INTERNATIONAL NEWS

Umakyat na sa pito ang bilang ng mga nasawi sa magnitude 7.6 na lindol na tumama sa Papua New Guinea.

Ayon sa mga otoridad, inaasahang madadagdagan pa ito ngayong nagsimula na rin ang mga aktibidad ng mga rescuer sa mga remote at landslide-hit communities.

Sinabi ni Police Commissioner David Manning na tatlong minero ang nalibing nang buhay sa bayan ng wau habang ang apat naman sa mga biktima ay nagmula sa Morobe at Madang Provinces.

Tumulong na rin ang ilang missionary groups at pribadong kumpanya upang maabot ang  mga isolated community.

Samantala, batay sa assessment ng UN, napinsala rin ng lindol ang Ramu Hydropower Plant, na nagresulta sa total system outage sa  Highlands  Provinces, Madang, at Morobe.

Sa kauna-unahang pagkakataon, nagbigay ng talumpati si King Charles, III sa Parliyamento, ilang araw matapos ang pagpanaw ng kanyang ina na si Queen Elizabeth, II.

Ibinigay ng bagong hari ang kanyang Inaugural Parliamentary Address sa harap ng mga miyembro ng Elected Lower House of Commons at ng Upper Chamber House of Lords sa Westminster Hall.

Isasagawa ang public viewing kay Queen Elizabeth, II sa centuries-old na Parliyamento ng Britain para sa apat na araw na official lying-in-state bago ang libing nito sa Lunes.

Tutungo naman si King Charles sa Scotland, para makipag-prusisyon kasama ng kabaong ng kanyang ina sa kahabaan ng royal mile sa Edinburgh hanggang St. Giles’ Cathedral, bago ang religious service at vigil sa Lunes. —sa panulat ni Hannah Oledan

Pumalo na sa 93 ang bilang ng mga nasawi sa naganap na magnitude 6.8 na lindol sa Sichuan Province, Western China.

Ayon sa mga otoridad, pinaghahanap parin hanggang ngayon ang nasa 25 indibidwal matapos matabunan ng lupa.

Nabatid na pinaka apektado ang mga residenteng nakatira sa Chengdu na nasa ilalim ng Strict zero-covid controls kung saan, hindi sila maaaring umalis sa kanilang lugar at tirahan hanggat walang kautusan na ibinababa mula sa lokal pamahalaan.

Patuloy pang nagsasagawa ng search and rescue operation ang mga otoridad sa naturang bansa matapos ang pagyanig.

Hindi bababa sa 18 katao ang nasawi sa naganap na banggaan ng bus at fuel truck sa Northern Mexico.

Nangyari ang aksidente sa isang highway, kung saan nasunog ang mga biktima matapos sumabog ang fuel sa loob ng truck.

Nabatid na nagmula ang bus sa Hidalgo State at patungo sana sa Monterrey.

Patuloy na iniimbestigahan ng mga otoridad ang nangyaring aksidente.

Limang katao ang patay matapos yanigin ng magnitude 7.7 na lindol ang Papua New Guinea, kahapon.

Ayon sa mga otoridad, apat na iba pa ang isinugod sa ospital at nasa kritikal na kondisyon.

Maraming kabahayan ang naapektuhan ng landslide na puminsala rin sa ilan pang istruktura.

Tatlong minero naman ang pinaghananap makaraang matabunan ng lupa sa bayan ng Wau.

Samantala, inaalam pa ng mga otoridad ang lawak ng pinsala at bilang ng mga apektado ng lindol. —sa panulat ni Hannah Oledan

Libu-libong ektarya ng lupain ang nasunog sa Los Angeles, California.

Batay sa imbestigasyon ng California Department of Forestry and Fire Protection, lumala ang insidente dahil sa nararanasang mga pag-ulan, paglakas ng mga hangin, at paglamig ng temperatura bunsod ng tropical storm.

Ayon sa mga otoridad, libu-lbong katao din ang nagsilikas matapos maapektuhan ang 40% o katumbas ng 11,300 na ektarya ng lupain.

Samantala, dahil sa walang tigil na pag-ulan, patuloy paring nakararanas ng mga pagbaha at pagkaragasa ng mga putik ang lugar dahil narin sa climate change o pabago-bagong klima sa kanilang bansa.