Sumampa na sa 74 ang bilang ng mga nasawi matapos ang magnitude 6.8 na pagyanig na naganap sa Sichuan, China noong Lunes.
Ayon sa mga otoridad, sumampa na rin sa 250 na mga indibidwal ang sugatan habang tinatayang nasa 26 pa ang kasalukuyang pinaghahanap.
Matatandaan na namataan ang sentro ng lindol 226 kilometers sa lugar ng Southwest Chengdu.
Sa ngayon ay patuloy pa rin ang pagsasagawa ng search and rescue operation ng mga otoridad hinggil sa nasabing insidente.
Dalawa katao ang nasawi habang libo-libong residente ang napilitang lumikas dahil sa wildfire sa Southern California.
Ayon sa mga otoridad, ilang mga gusali ang napinsala dahil sa mabilis na pagkalat ng apoy.
Isinugod naman sa ospital ang isang indibidwal dahil sa tinamong burn injuries sa braso, likod at mukha.
Patuloy na inaalam ng mga otoridad ang sanhi ng wildfire.
Nagpaabot ng pakikiramay ang Taiwan Government matapos maitala ang magnitude 6.8 na lindol sa probinsya ng Sichuan, China.
Ayon kay Taiwan First Female President Tsai Ing-Wen, handa silang tumulong at magpadala ng mga rescuer bilang tanda ng kanilang mabuting kalooban sa Beijing sa kabila ng ilang linggong tensyon ng mga militar.
Nabatid na nais ng China na mapunta sa kanila ang pamamahala sa Taiwan pero mariin itong tinututulan ng gobyerno ng Taipei kung saan, nagsasagawa na sila ng drills sa paligid ng isla.
Matatandaang binisita ni U.S. House Speaker Nancy Pelosi ang Taiwan noong nakaraang buwan na nagtulak sa China para sakupin ang Taiwan.
Samantala, umaasa si Tsai na mabilis makakabawi at makakabalik sa normal ang China sa tulong narin ng search and rescue at post-disaster recovery work.
Sa ngayon, sumampa na sa 65 ang bilang ng mga nasawi; 248 ang bilang ng mga sugatan; habang 12 naman ang patuloy pang pinaghahanap ng mga otoridad matapos ang pagyanig sa China.
Himalang nakaligtas at nagtamo lamang ng mga pinsala sa katawan ang 16 na katao sa India matapos bumigay ang sinasakyan nilang amusement rides.
Ayon sa mga otoridad, bigla na lang nawala sa kontrol ang drop tower sa isang fair sa mohali, Indian state ng Punjab.
Umabot pa sa 50 pulgadang tuktok ang bilog na platform bago ito tuloy-tuloy na bumagsak sa pinaka-ibaba.
Lulan ng amusement ride ang nasa 50 katao nang maganap ang aksidente.
Sa ngayon, ginagamot na sa ospital ang mga biktima na nasugatan sa leeg, likod at panga.
Sumampa na sa 65 ang bilang ng mga nasawi habang sa magnitude 6.6 na pagyanig na naganap sa Sichuan, China.
Ayon sa mga otoridad, sumampa na rin sa 248 na mga indibidwal ang sugatan habang tinatayang nasa labing dalawa pa ang kasalukuyang pinaghahanap.
Matatandaan na namataan ang sentro ng lindol sa lugar 226 kilometers ng Southwest Chengdu.
Sa ngayon ay patuloy pa rin ang pagsasagawa ng search and rescue operation ng mga otoridad hinggil sa nasabing insidente.
Patay ang 46 na indibidwal sa naganap na magnitude 6.8 na lindol sa probinsya ng Sichuan China.
Namataan ang sentro ng lindol sa 226 kilometers sa southwest Chengdu kung saan, nasira ang mga kabahayan, ilang kalsada at tulay.
Wala namang nasirang dams at hydropower stations matapos ang pagyanig pero nagdulot ito ng takot sa mga residente.
Sa ngayon, patuloy pang nagsasaga ng search and rescue operation ang mga otoridad sa nabanggit na bansa.
Tuluyan nang binitay ng mga Hamas ang limang Palestinians sa Gaza matapos pawang masangkot sa kasong murder at pakikipag-ugnayan sa Israel.
Iginiit naman ng Ministry of Interior ng Gaza na nabigyan ng pagkakataon ang mga binitay upang ipagtanggol ang kanilang sarili.
Mababatid na ito ang unang pagbitay na isinagawa sa Gaza sa loob ng mahigit na limang taon.
Sugatan ang pitong katao matapos barilin ng Palestinians ang isang Israeli bus sa disyertong highway sa occupation of West Bank.
Ayon sa Israeli militarity authorities at medics, anim na sundalo at isang sibilyan ang sugatan sa naganap na engkwentro.
Ayon sa mga saksi, nag-overtake sa bus ang mga Palestinian na sakay ng isang kotse at saka ito pinaulanan ng bala.
Nang huminto ang bus, saka ito sinubukang pasabugin sa pamamagitan ng pagsunog gamit ang sulo.
Arestado naman ang dalawang Palestinian na sangkot sa naturang insidente nang masunog ang kanilang sinasakyan, habang nakatakas naman ang pangatlong suspek na pinaghahanap na rin ng awtoridad.
Matatandaan na noong nakaraang buwan ay nagkaroon din ng isang shooting spree na tinarget ang isang Israeli bus sa occupied East Jerusalem kung saan walo naman ang naitalang sugatan.—sa panulat ni Hannah Oledan
Hindi bababa sa 10 katao ang nasawi habang 15 naman ang sugatan sa serye ng pananaksak sa dalawang komunidad sa probinsya ng Saskatchewan, Canada.
Nangyari ang mga pag-atake sa iba’t ibang lokasyon, kabilang ang lugar ng James Smith Cree Nation at Weldon, habang may 13 pang crime scenes na iniimbestigahan ang mga otoridad.
Kinilala ang mga suspek na sina Damien Sanderson at Myles Sanderson, na patuloy na pinaghahanap ng mga otoridad.
Agad namang isinugod sa ospital ang mga nasugatan kung saan, umapela na ng karagdagang staff ang Saskatchewan Health Authority upang rumesponde sa sitwasyon.
Pumalo na sa halos 1,300 ang bilang ng mga nasawi sa nagpapatuloy na pagbaha dahil sa walang tigil na pag-ulan sa Pakistan.
Ayon sa National Disaster Management Authority (NDMA), lubog parin sa baha ang malaking bahagi ng naturang bansa partikular na ang probinsya ng Balochistan, Khyber, Pakhtunkhwa, at Sindh na nasa bahagi ng Southern Pakistan.
Pumalo naman sa mahigit 1.4 million na kabahayan ang nasira habang 736,459 naman ng livestock ang nasayang dulot ng malawakang pagbaha.
Umabot naman sa kalahating bilyong indibidwal ang nagsilikas na ngayon ay pansamantalang nananatili sa ilang mga relief camps habang nasa 13k katao naman ang apektado ng kalamidad.
Sa pahayag ni Federal Minister of Poverty Alleviation and Social Safety Shazia Mari, nasa 723,919 na apektadong pamilya ang nabigyan ng cash relief habang patuloy pang nagsasagawa ng relief operations ang mga ahensya ng gobyerno katuwang ang mga Non-Government Organization (NGO’s).
Samantala, kinumpirma naman ng Disaster Management na ang dahilan ng pagbaha ay bunsod ng pabago-bagong klima sa Timog Asya at ang pagkatunaw ng glacier o yelong bumabalot sa mga ilog at bundok sa nabanggit na bansa.