirma nina Prince William at Kate Duchess of Cornwall and Cambridge.

Base sa tradisyon ng monarkiya na si Prince Charles ang siyang una sa line of succession sa edad na 73.

Nabatid na isasagawa ang proklamasyon kay Prince Charles bilang King ito sa St. James Palace sa London sa harapan ng ceremonial body na kilala bilang accession council na lalagdan naman ng ilang senior personalities kabilang ang prime minister, archbishop of canterbury at ang Lord Chancellor.

Samantala, magkakaroon din ng bagong titulo ang may-bahay ni Charles na si Camilla na magiging queen consort.

May bago ng hari ang United Kingdom.

Sa katauhan ito ni Prince Charles III na makikilala na bilang King Charles III.

Hinirang si King Charles III matapos pumanaw ang ina nito na si Queen Elizabeth II, Longest-Reigning British Monarch na namuno ng 7 dekada.

Sa Balmoral Castle sa Scotland binawian ng buhay si Queen Elizabeth kung saan present ang buong royal family.

Naka-half staff na ang bandila sa Britanya at White House, naka-dark ang royal webiste at nakapatay ang ilaw ng Eiffel Tower bilang pakikiramay sa nangyari.

Sa ngayon, nagpaabot na ng pakikiramay sa pagpanaw ng reyna ang ilang world leaders kabilang ang white house, sina Pope Francis, Italian Prime Minister Mario Draghi, Ukrainian President Volodymyr Zelensky, United Nations Secretary General António Guterres at iba pa.

Ngayong araw inaasahang magbibigay ng public address si King Charles III bilang bagong hari ng Britanya.

Pumanaw na kaninang ala-1:30 ng madaling araw sa edad na 96 si Queen Elizabeth II , Longest-Reigning British Monarch na namuno ng 7 dekada.

Kinumpirma ito ng Buckingham Palace matapos isailalim sa Medical Supervision ang reyna matapos maalarma ang kanyang mga doktor kaugnay ng kanyang kalusugan.

Sa Balmoral Castle sa Scotland binawian ng buhay si Queen Elizabeth kung saan present ang buong Royal Family.

Sa ngayon, naka-half staff na ang bandila sa Britanya at white house bilang pakikiramay sa nangyari.

Ang anak ng reyna na ni Price Charles ang susunod na magiging hari sa ilalim ng pangalan bilang King Charles III.

Patay ang 35 habang sugatan naman sa pagsabog ang mahigit dalawampung indibidwal sa naganap na pagsabog sa northern Burkina Faso na sakop ng West Africa.

Ayon sa gobernador ng Sahel Region na si Lt. Col. Rodolphe Sorgho, sakay ng isang convoy car ang mga sibilyang biktima habang patungo sana sa bayan ng Bourzanga at Djibo nang madamay sa pagsabog.

Sa imbestigasyon ng mga otoridad, posibleng mga miyembro ng islamic extremist rebels ang may gawa ng pagsabog na tumutukoy sa Al-Qaida at Islamic State Group na nakapatay ng libu-libong katao.

Nabatid na ito na ang ika-limang pagsabog na naganap sa naturang lugar mula pa noong nakaraang buwan.

Patay ang isang ginang matapos atakihin ng isang bull shark sa Bahamas.

Ayon sa mga otoridad, naganap ang insidente habang nag iisnorkeling sa karagatan ng Green Cay ang 58-anyos na babae mula Pennsylvania, kasama ang kanyang pamilya.

Nagtungo ang pamilya sa Bahamas bilang bahagi ng 7-night cruise sakay ng Royal Caribbean International Ship Harmony of the Seas.

Nabatid na sumali sa isang “Independent Shore Excursion,” ang pamilya na hindi sponsored o inorganisa ng cruise line.

Sinubukan pang iligtas ang biktima ngunit nasawi rin ito kalaunan.

Sinabi naman ng cruise operator ng royal caribbean na magbibigay sila ng tulong at suporta sa naiwang pamilya ng biktima.

Bibili ng milyong halaga ng armas pandigma ang Russia sa North Korea.

 Ayon kay John Kirby, tagapagsalita ng White House National Security Council, gagamitin ng Russia ang mga armas para mapunan ang naubos na stock dahil sa pananakop sa Ukraine.

 Hindi naman sinabi ni Kirby kung nakumpleto na ng Russia ang pagbili ng mga armas at kung gagamitin nila ito sa nagpapatuloy na paggiyera sa Ukraine.

 Matatandaang maliban sa pananakop ng Ukraine, malaki rin ang naging epekto sa Russia ng ipinatupad na control at sanction ng ilang Western Country.