INTERNATIONAL NEWS

Sumampa na sa siyam ang bilang ng mga nasawi sa gumuhong gusali sa Amman, Jordan.

Ayon sa mga otoridad, kabilang sa mga survivor mula sa gusali ang isang limang buwang gulang na bata na stable na ang kondisyon.

Sinabi naman ni Civil Defense Chief Hatem Jaber, magpapatuloy ang search and rescue operations upang mahanap ang mga survivor, kung saan mahigit 350 rescuers na ang kabilang sa operasyon, gayundin ang mga drone at police dogs.

Samantala, ipinag-utos na ni Prime Minister Bisher Al Khasawneh ang imbestigasyon sa pagguho ng naturang gusali.

Nagsagawa ng first visit sa Northern Ireland si King Charles III sa gitna ng kaniyang visit tour sa apat na bansa sa United Kingdom at bago ang ikakasang state funeral ng kaniyang yumaong ina na si Queen Elizabeth II.

Si King Charles III ang sumunod sa trono ng kaniyang ina matapos ang pagpanaw nito noong September 8, 20222 na nakagawa ng 39 na pagbisita sa Northern Ireland na pinaka bagong history matapos mabahiran ng sectarian violence o communal violence sa British rule.

Samantala, inaasahan namang dadalo ang naturang hari sa Anglican Religious Service sa nabanggit na lugar, kung saan dadalo rin ang presidente, prime minister at foreign minister ng Ireland.

Limang indibidwal ang nasawi matapos gumuho ang isang four-story residential building sa Amman, Jordan.

Ayon sa mga otoridad, 14 na indibidwal ang nasugatan sa insidente habang may ilan pa na na-trap sa naturang gusali.

Sinabi naman ng ilang opisyal na kabilang sa posibleng dahilan ng pagguho ng gusali ay dahil luma na rin ito.

Sa ngayon ay nagpapatuloy ang rescue efforts ng mga otoridad upang mahanap ang iba pang mga survivor habang inaalam  ang tunay na sanhi ng pagguho ng nasabing gusali.

Nadagdagan pa ang bilang ng mga nasawi sa malawakang pagbaha at walang tigil na pag-ulan sa pakistan bunsod ng Monsoon rains o Habagat at Glacier o ang pagkatunay ng yelo mula sa kabundukan at mga ilog.

Ayon sa mga tauhan ng National Disaster Response Team, pumalo na sa 1, 481 ang mga nasawi kabilang na ang 274 na kabataan habang 54 naman ang nasa kritikal na kondisyon sa ospital.

Sa naging pahayag ng Meteorological Department,  libu-libong residente ang nawalan ng tirahan matapos masira ang ilang mga village, tulay, at kalsada kung saan asahan parin ang mga pag-ulan sa ilang distrito na sakop ng mga probinsya ng pakistan sa susunod na 24  na oras hanggang 72 oras.

Sa ngayon, nasa milyong Pakistani ang apektado at pansamantalang nakatira sa mga open highways at higher planes dahil 90% ng distrito sa bansa ay nananatili paring lubog sa baha.

Patuloy pang nagsasagawa ng Search and Rescue operation ang mga otoridad para hanapin ang iba pang nawawala sa gitna ng kalamidad.

Nakarating na sa Buckingham Palace mula sa Edinburgh  Scotland at London ang labi ni Queen Elizabeth II.

Libo-libong mamamayan ang naghatid sa labi ng reyna nang bumiyahe ito mula sa St. Giles Cathedral patungong Scottish Capital sakay ng C-17 Globemaster Transport Place.

Sa magiging funeral ng Reyna, magsusuot ng military uniforms ang lahat ng miyembro ng Royal Family maliban kay Prince Andrew, Duke of York.

Dadalo sa State Funeral ni Queen Elizabeth ang ilang matataas na lider sa mundo.

Kabilang na rito sina U.S. president Joe at First Lady Jill Biden at Canadian Prime Minister Justin Trudeau.

Hindi naman dadalo ang mga leader ng bansang Russia, Myanmar, North Korea at Belarus dahil sa ilang isyu.

Umakyat na sa pito ang bilang ng mga nasawi sa magnitude 7.6 na lindol na tumama sa Papua New Guinea.

Ayon sa mga otoridad, inaasahang madadagdagan pa ito ngayong nagsimula na rin ang mga aktibidad ng mga rescuer sa mga remote at landslide-hit communities.

Sinabi ni Police Commissioner David Manning na tatlong minero ang nalibing nang buhay sa bayan ng wau habang ang apat naman sa mga biktima ay nagmula sa Morobe at Madang Provinces.

Tumulong na rin ang ilang missionary groups at pribadong kumpanya upang maabot ang  mga isolated community.

Samantala, batay sa assessment ng UN, napinsala rin ng lindol ang Ramu Hydropower Plant, na nagresulta sa total system outage sa  Highlands  Provinces, Madang, at Morobe.